منتديات بنوته - عرض مشاركة واحدة

08-18-2010, 05:46 PM

في اليل كانت منور في بيت اهلها مع امها واخوانها
نواف وتوه داخل:سلاام
الجماعه:وعليكم السلام
نواف:منور الدوبه هناا
منور:أي ولاموعاجبتك
نواف:وش في اخلاقك دمار اليوم ترى حتى الجيران اشتكوا
منورتتمسخر:جد؟
نجود:منور خذي ايسكريم
نواف:وانا
نجود:أي اليوم متهاوش معي وتبي ايسكريم طييييير ولا اجيب لك
نواف:وانا اللي بموت على حقك اشتري عشره بداله المهم وين الماما
منور:طلعت مع ابوي يقضون للبيت وانا جالسه هوون
نواف:تصدقون عاد كسرتو خاطري قوموا اطلعكم مقهى ولا كوفي شوب
نجود:جد؟؟
نواف:اي يالله خمس دقايق وبمشي اللي ركب ركب واللي ماركب طقاق
منور:انا مدري اخاف فهد يجي وانا طالعه صعبه
نواف:يلااااااا بس وسعي صدرك
الادخل عزوز وبيدينه الكوره:منووووور متى جيتي
منور:من زمان بس انت مع وليد في بيت خالي
عزوز:أي كنت العب معاه كوره
نواف:ها تجون ولالاء
منور:انا بجلس مالي خلق طلعه
نواف:والله ومعطيه فهيد وجه يلااا بس عطيني اكلمه ودق عليه
فهد:سلااام
نواف:وعليكم شخبارك؟
فهد:والله بخير
نواف:وينك الحين
فهد:انا الحين في السياره انتضر واحد من الشباب عندي معه شغله
نواف:اهاا طيب بتتاخر
فهد:لا والله يمكن على 11 انا راجع
نواف؟:اجل مايمدي
فهد:شعندكم
نواف:كنت بطلع اخواتي بس مايمدي الحين الساعه عشر
فهد:لاطلعهم وبعدين بلحقكم انا
نواف:طيب يلاا مع السلامه
فهد:مع السلامه
نواف:شفتي بعلك رضى
منور:ههههههه فديته اصلا هو طيب
نجود:بروح اجيب عباتي
منور:يالله حتى انا بعد
طلعوا وراحوا تعشوا في هارديز وجبات سريعه وتمشوا في الخبر وبعدها لحقهم فهد شوي وخذ حرمته وراح البيت
......................................
بعد اسبوعين ملكة شوق اللي طايرة من الفرحه وخالد نفس الشي
كانت شوق جالسه بغرفتها تقرى في دفتر ذكرياتها
سمعت صوت الباب وراحت وفتحت
راكان:اهلين خيتو
شوق:اهلين تفضل
راكان:ياي شوق وش فيك صايره رقيقه من انخطبتي
شوق:ههههههههههه والله جد تفضل
راكان:لا انا مشغول بس ممكن تعطيني اللاب توب حقك
شوق:وين حقك
راكان:ارسلته الضمان ومحتاج لحقك
شوق:طيب هذا هو بس الفجر يكون عندي
راكان وهو يطالعها بنضرات تمسخر:ليه حبيب قلبك بيكون موجود
شوق وهي تضحك:اقول اخذه وبس
عطته اللاب توب وراحت تكمل تقرى في الذكريات بعدها فتحت لها روايات اجاثا كريستي وجلست تقرى فيها
.................................................. ...
اليوم الثاني قامت شوق على صراخ في البيت وعفسه قامت بكل قوتها من السرير وراحت تشوف وش اللي صاير
وهي في الدرج:وش صاير
راكان:ولا كلمه والله ماتتزوجينه والله
شوق:شفيكم شالسالفه
ام راكان:روحي لغرفتك بسررعه
شوق:شصاير طيب فهموني
راكان:خالد ذا انسيه والله ماتتزوجينه
شوق:وهي تبكي :ليه شصار
راكان:سوالف في النت رسايل بالجوال ومكالمات هاا حنا قبايل
شوق:أي مكالمات أي رسايل
راكان:رفضتي فيصل وعذبتيه علشان خالد هاا؟
شوق:شتقول انت ؟
راكان:ولا كلمه فيصل سافر علشان وجهك يالضالمه طلعتي تكلمين خالد وهو في امريكا وهذي سوالفكم ياقليلة الحيا طلعتي من بقارتك مسجله المحادثات هاا؟ والله ماتتزوجينه لان حنا قبايل مانعترف بالحب لانه بيطلع بعد الزواج بس اللي اقوله فيصل بيرجع وبتاخذينه
على هالكلمه طااحت شوق بوسط الدرج
لحقتها امها:ياولدي تعال معي
راح معها راكان بالرغم من قساوته عليها بالكلام الا انها اخته
بللوا وجهها ماي وبالموت صحت : ابي خالد
راكان:تموتين ولايجي الا في جنازتك
ام راكان:وش هالكلام انت
دخل ابو راكان :صوتكم واصل لنهاية الدنيا وش صاير
راكان:ولاشي يبه بس شوق رفضت خالد وتبي ترجع لفيصل وحنا نقولها انهم مو لعبة في ايدها
شوق وبصوت بكا وتعب:كذااب والله كذاب
راح لهم ابو راكان بوسط الدرج:شوق بنتي شفيك
شوق:راكان كذاب انا مابي فيصل ان ابي خالد وين خالد
ابو راكان:وش فيك انت على اختك
مسك راكان يد ابوه وانزلوا اما ام راكان شالت بنتها وسندتها الى ان وصلت لغرفتها
