منتديات بنوته - عرض مشاركة واحدة

07-22-2010, 05:47 PM

بالغرفة الي نايم فيها سامي ومحمد
: سامي
سامي: نعم
: سامي
سامي: نعم .. مين ينادي
: انا يا سامي
سامي: انت مين ماني شايفك
: اقرب مني ياحبيبي لا تخاف
سامي: ماني خايف .. بس مو شايف
: قولي ياسامي انت ليه حزين كذا
سامي: انت كيف عرفت اني حزين
: منت غريب عني
سامي: تعرفني؟!!
: كيف ما اعرفك وانت قطعه مني
سامي: طيب ليه ما اشوفك عشان اعرفك
: تعال انا قدامك اقرب مني اكثر
سامي: يباااااااااااااا
راشد: ياروح ابوك
سامي: ياروحي انت والله .. وينك وحشتني كثير .. وينك لما رجعت من سفري ماشفتك
راشد: ليه حزين وانا ابوك
سامي: حزين على فراقك يبا
راشد: هذا انا قدامك يا يبا ..بخير
سامي: عساك دوم بخير يايبا.. عساك دوم بخير
راشد: اخوانك كيفهم ياسامي
سامي: بخير يبا.. مبسوطين يقولون انك معاهم .. بس انا ماحسيت بك مثلهم
راشد: هذا انت معاي .. تشوفني واشوفك .. ايش تبي اكثر من كذا
سامي: الحمدلله يبا .. الحمدلله . مبسوط بشوفتك كثير كثير.. كذا يبا
راشد: ايش ياحبيبي
سامي: طول هالسنين وماتقولي عن سماح .. ماني رجال يعني واشيل مسؤليتها معاك
راشد: الا رجال وسيدهم .. بس من خوفي عليك لا اخسرك انت بعد
سامي: يبا سماح جابت راشد ومريم .. يبا العيال يهبلون .. ليتك هنا وتشوفهم
راشد: شفتهم يبا .. وفرحت بهم بعد.. سامي
سامي: سم يبا
راشد: خلهم بأمانة عمك بومشعل.. هو يربيهم
سامي: ليه يبا .. حنا خوالهم وبنشيلهم بعيوننا
راشد: ادري يبا .. مثل ماهم عيالنا .. عياله هو بعد
سامي: يعني ايش يبا .. يبا
راشد: حب عمك لسماح كبير .. دفع من فلوسه كثير ومستعد يدفع اكثر حتى اختك ترد .. خل العيال عند حرمته لحد اختك ماترد .. حرمته انحرمة من ولدها خلها تعوض في راشد الصغير.. وان قدرت وانا ابوك خل العيلتين يبقو عيله وحده
سامي: تامر يبا .. بس كيف
راشد: سامي
سامي: سم يبا
راشد: اخوانك وانا ابوك
سامي: بعيوني يبا
راشد: خواتك اولهم .. عذابهم ماهو هين ..
سامي: لا توصي يبا خواتي بقلبي وعيوني لا توصيني عليهم
راشد: سامي
سامي: يعيونه
راشد: بكره نور تكون حليلتك .. خلي بالك منها ومن نفسك
سامي: يبا .. يبا .. يبا.. وين تروح
***************************

في غرفة نور وساره
نور: ساره انا نازله اجيب الحليب للعيال خلص
ساره: راشد قعد؟
نور: ايوا اسمع صوته
ساره: بروح معك
نور: خليكي مع سما .. تقلق اذا قعدت ومالقت احد
ساره: حاضر
نور: مع اني عارفه انها صاحيه ومانامت
ساره: لا تحسين زين .. كفايه الكلام الي سمعتيها من شوي
نور: لا تتدخلي انتي هذي حياتي.. يلا انا قايمه
ساره: انا عارفه انك صاحيه .. صحيح مافي صوت .. بس اسمع دموعك
سما:................................
