|
رد: رواية ورود في مزبلة الواقع....رواية قمة لا تفوتوها...
من طفش المحاظره وحكي الدكتوره الزايد التفتوا لي البنات .. ماكانت مميزه بشكلها ولا ملفته للانتباه ..
ولا جمالي اخاذ لكن عارفه قدراتي .. انا انيقه ..
شعري اسود غجري .. كيرلي حيوي ..وكثيف مررره ..
لوني بين الابيض والاصفر .. لوني هادي ..
...
عيونـي سوداء بيضاويه ..
مزينه انفـي بزمام فضي ..
وفمي هو المعقدني واسع مرره مع انهم يقولوا يعطيني بشاشه ...و يزيدها جمالي اذا ابتسمت ..
بس انا ماحبــه لان مو أي ارواج تناسبه ..
جسمي طويل متناسق .. ملامحي الانثويه بارزه ..
لابسه بلوزه اسبانيه بيضاء.. مقطعه بفرفشات كثيره من قدام ..
وسديري جيلد أسود عليها..
برز خصرها اكثر ..
وتنوره جينز طويله ضيقه .. بفتحه لنص الساق من وراء ..
وجيبين من ورى ..
وكعب رفيع ..اسود ..
عارف ان ..شكلي انثوي و ناعم ..
دايـم يقولي صقر كذا ..
قلت بهدوء : دكتوره ممكن ادخل ..
ناظرتني الدكتوره بتفحص ومن ورى نظارتها الطبيه : كم الساعه عندك ..؟
فجروقفت عند طاوله الدكتوره و ابتسمت بتودد لها .. : والله ظروف يادكتوره امس اخوي رجع من السفر وماقمت الا متاخره ..
الدكتوره قالت لي بجديه : مشكلتك المحاظره كم من بدت نص ساعه وانتي تبغي تدخلي .. وش فرقك عن البنات اللي جو بدري وقبلك .....الخ ..
محاظره مده ربع ساعه عن الوقت والانضباط .. وانا ابتسم لهــا يمكن تحن عليها وتدخلني ..
قلت بعد ماسكتت : يعني ادخل دكتوره ..
وحده من البنات انفجرت بالضحك باخر المدرج ..: ههههههههه
التفتت عليها الدكتوره قالت بعصبيه وكانها نفجرت: علياء اطلعي بره انا كم مره نبهتك ان ضحكـ..
ومحاظره زياده ربع ساعه .. ضيعتها الدكتوره بالتهزياء .. وانا واقفه احتريها تدخلنــي ..
وكل هذا بالاخير قالت لي ببرود : تفضلي بره واذا عرفتي تحترمي الوقت والمحاظرات تعالي ..
طلعت وانا أسب والعنها بداخلـي ..
مالوم الا ام بدر هي اللي اخرتني .. سنه ثالثه .. مابغى شي يخرب علي او أجلس زياده بالجامعه ..
آآآآآآآآآآآآآآآآآآآآآف انا بايش والا بايش
ناظرت حولي ببنات الجامعه ولبسهم .. واشكالهم اللي تضحك واللي بتسم واللي سرحانه واللي تبكي ..
محد يتصور اني " مومـ ... " او حتى اني " لقـ...."
بنـــــــــات كثير مجتمعين بهالمكان وكل وحده لها حياتها وهمها .. كل وحده طالعه من بيئه وحياه مختلفه ..
تنهدت بضيق .. و طلعت جوالي سامسونق .. من الشنطه
كانت بدق على البنات .. بس تذكرت اليوم الاثنين ومراح يداوموا ..
آآآف محد من البنات مداوم ..
انا وش يخليني اداوم االيوم الاثنين والجامعه ماتنطاق ..
كلوا من الخايسه دكتوره مها .. الله لايوفقها وعلى كل هذا طردتني .....آف...
انتبهت من بعيد بريم ..احيانا تجلس مع الشله ..
حلو اتلزق فيها دام محد من البنات داااوم ...
الله يعيني على غثاها .. وسخافتها .. تحكي كثير وماتترك لحد مجال يحكي ..
رفعت ايدي بحيويه وانا انزل نظارتي على عيني : ريـــــــــــم .. ريوووومه ..
التفت لي ببشاه وضمتني بحماس : فجوره ..من زمــــان عنك ..
ابتسمت ببشاشه : صبــاح الخير ..
ريم : صباح النور وش هالحلى الزايد ..
قلت وانا اشر بلامبالاه : اتركي عنك الحكي الزايد والنفاق وقولي لي محد من البنات داوم ..
ناظرتني بهدوء وكانها فهمت علي اني ابغى اجلس معها : اممم لااااااااا ..
ابتسمت مجامله : مشكوره حبيتي تعبتك بسوالي ..
قالت لي مستعجله : لااا عادي وش دعوه .. تامري على شي بروح للمحاظره ..
ندمت اني رحت لعندها : لاااا سلامتك باي
ريم بلامبالاه : اوكي باي
فجر ناظرتها وهي تمشي
مالت على ذا الوجه كاني مره ميته عليها .. انا الغلطانه اللي حكيت معها ..
ناظرت ساعتي " اف سان لوران " ..باقي ساعتين على المحاظره الثانيه ..
وش اعمل بهالساعتين لوحدي .. اخذت جوالي سامسونج ..وثبتت السماعات باذني ..
جلست بزاويه بعيده عن البنات والازعاج .. وسمعت للاف ام .. لحد مايجي وقت محاظرتـي .. ..
حسيت بحد يدفني بقوه : هااااااااااااااي ..
قفزت مفزوعه .. ورفعت السماعه عن اذني معصبه .. هذي حركات شروق المهبوله : وجـــعه طيحتي قلبي ..
ضحكت شروق ببلاهه: ههههه سلامة قلبك ..
قلت بعصبيه مصطنعه : من جد بايخه شروق ايش السخافه هذي ..؟!
شروق رفعت ايدها بسرعه : اوكي اوكي .. حصل خير .. اخبارك ياحلوه ..؟! وش عندك مداومه ..؟! .. وليه مادقيتي علي ..؟!
فجر رجعت السماعه لاذني وانا مو عارفه أي سوال ارد عليه ..قلت بطفش : توقعتك ماداومتي لان البنات بيغيبوا هالايام قبل الاختبارات ..انا خلاااص ماينفع اغيب ..
