هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
| |
11-07-2010, 10:26 PM
| #1 (permalink) | |||||||||
|
مستشار المؤسس ~  
| 
رد: (بعد الغياب) انا :
قمرهم كلهم الحين خالد صحا من النوم ومشتهي له فنجال قهوة ونازل على الدرج الكل طبعا كان تركيزه مع الجازي ودانة وماحد منتبه صوب الدرج.. خالد اللي نازل بشويش.. لما وصل لنص الدرج لفت انتباهه أنه دانة حاضنة حد ووجهه غير واضح.. وقف مو عارف وش السالفة لما خلصت دانة قرايتها.. الجازي رفعت رأسها وخالد تراجع بعنف وحياء لما عرف الجازي وحس بطعنة مؤلمة لذيذة في عمق قلبه الشفاف كان شكلها اليوم ورقة طلتها أكثر من عذاب بالنسبة له أكثر من العذاب بكثير رجع خالد لغرفته قبل ماحد ينتبه لك لكن في كل مرة يشوف الجازي يكون خالد قبل شوفة الجازي.. غير خالد بعد شوفة الجازي خالد الآن هائم.. سرحان.. ذائب.. مسحور..مشدود.. مذهول..................يحب أ يكون هذا قدر ابناء أبوخالد؟؟ أن يذيب ابناء أبو سعود قلوبهم الشفافة؟؟ خالد كان جالس على سريره وهو يحس أن رجوله ماتشيله.. وطبول الحرب تعلن صراخها الأبدي في قلبه بنبضاته المجنونة.. (أنا ابي أعرف الجويزي البزر ذي أشلون قدرت تقلب كياني كذا.. أشلون؟!!.. أشلون؟!!) خالد حاس بألم حقيقي يجتاحه بحده.. وهو يشعر بمدى تجذر إحساسه بالجازي في عمق أعماقه.. يكره مشاعره المتدفقة بعنف ناحية الجازي.. ويتمنى لو يستطيع أن يوقف طوفانها الهادر اللي كان يسحبه بعمق.. قبله دانة حاولت أن توقف طوفان مشاعرها ناحية سعود.. وفشلت.. فياترى بينجح خالد في اللي فشلت فيه أخته؟!!!!! ******************* دلال قاعدة تشوف التلفزيون.. وهي مالها خلق شي الوحم كان ذابحها.. ماجد داخل بشويش دلال وحمها صار بماجد.. ماتطيقه يجي جنبها ولا تطيق ريحته.. (من قد ماهي تحبه.. يُقال اللي تموت بزوجها يجي وحمها فيه!!!!) وماجد ميت من شوقه لها.. له أكثر من أسبوعين حتى يدها مامسكها.. كل ماحاول بس يقعد جنبها.. نطت للحمام ترجع.. ماجد في نفسه(كيفها... هي أصلا مرجعه مرجعه!!) ماجد جاء من وراها بشويش.. ومع أن دلال بدت تشم الريحة.. بس قبل ما تنتبه كان يحضنها من وراها ويطبع قبلته الدافية المشتاقة على خدها ومع أن دلال بدت تصرخ وهي تحاول تخلص نفسها من يدين ماجد.. بس ماجد مافلتها إلا لما طاب خاطره، ثم قال بعيارة : خلاص روحي رجعي الحين.. دلال نطت للحمام ترجع.. ماجد خذ كاس ماي ووقف لها عند الباب.. دلال طلعت .. خذت منه الكأس وراحت جلست بعيد عنه.. وهي تقول بتعب: حرام عليك حبيبي.. لا عاد تقرب مني فديتك.. خلني لين أخلص وحامي بس حرام عليك.. ماجد بمرح: ومتى ذا الوحم بيخلص.. عقب ماتطلع روحي.. دلال بتردد: أبي لي شهر بعد يمكن.. ماجد باستنكار: شهر بعد.. أنتي اللي حرام عليج.. اتقي الله فيني.. دلال بعذوبة: خلاص حبيبي وش رأيك أرجع لبيتي.. وتجي عمتي عندي لين اخلص وحم.. ماجد برفض قاطع: لا لا ياقلبي مستحيل.. أنا ممكن أستحمل أي شيء وأنتي قدامي.. بس أني ما أشوفج بعد هذي ما أقدر استحملها.. وعقب كمل بعيارة: كله من عين أختي.. أمحق أخت.. كل ماتشوفني تقول أمي داعية لك.. تجي تشوفني الحين وأنتي تشوتيني.. دلال برقة: غصبا عني حبيبي.. كلها شوي ويخلص الوحم.. ماجد بمرح: زين بس أقعد جنبج.. ماراح أسوي شيء.. دلال برعب: لا ماجد تكفى خلك بعيد.. تعبت من كثر الترجيع.. ****************** الجازي رجعت لبيتهم بعد ماتعشت في بيت عمها محمد اللي جاء يأخذها.. بعد ما أتصل عليه سعود يروح يجيبها.. سعود قرر أن يقلل روحاته