انا اقولج ياقمرهم كلهم...
اول شي الشك طبيعي بكل انسان
بس متى يطلع ؟؟ يطلع وقت زياده الشي عن حده
مثلا القصتين اللي ذكرتيهم..
الابو يكون غلطان في حاله ويكون صح في حاله ثانيه
الحاله الاولى يكون غلطان اذا بنته تصرفاتها طبيعيه نفس كل يوم ماتغيرت .. ويكون غلطان اذا مثلا البنت متعوده تسهر فلنفرض بشهر رمضان وماعندها شي تسويه غير السوالف مع رفيجاتها
الحاله الثانيه يكون شكه في محله ومن حقه اذا كانت بنته متغير فيها شي بالنسبه للحركات والتصرفات والسهر المفاجئ والغريب
اللي اقصده اي انسان ممكن يشك باقرب انسان له .. يعني موب شرط ان يكون ابو وبنته بس بشرط ان يكون تصرفات الانسان المشكوك فيه متغيره وتغير مو طبيعي
وبعدين في شي اسمه طرق بديله
يعني بدال لا احسس البنت اني شاك فيها وانا مو متاكد من شكي .. المفروض اجرب طريقه ثانيه
مثلا بدون لاتدري او تكون البنت طالعه اخذ الابتوب وادور فيه اذا فيه شي موب زين
وهذا طبعا عشان مايحسس البنت بالشك
او اذا يظن انه مو من حقه يفتش باغراض غيره ف احسن له لا يشك ابدا
لان لو البنت عامله مصيبه لا سمح الله لابد يجي اليوم اللي ينكشف فيه كل شي
وبالنسبه للتفكير الاسود ...
انا من رايي بدا الشك في قلوب الناس هالايام يزيد بشكل مو طبيعي
لان ياما سمعنا قصص يشيب لها الراس وصايب كثيره تحصل من ورا سهر الليالي والسوالف على النت والتلفونات
وطبعا هذا مو بس حق البنت لا هم بعد بالنسبه للولد
والمشكله القصص اللي نسمعها عن مثل هالمصايب خلت الاهل يحكمون رقابتهم على عيالهم اكثر واكثر
وهذا شي زين
بس لا يبين الشك فيهم لان ممكن العيال ينصدمون بطرح الثقه خصوصا من والديهم
وهذا اللي خلا التفكير الاسود مثل ماقلتي ينتشر في عقول اكثر الناس
وخصوصا الاهل لانهم مسائلين يوم القيامه عن عيالهم
وانا الحمدلله ماشكيت باي اخت لي ابدا لان انا اشوف تربيتي نفس تربيه خواتي واخواني الحمدلله كلنا متربين على القران والاخلاق الحميده ربي لك الحمد
اتمنى اني مااطلت عليكم