منتديات بنوته - عرض مشاركة واحدة - رواية ورود في مزبلة الواقع....رواية قمة لا تفوتوها...

09-15-2010, 11:00 PM

... مــعَـ أشراقّــهـ شـ م ــس جديًدهـ ..

شًمــسـ غطتهــا الغُيـومـ ..

والسـ مً ـــاء باهَتــهـ بدُونـ لوُنـ ....

سمعت صوت جرس الباب ناظــرت بالشنط القليله وهي تاخذ انفاسها ..
ضمت لانا لصدرها و ضبطت العبايه على راسهـا ..: ايوا دقيقه ..

لانا ابتسمت لامها : وين وين بلوووح دوليلي .. تكفيـــن ..

شجن متوتره لابعــد درجــه ..
وترثي زمنها اللي جبرها تتنازل عن كرامتها وتفكــر بالحل العاقــل
كانت تفكر تعارض وترفض وتستنكــر ..
لكن ضحكت على غبائها .. هي مو محصله الريال تدفع فيه اجار الشقــه ورحمه من ربــي انه ارسل هذا مساعــد ..

قطعت على نفسها وعــد .. حلفت ترمي لانا بالشارع اذا مانفذته ..
بتطلع عيون هذا المساعد وبتعلمه ان الله حق ..
وبترد كرامتهــا من ام مطلق ..

فتحت باب الشقه .. وكان هو بوجهه الكريـه قبالهـا ..

مساعد ناظرها وهي بالعبايه ورافعه لانا وجهزه لشنـط ..
ماعترضت ..
ماعملت حركاتها ..
انسانه ماهو قادر يفهمها ..وش ناويه عليه .. مايامن جانبهــا ..

قالت لانا وهي معصبه وتناظر عمها : انت اللي دلبت ماما ..يااادوووب ...

شجن ماعصبت عليها ولا هزئاتها .. سكتت .. بعد ماعطت لانا امس دروس بكــره مساعد ..وانه عور ابوها وطلع منه الدم واخذه من عندهم..

مساعد ابتسم للانا : يلـه حبيبة عمـو نروح عند جده وعمتوا ..

لانا ماعطته وجه وهي تناظره بزعــل .. طفله ماتفهم شي .. بس تنفذ اللي طلبته منهــا امهــا ..

شجن ماناظرته .. تقســي قلبها على قد ماتقدر علشان تبعد الخوف منــه ..
قالت بدون نفس : لايكثــر.. وخذ لشنط .. السياره تحت صح ..

مشت من عنده وهي مرعوبه من الخوف .. تحس ان جسمها يرتجف .. بس ضروري تبين القوه .. علشن ماتنداس ..

وقفها وهو يسحب لانا منها ..
لانا صرخت وهي تمد ايدها لامهــا ..
امسك ايد بنت اخته وثنبتها عليه : شنطتك انتي تنزليها .. انا اللي ابغاه بنت اخوي مو انتي .. والله علشانها بدخل وحده مثلك لبيتي ..

ضلت ماتناظره عيونها على الشنط وهي تحس بدمهــا يثور .. له عين يحكي ..: لاتنبسط بحالك كثير .. وتغتر بقوتـك – ارتجف صوتها – كل ظالم له يــوم .. ياعم بنتي المحترم ..

طلعت كل الشنط برى وقفلت الباب ..
مسكت الشنط الكبيره ورفعتهم من الارض ..
شنطتين باللون الاسود والرمادي نزلتهم من الدرج وهي تحس بنظرات قاتل زوجهــا ..

كرامتها ضايعه ..
خااايفه وتصطنع القــوه ..
قســوه الايام والزمن عليهـــا ..

نزلت من العماره لسياره اللي ماتعرف شكلها ولا لوحتها .. المهم تهرب قبل مايرجع الخوف يسيطر عليها بعد ماطردتــه ..

مساعد رفع الشنطه الوحيده الباقيه .. وهو فاهم قصدها من حكيهــا
من لظالم هاللحيــن ..
هي والا هـو ..
من اللي اخذ اخوهم منهم وغضب ابـوه وامـه عليه ..

نزل وهو ناوي عليها .. يكــرها اكثــر مما كان يتوقـعه هو ..

لانا كانت تحول تتخلص من عمها : اتلكــني مابعى تطلع منـي دم اتلكنــي .. اتلكنـــي ..

ابتسم لها الطفل الصير بسرعه نقدر نكسبه بالمعامله الحلوه ..
: ليه اطلع منك دم انا عمــك مثل بابا خاف عليك ..