شروق جلست بجنبي
كنا جالسات بمكان بعيد شوي عن البنات ..: أهااا .. المهم اسمعي عندي لك حكايه بمليون ريال ..
فجر التفتت لها بطفش مثل العاده مطيحها واحد وماهي قادره عليه وتبغاني أحاكيه..: ايش عندك .؟!
طلعت شروق جوالها : ناظررري قمر مو .. ياخذ العقل .. طحت عليه بدبنهامز الاربعاء اللي فات .. ايش قطعـــه وثقيل موت ..
ناظرت بالصوره بلا مبالاه وقلت باستخفاف : وش اسمه ..؟!
شروق بتفكير : يقول محمد بس لما طلعنا قراره انا واريج طلع اسمه مكـي ..
فجر حسيت بالقرف من اسمه لاني باختصاار اقرف من الرجال كلهم ..
يمروا علي ملاااين احلى من هذا وماحس منهم الا بالقرف : وووع مكــي ..
شروق بعقلانيه قالت لـي : ايوه جداوي وش تبي اسمه تركي .. ماعلينا .. يشتغل بالجوازات ..ومـ
قاطعتها : شررروق للاخر وش تبين ..؟!
شروق بتمسكن : بس تقابليه .. انتي اهلك فرري وعادي ..
ابتسمت بالم على كلمه .. اهلــك ..
لو تعرفي ياشروق ان مالامني الا الشارع ..
قلت بنرفزه : لااا ياشيخه ..يعني انتي اللي مرره متشددين .. قابليه انتي وبلا خرابيط ..
تاققت وقالت بلهجه مسكينه : آآآف فجـــر لاتصيري كذا .. عيال عمامي عندنا من الباحه والله ان الحركه محسوبه علي .. ياربي كيف افهمك ..
ابتسمت بخبث : اوكي بس بشرط ..
بحماس : انتي تدللي مو تشرطي ..أيــــش تامري عليه ..؟!
تنهدت : كل شي بثمنه ياحلوه ..ابغى ساعه ديور الجديده ..
شهقت : حرااام عليك هذيك بمكافئتين لوحدها ..
رفعت كتوفي : والله انا مو بسمعه صوتي .. انا بقااابله ياقلبي .. ولاتخليني اقولك على كل حركـه يعملها لي شي تـ
قاطعتني بحماسها المعروف : خلاااص خلااااص يمامي منك .. نذله محد يقدر عليك ..
ضحكت باعلى صوتي .. انا نذله ..
ياليتني نذله كان ماصار هذا وضعي ولا وصلت لهالانحطاط ..
: هههه .. ومتى الموعد ياحلوه ..
شروق : امم مادري يابكره او اللي بعده ..
ارتبكت ومابينت قلت بكذب : لااا بكره ماينفع صقر اخوي ماعنده دوام بعد بكره حلو ..
هزت راسها بحماس : اوكـــــي .. الا اسمعي عرفتي خوي اريج هذاك الشرقاوي اللي شافته من زمان ونشب فيها ..
جلست اتذكر شكلــه : ايوه السمين صح ..
شروق : ايوووه هذا ماقلتلك وش اشترالها مـ....
.
.
.
وحكي العلاقات المحرمه بين الشباب والبنات ماينتهي ..
كذب ..
خداااع ..
خيانــــــه ..
استقـلال ..
............
مبنى نظامي ..واســــــــع ..
فصوله بجنب بعض ..
لوحات وارشدات لزواره ..
اسماء وبروايز لاعضاء الشرف فيه ..
اللوان مراييل موحده .. موديلات مختلفه ..
بالمدرسه " الرابـــعه عشر " الحكوميه .. بمنطقه الرياض ..
ماسكه الطبشوره بايدها ..
مندمجه بالشرح .. .
ترسم خريطة العالم ..
وتكتب عليها اهم الـدول ..
تنورتها الجينز .. ممتليه بالغبــار ..
وباعلى صوتها تحكي يمكن توصل معلومتها للبنات ..
ّ$ّ شجـــــــــن ّ$ّ
التفتت بعصبيه .. ورميت الطبشوره على الطاوله ..
ماعاد اقدر اتحمل وتوتتها وضحكها السخيف : وبعدين يا فهـده ..متى ناويه تسكتي ..؟؟!
اول مانتبهت لي فهـده و كتمت ضحكه فلتت منها.. قالت بجديه مستهبله فيه : ابله شجن وش فيك اليوم علي مو بس انا احكي ..
قلت لها بعصبيه اغطي استعباطها .. : بس انا ماسمعت الا صوتك انتي ..
اشرت لي بلامبالاه : خـلاص اخر مرره ..
ضليت اناظرها لثواني وانا رافعه حاجبي ..
احاول اكتم غيضـي عن البنت هذي ..
اللي مبهدلتني من بين فصول ثاني ادبي .. كلهم ..
اخذت نفس طويل وبعدت عيوني عن فهده : نرجـع لشرحنا من تقولي اشجار السنديان اين انتشرت ..؟!
ارتفعت اصوات البنات بحماس .. يجاويوا ..: انـــا ابله انــــا ابلــه ..
انتهيت من شرحي وانا كاتمه اعصابي من البنت المستهتره فهده ..
اللي مستمره بسواليفها وكان الحصه ساحه مدرسه ..
هيبتي مهزوزها لان اول ماتخرجت درست عندهم..
وهذي اول سنه لي يعني مافي فرق بيننا كثير بالسنوات حتى هيئتي مثل اغلبهم ..
نفضت أيـدي ببعض ..وانا اناظر بغاده ..
بتامل .. نفسي أقطعها باسنانـي ...
قلت وعيوني بعيون فهده .. : خلاااص خلصنا من الدرس .. تقدروا تنزلوا ..
انواع الصراخ والهبال .. ملت الفصل ..
يحبوا حصتي تكون الخامسه علشاني احب اطلعهم بدري ..ماخرهم ...
لميت دفتر التحضير واقلامي من الطاوله ..
ومسكت بلوحتي ..
وانا اسمع ضحكت فهده العاليه ولا كاني موجوده ..
وصلت لغرفه المدرسات .. بسرعه وحطيت لوحتي ودفتر التحضير على الدرج طفشانها ..