قال راكان لابوه كل شي اللي تفهم الوضع عكس راكان ابد واللي حاول راكان في ابوه ان يرد خالد وطبعا ماعطى أي احد هم او راي ودق على خالد وقال له ان اختي ماتبغاااك
خالد وبصراح:وش تقول انت ملكتي بعد اسبوعين شفيك صااحي
راكان وببرود:هذا كلام اختي مو كلامي
خالد:عطني اياه طيب
راكان:نوو
خالد:انا جااي
وباسرع ماعنده قال لعايله ما وش صار وراح لهم
دخل خالد البيت بدون استئذان والدم يمشي في عروقه حس انه ممكن يقتل احد:وش تقولون انتوا خلاص ملكتنا بعد اسبوعين
ام راكان:من فوق الدرج:ياعيال بنتي بتموت
راحوا باقصى سرعتهم لها
خالد في دوامة حبها ويمشي بدون روح
راكان:اخته والدنيا تدرور به
ابو راكان:كان مثل المجنون
راحوا لغرفتها وشافوها وجهها ازرق وعيونها لفوق وميته
خالد:شووووووووووووووق وطاح على رجلها مثلا المجنون
صاير يقلب فيها كانه طفل ويبكي بكا الاطفال :رجعوها لي ملكتنا بعد اسبوعين ليه كذا ليه
راكان:اللي واقف بدون مايحس ولايدري الدنيا قامت ولانامت
ابو راكان:مو مصدق
اللي سواه راكان انه اتصل باالاسعاف يمكن مو ميته ولامه المنهاره
وصل الاسعاف وطلعوا معه الجيران والناس تجمعت
الكل انفجع بهالخبر
منور ماتدري وش السالفه لانها نايمه بالبيت مع فهد
جاها اتصال روعها في النوم واللي سوته صرخت باعلى صوتها:اييييييييييييييييييييييييييييييييييييييييييي يييييييييش ماتت
الجزء الثالث عشر

جلست البارح اتأمل وابكي زمان أول تغير حال ها الدنيا اعز انسان على قلبي ما يسأل؟؟

قام فهد على صرختها اللي وصلت لاخر الدنيا :منور من مات
منور:شوق اختي ماتت وقامت تصيح في حضن فهد مثل الطفله
فهد:استهدي بالله من قالك
منور:اختي ماتت
فهد:من قالك0
منور:مدري
قام فهد منها ومسك جوالها اللي طاح بالرض وانكسر ركبه ولا استعدل راح لجواله واتصل على راكان:السلام
راكان:هلا فهد
فهد:شصار بسرعه
راكان:الحمدلله في اللحضات الاخيره
فهد ومومصدق:يعني ماماـــ
راكان:قطعه :لا الحمدلله اقولك في اللحضات للاخيره
فهد:انا جاي يالله
سكر منه وراح لمنور وقالها الخبرولبست عباتها ولاتدري وش لابسه تحتها وبسرعة البرق راحت للمستشفى لها شافته ملياان كلهم جاو للمستشفى بعد بيت خالها راحت لامها وضمتها وقامت امها تسمي عليها لانها عارفه انها تروعت من نومتها
ام نواف:يابنتي سمي بالله ماصار شي الحمدلله شوق طيبه الحين
منور:يمه قمت نومتي على صوت جوالي وتروعت ((وكانت تشهق))
راحوا للطبيب اللي اكد لهم ان الضغط نزل عندها وهذاللي صار كله من كثرة نزوله عندها ولو متاخرين دقايق يمكن تموت
خالد عايش جو ثاني تعبان نفسيا لها يومين الحين من طالعه من المستشفى وراكان مع ذالك مصر على فك الخطوبه وانفكت وضاع فيها اثنين اهو ..وهي
كالعاده خالد راح للي يقدر يتكلم معاه اللي هو فهد
كانوا في السياره والسكون هو سيد الموقف رفع خالد عيونه الهزيله لفهد:وين احنا فيه الحين
فهد:مثل ماتشوففي البر
خالد:رجعني البيت
فهد:مايصير كذا ياخالد يومين تطلع معي ونفس الموقف يتكرر ولا انت براضي تتكلم
خالد وهو منفعل ودموعه على خده:وش اتكلم فيه اقولك خسرت روحي خلاص يافهد انا الحين جسم بلا روح خذت روحي معاها انا تعبان والله تعبان بعد اسبوعين ملكتنا ويجي شين الحلايا ويعفس الدنيا كلها كنت طاير من الفرحه وكانت فرحانه.... الصالات والمهر والشبكه وحتى الشقه جهزتها الحين كل شي يروح ليه ليه يروح علشان غلطة عمر او شي تافه وماضي
لييييه اللي سواه ضلم اثنين ليه الحين حلوه حالة اخته يعني عاجبته ؟؟ وحلوه حالتي كذ1ا يومين مدري وش صار بالدنيا ولا ادري وين بيتنا
كان خالد يتكلم كلام متقطع او مركب تركيب بغير فهم واضح انه تعبان اما فهد كان اذن صاغيه له
فهد:طيب ممكن اتكلم
خالد:تكلم وقل اللي عندك بس لاتزيد همومي
فهد:انت ترضى بقاء الله وقدره؟
خالد:ونعم بالله0
فهد:خلاص ياخالد صدقني بترجع لهاا وكل اللي يصير بكتبة ربي واعرف وحط هالحلقه في اذنك ان ربي مايقدر شي الا فيه خير لك
خالد:ونعم بالله بس...
