منتديات بنوته - عرض مشاركة واحدة

09-03-2010, 05:20 AM

اقتباس:

المشاركة الأصلية كتبت بواسطة كنو

اسئلة محرجه بس ممتعه ( ارجوا التفاعل)...
السلام عليكم ورحمة الله وبركاته:
كل واحد يسمي بالله ويستهدي به وينشر لنا ابداعاته .
تفضلـــــــــــو

1_ كم مرة رسبت في دراستك ؟ بصراحة ؟؟؟
الحمدلله ولا مره
2_ لو قالك المصباح السحري اختار امنيتين شو راح تختار ؟
1- ان محد يزعل مني ابد سواء اللي اعرفه او اللي مااعرفه
2- كل شخص عزيز على قلبي يعيش بسعاده ولا يشوف الضيقه او الكدر ابدا
3_ بصراحة كم ريال في جيبتك؟
الحين اممم 130 دينار كويتي اممم يعني تقريبا 1650 ريال << شويه صح لوول
4_ انت بتشتغل و الا بتدرس ؟
ادرس
5_ ماهي هواياتك ؟
واجد والله بس اللي الحين اقدر امارسها بكثره السباحه وركوب الخيل اما غيرهم احس الوقت مو مناسب
6_ كم ساعة تجلس او تجلسين على النت ؟
والله ماحسبت بالضبط بس انا وقت الدراسه مااجلس على النت الا يمكن ساعتين بس
اما بالعطله تقريبا 8 ساعات
7_ متى اخر مرة انضربت ؟ ومن مين ؟ وليش ؟
الحمدلله ماانضربت ولا مره
8_ اذا كتشفت ان صداقتك مع انسان مزيف شو بتسوي ؟
اقوله انت بطريق وانا بطريق لاني مااحب عوار الراس وبعدين انا احب اتجنب المشاكل وابعد عن الشر وغنيله
9_ في كم منتدى انت مسجل ؟
بصراحه واحد << طبعا بنوته
وفي منتديات كثيره مسجل فيها بس عشان اخذ منها مثلا برامج او مواضيع<< يعني مرور بس
10_ ما اصعب موقف مر في حياتك ؟
لما عرفت ان شخص يحبني وانا من الصدمه ماعرفت شسوي بس بالاخير عرفت شلون اطلع نفسي منها الحمدلله << في مواقف كثيره بس هذا اخر موقف مر علي وكان قريب
11_ من هو اهم شخص في حياتك ؟
الوالده الغاليه ربي يطول بعمرها
12_ هل احببت يوما ؟
هذا السؤال راح يطول كلامي فيه راح اخليه اخر شي
13_ هل كرهت يوما ؟
مااذكر بالضبط بس اللي اعرفه اني مااحب اكره اي انسان كان
يمكن كرهت في لحظه من اللحظات بس اكيد ثواني وتراجعت عن كرهي لاني مااحب الكره ابدا
14_ هل تثق باحد من اصدقائك ؟
اي نعم في كذا صديق افتح لهم قلبي
15_ من هو العضو المفضل بهذا المنتدى ()) ولا تقول الجميع امثال بعض ؟
انتي تحرجيني بصراحه
بس في عضوه صراحه كلامها عجبني واسلوبها وشخصيتها اذهلتني
قمرهم كلهم
وترا الكل غاليين عندي ومفضليين حيل
ودي اضيف بعد عضوه اذا سمحتو لي باثنين
يلوموني فيك

19_بدون احراج مارايكم بالموضوع ...... ؟؟
طيب عندي سؤال وين سؤال رقم 16 و 17 و 18 ؟؟ لوول
الموضوع جميل ورائع يقوي روابط المحبه الاخويه بين الاعضاء
الكل يشارك يلاااااااااااااااااا:160:
بالنسبه لسؤال احببت من قبل ولا لا؟
انا اشوف ان الحب رائع وحلو ومافي احد مايحب
اكيد الكل جرب الحب بس حب عن حب يختلف
انا مااكذب عليكم انا فعلا حبيت بس من طرف واحد ومن بعدها مافكرت احب وقلت بظل جذي بدون حب لاني خايف ومتردد من المشاكل اللي تجي من ورا الحب خصوصا من اللي اسمعه من كذا واحد ان الحب يجرح مرات واذا جرح يجرح جرح كبير ومرات صعب يتداوى الجرح
عشان جذي انا متردد ومابي احب لان هذا افضل لي ولغيري
عالعموم هذا من وجهه نظري انا بالحب واكيد في حب يستمر انا مؤمن بهذا

يسلمو على الموضوع الجميل
ابدعتي واذهلتي