منتديات بنوته - عرض مشاركة واحدة - رواية ورود في مزبلة الواقع....رواية قمة لا تفوتوها...

09-15-2010, 11:00 PM

.. لكـــل فعــل ردة فعــل ..×

ارتاحت اخير من الالم اللي كان مقطع جسمها .. ومن الاستفراغ اللي تطلع روحها معــه ..

تمددت على السرير بتعــب وهي هلكـــانه ..

راميه ايدها بجنبها ورجلها .. مسترخيـــــــــــه بسريرها ..

تاخذ انفاسها من التعــب .. وماتبغى تسمع صوت شي .. تبغــى الهدوء وبس..

حركت شفايفهــا ببطء وهي تردد ابيات طرت ببالها :البشر يشكون من ظلم الزمـان ..
والصحيح الظلم من اهل الزمن

صدق بعض الناس ما فيهم حنان
منهم احلـى المشاعـر اختفـن

وناس نشريها ولا نبغي ضمـان
طيبهم ما يحتوي شبهـه وظـن

لكـن الدنيـا عجيبـه للعيـان
يافهيم القول والخلـق الحسـن

عندها راعي الخيانه له مكـان
والوفي تهدي له الوان المحـن

قلت قولي واطلب الله المستعان
يحرسك من شر واشرار الزمن

سكتت وهي مخنوقـــه .. ومافي شي يوصف مشاعرها بهاليــوم ...

اندق جوالها .. ناظرته بدون نفس .. رفعته ..(( ديومه تتصل بك ))...
اوووه ديما قديــــــمه ..
من زمـــان عنهــا .. من اخر هوشه بينهم ماعاد درت عنها ..
ردت وهي مستلعنــه : خير وش تبين ..؟!

ديما بسرعه : سعووووو حياتي رديتي علي مانـــي مصدقه ..

سديم تاففت ووهي مبسوطه بلهفت ديما : هااا وش عندك ..!؟

بصوت شبه باكـي : جد طردوك .. خلاااص سديم ماعاد تجــي للجامعــه ..

سديم وصلت لنقطــه معينـــه ..
كانت مجرد ستايل واللكل يناظرها باحتقار ..
هللحين جد بتكــون مثل ستايلهــا ..
خلااااص..
اعلنتها وماعاد للاحترام مكــان بقلبهــا .. باعت الشعارات اللي صارت بنظرها كــذاب ..
ومن اليوم بتكـــون مثل احمـد و بدر...

ديما بكت : لااا سعووود ماقدر مناظرك انا بدونك اموووت ..الايام اللي فاتت كانت ثقيلـــه عالــي ..

سديم بدت تدخل العالم اللي حاولت تبعد عنه وكانت قريبه منه بستايلها المقزز : يااابعدي بسم الله عليك من المــوت ..

• البقيـــــــــــــــــه انتـــــــــمـ .. ارقى منـ قرايتهــ ...
وأنا أتعفف عن كتابتــه .. دامه مايخدم الروايه بشي ...

×.. ماقدر ألعب ..×

بالقبو الدافــي ..البسيـط ..

كنبه متصله ببعض وديزانرها العصــري ..بلون الابيض وخداديات باللون الاخضري العشبي مع خداديات فوشيه ..

وكنبين منفصلين واحد بلون العشبي والثاني بالفوشــي ..
سجاد لارض مرسوم بحلقات درجاته الوانه بلوري والفوشي ...

الجدار بالخضر الهادي .. ومرسوم باشكــال تنشر الحيويــه ..

واضحه بصمه ريوف وذوقهــا بمخبائها السري على حد حكيها ..

تثــاوبت وهي تسمع الجمله للمره المليــون من اول مادرت ريـوف بالخبـر ..: والله مــاني مصدقـه بتعيشي معنــا على طــول ..يعني انتي ويعقوب بتتزوجن ..

هزت راسها وهي تبتسم وعيونهــا ناعســه من امـــس مانامــت كويس وهاللحيـن مضطــره تسهــر مع ريوف ..

صرخت ريوف بحماس وعدم تصديق : اللـــه .. انا اخت العريس وصديقه العروس .. اي صديقتها الا اختهـــا ..

فجر صفطت بنطلون بيجامتهــا البطيخيــه .. وهي تغالب النــوم ..: اكيد اختــي وحبيبتي بعــد ..

ريوف بحماس : والله لارقص رقص بزواجكــم ..

فجر ابتسمت لها وهي تتمد بزاويه من زوايه الكنب الطويل المتصل .. وثبتت مخده تحت راسها ..
فتحت شعــرها ودست ايدها تحت خدها وهي تغمض عيونهــا ..: والله ريوووف بموت من النوم ..

ريوف ضحكت ببلاهه : نامي ياعروس وش عندك تدلعي ..

فجــر مالقت الا لنوم وسيله للهروب ..
حست جسمها يستجيب لنــوم .. قالت بصوت ناعس يادوب سمعته ريوف وهي تتثاوب : خـ آآآآ .. لاااآآآصـ آآآ ص ...