فهد قطعه:لا بس ولاشي ياخالد انت ارضى بقضاء الله وقدر وبي بيكت اللي فيه الخير والصالح وبيجي يووم وبذكرك فيه بيجيك راكان مذلول يبك لاخته وصدقني
خالد:وش اللي ياكد لك هالكلام
فهد:كذا قلبي حاس وياخالد والله تراك تنشرى والف بنت تتمنى نضره منك
خالد:هذا اللي قاهرني اني انشرى وفيصل مايندرى عنه ببريطانيا
فهد:طيب تنهد وخذ لك نفس عميق بسرعه
خالد ابتسم:تذكرني بدروس علم النفس
فهد:يالله بسررعه
اخذ خالد نفس عميق وارتاح نفسيا
فهد وهو يضحك :تدري الساعه كم الحين
خالد:كان الصباح
فهد:أي الحين الساعه 6 الصبح وترى وراي دوام لاتنسى
خالد:طيب يالله نرجع وتراك تراك بنت عمتي بروحها
فهد:ماعليك ياشيخ تعودت
خالد:هذا وانت تحبها تركتها اجل لو تزوجت وحده ماتحبها
فهد:هههههههههه ياحلوك وانت تنكت
ورجعوا وراح خالد لبيته اما فهد رجع لشقته وهو ميت فيه النوم بس لامفر بيروح دوامه ضروري الساعه ثمان
فتح باب الجناح كان المكان هااادي ماعدا صوت التكييف المركزي
فتح باب الغرفه كانت مضلمه ماعدا نور الشمس البسيط اللي على المكان غير ملابسه وطاح في سريره مثل الميت بس قبل لاينام مد يده لمنور النايمه وقام يهزها بشويش
منور بعد ماحست فيه وفاتحه عين ومسكره عين:هلا فهد جيت
فهد:بالله ماتشوفيني اكيد جيت قوميني الساعه سبع ونص بروح الدوام
شافت منور الساعه شافتها ست ونص:باقي ساعه
فهد:لو نص ساعه ماهمني المهم قوميني
منور:خلاص طيب
نام فهد اما منور ماجاها النوم لانها نايمه من عشر الليل وقامت خذت لها شاور وجلست على النت تنتضر الساعه سبع ونص علشان تقوم فهد

جلست البارح اتأمل وابكي زمان أول تغير حال ها الدنيا اعز انسان على قلبي ما يسأل؟؟

عند الساعه سبع ونص قامت منور تقوم فهد وطبعا ولد امه ماحس فيها اصلا تعبت وهي تقومه
منور:فهد والله تعبت وانا اقومك يالله عاااااد
فهد<<<<لاحركه ولا الاحساس بعد ولاصوت
منور وهي تهز فيه:فهههههههههههههههههههههههيد
فهد:هاااا نعم خير
منور:قم دوامك ثمان الا ربع
فهد:ليه ماقومتيني قبل
منور:مارضيت تقوم
فهد:يااااااااربي يالله جهزي فطوري على بال ماجهز
منور:مجهز بس قم
قام فهد يجهز عمره اما هي راحت تسخن الحليب للكباتشينو
جاها وهي جالسه على طاولة الطعااام
فهد:مره ثانيه لازم اقوم ابكر
منور:ان شالله
فهد:يعني ماتاخر مثل اليوم
منور:طيب انا وش ذنبي اذا انت جيت متاخر
فهد:والله مدري بس المهم ماتاخر مره ثانيه
حست فيه ناوي على هوشه اصلا اسلوبه متغير كثير عن الاول وحست بدت تطلع شخصيته الحقيقه ... عصبي .. مزاجي .. يفرض رايه....نفسه في خشمه ..بس اللي يشفع له كلامه العسل في بعض الاحياااان
توها منور تحس انه مايوفقها في شي وحست انها تسرعت يوم وافقت على طول بدون حتى ماتسال لانه ثمان سنين ماتعرف عنه شي
تفاجات بصوت كوب الكوفي على الطاوله:بسم الله
فهد:لي سنه اناديك ماتردين
منور:اسفه كنت سرحانه
فهد وهو معصب ونفسه فووق:اجل سرحي براحتك باااااااي
وقام وطلع من الجناح
اللي سوته منور انفجرت صيااح وفي خاطرها هذا جزاي يوم اني قومتك وتعبت وجهزت فطورك
راحت لسريرها وادفنت راسها في مخدتهاا وراحت في دوامة البكا
....................