وقفت عند الة للكوفي وانا تضحك على تعليق وحده من المدرسات اللي معها بالغرفه : ههههه معك حق والله المديره الجديده مربيتها ..
وافقت رايي مدرسه التاريخ عفاف .. : ايوه البنات والله ماينفع معهم الطيبه يتمادوا ..
جلست ورى مكتبي وماحبيت ادخل بنقاشات مكرره وشبه يوميه بين المدرسات .. عن اخلاق البنات وتصرفاتهم بالفصل ..
اخذت قطعه صغيره من الكروسان.. واكلتها بهدوء ..
ورحت لتفكيري لبعيـــــد برى اسوار المدرسه..وجدرانها ..
احس بصوت حشرجات زوجي تخترق اذني .. وتبعدني عن العالم اللي حولي ..
مات وانا ممسكه راسه ودافنته بحضني ..
زوجي " مطلق " اللي تعلمت امشي واكل واشرب على ايده ..
ارق قلب عرفته .. واكثر انسان حبيته ..
مات بين ايدي .. وبرصاصه من اخوي ..
راحت ذااااكرتي لهناااك ..
(( كانت تشووف جزمة اخو مطلق الممتليه دم وايده اللي ترتجف من مسكته للمسدس وتصرخ : قتلته يالواااطي قتلت زوجي وحبيبي .. ودنيتي كلها .. قتلــــــــــــــــــــــته ..
ضمت راسه اكثر وهي تنزل راسها وشعرها يغطيهم .. تهمس بقوه : قوووم تكفى مطلق قووم .. لاتتكرني .. انت امي وابوي واهلي كلهم ..
قوم وطلقني وارجع لامك وخوالك والله راضيه بس قووم .. علشان اللي ببطني قوم ..
- ضمته لها اكثر وصدرها وجهها يتغرق بالـــدم -
ترااها بنت .. والله بنت امس الدكتور قالت لي وحبيت افاجاك ..
بنسميها لانا مثل ماتحب .. –ابتسمت بالم – لانا تذكر قلتلك موحلو واسم سوري ..
بس عاجبني بسميه علشانك .. علشان خاطرك بس انت قوم وحاكني ..
ماسمعت رد .. بس حشرجاته تزيد وهو يرفع اصبعه لناحيه اخوه .. ويحرك شفايفه بلغه مافهمتها ولاااا راح تفهمها لانه كان يودع .. كانت تناظر شخوص عيونه لسماء واهتزازات جسمه ..
ماعرفت بحياتها اب .. وكان هو ابوها ..
ماعرفت ام وكان هو امها ..
ماعرفت اخ ولا حست فيه وكان هو اخوها ..
ماعرفت العزوه والسند وكان هو سندها ..
وقف بوجه امــــــه خواله وعمامه كلهم ..
وقال بيتزوجها ويبغاها ..
بيتزوج اللقيطه .. مجهولة الاصل والنسب ..
كانت غرقانه وهو انقذها .. احتضنها وعمرها 14 سنه .. بس ..
كانت طفله بين ايديه .. ..
تزوجها ولمها من الشارع .. لمها من دار الايتام القاسيه ..
احتضنها عنده مثل ماتكون بنته او اخته الصغيره ..
ماقسى عليها علمها الحياه من منظوره هو ... المثاليه والطموح الزايد ..
وان في رب اسمه رحيم .. وشديد العقاب ..
اخذ بيدها ورفعها لمستوى الانسانه ..
لما حسها كبرت وفهمت وصارت مراءه .. عاملها مثل زوجته واعطاها حقوقها وفرح بحملها ..
وفجاءه يجي اخوه بكل بساطه ويحرمها منه ..اي نوع من البشر هذا ..
واي نوع من الظلم اللي تعيشه ..))
.
.
قاطع افكاري صوت زهره مدرسه التدبير : هااا شجن وش رايج بتجين معانا ..- ضحكت - ههه لااا شكلك مو معنا .؟
ابتسمت باحراج وانا اناظر بالكوفي البارد .. كم مر من الوقت وانا افكر لحد مابرد كوبي معفوله وقت طويل : سوري بس كنت سرحانه
المدرسات اللي معها بالغرفه متعودات على سرحانها ..
قالت فاطمه مدرسه الدين : هذا يامصحوبه السلامه .. حنا الخميس معزومات عند زهره .. على شاهي الضحى ..
ابتسمت لهم باعتذار : والله بودي لكن سوري .. الاهل كلنا ان شاء الله ناوين نطلع لشاليهات من الاربعاء .. والله كان بودي يازهره اكون معكم ..
زهره : لااا عادي .. .. لو انا مكانك مافوت شاليهات ... هههههههه ..
فاطمه : مشاء الله وين الشاليهات بالشرقيه ..
ابتسمت بهدوء : لاااا بجده .. انا وخواتي طالعات ان شاء الله ...
ناظرتني مدرسه العربي ابرار .. وهي تعوج فمها ..
مادري ليه ماتريحني نظراتها .. قالت باستهزاء : اهاااا ترجعي بالسلامه ..
قلت بحذر : الله يسلمك
تركت كروساني اللي قست .. بعد ماكانت ساخنه ..
واخذت جوالي وطلعت من الغرفه .. وقلبي ياكلني على لانا لوحدها بالبيت ..
دقيت ودقيت ماسمعت رد ..
ناظرت بساعتي ..باقي ساعتين على نهاية الدوام ..
ياطول الوقت اذا تركت لانا لوحدها .. احمد ربي ان اليوم ماعندي مناوبه .. والا كان انجنت من جد ..
رجعت لغرفه المدرسات ..
وشغلت تفكيري بالاهتمام بنفسها ..
طلعت جل من شنطتي وزدت على شعري البني ..
لون بشرتي برونزي طبيعي ..برونزي صـــــــافي حلو ..
صابغه بني خفيف .. لان شعري اساسا اشهب ..
عطاء لوني جمال اكثر ..
بتقولوا مغروره هههههه هذي ثقه بالنفس وبمحاسني ...
لبست عدسات خضراء طبيه ..
دايم اللبسها علشان ماضطر احط مكياج كثير ..
شكلي صار جذاب اكثـر ببلوزتي الصفراء وتنورتي الجينز ..وروجي البرتغالي .. صارخ ..
تنهدت اكثر من مره وانا اتسبعد المكروه عن بنت الاربع سنوات لوحدها بالشقه ..
