منتديات بنوته - عرض مشاركة واحدة

08-18-2010, 05:48 PM

الجزء الخامس عشر

اما في بيت تركي ابو راكان كان راكان يقنع شوق ان خلاص ماراح يصير شي وتنسى الموضووع وان فيصل هو اصلا بيرجع والخطوبه ماراح تم على طوول
كان خبيث بافكاره كان يبها تخفف صدمتها شوي ويروح تعباها ويفاجاها بخطبة فيصل لها اللي غصب عنها بتوافق فيها والحين يبغى يسكر الموضوع باي طريقه
حس انه توهق مو عارف يرتب اللي يسويه او اللي يسويه كان بدون شعور واحساس كان من دافع الغيره على اخته الوحيده
ابتسمت شوق بعد ماكانت البسمه شبه معدومه على ملامحها البرئيه والحلووه
راكان:كذا انتي تعجبيني
شوق:راكان انا اعتمد عليك في حياتي بس ماراح احللك لو سويت شي يدمرني
راكان:ماعاش اللي يدمررك
شوق:طيب انا بروح انام مع السلامه
راكان:نوم العوافي
راحت تنام ولاول مره تكون مطمئنه ومرتاحه في نومها ولاقامت الا السااعه 12 الضهر
.................................................. ......................
منور كانت في المطبخ >>>يقال لها بتطبخ ولابسه المريله ويجنن شكلها كانها من اللي يعرضون في التلفزيون
نعيمه:أي دا ياحبيبتي انا أولت لك ماتيجي عندي المطبخ انت جايه هنا ازاي
منور:نعومه ابي اطبخ لزوجي وخالي
نعيمه:طب انتي عاوزه تطبخي ايه
منور:لحضه اكلم فهيد طلعت من المطبخ الكبير اللي بالدور التحتي ماخذه راحتها لان نايف مو هوون
وشافت خالها بالصاله
عبدالرحمن(بو نايف)هلا بنتيي مرت ولدي الغالي
منور:هلا يبه شخبارك اليوم
عبدالرحمن:بخير بشوفتك يالغاليه شعندك اشوفك لابسه المريله
منور:اشتهيت اطبخ لكم وجيت بسالك شتحب علشان اطبخه
عبدالرحمن:يابنتي هذا الطباخه هنا وش له تتعبين نفسك
منور:لازم اذوقكم طبخي ولا بعدين وش يقول فهد عني ماتعرف تطبخ بس تعرف تاكل
العم عبدالرحمن:هههههههههههههه ياحلو مزحك اللي تبينه اطبخيه
منور:تبون شرقي ولاغربي يعني رز ودجاج ولا مكرونيات وستيكاات
عبدالرحمن:لا رز ودجااج
سمعوا صوت الباب الخارجي
عبدالرحمن:اكيد فهد جا
دخل فهد وواضح معرق وميت من الحر ووجهه صاير احمرررروماسك ملف بيده
فهد:السلام عليكم
منور وعبدالرحمن:وعليكم السلام
وباسرع ماعنده رفع شماغه عن راسه وفتح نص ازارير ثوبه وجلس على احد الكراسي الكبيره
عبدالرحمن:شفيك يايبه
فهد:صيفنا شين يايبنه احترقنا
عبدالرحمن:سافر طيب
فهد:تعرف طبيعتي يايبه مو راعي سفر انا
عبدالرحمن:شعندك قايم من عشر اليوم
فهد:انا عندي اجازه من الشغل بس رحت اضبط الاشياء اللي عندي وانهيها واسلم الملفات اللي عندي
وبدون مايحسون جات منور ومعها كاس عصير برتقال باارد
وقدمته لخالها ولزوجها التعبان
عبدالرحمن:ماتقصرين يابنتي
فهد:مشكوره قلبي تعالي جلسي بجنبي
منور وبخدود حمر:لابسوي الغدا وش خاطرك فيه
فهد:تعرفين تطبخين
منور:شقالوا لك متزوج طفله اكيد اعرف اطبخ
فهد:ههه طيب الراي راي ابوي
منور:ابوي وده برز ودجاج طيب انتوا شرايكم ببرياني
فهد:حلووو شرايك يبه
عبدالرحمن:أي حلو
منور:خلاص استودعكم الله وساذهب الى المطبخ وياويلك يافهيد ان جيت
فهد وعبدالرحمن:هههههههههههههههه