................العصر............................
في بيت العمه منى
منصور:ها يمه شرايك طلال قال لي والراي رايك
ام منصور:والله ياولدي انا ابي اشوفك معرس باقرب وقت وانت تنشرى وشراك طلال والبنت اسال اختك عنها محتكه فيها كثير
منصور:طيب انت يايبه
ابو منصور وهو يضحك على ولده:شكل البنت دخلت راسك
منصور وهو يبتسم وصار جناان:لا يايبه اصلا ولا عمري شفتها وتوني اسمع باسمها بس لاني انا انخطبت مو خطبت حاس بهالشعور
ابو منصور:والله وتفتخر ياولد ابوك اشووف
منصور بزهو:أي والله يايبه وليه مافتخر طلع الناس عيونهم علي وانا مدري
ابو منصور:تستاهل ياولدي وين اختك
منصور:مدري الضاهر هالدبه راحت الرياض
الا دخلت غصون وصوت ضحكها واصل اخر الدنياا:هههههههه من جدك
طلال:ايييي وسعي صدرك الدنيا رايحه
دخلوا على العايله وجد حالهم متغير من اربع ايام او اقل كانوا مفترقين والحين هم مع بعض
منصور:شوي شوي
غصون:اااااااااااوص
طلال:تعجبني حبيبة زوجها تسكت اخوها
غصون:ههههه وراحت لابوها
((لاتنسون انه مو ابوها ويصير زوج امها بس مربيها وصاير ابوها))
..هلاا يبه شخبارك
ابو منصور:هلا بك يابنتي تو نسال عنك
غصون:تسال عنك العافيه
طلال:هلا عمي
ابو منصور:هلا بك شخبارك
طلال:الحمدلله بخير
وسلم على عمته((ام منصور)) وجلسوا يسولفون
ام منصور:وين هتوفه والعيال
غصوون:هههههههه بيت عمتهم
ام منصور وهي معصبه:مو انا قلت لاتجيني الا مع عيالك
غصون:يمه لاتعصبين بس طالعين طلعه حلوه بدون العيال
ابو منصور:مره ثانيه لاتجين الابهم
طلال:ان شالله ياعمي ان ماجابتهم معاها بذبحها
منصور:مايجوز الذبح بس يجوز القتل هههه
طلال:لاااااااا
منصور وهو يطالع ساعته:يلاا شباب انا رااااااايح
ابو منصور:وين
منصور:للدوام المسائي والله مكروف انا صبح ومساء
ام منصور:والله انت مانت براضي تاخذ اجازه حتى خميس وجمعه تداوم شف عيال خالك ماخذين راحتهم
منصور:جلوسي الرجال عيب في بيته ولو لدقايق
طلال:تصدق يعجبني اخلاصك في العمل
منصور:هههههههه يالله انا ماشي
وطلع منهم منصور وبعده ابو منصور راح ينام نومة العصر اما غصون وزوجها جلسوا شوي وطلعوا
................................................
في بيت فهد حست منور بنفسها رفعت راسها شعرها كان ملتصق بوجهها من البكا حست بنفسها تعبانه شافت ساعتها على الاربع قامت من نومتها بسرعه وراحت تتوضى علشان تصلي الضهر والعصر وعدلت من شكلها بس كان واضح من شكلها انها كانت تبكي وغير انها تحس انها دايخه وراسها يالمها
تذكرت فهد وراحت للغرفه علشان تاخذ الجوال تشوفه وين تفاجات انها شافته نااايم لفت براسها وطلعت من الغرفه وراحت للمطبخ يمكن تشتهي تاكل بس ما اشتهت ولاشي غير كاس عصير وراحت للمكتبه تفتح النت وجلست تبحث عن روايات انجليزيه تحبها
تذكرت امها لانها لازم تكلمها كل يوم ودقت عليها
منور:الووو
نجود:اهلين
منور:هلا نجود شخبارك
نجود:بخير وانتي
منور:الحمدلله وين امي عنك
نجود:هذهي ونادت امها اللي قامت تسولف معها
امها حست ان منور مو طبيعيه ابد وواضح انها تعبانه
ام نواف:يابنتي شكلك تعبانه
منور:لا يايمه توني قايمه من النوم
ام نواف:طيب وزوجك وش لون تغدى
منور:مدري عنه انا كنت نايمه
ام نواف:يابنتي مره ثانيه اهتمي
منور في خاطرها اهتم طل ذا مايستاهل اهتمام:ان شالله
ام نواف:لاصوتك مو عاجبني ابد
منور:يمه والله مافيني شي بس احس اني دايخه
ام نواف:طيب روحي حللي يمكن حامل
منور:لاااا الحمل وين وانا وين اصلا مافكر بالحمل
ام نواف:براحتك يابنتي بتجين عندي اليوم
منور:والله مدري على حسب
ام نواف:يالله براحتك ابوك يناديني اكلمك بعد شوي
منور:طيب سلمي عليه مع السلامه