على كثر ماتركها ماتعودت ..
اضل بصراع نفسي لحد ماوصل لشقه ..
.
.
.
انقضوا الساعتين الطوال ..
دخلت لشقه اركض .. فتحت باب الغرفه بلهفه .. : ليوونه ماما .. شوفي وش جبت لك معي ..
ناظرتها متمدده على السجاده الصغيره اللي بالغرفه واصبعها بفمها .. ومغمضه عيونها الصغيره .نايمه ...
ابتسمت بالم وانا اناظرها..
لكن وش بيدي .. والله ماعندي قيمه الحضانه ولا المربيه ..
واقدر اخذها معها للمدرسه او الجامعه ..
انا يادوب ادبر قيمة الاكل واللبس من الراتب اللي مايغطي شي ..
الاولى بدفعتي يرموني ادرس بمدارس حكوميه ..
وين التقدير والتفاني بخدمة طالبات الجامعات المتفوقات ..
لازم اكمل واخذ الماجستير والدكتوراه علشان تكون لشهادتها قيمـه ..
طموحي عالي مثل مارباني عليه .. مطلق
رفعت لانا وحطيتها على السرير بهدوء ..
تحركت لانا.. وقالت لي وهي مغمضه عيونها .. : ماما لاتلوحين ..
ابتسمت على شكل بنتـي ....عيونها متنفخه وجهها احمر .. نامت تبكي واضح من شكلها..
رميت عبايتي بتعب ...
بدلت ثيابي ببجامه خفيفه مرره ..صيفيـه ..
ناظرت بالغرفه .. كل الدولاب والملابس مرميه بالارض ..
حركات لانا علشان ماتركها مره ثانيه
ياااربي انا وش عملت بحياتي علشان تبليني بهذي البنت .. والله كانها تصرفات عمها الله لايرده ولايوفقه بدنيا واخره ..
تنهدت براحه ..بعيد عن هذا الظالم ....
نظفت المكان وانا مستغربه من الذكريات اللي نزلت علي فجاءه وباليوم هذا بالذات ..
ضغطت على بنطلون للانا كنت أصفطه وأنا أذكر..
(( حكي ام مطلق لها وهي منهاره بالمستشفى .. بعد وفاه مطلق ..
كانت هذي اول مره تشوفها بحياتها ..
ماتشبه مطلق ولدها او حتى المجرم مساعد اخوه ..
كانت سمراء وضعيفه مره .. ورافعه انفها بعمليات تجميليه
: يعني بتقنعيني ان هذي بنت ولدي .. ياماما العبي بعيد ودوري مين ابوها ..
شهقت بصدمه وهي لهالحين منهاره من وفاه الغالي .. : ايش .. ايش قصدك انا انظف منك يالغذر ..انت ولك المجرم ..
رفعت اصبعها بتهديد : اسمعي انتي ياللقيطه .. حنا ماعندنا بنات انتي امهم ... لعبتي براس مطلق ... وتزوجك بس ماتقدري تلعبي علينا وتدبسيه بهذي بنت الحرام ..
بنت الحرام
كلمه سمعتها كثيرلنفسها...
ومراح تسمح لحد يحكي عن بنتها بهذي الطريقه ..
صرخت فيها وهي تعدل جلستها بالسرير : كلي تبن .. ينقطع لسانك تحكي عن بنتي بنت حرام .. – قالت بقوه - انا زوجه مطلق وهذي بنتنا .. ..
ام مطلق بين اسنانه : دوري على ابوها ...ولاترمي بلاك علينا ومابغى اناظر خشتك سامعه ..
تركتها وطلعت بكل غرور ..
ايش الام هذي اللي ولدها مات واخوه اللي قتله مرمي بالسجن وماهتمت ..
ضمت بطنها بايدها تحافظ على بنتها لانا الذكرى واللشي الوحيد الباقي من مطلق ..
وتركها تجمع شتات نفسها ..
ضايعه ..
حزينه ..
مالها حد ياخذ حقها ..)))
.
.
.
سكرت الدولاب بعصبيه .. والتفكير هذا ضايقني اكثر ..
.. دخلت للحمام تروشت والذكريات تحاصرها ..من جديد ..
مانسى الذل وانا بالثمان تعش سنه ..
حامل من قصر فلانه لقصر علان .. لفيلا مادري مين ..
كل عايلة مطلق ركضت وراهم وترجيتهم ..
يعطوا لبنتي حقها ويعترفوا بانها بنتهم ..
ماكانت اعرف عن الفحوص اللي يعملوها .. ولاكيف اثبت اني حامل من واحد هاللحين ميت ..
رعبي ان لانا تعيش ماساتي بدون اصل او هويه..بعدني عن التفكير العقلااااني ..
وهي كانت طفله .. 18 ماتعرف ايش تعمل ..؟؟!
مارحموها ولا حد من عايله كامله اربعه بيوت .. رحمها ..
يائست وسلمت امري لربي .. وش بيدي اعمل ..
وجاءت اللحضه ..
ولـــــــــــــدت ..
لكن رحمة رب العباد فيني كانت كبيره ..
(( بعد ايام قليله من بداية الاربعين ..
جاءتها ام مطلق لعندها .. وهي تناظرها بنفس الغرور ..
شجن ماقدرت تتماسك اكثر نزلت دموعها من تحت الغطاء وانهارت : انتم وش تبون فيني ..؟!
مابغى منكم شي بس اللي ابغاه اسم لبنتي .. اثبات لها .. .
اتنازل لكم عن فلوسها عن كل شي .. بس تكون لانا باسم مطلق ..
ام مطلق سكت شوي وهو تسمع دموعها ونظرات الاحتقار ماليه صوتها : اتركي عنك دموع التماسيح لاتضني اني مطلق و بصدقك .. لاااا .. اللعبي على غيري ..
- رمت بوجهها ورقه ..- : وقعــي هنا ونعطيك اسم مطلق .. لبنتك هذي .. بس مالنا دخل فيها وفيك ..
تتنازلي عن كل ريال حنا مجبورين ندفع لك ..تنسينا وتنسي مطلق سامعه ..
اخذت الورق بسرعه وهي تحس بدقات قلبها بتوقف .. فررج ربها كبير ..
لكن وقفت ايدها قبل لايلامس حبر الفلم الورق وهي تسمع بقيت حكي ام مطلق : و قبل مانسى تتنازلي عن مساعد .. بدم زوجك ..