ساره: على العموم .. لا تزعلي من كلام المجنونه ذي .. تحبه وتموت عليه ..والله لو تعرفي قد ايش بكت عليه
سما: عارفه عشان كذا قلت لها انه مريض
ساره: والله؟!!! يعني هو صاحي مافيه شي
سما: اسم الله يحفظه مافيه الا العافيه
ساره: عارفه .. زين سويتي.. مابيجيب راسها الا كذا
سما: اختك عزيزة نفس .. ادري انها تحبه عيونها تفضحها .. بس تكابر .. خليها تتدلع .. تبي تشوف غلاتها بقلبه قد ايش .. انا الي علي سويته .. الباقي عليه هو عاد .. يقدر يخليها توافق بحنيته
ساره: يا سلام يا سلام .. شوفو من قاعد يتكلم .. الي يسمعك يقول عاشقه .. لايكون بس من ورانا
سما: هاه .. ياحسره.. منين
ساره: لا تقولي منين .. انتي الي ترفضين ..كل واحد يجيك يقول الزود عندي
سما: هو بضاعه؟!! انا ابي رجال
ساره: والله عاد؟!!.. الي يجونك حريم يعني
سما: ههههههههههههههههههه الله يقطع بليسك .. ماقلت كذا.. بس انا رجلي غير.. غيييييييييييييييييييييييييييييير
ساره: حللللللللللللللللللللللللللللللللللللللللللللللللل للمي .. الا شكلك بتعنسي وتطيحي بكبودنا الله يعيننا عليكي
سما: اقول انكتمي خليني انزل اشوف نور.. مسكينه زوجة اخوي شايله حمل عيالنا وهي مالها ذنب
ساره: هاه.. قال زوجة اخوي .. خل توافق بالاول .. وبعدين يصير خير
سما: بتوافق تراهنيني
***************************

في المطبخ
نور: مين بالمطبخ؟!!
سامي: انا سامي لا تخافي تعالي
نور: انت ما نمت؟!!
سامي: نمت شويه وصحيت
نور: مالحقت ترتاح
سامي: بالعكس احلى نومه .. مالك
نور: ابد
سامي: ليه مانمتي ليلحين
نور: راشد صحى ونزلت اجيبله حليب
سامي: عقبال ماتشيلي عيالي
نور: ..................
سامي: ليه ساكته
نور: ماعندي شي اقوله.. سامي
سامي: عيونه
نور: ايش معاك
سامي: كاسه بها مويه
نور: سامي اتكلم من جد
سامي: وانا بعد
نور: انت تعبان؟؟؟
سامي: ايوا تعبان.. ومن شفتك ارتحت
نور: ممكن تغيراسلوبك معاي
سامي: كيف يعني
نور: يعني عرفت انك مريض
سامي: أي والله مريض.. مرضي صعب شوي
نور: يعني ايش.. ايش فيك
سامي: خايفه علي؟!!
نور: كيف ماخاف
سامي: شوفي جفاك معاي وانتي تعرفي.. مو مصدقك انك خايفه علي.. انا متوقع انك نسيتي كيف تخافين علي
نور: انا؟!!! حرام عليك
سامي: طيب ليه البكا .. كلميني.. ليه تبكين
نور: ولا شي
سامي: شفتي كيف؟!!.. صدقتي الكلام الي قالوه عني .. مارضيتي تسمعيني.. وما اهتميتي لامري .. قررتي انك تتركيني وتركتيني.. جفاك كرهني بحياتي .. مليت الدنيا وما فيها.. كيف احيا فيها وحبيبتي ماتبيني ..ها ؟!! جايه تساليني اذا انا صاحي؟!! لا انا مو صاحي.. ومريض وبموت بعد
نور: بعد الشر عليك .. انشا الله انا ولا انت
سامي: تبكين وتدعين على نفسك بعد .. وليه ذا كله انا المريض ماهو انتي .. بعيد الشر عليكي .. انتي ماتستاهلي الا كل خير .. عارفه.. صدقيني سعادتك تهمني كثير.. حتى لو كانت معا غيري ماهو مهم.. المهم عندي انك تكوني سعيده ومبسوطه .. انا بس انتظر هاليومين يعدو على خير واخذ العيال ونمشي واوعدك ما تشوفيني ولا تسمعي عني لحد ما اموت
نور: سامي لا تقول كذا بعيد الشر عليك انت اذا جرا لك شي اموت بعدك
سامي: وليه ياعمري انتي تحبيني؟!!