سكرت التلفون وقامت تفكر جد يمكن اكون حامل بس لااااا وش لون اكون حامل وانا مع الموانع ربي يسهل بس
راحت للغرفه وجلست على الاريكه((الصوفا))وقامت تلعب بالجوال تغير اسامي ترسل رسايل وهي طفشانه من حياتها الروتين نفسه كل يوم طفش ملل زهق ضيقه مافي شي جديد ولا والاخ هالايام صاير غير شكل
زهقت من وضعها وطلعت تكلم مريم ونزلوا تحت للبركه وجلسوا يسولفون ومريم تتكلم عن الحمل وكيف متعبها ومنور تستمع وقاموا يسولفون مع بعض حوالي ساعه بعدها كل وحده راحت لجناحها منور من اول مادخلت راحت للمكتبه وجلست تطالع تلفزيون
بعد فتره دخل فهد وهو لابس يعني بيطلع
التفتت طالعته بعدها طالعت التلفزيون ولا عطته اقل اعتبار
فهد وهو مروووق((ماقلت لكم الاخ مزاجي))افا الحلوه زعلانه اجل
ولا عطته وجه
جلس بجنبها ومسك من ايدها الريموت كنترول ونفس الشي تطالع التلفزيون وهو مو معطته وجه وواضح على اعصابها
راح مسك وجهاا ولفه له ماصار بينهم الا 5 سم بس
صار يشوف بحر في عيونها وشوي شوي نزلت دمعتها وقامت بكل قوتها منه مسك يدها ورجعها
فهد:شفيك
منور:مافيني شي عيوني من العدسات تالمني
فهد:انتي ماتلبسين عدسات
منور:ممكن تتركني
فهد:طيب نتفاهم
منور:مشكور مابي اتفاهم معااك
فهد:لا لا شكل شي كبير فيها ونزل شماغه وقام يتنهد
فهد:اجلسي وطالعيني
منور:مشغوله شوي ممكن تتركني
فهد:ماتروحين شغلك الى ان نتكلم
منور وجلست :يلاا تكلم ((وهي تطالع الساعه))ماعندي وقت
فهد:افاا لي ماعندك وقت
منور ودموعها على خدها:أي ماعندي وقت
فهد:انا اسف
منور:على ايش على اسلوبك معاي ولا على تعاملك وعلى تاخرك امس ولا ولا ولا
فهد:الللله كل هذا شايله علي
منور:انت تسهر برى مكانك تدري ان زوجتك بالبيت تنضرك ولا اليوم اسلوبك معي دمار الصباح انا شسويت لك علشان تعاملني كذا قومتك ومارضيت تقوم وجهزت فطورك بس علشان سرحت شوي قلبت السالفه وسويتها مشكله وهي تبكي انا شذنبي
بالله عليك جاوب سؤالي انت تشرب ولا تشم ولا وش سالفتك مو طبيعي والله مو طبيعي معااي تونا مالنا ثلاث شهور وبديت اعاني والله اعاني
فهد مستغرب من نفسه كيف انقلب واثر فيها لها الدرجه
فهد:طيب ممكن تقبلي اسفي واللله ماعيدها مره ثانيه
منور وهي تطالع فيه:لااااا ماراح اقبله يمكن تاخذها علقه وتحس ولاتكرر
فهد:منووووور يالله عاد
منور:لا والمشكله مانتهت لها الحد بس ناوي بعد تطلع تكمل وانترك انا بروحي في البيت
فهد:طيب اتاسف يامنور ولا تاخذين بخاطرك وعلي حلف اني ماتعدى 12 الا برضاااك
منور :يصير خير
فهد:يعني رضيتي عني ولا؟؟
منور وهي تبتسم:أي مو زعلانه عليك
فهد:يالبى قلب هالمزيونه اللي قدااااامي منور بجد تراك تسحريني بابتسامتك
منور:شدعوووه مافيني حلااا
فهد:ماعاش من قال هالكلمه انتي مصدر الحلااا منور انتي جميله احسك ناااعمه ورقيقه ودلوعه
منور تكمل :وتنام بحضن زوجها <<<حطت راسها بحضن فهد وغمضت عيونها
فهد:هههههههه يالله نامي ماوراك شي
منور:الله وناسه قلي قصه
فهد وهو يلعب على شعرها طبعا بعد مافتح الكليب:امممم في واحد يموت بتراب زوجته لكن يسوي حركات تقهر بعض الاحيان ويعذب زوجته بها مع ان هالاشياء غصب عنه هو بدى يترك التدخين علشان كذا مزاجه متقلب صدق انه صاير عصبي بس قلبه ابيض وحنون وطيب مرره ولو تطلب زوجته روحه عطاها اياهه هديه
حس بدموعها على خدها وبصوت ناااعم ورقيق:قلبووو ليه دمعتك على خدك
منور :انت تتكلم عن نفسك
فهد:أي اتكلم عني منور سامحيني انا الحين اترك التدخين وعلشان كذا مزاجي متقلب
منور وهي تطالع فيه :جد؟
فهد:أي
حست انها وده تقوم تحب اسه ودها تضمه لين تدخل روحه بروحها
جد تحبه تحبه بطيبته بحنانه واثنينهم سرحوا في بعض
..................