ناظرت بام مطلق.. وبالرجال بجنب ام مطلق اللي مانطق بحرف من اول ماجاء ..
لاااا مستحيل تتنازل عن دم مطلق ..
تتنازل عن قاتله وتتركه يسرح ويمرح بالارض الواسعه ..
هي تحليل له مراح تحلله .. كيف وتتنازل ..
لكن بنتها .. لانا ..
قطعه غاليه منها .. تتنازل عن حقوقها ..
تتركها بدون اصل وهويه وهي قبيليه ..
لعنت القبايل وعاداتهم بداخلها اللي فرقت بينها وبين مطلق ..
شدت على القلم لحد مابيض صبعها ..
وهي تحس بغصاتها تزيد ..
تحركت ايدها بصعوبه ووقعت ..
وقعت له يعيش مره ثانيه بعد ماقتل قلبها واخذ روحها ...))
سكرت المويه ولفيت المنشفه على جسمي ..
وانا اتنهد تعبت من الذكريات ..
تعبت من الموت باليوم مليون مره ..
قربت لعند لانا وكانت لهالحين نايمه .. جلست بجنبها ..
هزيتها بهدؤء : لانااا ماما .. ماما لااانا ..
لانا فتحت عيونها ورجعت غمضتهم وهي ترمي نفسها بحضني وتضمني ..
تضايقت من حركتها وبعدتها وانا اضحك : هههههه الله يقطع شيطانك اتركيني ابدل على الاقل ..
ابعدتها وغطيتها ..
لانا بعتب وصوتها الناعم وهي ترجع تضمني .. : ماااما ليه تلوحين وتتلكين .. انا بكيت و عملت المطبخ كلوا شوكولاته ..
دفيت لانا بعصبيه : شوكلاااااتـه .. الله ياخـ .. - قطعت دعوتي بضيقه - استغفر الله .. وبعدين معك .. انا اوريك مافيه ديزني .. شايفه ديزني بمسحها من التلفزيون ..
لانا بعناد وقفت .. : ماتقدلين ..
عصبت بتصنع اكتم ضحكتي : ماقدر ها .. انا اوريك ياغبيه ..
لانا بعصبيه اكثر من امها : انتي الغبيه انا كبيله ..
قلت بابتسامه : الكبر بشارع وانتي بشارع ..انقلعـــي من وجهي لاضربك ..
لانا تكتفت : بتطلعي انتي انا ماتحلك ..
دفيتها وطلعت للمطبخ : ابعدي عن وجهي قال ماتحرك قال .. بزارين اخــر زمن ..
لانا عصبت مره وركضت لصاله شغلت التلفزيون وحطت على ديزني علت على الصوت عناد لي ..: ماتحبيني انا بعد ماحبك ..
طلعت راسي من المطبخ : ايووه ماحبك وماسحه ديزني ماسحتها .. ايش المزبله اللي عاملتها بالمطبخ ..
سحبت ريموت من لانا ومسحت ديزني ولانا تصرخ وتعصب ..
"]&@^%$#&%*$#)#(@!#)
ناااامت والمخده على وجهها ..
لها ايام ماتنام كويس ..
وبدون مقدمااات نامت هاللحين ..
ّ$ ســـــــديم ّ$ّ
ماحسيت الا بيد تهزني بنعومه .. وانا بساابع نومــه .. : سديم سديم ..
بعدت المخده الصغيره عن وجهي وانا معقده حواجبي ..
بصوتها الناعم اسائلتني باستغراب: ليه نايمه هنا ..؟!
.. الساعات القليله اللي نمتها نست التفكير السوداوي شوي .. قلت بهدوء وصوتي مبحوح : رهف ..وش تبين ..؟
رهف عاقده حواجبها : ليه نايمه هنا اطلعي لغرفتك .. ؟؟
رجعت المخده لوجهي .. : رهف ... اتركيني لوحدي ..
رهف بتحكي سكتها وانا اشر بايدي .. وحكيت بغه الحبيبه الفرنسيه .. : سي فو بليه
رهف هزت راسها بتفهم ..: اوكي بس اخاف انو امي تيجي وتعملك حكايه .. لانو هي عامله استقبال المساء ..
قلت بهدوء باارد : ايش يدخلني فيها .. القصر بكبره عندها .. ضاقت عينها على هذي الكنبه ..
رهف جلست على الكرسي اللي بجنب كنتي .. وهي تفتح المجله اللي بيدها : يعني ماتعرفيها لو انك تنومي بالمطبخ قالت تبغاه ..
ياااناس احبها هالبنت .. اختي وحبيبتي ..
اغلااااء من اعرف بالارض ..
رهوفه ..اقررررب لي من أي حد ..
حتى من دانه خويتي ..
طبعـــا ماتعرف عن دانه ولااا اتمناها تعرف ..
لاني احب نظرت الافتخار فيني بعيونها ..
ماتهمها امـها .. ولاااا.. أي حد ..
المهم انا ..عندها بعد حبيبها سلطان طبعا ..
مع اني احسه تحبني اكثر فيـه ..
قلت بقوه : تاكل تبن .. انا انوم بالمكان اللي احب ..
ابتسمت لي برقتها المعروفـه .. : اما انتي عليك اماكن تنامي فيها مادري كيف ..ههههههه
رميت المخده من على وجهها .. لبعيد وعدلت جلستي بعصبيه : آآآآآآآآآف خلاااص بطلع لغرفتي ارتاحي انتي والزفت ام عبيدان ..
وقفت بعصبيه ..: ماتتركوا حد ينوم براحته ..
مسكتني رهف بيدي وهي مستغربه : سديم سوري والله ماقصدت أزعلك امزح معك اجلسي براحتك البيت بيتك ..
سديم تذكرت حكي ام عبدالله زوجه اللي رباها ..
انتي هنا مالك مكان .. رهف بنته .. ..
وعبدالله ولده .. وانا زوجته ..
اما انتي لقيطه وعاله ومادري على ايش تاركك هنا لهالحين ..
مارجعك لزباله اللي كنتي فيها ..
سحبت ايدي وانا اشر لها باي .. : بطلع اكمل نومتي فوق ..
قالت لي تتمسكن : لااا اجلسي معي طفشانه ..