نور:.......................
سامي: نور.. نور.. طيب كل شي واضح يا عمري ماله داعي اضغط عليكي .. خلاص انسي كل شي قلته .. اعذريني .. ثقلت عليكي
نور: سامي
سامي:........................
نور: سامي
سامي: اسمعك.. خير.. امريني
نور: ماقلت لي ايش معاك
سامي: وليه مهتمه
نور: اتطمن عليك بس
سامي: امسحي دموعك طيب
نور: طمني بالاول
سامي: لا ياعمري هالشي يخص زوجتي.. وحبيبتي ... انتي زوجتي؟!!!
نور:...............
سامي: صدقيني ماهو مهم انك تعرفي .. تطمني انا بخير هذا يكفي
نور: حرام عليك من جد
سامي: حرام علي ليه.. قولي لي عن غلط واحد عملته في حقك .. واحد بس يخليكي تتركيني وتكرهيني
نور: انا ما اكرهك
سامي: يا نور والله ماهو وقته نلعب على بعض .. والله انو التعب هد حيلي .. وانتي اول الامي ..
نور: طيب وغلاة نور عندك قلي ايش معك
سامي: هي غاليه عندي وهي عارفه .. بس ابي اعرف .. انا غالي عندها؟!!!
نور:.....................
سامي: ابي اعرف تحبني؟!!
نور:.....................
سامي: شفتي اسلوبك تخليني اتمنى الموت يانور
نور: بس .. اسكت.. حرام عليك ايش قاعد تقول .. اخوانك وانا محتاجين لك
سامي: انتي؟!! محتاجه لي .. كيف يعني محتاجه لي مافهمت
نور: انت عارف اني..................
سامي: انك ايش .. ها.. ايش؟.. نور
نور: سامي
سامي: روحه وعقله وكله .. قولي ياعمري
نور: ايش تبي اقولك .. اتعرف اني ابيك وخلاص
سامي: ابي اسمعك تقوليها
نور: ايش اقول
سامي: تحبيني؟
نور: .....................
سامي بحده: جاوبيني!!!!!!!!!!
نور: لا تعصب .. ماحبك زين ماحبك
سامي: وين رايحه
نور: ماشيه
سامي: تعالي ابي اكلمك
نور: لا
سامي: وغلاتي عندك لا تمشي
نور: منت غالي
سامي: ههههههههههه ليه عصبتي طيب
نور: وانت ايش دخلك .. اعصب بكيفي
سامي: طيب براضيكي
نور: لا
سامي: انا طلبتك من عمي الليله
نور: هااااا !!!!!!!!
سامي: ايش تتوقعي اظل احب فيكي من غير زواج
نور: بس انا ماني موافقه
سامي: هذا عاد قرارك انتي تحدديه .. تقوليه لعمي
نور: انت تسرعت كان لازم تعرف رايي فيك الاول
سامي: عارفه
نور: لا .. منت عارفه
سامي: خلاص قولي لعمي رايك فيني.. طول منا ما احل عليكي ما اقدر اكملك براحتي .. ولا بتقدري تقولي لي الي بخاطرك .. انا ودي ادلعك يانور .. ودي اخذك بحضني .. والمسك.. ودي تبكي بحضني .. انا للمره الالف اقولك مالي دخل بمرام انا نهنت قبلك .. والله العالم انا قد ايش تضررت من سالفتها.. لا تكابري عاد.. احبك والله اني احبك وما ابغى غيرك .. اكثر من كذا ماقدر يانور.. جفاك تعبني.. فكري .. القرار بين يدك .. اكثر من كذا من بجد .. بموت
نور:انت استعجلت.. ليه ماقلت لي .. ليه سما ماقالت
سامي: ياه يانور .. ماتبين اننا نتزج .. ماتبين؟؟! كان لازم اقولك قبل لاطلبك .. والسنين الي راحت هذي كلها .. وحبي لك .. خلاص .. كل ذا نسيته؟!!!!!!!!