لبيت عمه قد مايقدر احساسه بوجوده قرب دانة.. أكثر من مؤلم بالنسبة له وفوق احتماله وطاقته وقلبه المتيم فيها خالد ماطلع من غرفته نهائي.. الرجّال اللي خذ سيارته جاء ووقفها في مظلة بيتهم وعطا المفتاح لسواقهم وراح.. عقب ماكلم خالد.. محمد لما جاء يأخذ أخته.. شاف سيارة خالد اتصل عليه ينزل عليه.. خالد نزل على محمد والبنات كانوا انتقلوا لمجلس الحريم.. وقف عند محمد الجالس في سيارته وهو يسولف معه.. وقلبه مشغول بالمخلوقة اللي بتطلع بعد شوي وكان يبي يدخل قبل هي تطلع مايبي يشوفها.. شوفتها تعذيب له بكل معنى الكلمة بس وهو بعده يسولف مع محمد اللي كان يقول له عن سفرته لدبي مع سالم طلعت الجازي اللي حومت كبدها لما شافت خالد واقف (وع.. أبي اعرف محمد وش عاجبه في ولد عمه المعفن ذا؟!) الجازي ركبت جنب محمد.. وخالد حس أنه من الذوق أنه يسلم فقال لها بأدب : مساش الله بالخير يا بنت سعيد الجازي في نفسها (ياشين التميلح) وردت عليه بدون نفس: مساك الله بالنور خالد (وش فيها كني ذابح أمها وإلا أبيها؟!) : أشلونش وأشلون الوالدة؟؟ الجازي ماردت عليه متقصدة محمد يحسبها ماسمعت.. قال بطريقته المرحة: هيه الجويزي عمش خالد يقول: أشلونش؟؟ الجازي ببرود وقح: ماعندي عم غير عمي هادي.. وترانا تاخرنا واجد يامحمد..خلنا نمشي محمد يضحك وقال وهو متقصد: أخس ياذي.. تنافخ بعد وجه البومة.. خالد ضحك.. حس محمد يبي ينتقم له من وقاحتها.. والجازي ولعت على محمد وعبرتها نطت بحلقها وسكتت محمد كمل عليها للآخر: لحول الحين الليلة بيغرق بيتنا دموع.. دلوعتنا انجرحت مشاعرها تكفى ياخالد لا تنسون الامدادت العاجلة وقوارب النجاة.. خلاص الجازي قفلت.. فتحت الباب ونزلت.. محمد بعصبية: وين بتروحين؟؟ الجازي بصوت مخنوق وهي تحاول ماتبكي عشان ماتشمت خالد فيها: ما أبي أروح معك.. بأكلم سعود يجيني.. محمد ولع: اركبي قدام أقطع العقال على ظهرش ياقليلة الحيا.. الجازي مشت تبي تدخل داخل.. في الوقت اللي محمد نزل معصب.. محمد كان مستحيل يضربها لأنه يشوف الجازي طفلة بكل معنى الكلمة.. لكنه عصب عليها لأخر حد.. أولا قلت أدبها على ولد عمها.. ثانيا: فشلت محمد وصغرته قدام خالد خلاص محمد صار واصل الجازي وهي مرعوبة منه وحاسة بغلطتها اللي هي سوتها مادرت وين تروح كان أقرب حد لها خالد اللي لحق محمد يبي يمسكه خالد انصدم بل انصعق بل انسحق وهو يشوف الجازي تتوجه ناحيته لا ووتخبى ورا ظهره وهي تقول وهي تبكي: تكفى خالد تكفى لا تخليه يضربني هنا.. خلاص بأرجع معه..خله يضربني في البيت.. وهي تقول كلمتها وتمسك في عضود خالد من وراه وهي متخبية وراه من محمد لنا أن نتخيل إذا كان ملمس شعر الجازي فعل بخالد شيء لايمكن وصفه بالكلمات.. فكيف بملمس كفيها الناعمين على عضديه الصلبين؟!!!! الجازي الطفلة بتهورها الأهوج أولا وأخيرا.. لم تعرف ماذا فعلت بقلب هذا المتيم.. كانت لمستها له بالنسبة لها غير مقصودة.. ولم تثر في داخلها أكثر من رغبتها البريئة الطفولية في الاحتماء شيء لم يتجاوز هذا مطلقا إلى عمق مشاعرها بينما لمستها صهرت قلب خالد صهرا.. أذابته أشعلت مشاعره المهتاجة بعنف مرير أصلا نسفت كل وعوده الفاترة أنه سينساها أو يتنساها لكنه حاول كتم طوفان مشاعره الهادر الكاسح وهو يمسك بيد محمد ويقول بأخوية: طالبك محمد خلاص.. الجازي في وجهي وزبينتي وأنا طالبك ماتسوي لها شيء في البيت.. محمد بغضب: ماني بمسوي لها شيء.. بس دواها عند سعود... الجازي سمعت اسم سعود بكت بهستيرية: تكفى ياخالد قل له لايقول لسعود شيء.. خلاص انا اسفة.. والله ما أتعودها كله ولا سعود.. تكفى ياخالد..