سديم ابتسمت ببرود : افاا تزهقي وين صحباتك عنك ..؟!
رهف بقهر : كلهم مشغولات بازواجهم .. متى يجي سلطان وارتاح ..؟!
سديم ضحكت على هبالتها .. : ههههه جد ماعندك سالفه .. وش لك بالرجال غير الغثاء وثقاله الدم .. ..
سحبت جوالي .. وطلعت لفوق بدون ماسمع رد رهف ..
كيف بيرجع لي النوم وانا ماصدقت جاء لي ..
اضل ايام مانام الا ساعات ..
فتحت جوالي وناظرت الساعه ..
حصلت مسج .. تذكرت انه جوالي دق قبل ماتنوم ..
فتحته بهدوء وانا طالعه الدرج ..
(( حبيبي سعود .. ياروحي ليه ماداومت فقدتك بالجامعه ..))
المرسله : سماح السـلق ..
عوجت فمي باستهزاء .. هذي بنت بالجامعه ماصخه وساذجه وحركاتها ماهي مضبوطه ..لو درت عنها ديما وش بتعمل فيها ..
وهي تلاحقني وترسل لي مسجات ..
وخوياتي واسطات .. ..
بنت الكلب ... يبغالها تربيه ..
دقيت بعصبيه على 7 اتصال سريع ..
رد علي بصوت كله نوم ومايع : آلو ...
ياااويلي منها هالزبده ..اموت فيها ..مشاعري لها مو سويه ...
قلت ببيعطتي المعتاده : نايمه مع ذا الوجه .. صحصي ابغاك ضروري ..
انخفض صوتها اكثر : سعود من جد انك منكده لي حياتي ..ابغى انووم ..
تنرفزت من مياعتها .. : لااحقه على النوم ..- سالتها - بكره بتداومي بالجامعه ..؟؟!
ارتفع صوتها شوي وبلهفه :... اليوم داااومت وماشفتك ....
قلت باستهبال : عادي وذا ماداومت ..
بزعل : لاااا وش عادي الجامعه من دونك ماتسوى ..
ببرود وانا فتح باب جناحي : ايوه وبعـــد ..
بمياعه : اذا ماداومتي بكره مراح اداوم اسبوع ..
ضحكت لى تهديدها المبطن .. : ههههههههههه ولعنتين عمرك ماداومتي ... متعطلين عليك .. يله فارقي ..
سكرت السماعه بوجهها ..
ضحكت باستهزاء .. هههه ههه مصدق حالها هذي .. جد غبيات ..
دخلت لجناحي ... وعلى لغرفتي بسرعه ..
عالمي الخاااص .. اللي صممتها بعنايه تناسب ذوقي ونفسيتي ..
احب الاضاءه الخافته .. والشعلاااات المعدنيه ..
تستهويني اللوح الغريبه ..
احس اني ابعد عن العالم كله والقصر اللي انا فيه اول مادخلها ..
حطيت الجوال على السرير ..
و فصخت الغفاز ببدل ..
دق جولي .. تنرفزت وقررت العن خير اللي داق .. بس ابتسمت لما ناظرت الشاشه .. (( دمدوم ..))
رديت بهدوء مع فخامه صوتي : خير ..؟!
قالت بمياعه : زعلااانه ياروحي ..
قلت بلعانه : ديما من جد انتي فاضيه وماعندك ماعند جدتي .. قلتلك ابعدي سماح عني ..ماتفهمي .. وش تبي تدقي هاللحين ..؟!
بسرعه : اوكي سعووود اببعدها لاتزعلي .. اهم شي رضاك ..
هذا اللي ابغى اوصله : اوكي صدقتك ديمه بس والله اذا شفتها بوجهي بكره ماتلومي الا نفسك .. يله فارقي ..
ديما بمياعه اكثر : وش رايك اجي لك البيت ..
سديم تاففت : لااا يله سكري ..
ديما : اوكي اذا بداوم برسلك باي ..
: اوكي .. بون وي ..
ضحكت بصوت مرح : هههههههه لو الله يريحك من هالفرنسي المغشوش حنا بخير .. قولي تصبحي على خير سهله ليه هذي – تقلدني – بون وي ..
تاففت : ديــــــــم .. خليني اسكر راضيه عليك .. انا اليوم اخلاااقي زفت ..
ودعتني بمياصه : اوكي سي يو ..
بطفش : اورفوار..
بدلع : مصممه على المغشوش هههههه ... اورفوار ..
سكرت بوجهها .. لصقت فيني وعيت تفك ..: آآآآف قررررف ..
دخلت للحمام تروشت ..
شغلت الجاكوزي وانا اناظر المويه الساخنه منه ..
رميت بنطلوني وناظرت بفخذي ونهايه ساقي ..
تحسسته وكانه ورق متجعد .. او بشره عجوز تعبت بشرتها وتجعدت ..
مانسى هذاك اليوم ولا هذيك اللحضه ..
هزيت راسها باستنكار .. مابغى أتذكر .. أبغى أنسى ..
خفضت المويه لحد .. ماوقفت البخار يتصاعد ..
تروشت بسرعه ..
طلعت لبست بيجامتي ... وجلست بسريرها .. انووم ..
اي نووم بيجي لي هاللحين ..؟؟
دقت على رهف تطلع لعندي تسولف معي ..واكي\ عن عريس الغفله المنتظر سلطان..
هذا ولد عمها يدرس بحبيبتي فرنسا .. واول مايرجع بيملك عليها ..: الووو اطلعي بسرعــه ..
بسرعه وحماس : جـــد ثواني ..
هددت : بسرعه والا بغير رايي ..
.
.
.
.
* لا اااا
لا ترحموا سديم ..او تشفقوا عليها ..
أكرهوها ..
أحتقروها لانها تستحق هالنظره ..
تستحق ..كل هـذا ..
"]&@^%$#&%*$#)#(@!#)
وقفت عند باب الفيلا بحي النسيم ..
تكرهــــــه هالمكان لكن مصيرها له ..
فيلا اقل من اللي طلعت منها بكثير ..
فيلا قديمه مرممه ..
جواها عكس اللي براء بكثير ..
فازات .. وثريات ..
واطقم مرتبه انيقه ..
حالتهم فوق المتوسطه تقريبا ...
طلعت المفتاح من الشنطه وفتحت الباب بايد مرتجفه ..