فيصل وهو يكلم راكان:جد تبيني ارجع واتزوج اختك
راكان:أي حست انها مو مرتاحه مع خالد وو طبعا قلت انا مافي الا انت تستاهلها
فيصل وهو مصدق:راكااان تتكلم جد؟؟
راكان:اييي وش اقول انا لي سااعه تعال باقرب وقت للسعوديه واخطبها وبتوافق
فيصل:طيب رااجع مع السلامه<<<مو مصدق
سكر راكان من فيصل وراح لشوق:شووووق
شوق وهي تطالعه:هااا
راكان حس باخته المتغيره :اممم فيصل بيرجع
شوق وببرود:طيب وش اسوي انا
راكان عصب:واللي اتفقنا
شوق:ماتفقنا شي
راكان/شووووووووق اللي قلنا بيرجع وبيخطبك
شوق وبنضرات خووف:لاا انا لخالد وبس وعمري ماراح اكون لغيره
راكان:شوق لاتستفزيني بالكلااام
شوق:انت حقير
راكان وهو معصب:انا حقير هيييين تصدقين كسرتي خاطري من شوي بكلامك لخالد وحسيت اني بضلمك مع فيصل لكن غصب عنك بتاخذين فيصل
شوق وهي تبكي:والله انك حقير ليه امي وابوي مو معااي وينهم عني ليه تركوني
راكان:من ذاك اليوم وانتي تحت مسؤليتي فااهمه هالشي ولاتعترضين اضنك تعرفين اخوك وكلمته اللي بحد السيف
وطلع وتركها في اعصار البكااء اللي دخلته
في بريطانيا فيصل كان يرقص من فرحته ومن غباءه جهز ملابسه قبل لايحجز
ليزي:وين بتروح ؟
فيصل:برجع السعوديه بتزوج
ليزي:فيصل انا احبك
فيصل:حبتك القراده بنت عمي تنتضرني
ليزي:طيب انا يمكن حاامل منك
حس بكلامها كان حد عطاه كف على وجه او ضربه بسكين على صدره
توه يستوعب فضااعة الامر اللي سوااه
ترك ملابسه وجلس الكرسي يستعرض احدااث شهر كامل مر عليه كله بنات وخمر ودعاااره
استوعب هو لد من هو ولد اكبر عايلة في الشرقيه وارقاها وولد اجاويد وناس كباار
ماحس بنفسه الا لما هزته بكل قوتهااا
فيصل:ابتعدي عني انا ماعرفك اطلعي برى الشقه
ليزي:فيييصل
فيصل:اووووت
اخذها فيصل من يدها وطردها برره الشقه حس انه تعباان ومو كفو انه ياخذ بنت عمه حس بنفسه حقير ومو متربي وولد شوارع
مسك جواله ودق على راكااان
راكان وهو يضحك:هلا بالنسيب
فيصل :راكان بقولك كلمتين
راكان:خير فيصل شفيك
فيصل:اختك ارقى من انها تاخذني ومو كفوا لهاا
راكان وهو معصب:اجيه من جهه يجيني من جهه بتاخذها وبتاخذك ولاتااخر علينا
فيصل:لا تعاتبني اذا صار شي
راكان:مو صاير شي بس تعاال أي صح اختي نفسيتها شوي مو مره وتعبانه يعني ترتاح شوي شهر شهرين ويمكن ثلاثه وتصير خطبه بس انت ارررجع
فيصل وبهدوء :طيب بااي
راكان:باياات
..
سكر راكان من فيصل بس مايدري حس بواقع الكلمه في مخيلته حس باثرها بس غير موجة تفكيره ولا عطى هالاحسااس باال
.................................................. ..
فتحت عيونها على ضلام المكاان وحست نفسها مرتااحه في النووم شافت ساعتها ست وبحركتها الزايد لفتت انتباهه
فهد وبصوت نااعم:قمتي
وهي منحرجه من نفسها وشالت راسها من حضنه:انا اسفه
فهد:لاا عادي ليت كل مره تسوينهااا
قامت تفتح الانااره وشافت فهد على وضعيته وتطالعه بخدود حمرا
فهد:نفسي اعرف ليه لونك احمر
منور وتطالع الارضى وتبتسم:مدري منحرجه صراحه
فهد:شدعووه انا كلي لك
منور:انا مستغربه من نفسي كيف نمت اليوم كله نووم صااير
................