نور: مانسيته .. وعمري مابنساك .. انت تعرف قد ايش احبك
سامي: يااااااااااااااااااااااااااه اخيرا ياروحي اخيرا .. تحبيني
نور: واحب امي اكثر منك .. لمين اتركها وهي متعلقه بي.. ها .. فكرت بحالك وما فكرت فيها ياسامي .. ماقدر اتزوج واتركها ماقدر
سامي: نور تعالي .. حبيبتي .. نور
سما: حيلك حيلك .. وين فاكر نفسك انت .. تناديها .. وحبيبتي .. ترانا ببيتهم والله ان درا عمي عنك لتكون طردتنا على حسك اهدى ياشيخ .. ايش صار.. مالها تركض تبكي
سامي: اخيرا قالتها تحبني
سما: والله عاد .. تصدق لسا داريه
سامي: بس رافضه تتزوج
سما: وليه انشا الله .. تبيكم كذا من غير زواج؟!!!!!
سامي: عيب يا سما ماهي نور الي تفكر كذا .. تقول ماتبي تترك امها
سما: ومين قال انها بتترك امها
سامي: يعني ايش
سما: اسمع ياخوي .. وجودنا مع عمي بومشعل فيه امان للكل لنا ولبناته.. خصوصا انه مرتبط مع ابوي بنفس المشكله .. وابوي مات ممكن عيون هالكلاب ترجع عليه .. يعني بعيد الشر لو دخلو عليه البيت .. من له هو وبناته من بعد الله .. تعرف رجال غيره بالبيت مافي
سامي: ايش تفكري فيه
سما: نسكن كلنا مع بعض .. والي يجرا علينا يجرا عليهم
سامي: وتكون نور مع امها .. جبتيها والله
سما: ومع العيال .. شوف ياخوي .. خالتي متعلقه براشد بصوره مقدر اوصفها لك .. اخاف بكره اذا اخذناهم يجرا على الحرمه شي وحنا ماصدقنا انها ترجع مثل الاول .. بيكونون عيالنا بيننا .. وراشد عندها مابيتغير شي
سامي: وين بنعيش عندنا ولا عندهم
سما: بندور بيت يكون كبير .. يسع العيلتين مع بعض .. نسوي مكان خاص للحريم ياخذو البنات فيه راحتهم .. ومكان للرجال .. اسمه اخوانك بالبيت .. والبيت فيه رجال
سامي: ياروحي انتي والله .. تصدقي ابوي قال لي هالشي
سما: ابوي؟!!! متى
سامي: حلمت فيه من شوي .. قالي على اشيا كثيره .. منها اننا نجمع العيلتين ووصاني على خالتي ام مشعل وقالي اخلي راشد بحضنها وهي الي تربي العيال لحد ما سماح ترد .. بس قالي شي غريب
سما: قول ايش قال
سامي: قالي مثل ماهم عيالنا عيال عمي بومشعل بعد
سما: ايش معنى هالكلام
سامي: مدري .. بس ذكر موضوع الفلوس الي عمي دبرها لسماح وقالي.. انو عمي مستعد يدفع اكثر حتى ترجع سماح
سما: يمكن يبي يجازيه عن وقفته معانا.. وهذا هي زوجته رجعت تتكلم
سامي: وصاني نخلي العيال عندهم
سما: الي قال عليه بيصير.. وايش قال بعد
سامي: قال انه نور بكره تصير حليلتي
سما: بكره ..بكره؟!!!
سامي: أي والله هذا الي قاله
سما: والله ياخوي الي يشوف شكلها مايقول انه بكره تكون حليله لك.. ها وين وصلت .. اعجبتك الفكره ..عاد لا تصدقها عاد
سامي: الفكره حلوه وانا فرحان كثير بس الاهم اني شفته وقعدت معاه هذا الشي ريحني كثير
سما: ماقلت لك لا تستعجل على رزقك يمكن نصيك اكبر مننا كلنا
سامي: صدقتي والله