تكفى.. خله هو يضربني بس لايقول لسعود شيء خالد خلاص ماعاد مستحمل أصلا.. يبيهم يروحون ينهار ماسكة فيه وتقول له تكفى لا وتبكي بعد وحدة من هذي الثلاثة كافية تذيب قلبه.. فكيف بها كلها مجتمعة؟!!! خلاص قلبه ماعاد مستحمل.. ثلاث ضربات في الرأس تقتل خالد بصوت شبه منهار: محمد تكفى طالبك يا أخيك طلبة تنسى ذا الموضوع وماتقوله لأحد الموضوع كله مايستاهل محمد اللي هدأ شوي: خلاص عشان خاطرك أنت بس ياخالد.. وانتي يالجويزي قدامي محمد لحد الحين يشوف أخته الجازي طفلة.. عشان كذا ماقدر يعتب عليها على حركتها.. ولا على طريقة استنجادها بخالد الشبيهه بطرق الأطفال الجازي فلتت عضود خالد.. ورجعت لسيارة محمد وركبت وهي بعدها تبكي بصوت مرتفع.. خالد تماسك لحد ماطلعت سيارة محمد برا البيت وانهار جالس على عتبة باب البيت.. وتيارات مشاعر عنيفة متوحشة حادة وعميقة تمزق قلبه الرقيق لشظايا متطايرة.. ************** عبدالعزيز يعود لبيته بعد صلاة العشاء مباشرة.. كانت نورة تتكلم في التلفون مع أمها بعد ماخلصت الشاور اللي هي خذته بعد جهد التنظيف اللي اليوم.. أول ماشافته دخل أستأذنت أمها وقفلت.. عبدالعزيز سلم.. وجلس بارهاق جنب نورة.. وهو يخلع غترته ويحطها جنبها.. ويسند رأسه على كتف نورة.. نورة بحنان وهي تنظر لعينيه المغلقتين تحضنه برقة وتمسح على شعره بحنان: وش فيك حبيبي كنت طالع من عندي للصلاة مافيك شيء؟؟ تعبان؟؟ عبدالعزيز بخفوت: شوي ياقلبي.. نورة بحب: موضوع عبدالله بعد؟؟ عبدالعزيز بتحسر: وفيه غيره.. تو فاضل مكلمني.. أملي بالله كبير.. لكن كل يوم يمر يحسرني أكثر.. واللي ذابحني جواهر.. جواهر يانورة.. نورة برقة: فديتها جواهر ماشاء الله عليها متصبرة وشايلة هم الناس كلهم.. عبدالعزيز بحسرة: بالكم ماحد فاهمها قدي.. أنا اللي حاس فيها.. في النار اللي بقلبها.. مثل ماكانت تخبي وجيعتها في عيالها.. وتنطر الليل يجي عشان تفضي قلبها الحين حتى البكاء حرمت نفسها منه عشان عبدالله.. أنا أحس بروحها وهي تذوب شوي شوي.. خايف عليها يانورة خايف عليها.. نورة بحب: لا تحاتي فديتك.. هذا عيالها عندها ملهينها.. وبكرة بعد تجيب بيبي صغير يأخذ كل وقتها.. ويلهيها عن التفكير عبدالعزيز بتعب وهو يشد على خصر نورة ويحضنها: أتمنى.. أتمنى ********************* في بيت أبو خالد الليلة قلبان ذائبان.. منهاران من بعد خروج الجازي من بيتهم وكل منهما معتكف في غرفته المغلقة عليه ولكل منهما سبب لانهياره خالد سبب انهياره هو الجازي ذاتها الطفلة الطائشة التي اذابت قلبه الشفاف وهي لا تعلم ولا تقصد.. ودانة سبب انهيارها هو ما أحضرته الجازي معها دفترها الوردي الضخم دانة لما تركت دفترها عند سعود كانت الصفحات العشر الأخيرة بيضاء فارغة.. لكنها الآن ممتلئة.. بخط سعود المشابه له في أناقته واستقامته.. دانة شعرت بصدمة حقيقية وهي ترى صفحاتها المغزوة بمشاعر سعود وانفعالاته أخذت نفسا عميقا وبدأت تقرأ وهي ترتجف كورقة يابسة وحيدة معلقة في غصن.. تنتظر هزة الريح الأخيرة لتسقط.. وأناملها الطويلة الناعمة تلامس بارتعاش هادر أوراقها التي احتضنت خطا غير خطها.. ومشاعرا غير مشاعرها ولم يكن خط أيا كان ومشاعره بل كان خط سعود ومشاعره.. | |||||||||
  |
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| انت تدري وش حضورك..قبل تبدا في الغياب..! | فراشه فوشيه | الشعر والخواطر والقصائد | 12 | 10-09-2010 03:23 PM |
| |
العرض المتطور