دخلت وهي تاشر للخدامه تدخل الشنط ..
ّ$ّ بشــــــــاير ّ$ّ
ابتسمت لها بود وهي من ريحه فواز : مشكوره بشكا الله يعطيك العافيه ..
قالت لي بشكا : ولكـــم ..
بالصاله المتوسطه ..
التفتوا لصوتي وحركتي ..
رمت موزه المجله من ايدها وقفت : جئيتــــي .. انا قلت من العصر بتكوني عندنا ..تاخرتي لليل اشوفك ..
ابتسمت بنتها المدللة بخبث .. : بشري طلقك ههههههههه ..
نزلت غطاي من وجهها وناظرتهم بنظره بارده بدون ملامح ..
رجعت لهم الشغاله مصدر رزقهم ..
قلت بصوت حاولت يكون قوي لكن طلع مرتجف لانو خنقتتني العبره .. : ايوه طلقـ... ـنـ.. ـي ..
موزه رجعت جلست مرتاحه .. ورفعت رجل على رجل .. : قلعته دفعت مردي والهواء شرقي .. ماجاء لنا منه الا الغثاء ..
تكمل عنها الطفله الهبله ... بتذمر : وياليته كريم بعد بخيل وقشره ومايطلع منه الفلس ..
موزه اشرت علي بتذمر ..: بـلا من بلاهتها مايطلع ولا ريال ...
والا لو انك ذكيه كان هاللحين غدينا بالعلياء والسلـ
قاطعتها بطفش ..
ناكرت الجميل من خير فواز هي مرمه بيتها وماثثته ..
من واسطاته هو ودراهمه وصلت شغالتها بظرف شهر ..
جد الجشع ماله حدود معهم ..
: انا تعبانه وابغى انااام .. اذا صحيت احكوا مثل ماتحبوا ..
موزه تصفحت المجله بملل: ويـــن تنامي ياشاطره .. قدامك شغل ترركتيه سنه يحتريك ..
والا بتجلسي على الفاضي عاله علينا ..
دلال وهي تناظر روتانا : ماعليك ماما شويه الا بابا محصل مغضوب عليه ياخذها هههههههه ..
مارديت عليهم ..
جريت شنطتي بصعوبه ..
دخلت لغرفتي المعتاده القريبه من المطبخ والمخزن ..
سكرت علي الباب وناظرت بالغرفه ..والسرين المفرقين ..
تنهدت .. يمكن اللي مريحني فيه هذي الغرفه ..
صحيح تشاركني فيها الخدامه ..
لكن احسن من غيرني ..
سمعت صرخة موزه ام دلال : بســـــرعه نامي لك شوي علشان تجهزي العشاء ابوك على وصول ..
بقهر تفلت على الباب وقلت بهمس : ابوووك بعينك ياعجوز النااار .. جعلك ماني بقايله انتي ولعبتك دليل ..
تركت عكازي وتمددت على السرير بعبايتي وملابسي ..
رجعت للي كانت فيـه ..
غطيت نفسي ... وغمضت عيوني ..
سنه ونص أرتحت من كل هذا ..
عشت مع فواز بمشاكل طبيعيه ..
لحد ماعملوها فيني .. وحكوا لفواز اللي يبغوه ..
حـــلم ..
كل اللي حصل مع فواز وعنده ..
حلــــم ..
وحلم حلو بتذكره دائيم ..
ضميت المخده لي اكثر ..
ونزلت دمعه من عيوني المسكره ..
اللـــه يحفظك ويرعاك يافواز وين ماكنت ..
بداء جسمي يسترخي وعيني بتغفى ..
سمعت صوت فواز وهمساته لي ..
" حياتي نــامي .. قلبي تصبحي على خيـر "
.. غفيت .. ..
ابتسمت براحه ..
لكـن ..
قفزت مفزوعه من الصوت المزمجر : بشااااااير بشااااير ...
فتحت عيوني مفزوعه ورفعت راسي ..
ام دلال كانت على راسي وتجر بطانيتي .. : يله ياااروح امك قومي والا عجبك الكسل .. هنا ياحبيبتي مافيه خدم فواز .. ودلع ماصخ ..ابوك على وصول تحرركي ..
رفعت الغطاء بتعب .. : مااانمت .. جسمي تعبان ..
ام دلال بقسوه رفعت عنها البطانيه ..دفتها من كتفها : قومـــي وبلا دلع شكلك نسيتي وش شغلي معك ..
.. ..
]&@^%$#&%*$#)#(@!#)
.
.
.
شقه واسعــه ..
بافخم عمارات الرياض ..
ّ$ّ فجــــــــر ّ$ّ
اخذت كاس مويه بارد .. وشربته دفعه وحده ..
سمعت خطواته الثقيله يطلع الدرج ..
وسمعت صوته الخشن الضخم وهو يحاكي البادي قارديه تبعه بكل استكبار .. ويضحك للاصوات الرجاليه اللي معه ..ربعه ..
حطيت كاست المويه بهدوء وانا ارسم ابتسامه لعوب .. على فمي الناعم ..
نزلت الشال الابيض من جهه اليمين وبرزت اكتافي الناعمه الضعيفه ..
.. رتبت فستاني الاصفر الليموني .. وانا ادوس على كرامتي ..
ادعسها بغذارتي ... وبيعي لنفسي ....
اخذت صينيه الكاسات مع الثلج والملعون .. لصاله
.
.
ناظرته..
كان متصدر المجلس .. جالس بكل غرور ونافخ ريشه .. ولا ملك عصره ..
رجل على رجل .. ومرتخي بجلسته ..
ايديه الطويله مادهم على الكنبه ..
وهو بالشماغ الاحمر مع الثوب االابيض ..
رافع حاجبه اليمين وشاد اسنانه .. ونظرت الغرور والاعجاب بالنفس تبرق بعيونه ..
طريقته المتعاليه بالحكي ..
تبين انه انسان نرجسي اناني مايحب الا نفسه ..
اكــــــرهه ..
كان بجنبه اثنين بس ..
الليــــــه ماكانوا الا اثنين ..
مشيت بدلع اكرهه ..
وغنج أتغزز منه..
لحد الطاوله ..
حطيت الصينيه بنعومه ..
من دون مايناظرني صقر .. واللي معه ..
متعودين يناظروني ويناظروا اشكالها الرخيصه ..
