حبيت اليوم اجيبلكم انواع البنات بالماسنجر
الرسمية ....::
وكل كلامها احترم نفسك لا تقول لي كيف الحال لاتسألني عن اخباري
هذي حياتي الخاصه انت مالك شغل ... يعني بتعطيك محاضره عنوانها
( لاتقول كيف اخبارك ) .. همن تصقعك بلوك ( حظر ) ومن زود الرسمية اللي فيها بعض الاحيان لين قلتلها اهلين قالت انا مو اصغر عيالك قول لي هلا وبس اهلين مانعرفها وفيها شبهه ... ( شنو الشبهه يرحم امك تبين نقولك اهلين يااختاه
المصلحه ....::
هذي ما تسلم عليك الا فالشهر مره (وايد فالشهر مره ) ... أو بالاصح
اذا عندها موضوع كاتبته في المنتدى وتبيك ترد عليه او تصلحلها
الجهاز ... بتييك وتقول فلان حبيبي .. اقولها هلا والله عاش من شافك وين الناااس من زمان ما شفناك.... بتقول والله اختبارات
خلها على ربك ياحياتي !!! ياحياتي وين اصرفها لو قالتها ذيج
الرسمية ...(يمدحون بنك المصلحه بس ) ... عاد انا متعود على
هالحركات اضربها في ويها اقولها ... اها أخلصي وشنو عندك وشنو
تبين؟ ..... مايمديني اقول لها هالكلمة الا صاكه اللنك في ويهي ....
واللي احلى من هذا .. تقول تصدق اني كاتبه الموضوع فيك ( ياروحي
صرت ريكي مارتن ... انا أحلى منه ... تقاطيع وجهي احلى ... قول ايه بس ) ... والزبده كلها رد
على موضوعي وبس
الـهـبلـه ....::
تييك وحده فاقده ... حاطه عقلها في جنطة الجامعة ويايتك ....
وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاجه
العـاقـلـه ....::
من زود ركادة العقل فيها اذا ضحكت تضحك جذي هى هى هى . تحط
نقطه في آخر ضحكتها ( يعني مجرد موقف ضحكت عليه لاتحسب اني
مستانسه على سوالفك .... ولين قالت شكرا مو مثلنا نقول شكرن لا هي تحط التنوين الطامره فوق الحرف مثل جذي ( شكراً )
الدفشــه ....::
ماتدخل في الشهر الا مره ... وكل سوالفها وشلون امك عساها
طيبه .. وتسولف معك وبرايفتها الثاني مع ستيف وطقته .... (ما ادري
وشنو تبي من الدنيا ) ... تستهبل وتلعب بمشاعر واحاسيس الشباب
واخر شي انا كنت اتغشمر وربي اتغشمر ( منت هين تعرف مشاعر و احاسيس
مشغول ، Bussy - ....
اعرف انها قاعد تطلع القمل من شعرها ، ولا انها تهاوشت مع اختها من اللي يلبس االشباصه الخضرا اليوم
سأعود حالا ، BRB -
قاعده تاكل بس مستحيه تقول
بالخارج، Out Side -
امها وراها تدهن شعرها بزيت زيتون ولا دابر ... واحد منهم اذا
ماشميت الريحه زين