طبعا راحت منور المطبخ ومن ذيك اللحضه فهد وابوه في لحضة صمت
عبدالرحمن:الله يسعدكم ياولدي
فهد:امين يايبه
عبدالرحمن:وان شالله تسمع بحملها يارب
فهد:امييييييييييييييييييييييييييييييين يارب
عبدالرحمن:بتسمع قريب ياولدي هالاشكال وهالاجرام ماتطول بالحمل
فهد:صدق يايبه
عبدالرحمن:منيره زوجتك تذكرني بامك
فهد جلس يستمع لكلام ابوه يبي احد يتكلم له عن امه
عبدالرحمن:كانت امك نفس حركاتها وطريقتها وكلامها واسلوبها وضحكها كانت تسوي المستحيل لاسعادي بس كنت ماحبها ولا اطيقها واول ماحملت ضربتها على بطنها علشان تسقط وكان بنضري مابي عيالي تصير هذي امهم جى نايف وجيت بعده بسنتين كانت تحبكم وتفضل انها تنضرب مني بدالكم تخيل ياولدي كسرت عضامها من كثر الضرررب
حس باولده الي الدمعه نزلت من عيونه:ياولدي ليه تنزل دموعك
فهد:مالحقت على ام يايبه
عبدالرحمن:احمد ربك هذا انت تزوجت ومنيره بتعوضك عن امك
فهد:ابي وانا صغير وش الفايده الحين لما كبرت واشتد عودي ابي امي وانا صغير
عبدالرحمن:سامحني ياولدي انا اللي سببت لكم كل هالاشيااء لكن بوصيك على منيره تراها امك الثاانيه والله اذا شفتها كاني اشوف امك
فهد:تشبهها
عبدالرحمن:لا حركاتها اسلوبها ضحكها مزحها ولا تفكر بيوم انك ترفع يدك عليها ولا ان رفعتها مره بتجرا وبترفعها ثانيه وثالثه وبيعيشون عيالك مثلكم انت ونايف
فهد:لايبه انا متعهد اني اعيش عيال احلى عيشه وما اخليهم يمرون بتجربتي
عبدالرحمن:الله يسعدك ياولدي ودائما اقولك سامحني تراني تبت لربي والباقي عليكم
فهد
:يايبه على كثر العذاب والضرب والمعاناه الي ضقناه منك على كثره احنا مسامحينك
رجعت لنا وصححت كل اخطائك ورجعت لنا ابو حنون نشوفك ونضمك ونحس بطعم وجودك وان شالله تبقى لنا وتحضر عروس عيالنا يارب وهذا مرت نايف جايبه لك اول حفيد وبعدها منيره ان شالله وبيمتلي البيت كله عيالك وربي يحفضنا لك وانت يحفضك لنا
بعد ساعه تقريبا قام فهد يغير ملابسه ويرجع لابوه خصوصا ان منور جابت لهم شاي وعصاير وكل شوي تجي تسولف معهم
نزل بثوب البيت وصاير جنااان ويهبل عند بوابة المطبخ كانت منور واقفه وتكلم جوال وبيدها ملعقه فيها سلطه ومن اول
ماجا فهد بجنهبها اكلته اياها
منور:أي خلاص الليله نشوفكم بايات وسكرت الجوال
منور:شرايك
فهد:خياليه
منور:مشكور
فهد:بيطول الاكل
منور:نص ساعه بس
فهد:ننتضرك هههههه منور شكلك خيال ويضحك بمريلة مطبخ
منور:تطنز علي ترى ماطبخ مره ثاانيه
فهد:ههههههه لالالالا بس شكلك خيالي بلوزه رسميه بيضاء وبنطلون جينز وفوقه مريله جناان
منور:هيييييين مافي اكل وراحت للمطبخ وهي تضحك
راح فهد للصاله اللي كان ابوه فيها وكان يطالعهم ويضحك عليهم
عبدالرحمن:خف على البنت شوي
فهد:ههههههههههه قسم بالله ههههههه تضحكني مقدر
عبدالرحمن:وانتوا ابد ولاكنكم معاريس
فهد:هههههههههه ماشفت يايبه شهر العسل اجل قسم بالله خلق الله يحسبونا سياحه مو معاريس مغير نضحك ونتكركر ونتطنز على الناس
عبدالرحمن:يقطع شركم هي خفيفة الدم وانت اخف
طلعت لهم منور فجاه:ترى مايجوز الحش
عبدالرحمن وفهد:ههههههههههه
..........................