فهد:اممممم يمكن حاامل
منور:لاااا وش حامل ماتوقع
فهد يطالعها بنضرات:لييه ؟
منور ووجها شاب ضووء وتحاول تشغل نفسها بشي:بس كذا ماتوقع اييي ليه ماطلعت
فهد:بصراحه لسببين الاول:مادعاني قلبي اشيل راسك واحطه على مخده لاني اولى منها
والثاني مو كل مره بتنامين بحضني فحبيت استغلها وانا اطالع تقاسيم وجههك
منور حست بالضو اللي شاب بوجهاا وحست بحرارتها بعد بس التفتت وراحت للغرفه وقبل ماتفتحها
فهد:يعجبوني اللي يستحوون
فتحت الباب بسررعه وقفلته واتسندت وراااه وهي منحررجه وحالتها حاله راحت للتسريحه تضبط شعرهاا وترفعه لان فهد فتحهه وهي نايمه راحت اغسلت وجهاا ونشفته وحطت لها كحل وقوس وغيرت بجامتها بقميص بيت قصير حلوو وناعم وطلعت
كان فهد على نفس وضعيته بس يطالع تلفزيوون ومهتم يطالع الاخباار
جلست بجنبه شوي وراحت للمطبخ تسوي شاي وفيشاار وطلعت وحطتهم على الطاوله
سكر التلفزيون
فهد:هالايام الاذان متاخر
منور:أي الساعه ست ونص كذا ياذن
فهد:باقي ربع سااعه يالله عطيني شاااي
صبت له شااي وجلسوا يسولفون
منور:فهودي
فهد:عيونه
منور:تسلم تقدر توديني اليوم بيت خالي ابي اروح لشووق
فهد:اوكي نو بروبلم
منور:احلىىى يالانجليزي بالله عليك تعلمني متى تعلمتها
فهد:امس بو زياد علمني اياها
منور:هههههههه ياحليك الله يخليكم لبعض
فهد:امييين طيب ماتبغين نتعشى الليله مع بعض
منور:لا مالي خلق اكل ابد
فهد:صدقيني حامل مو مشتهيه اكل وطول وقتك ناايمه تدرين؟ نروح المستشفى تحللين
منور:فهد صدقني انا مو حاامل أي متى توديني بيت خالي
فهد:بعد مانروح للمستشفى
حست بكلمته وعناده واللي براسه بيسويه
منور:طيب متى بتوديني المستشفى
فهد:بعد الصلاه
منور:طيب نو بروبلم ياعسل
فهد وهو يبتسم:انتي العسل ياعسل
.................................................. ................
في شقة نايف
نايف:ها تجهزتي
مريم:أي يالله متى الطياره
نايف:بعد سااعه نادي نعيمه تشيل الشناط انا بروح اصلي المغرب وجاي ابي السياره جاهزه والشنط فيها وانتي جاهزه بعد
مريم:ان شالله
طلع نايف وهو في اللفت ركب معه فهد اللي رايح يصلي بعد
نايف:هلا فهييد
فهد:هلااا فيك
نايف:شخبار برنامجك
فهد:والله انا احااول
نايف:شد على حيلك وتخلص من هالسم نهاائي
فهد:احمد ربي ان تدخيني ماهو شراهه
نايف:الحمدلله
طلعوا من اللفت وهم رايحين يصلون لان المسجد قريب
فهد:والله منقلب مزاجي و زوجتي مسكينه هي اللي تطيح فيها
نايف:انتبه يافهد
فهد:والله اليوم زعلت علي وراضيتها وعلمتها اني اترك التدخين واستانست حيل
نايف:الحمد لله المهم انا بروح بعد ساعه الكويت انا وزوجتي
فهد:لاا حلو كان قلت لنا نحجز معاكم
نايف:والله انا رايح لشغل وبطول يمكن شهر بجلس اخر يوم في الاجازه انا بجي وطبعا باخذ زوجتي مقدر اتركها كذا بدون احد
فهد:شدعوه وانا وين وزوجتي وين ان ماشالتها الارض تشيلها عيونا
نايف:ماتقصر ولا اوصيك على الوالد تره نفسيته هالايام مو عاجبتني حاول تقعدون معه كثير وطلعه معك للمسجد>>ابوهم معااق وعلى كرسي
فهد:ان شالله لاتوصي حريص
نايف:متغدي اليوم هو عند خالي بو راكان علشان كذا ماشفته
فهد:اهاا زين يالله ندخل بيقيمون الصلاه
دخلوا وصلوا نايف خذ زوجته وسلم على ابوه وراحوا للكويت لان عنده شغل هنااك وفهد ومنور جلسوا مع العم عبدالرحمن يسولفون وبعدها وصلوه بيت اخوه بو خالد وراحوا للمستشفى
نزلت منور معاه وحللت

...