لانا بخبث طفولي وذكاء : آآآ.. تخاااف مثل بابا .. انت طلعت من بابا دم تخااف ياكذاااب ..

هز راسه .. بعد مربيه بنتها تكرههم ..: لااا من قالك محد طلع من بابا الدم بابا فوووق بالسماء ..

وصل لعند البوابه وناظرها واقفه عند الشنط .. قالت له بسرعه ومن طرف انفهـا : وين سيارتك ..؟!

مساعد عصب من جد بس كتم اعصابه : هناك دخلي شنطك بالشنطه شوي شوي ..ولاتوطوطي قدامي اجلسي ورى ..

شجن .. (( مرره ميته عليك اجلس قدم مع ذا الوجه ..
آآآآآآه لو ان ظروفي مو غيــر آآه ))
: اقول اعطيتك وجه دخلها انت وحرك بسرعه ذبح بنتي البرد ..ارفعها كويس لاتطيح ..

دخلت لسياره من ورى وسكرت الباب وهي تحاول تستفـزه قـد ماتقدر ..

مساعد كان عاقد حوجبه دلاله العصبيه ..
ضغط على اسنانه وهو يتمالك اعصابه ..
على اخــر حياته تجي وحده مثل هذي وتحكي معه كذا ..

دخل الشنط وسكــر شنظه السياره بقوه.. وبنفس القوه سكر الباب بعد مادخل ..
تسكيرته ارعبت شجــن ..
تحس بانفاسها متسارعه من الخوف ..
وجــه يرعبها .. يذكرها بمطلق ودمــه ..

جلس لانا بالكرسي اللي بجنبه وفتح الدرج طلع منه حلويات واعطاها اياها ..
اشتراهم لها مخصوص : خذي حبيبتي ..

ناظرت شجن شكله وهو يبتسم وجزء من اسنانه تبان .. تمنـت لو تكسر اسنانه وفكــه ..
ياشينه لابتسم ..

لانا رمت الحلويات من حظنها لعند لارض : مابعــى منك شي .. صح ماما ..

شجن ابتسمت وحركات لانا تبرد صدرها ..
اختفى احساسها بالانتصار من نظرة مساعد للي ارعبتها ..
انكمشت على نفسها وهي تقول بتشجيع : ايوا ماما صح .. شطووره حبيبتي ..

مساعد حرك سيارته : ونعم الام والله .. كنت عارف انك ماتستاهلي تكون معك لانـا ..

لانا قالت وهي توقف وتقفز لورى بسرعه عند امهــا : ماما حتى لجده ولعمه بعمل كذا أنا شاطـره صح ..

شجن ضمتها وهي تحس نظرة مساعد من المرايه الصغيره : ايوا شاطره بس جده كبيره لانا نحبها اما الباقي يــــع لاتحبيهـم ..

مساعد مسك اعصابه زياده عن اللازم .. قل بعصبيه واضحه : لاتعلمـي البنت تكــره اهلهــا .. ناويه تحرميهم منها مثل ماحرمتيهم من مطلق ...

شجن ببرود : على الاقل حرمته منهم وهو عايش يتنفس ويمشي مو قتلـ..

قطعها بعصبيه اكبـر : انتي يبغلك تربيه من جديد يابنت الـ**** ..

شجن عصبت : لاتحكي عند البنت بهالالفاظ ..

مساعد باستهزاء : مصيــرها بتعرف امهــا ايـش .. وبنت ميــن ..؟!

شجن سكتت مالقت شي ترد فيه عليه ..
لفت وجهها لسياره وناظــرت بالطريق وهي تضم لانا وتمسح على شعرها .. من زمـان ماضمت بنتها كــذا ..
يمكن تدور الامــان بدل ماتعطيها اياه ..
يمكــن تبغى تاخذ قوه من ضعفها هــي ..

بيوم بتعرف لانـا هي من تكــون ..؟!
ويمكـن تستعر منها ..
يمكن تلومها ليه هــي امهــا ..
يمكن تنزل راسها للارض واصل امهــا ضايع ..

ناظرها من مرايه السياره وسكوتهـا المفاجاء ..
ماتعــود يجرح ..
ماتعــود يظلـم ..

بس معها يتجرد من شخصيه .. لواحد هو نفسـه مايعرفــه ..
يكـون قاسي ..
ظالم ..
مستبد ..
يجرح ويمشـي ..

رفع شماغه فوق عقاله باهمال وهو يبعد نظره عنها بضيقــه ..
هي الضحيــه والا الجانيـــه ..