في الليل كانوا بيجتمعون في مزرعة العم سالم مره ثانيه وبيعيدون ذكرياتهم فيها وخصوصا ان فيصل بيجي اليوم
وعلى الساعه ثمان الكل متواجد في المزرعه الا الثنائي المرح فهد ومنور
كانوا في في الطريق
وهناك الوناسه قايم عزها ماغير هالديجي مشغل والرقص من كل جهه
هيا الهاديه قامت تهز مصري وطبعا نوره مايحتاج من اول مادخلت وهي ترقص شوق كانت هاديه حيل وجالسه في مكانها بس صدق صاير الكل مهستر وموسع صدره
دخلت منور فجاه:سلااااااااااااااااااااااااااام
ازيكم ياحلوين
سكروا الديجي وسلمت عليهم كلهم
وكانت جايبه معها حلى مسويته جنان وجايبه خرابيط وكراتين بساكيت وبطاطسات من البقاله
ووناسه وساعة صدر
اما عند الرجال غيييييييير الهدوء والسكون يهز المكان
فهد مع خالد كالعاده وراكان مع نواف ومنصور والشياب مع بعض وداايم يكون عزوز مع الوليد
فهد:جبتها
خالد:أي نلعب
فهد:يس اتز نوت
خالد:يقطع ام الانجليزي وشلون يجي يس مع نوت
فهد:ههههه مشها بس ولاتدقق
خالد:طيب قم نجلس على الارض
جلسوا على الارض
فهد:شباب من يبغى يلعب ورق
راكان ونواف هم اللي العبوا وصاروا اربعه وقاموا يلعبون ورق والحماس باين في وجيههم
نواف:ياخي غش مايصلح
فهد:أي غش كان في غش اللي اكيد اللي غشيت
خالد:لالا مافي غش قسمه نصيب هههههه
فهد:خلااص استسلموا انتوا بنفوز بنفوز
صايرين فريقين فهد وخالد وراكان ونواف
بو محمد:ياعيال بدال هاللعب تعالوا تكلموا معنا
فهد:خلاص شباب قوموا نسولف زهقت لنا ساعه نلعب
تركوا اللعب وجلسوا مع الشياب يسولفون
بو محمد:ومثل ماقلت لكم عن كفالة اليتيم من يبغى يسجل
خالد:انا
فهد:وانا بعد
واشتركوا كلهم في كفالة اليتيم علشان يكسبون الاجر وقالوا انهم بيروحون بكره علشان يدفعون المبلغ وياخذون الوصل فهد سجل له ولزوجته والرجال نفس الشي لهم ولزوجاتهم
بعد ماخلصوا من هالسوالف
فهد:عمر وين محمد وناصر ماشفناهم
العم بو محمد:راحوا يجيبون فيصل من المطار وبيجون بعد شوي
فهد:اهااا يوصل بالسلامه ان شاللله
................
قضى الكل يوم في الوناسه والساعة صدر بعد ماجاهم انقطاع مفاجئ اما خالد جاه اضيق يوم في حياته اليوم اللي جا فيه فيصل وبياخذ منه روحه وقلبه(شوق)
................................