ركبوا السياره
فهد:ان شالله قريب
منور:ان شالله
ضااااق صدره فهد يوم ماطلعت حاامل لانه ينتضر حملها بفارغ الصبر بس طلع الضغط منخفض شووي واثر عليها شوي ومنور بنيتها ضعيفه ولاتاكل كثير وعلشان كذا حست بدوخه وتعب
فهد:مو حاله منور
منور انخرش قلبهااا ليكون ميت على العيال وهي ماتفكر:في ايش طال عمرك
فهد ابتسم في نفسه على الكلمه بس حب يطلع قسوته شوي:الى متى وانتي اكلك قليل زي كذا وراك حمل وولاده وعيال مايصير بنيتك كذا ضعيفه وبتتعبين في الحمل كثير وعلشان كذا انتي تتالمين كل شهر واضنك فاهمتني
منور:طيب انا ماشتهي اكل هالايام
فهد:مو بس هالايام من اول ماتزوجنا وانتي اكلك قليل قلت في بداية الزواج يمكن مرتبكه ولا مستحيه ولا شي الحين لنا شهرين ونص وبنكمل الثلاثه وانتي مازلتي على اكلك القليل ولا ضعفتي زياده ولاتحسبين شكلك حلوو المره حلاتها مدبدبه
منور:ان شالله خلاص بحاول اكل قدر المستطااع طيب
فهد:طيبي يالله نزلي نتعشى
منور:وبيت خاااااااالي قصيت علي
فهد:هههههه اول اكلي بعدين انزلك
نزلوا لمطعم ستيك هاوس يتعشون
بعدها راحت لشوق وفاجأتها بجيتها وجلست معها وونستها الى الساعه 12 وبعدها خذها فهد وراحوا البيت وجلسوا مع العم عبدالرحمن شوي وراحوا جناحهم
...............................................
كان خالد بسيارته مع اخواته هيا ونوره والوليد يتمشوون
خالد وهو واقف عند باسكن :ها وش تبون
نوره:انا ابي البرج العملاق
هيا:ملك شيك شوكلاته بارد
الوليد:بنزل معاك انا
خالد:تعااال
راح شرى لهم ولاخوه الوليد اللي يحبه كل قلبه((خالد يمووت في الاطفال وحنون عليهم كثير))
ركب السياره وطاح عينه على ظرف:اووووو الساعه كم الحين
هيا: 12 ونص
خالد:تتوقعين احد قايم في بيت عمي تركي
نوره:أي اجاازه اكيد البيت كله قايم
خالد:جربي كلمي البيت وشوفي
كلمت نوره وردت شوق ببرود على التلفون
نوره:هلا شووق
فز قلب خالد والتفت على اخته بالمرتبه الثانيه
شوق:هلا .................نوره
خالد من سمع صوتها حس انه بيبكي سند راسه على كرسي السياره شافته هيا لانها جالسه بجنبه وحست فيه وخالد لاشعوريا نزلت دمعته وبغير قصد بعد
نوره:شوق بس انتي اللي قايمه في بيتكم
شوق:لاا امي وابوي هناا
نوره وهي تقول لخالد:طيب وش اقولها
خالد:بس بعطيهم شي في البيت
نوره تكلم شوق:بنجيكم الحين البيت بنعطيكم شي
شوق:حياكم
سكرت شوق منهم وجلست مع امها وابوها بلا احساااس امها يتقطع قلبها على بنتها وابوها واقف صف ولده لما اقتنع بكلامه
ابو ركان:من كلم؟
شوق:نوره بنت عمي
ابو راكان:طيب متى راكان بيجي
اام راكان:اتوقع الليله او بكره
ابو راكان:/ما امداه راح الضهر الرياض بيرجع الليله
ام راكان:عنده شغله بسيطه وبيرجع
دق الجرس وراحت شوق تشوف مين
رفعت السماعه وحولت الرقم علشان تسمع:الوو
خالد طاح قلبه:السلام عليكم
شوق وهي تنزل دموعها:وعليكم السلاام
خالد:الله يعافيك خلي احد يطلع لي اعطيه الظرف ولا خلاص جا راكان مشكوره
سكرت التلفون وراحت على طول لغرفتها وسط دهشة امها وابوهاا
من جهه ثانيه كان خالد يدق الجرس والتفتت شاف راكان معاه
راكان:السلام عليكم
خالد من غير نفس بس حاول يكون بطبيعته:وعليكم السلام
راكان:حيااك تفضل
خالد:مشكور بس خذ هالظرف وعطه عمي مع السلامه
راكان:ادخل عاد شوي شدعوه
خالد:الله يعافيك الاهل بالسياره
ركب سيارته بدون مايعطيه اقل اعتبار وطبعا مزاحه انعفس ورجع البيت باخواته
الوليد قبل لاينزل من السياره:خالد ابي اروح البقاله
خالد:لما وصلنا كان قلت قبل
الوليد ينزل زعلان:لا خلاص مابي
خالد:تعال ياقلبي خلاص اوديك
الوليد:صدق احبك ياخالد
خالد:وانا احبك يلاا سكر الباب وا اوديك البقاله
وداه البقاله وكلم اخواته وخذ لهم اللي يحبونه وطلباتهم جابها لهم وراح يكمل السهره مع اخواته