ايوه انــا رخيصـــــه ..
" جيـب " بالانجليزي ..
هذي انـــــا فجـــر...
جلست بكل دلااااال بجنبه .. وانا انقل نظري للاثنين ..اللي معه ..
اشكالهم عاديه .. وخبره بهالكار او الطريق ..
اشوفهم كثير بالفتره الاخيره معه ..
اكيد بيزنز بينهم ..
كانوا يحكون واصواتهم ترتفع من اندماج بس انا ساده اذنها بدون ماحط ايدي عليهم..
ماحب اسمعهم لاني ل باختصار اكون محتقره نفسي ..
وناغمه وضعي ..
اخذ واحد من اللي معنا واللي فهمته ان اسمه سيف ..
اخذ كاسه وملاها ثلج وقبل لايصب له ..
جاءني صوت صقر الخشن بجنبي .. وبدون مايناظرني : فجر صبي لنا ..
ابتسمت بدلااااال : من عيوني ..
صبيت لهم بمهاره ..و تمرس..وزعت الكاس وانا مابعدت الابتسامه اللعوب المصطنعه من فمي ..
..: خــلاص يا صقر .. عورنا راسنا من سواليف السياسه ..
التفت صقر بملامحه القاسيه لجهه خويه سيف ..
وقال بنفس الصوت الخشن اللي حافظته انا اكثر من صوتها هي
: معك حق .. – ناظرني بطفش - قومي شغل لي لنا شي نرقص من الطفش هذا ..
اتسعت ابتسامتي اكثر .. لانه ناظرني .. مو هو ولي نعمتي وعمي ..: من عيوني ..
اخذت ريموت الاستريو الكبير .. وناظرت بالاشرطه وانا محتاره وش اختار ..
صقر قالي بنرفزه وكانه يحاكي غبيه : اي واحد فيهم اخلصي ..
بسرعه اخترت الاكثر طربا .. لاني ابغى ترقص ..
ابغى اروح عن نفسها التعبانه ..
ابغى اقتل كرامتي وضميري ..
حطيت السيدي وشغلته..
ملت الدقه المصريه الجو ..
(( طب وحده وحده وبلاش كل دا ..))
سيف اخذ شماغه وقف عندي ربطه بخصرها الفتان ..وهو يلتهمني بنظراته ..
ناظرت بصقر اخذ الاذن لانها باختصار عبدته شاريها بفلوسه ..ولو اشرب المويه اعطيه خبر ..
هز راسه هزه بسيطه .. وهو يناظرني باستهزاء ..
احيانا اشك انه يشوفني او يحس اني انسانه ..
رميت جزمتي البيضاء لويس فيتون ..العاليه على جنب ..
وميلت خصرها لليمين واليسار بدلع .. وبحركات سريعه ..
وشعري يتحرك معهي بغنج ..
انا استاذه بالرقص الشرقي بانواعه ..
هزيت بمهاره وفتنه ..واثاره ..
اعرف ايش يثير وايش ينفر .. اعرف هم من أي صنف وش يبغوا ..
اعرف محاسن جسمي المثير ..
كانو يناظروني الا هو ..
متعود..
شاغل نفسه بالكاتلوج اللي بيده ..
اما الاثنين كانوا يشجعوني ومتحمسين معي ..
خلصت من رقصي اللي فرغت فيه تعبي والمي ..
اشر صقر لثاني غير اللي سيف اللي يحكي .. : يله خذها .. وانبسط .. تعجبك - ضم سبابته لابهامه وقف اصابعه الباقيه – ممتازه ..
اكثر لحضه اكرها بحياتي هذي ..
اتمنى اموت لما اسمع جمله صقر المعتاده ..
اذا عزم على واحد من ربعه علي ..
وكاني خروف او قطعه قذره ..
انا .. دواسه كل من جاء يطائها ..
اخذت قزازه وكاسين .. ومشيت مع اللي ماعرف اسمه حتى ..
كنت باااارده ..
بدون احساس ..
ونظرات اللي معي الشهوانيه تلتهمني ..
.
.
.
كانت ..
اضاءه حمراء ماليه الغرفه ..
ريحه عطورات باريسيه مثيره ..
موسيقى شيطانيه هاديه ..
امسك بخصري وايدي .. يرقص معي سلو .. وهو شبه سكران ..
عااادي كل شي عااادي ..
ليه قلبي محرق .. وانفاسي القريبه تكويني ..
ليه تخنقني العبره .. وتنهشني الضيقه ..
مفروض تعودت وتاقلمت على الوضع ..
مو هذا حالها ..
من لما رعتني المومس بجده وربتني على هالكار ..
ليه اتضايق وازعل ..
قرب مني وهو يغرقني بكلامه المعسول ..
اللي ماني محتاجها ..
انا اخذت قيمه شغلها ..
قرب مني اكثر .. وزادت رجفتي ..
اكـــــــــــره نفسي ..
احتقر وضعهي ..
دموعي نزلت .. بللت خدودي الناعمه ..
حسيته مانتبه فيها ..
ولو انتبه مايهمه .. المهم يخلص ..
قلت بهمس : أنت متزوج ..؟!
رد علي بضحكه متقطعه : ههـ .. ـههه.. .. وعندي اربعه .. هههـ .. .. ـههه..
متزوج واربع عيال ..
وش الاسره اللي هدمتها هاللحين ..؟!
وش المراءه اللي حرقت قلبها هاللحين ..؟!
غمضت عيوني واستسلمت لوضعي ..
لو عندي مكان ثاني يقبلني ويلمني ..
ماكان هذا حالها ..
.
.
.
تبنتني او رعتني نوال .. لما كنت بجـده ..الحبيبه .. عشت فيها اقسى ايامي ..
لما جئبتني لهنا الرياض ..
حسيتها اكبر مومس بجده كلها ..
اغذر انسانه قابلتها بحياتي ..
ربتني كيف تثير ..؟!
كيف اجذب .. واصتاد ..
كيف اهدم اسر ..
واقتل العفاف ..
ولما ماتت مالقيت حضن يضمها ..
غيره هو ..
هـــو الحقير الثاني ..
.. " صقر "..
بدونه اموت جوع ..
]&@^%$#&%*$#)#(@!#)
نهايــــــه الفصل الاول ..
الجزء الثاني
|