مابقى على الدراسه الا اسبوع وبدت الاستعدادات
منور رايحه مع شوق الراشد علشان تشتري لها للكليه ملابس نفس الشي شوق اللي سجلت بنفس كلية منور وهيا وطبعا معاهم فهد لانه عارف كله شباب ومايقدر يتركهم بروحهم
منور:شرايك بذي البلوزه
شوق:تهبل بتشترينها
منور:لا انا شريت لي خمس بلايز هذي لك
شوق:شرايك انتي
منور:بصراحه احس انها حلوه في اللبس
شوق:طيب باخذها بس ابي اشوف يمكن القى تنوره حلوه هنا
فهد اللي الحمدلله كان يحب السوق وعادي عنده الوضع ولا لو رجال ثاني كان تضايق وتململ
وبالفعل ماطلعوا الا انهم خلصوا اغرضهم كلها
شروا تنانير وبلايز وجزم سبورت وسيور ماركه بربري وديور وجفينشي وعلى الطريق شرت لها شوق نضاره جيفنشي الجديده علشان التنقل بين المبااني في الكليه
وراحت لبيتهم اما منور راحت لبيتها
............
في جناح منور
فهد:منور قلبي ممكن تجلسين هون
منيره مستغربه:ليييه
فهد وهو جالس على سرير غرفه النوم :ابيك تجلسين هنا بجنبي ممكن
منيره:أي ممكن عادي شفيييك
جلست بجنبه بوسط السرير
فهد:ممكن تغمضين عيونك
منور:فهد وش وراك (شهقت)ليكون خلاااااااااااااص بروح
فهد:ههههههههههه لاتخافين انتي تفكيرك دمار ههههههه
منور:فهد ترى اخاف منك علمني وش وراك
فهد:طالعي شوراي السرير
منور :فهووووووووووووووووووود
فهد:غمضي عينك
منور وبخوف :طيب
غمضت عينها وكانت بلوزتها لها ازارير من قدام
وفهد بدى يفتحهم
منور:فههد لا لا انت حلفت
فهد:طيب تركي البلوزه
منور :وماسكتها بكل قوتها ومغمضه عيونها:لالا
طبعا فهد يعرف وش اللي يدوخها فجاه تركت البلوزه وصارت بين يدينه:فتح الازارير الى بداية الصدر(ماكمل)خخخخخ
وسعها من على الجنبين ولبسها طقم المااس توه شاريه في المجمع وهي ماتدري
منور وبصوت رقيق:فهد شتسوي انت
فهد:فتحي عينك
فتحتها وشافته
فهد:شرااايك
منور:دايم تفاجأني مشكوووووووور قلبي والله يعافيك
فهد:تستاهلين اكثر
منور ومنحرجه ومنزله راسها:فهد بصراحه مو قادره باي لغه اشكرك ومو قادره اطلع مشاعري وو
فهد رفع راسها :مابي منك شكر ابد هذا من روحك لك واتوقع ان الروح ماتقدرين تشكرينها الا انك تزيدين حبك لها
منور:مشكووور فهد والله يعافيك
فهد:ماسألتي وش المناسبه؟
منور:ايش
فهد:التدخين تركته نهاائي ولاصرت احتاجه ابد وتخلصت منه
منورطايره من الفرحه:جد ؟ طارت في حضنه تبكي
فهد وهو يمسح على راسها:ليه تبكين المفروض تفرحين
منور:من الفرحه
فهد وبعدها عنه:والسبب الثاني بمناسبة الترقيه اللي حصلتها من عمي
منور:عاد انا ماستاهل هالطقم
فهد:انتي تستاهلين اكثر ياقلبي وابيك تسامحيني لاني قصرت في حقك
منور:ابد ماقصرت بس انا اللي اقصر في حقوقك وابيك تسامحني
ابتسم لها فهد ابتسامه تذوبهااا .......... مشفرررررر...............
.................................................. ........................
منصور وخطب رنا واعلنوا خطبتهم والكل فرح له والملكه بتكون في احد العيدين
فيصل ورجع وصاير الوضع طبيعي الى ان راكان ياشر له
شوق:ناسيه الموضوع بتاتا
فهد ومنيره هم تقريبا ابطال القصه الى الان وانتوا تعرفون وش صار لهم ولا يحتاج لشرح او توضيح
نايف مع زوجته بالكويت بيرجعون بعد ثلاث ايام
...................................