ناظرت ريوف : من جدك والله بتنامي .. يآآآآآه نامت البنت ..

سحب بطانيه من بطانيات السهره الخفاف وغطت فيها فجــر .. طفت الانور ماعدت نور شاشه البلازمــا ..
وتمددت هــي بعد غطت نفسهـــا ونامت على احلاااام جميله بزواج اخوها من فجــر ..

.
.
.

فتحت عيــونها على هزات خفيفه من ايـد م يعقوب : فجــر فجــر ..

ناظرت بام يعقوب وبالمكان حولهــا .. لحد ماستتوعبت هي نايمه وين ..؟!..
عدلت جلستها باحراج ... وناظرت بالعبايه اللي لابستها ام يعقوب : نعم خالتـي ..

ام يعقوب تناظر ساعتها وتقول بهمس علشان ماتسمعهم ريوف ..: قومي حبيبتي الساعه 9 .. بنطلع نحلل انتي ويعقوب ..

ناظرت فيها برعب : نحــــلل ايش ...؟؟؟!!

ام يعقوب بحنان : تحليل دم لزواج عارفه هــذي الايام مايعقدون الا بتحليل ..

فجر لمت شعرها وايدها ترتجف ..
الدعــوه فيها تحليل ..
يمكــن فيها شي مرض من سوابقهـا ..
يمكن يطلع التحليل الســر اللي تحول تداريــه ..

قالت وهي تبلع ريقها : لااا ..مابغى ..خلاااص ماعاد ابغى عرس ..

ناظرتها ام يعقوب باستغراب : فجـــر ايش فيــه ..؟!

فجر ناظرت بام يعقوبتترجاهـا : تكفيــن خالتي مابي العرس ..مابغـــى ..- بكــت - ..

ناظرتها ام يعقوب بحنان : خلاااص حبيبتي لاتبكــي بس احكي لي وش اللي ضايقك ..ومـ

قاطعها صوت ريووف وهي تفرك عيونها وتبعد شعرها الكاريه عن وجهها الدائري : وش فيك فجر ليه تبكــي ع الصباح .. يمــه وش عامله بالبنت ..

ام يعقوب ببراءه وهي تنزل حجابها : ماعملت شي ..

فجر هزت راسها بنفي وهي تحس باهتمامهم وحنانهم : مابغى اتزوج .. انا راضيه بحالي كـذا .. والله قريب بطلع من هنا برجع لجده ..بس لاتزوجوني ولدكـم ..

ام يعقوب بسرعه: ياقلبي وش هالحكي ..؟! مالك طلعه الا لما يجي ابوك واذا على الزواج خلاااص مو لازم ..

ريوف شهقت : لااا تكفين فجوره قولي انك تمزحــي الله يرحم والديك .. كل الجماعه درت .. وانتم حدث الموسـم ويعقوب مـ

قاطعتها امها وهي تناظرها بحده : ريوووف خلاااص .. هـذا زواج مافيه مجامله .. – حطت ايدها على كتف فجــر – خلاااص حبيبتي مالك الا طيبت الخاطر كمــلي نومك ..

فجر ماسكتت من البكــي .. اول مافتحت عيونها وهي متضايقــه وحنانهم يضايقهــا ماتستاهل كل هـذا .. وقررت تترك لعبتهــا السخيفــه ..

حست بالعتب بنظرات ريوف والرحــه بنظرت ام يعقوب .. استغربت من الراحــه اللي حستهـا بعيونها ..
ليه ارتاحت كــذا وخف ارتباكهــا .. معقوله ماتبغاها لولدها ..
معقوله حست بشي .. والثياب اللي رتبتها كان لها ثــر ..

ريوف اشرت لها : مالت على ذا الوجــه غيرك ..- كملت بحسـره - مي انا يعني .. يدور عريس وماهو محصل ..

فجر ناظرتها بدون نفس وهي تاخذ نفسها وتمسح دموعها : والله انك رايقه ..

ام يعقوب تغيــر لموضوع : خلاااص يابنت كملوا نومتكم والا اعطي ابـوك خبر نطلع نفطر وننبسط ..

ريوف بحمــاس خفيف : ايوا يمه تكفين من زمــان ماطلعنا مع ابوي ..

فجر وقفت : لااا انا اعذروني أطلعوا وانبسطــوا ..

ام يعقوب : اطلعي معنا تنبسطي ..

فجر قالت باستهزاء على نفسها : لااا ماهو محرم لي .. مو لازم خذوا رحتكم انتم ..

ريوف : تجلسي لوحدك بالبيت ..

ام يعقوب : اي والله ..مايصير يعقوب هاللحين بيطلع اكيد للقصيم مافيه حد بيبقى بالبيت الا انتي

فجــر بسرعه : والله عادي انا بكمل نومتــي على ما ترجـعوا ..

جاءت ريوف بتحكي اشرت لها امها تسكت بدون ماتناظرها فجــر ..
ريوف فهمت على امها ...
وسكتــوا وحبوا يطلعوا يتركــوها لوحدها .. لان نفسيتها متوتره واضح عليهـــا ..