رجع نايف من الكويت ولابقى على الدارسه الا ثلاث اياام سوى فهد عزيمه كبيره علشان رجعة اخوه بعد شهر من الغيبه وعلشان ترقيته
منور وهي تلبس فوق:فهد ممكن تجيب لي ذاا
فهد:طيب
منور:مشكور وقامت تعدل بشعرها وترش عطرها المفضل سينما
منور:انا خلصت بنزل لانهم بيجون الحين
فهد:اوكيه انا بس بقى البس ثوبي
لبس ثوبه وتعطر وعدل شماغه ونزلوا مع بعض قبل لحد يجي علشان الاسقبال
منور محتاسه كل شوي راحت المطبخ تشيك على الوضع وتروح للبوفيه تتاكد وفهد نفس الشي يبغى كل شي مرتب
فهد من احد الخيام اللي برى:منووووووور منووووووووووووووووووور
منيره تطلع برررى:نعم:
فهد:البخور ودهن العود وينه
منيره:يو نسيته فوق لحضه بروح اجيبه
فهد:يلاا بسرعه
راحت منور بكل سرعتها لفوق تجيبه وجابته قبل لاتطلع تذكرت شي
راحت لصندوق الذهب والالماس حقها والبست الطقم الجديد اللي شراه لها فهد
ونزلت بسررعه
منور:فهد اخذ جبت هذا
فهد:أي هذا احلى من ذاك طيب البخور
منور:بسويه الحين فهود
فهد وهو منشغل:لبيه
منور ضحكت على هالكلمه مايندرى منين ماخذها:طالعني
التفت لها انتبه :اللله روعه عليك
منور:يسلمو ومشكور
فهد:اكتشفت انه مو حلو وانتي اللي حليتيه
منور:مشكووووور
.......: خلاص مازهقتوا وانتوا تغزلون في بعض
التفتوا الا يشوفون العم عبالرحمن:ههههههههههه
فهد وهو منقلب الوان وهو منور:هلا والله
العم عبدالرحمن:خفوا شوي في مكان بتغزلون
فهد ومنور:هههههههههههههههههه
منور:يبه انا مالي شغل ولدك معذبني وذابحني وانا اقوله دائما لكل مقام مقال بس هو الله يهديه
العم عبدالرحمن:والله مامعذبه الا انتي يامنير
منور وهو منحرجه وتصرف الموضوع:بروح اسوي البخووور
فهد فهمها:أي صرفي الموضوع ورقعيها على كيفك
منور:مشت ولا عطته وجه
شافوا اول السيارات اللي تدخل وشوي شوي امتلى البيت كله حتى اهل زوج غصون ورنا عزموهم واهل ندى مرت محمد البيت من فوقه لتحته ملياان
منور:حيااكم الله وقامت تقهويهم
والكل يمدح فيها لانها ماشالله بنت في الكليه تتحمل مسؤلية عشا وعزايم كبيره ومايقولون غير ماشالله ياحظ فهد فيها وياحضها فيه
البنات جلسوا مع مريم اللي مشتاقين لها حييل وقاموا يسولفون معها ونفس الشي رنا اللي دخلت مهعم بالسوالف على طول وصارت وحده منهم
شوق كانت مع منور تقهوي الحريم وتقدم الحلا ومحتاسه
شوق مع منور بالممر:اه منور تعبت
منور:والله انا احس بمووت تعالي نجلس هنا خمس دقايق
جلسوا على احد الكنباات الكبيره اللي بالممر الملكي وخلعوا صنادلهم الكعب الى ان يرتاحوا شوب
شوق:احس انك محتاسه
منور:أي والله بس حلو هالشي لاني اقدم خدمه لزوجي وهذا من باب التكريم له
شوق:اهااا ياحليلكم
منور كانت حساسه وماتفتح معها مواضيع خطبه ابد لانها عارفه ان امسكت خط البكى ماراح تسكت
دق جوال منور:الووو
فهد:هلا منور
منور:هلا فيك
فهد:القهوه منور
منور:اوكي توصلك الحين
منيره:فهد يبغى القهوه بروح اوديها له
شوق:بجي معك
لبسوا جزمهم منور راحت للمطبخ تسوي القهوه اما شوق كانت معها بس عند بوابة المطبخ الخلفيه عند البركه وبوفيه الرجال
كانت واقفه عند البركه وتطالع في البيت وكانت بلكونة منور وفهد تشوفها تحس ان في احد وراها وبالفعل التفتت تشوف خااااااااالد بلحمه وشحمه واقف وراها وطبعا لما التفتت شافته قدامها ومابينهم الا البركه
حست بدموعها الحاره على خدينهااا واللي سوته التفتت ورجعت للمطبخ
منور:خلصت القهوه
شوق:زين
وجا فهد خذها
ماجلست خمس دقايق الا رساله واصله جوالها طبعا من رقم غريب
((بسوي المستحيل لأجلك))
رفت نضرها تشوف من المرسل وكان رقم خالد المميز
احذفت الرساله وقامت دموعها تمشي على خدها بهدوووء شديد
...........................
عند الرجال كلهم يتكلمون عن موضع واحد اللي هو عروس القديم والكل يقول اللي عنده والضحك قايم
دخل خالد جاه فهد:وينك
خالد:جاني اتصال ورحت اكلم بعيد شوي على الازعااج
فهد:طيب تعال اجلس
خالد:طيب
فهد كان يسولف مع ابوه وعمامه
وخالد مع نايف وراكان
وفيصل .... فيصل اللي تغير من رجع صاار منطوي شوي ومو الكل يدخل معاه بالسوالف ومايجلس الا مع نواف وراكان
منصور كان مع محمد يسولف له عنه الخطبه ومثل كذاا
عند الساعه عشر ونص دخلوا للعشا وجلسوا عندهم سهره الى الساعه 12 الليل وبعدها تفرقوااا
بعد ماراحوا كانت منور مع مريم تحت يسولفون
منور وهي تفتح شعرها:خلاص خلصت العزيمه
مريم:ههههههههههه خلاص تفركشت
منور: تعبت طالعي شكلي بس حتى جزمتي مدري وينها وشعري فتحته
مريم:ههه ماتقصرون ياقلبي ويستاهل فهد هالترقيه
منور بعد ماجلست على الكنبه:اوووووووووووف احس اني تكسرت
مريم:ماتنلامين كعب طوله اطول من اصابيعك وشوكه
منور:ياختي مايرز الاهالصنادل
مريم:صاادقه المهم شخباركم
منور:والله الحمدلله بخير نسال عنكم واخيرا نور البيت
مريم:منور بوجودك ياقلبي
منور:هاا شخبار البيبي اللي هووون
مريم:هههههه يسلم عليك
منور:فحصتي
مريم:أي
منور:وش ؟
مريم:ماقلت لاحد حتى نايف مايدري
منور:اهااا الله يرزقك باللي تحبين
مريم:امييين
منور:اضنك في الخامس
مريم:دخلت السادس توني
منور:الله يسهل عليك يارب
مريم:الله يسهل ياختي شكلي يضحك وبطني متر لقداام
منور:هههههه بالعكس اموت على اشكال الحوامل
مريم:ياااااااااارب ماتعدي هالليله الا انتي حاامل
منور:هههههههههههههههههههههههههههههه تخيلي بس
مريم:اقول منورة قلبي شرايك ترتاحين
منور:لااعادي بجلس
مريم:اقول بس عليك عاادي انتي تعبانه وواضح وروحي لزوجك قبل لايشيلك من شعرك
منور وهو تغمز:يعني
مريم:هههههههههه يالله لحقي
منور:طيب بروح قبل لايجرني ويصير كل شي بالغصب
سلمت عليها وراحت لجناحها وهو ماسكه صندلها بيد وشعرها حاطته كله بجهه وحده >>>>>>جنان شكلها

منصور:هههههههه طيب وصلي لها بوسه مني
رنا وانقلب الواااااااااااااااان وانحرجت وحالتها حاله واخوتها ميتين ضحك عليهاااا
غصون:ههههههههههههههه حرام البنت راحت فيهاااا
منصور:حاطه سبيكر
غصون:يص اتز نوت
منصور:يقطع شرك كان قلتي لي ازين صوتي لحضه وبصوت نااعم:رنووو رنوو وينك قلبووو لاتعطينهم وجه وروحي ناامي وراك جامعه بكره
طلال:هههههههههههههههههههههههههه قسم بالله صوتك يضحك