منتديات بنوته - عرض مشاركة واحدة

07-22-2010, 05:45 PM

في بيت راشد - في الصالة-
سما: فيصل خلصتوخلاص
فيصل: ايوا ياروحي خلصنا.. والخادمات داخل ينظفو المجلس
سما: كويس ناد سامي لي
فيصل: انشا الله
فهد: ماتبتسمي هالابتسامه الا وناويه على شي
سما: سلامتك ايش ناويه عليه .. ماريا
فهد: لاتهربي وتنادي ماريا اقول قولي الي عندك ايش في
ماريا: يس ماما
سما: جهزو العشا
ماريا: اوكي ماما
فهد: سما!!! ردي علي
سما: اششششششش اسكت لا تفضحني سامي جاي .. اسكت الان وبعدين اقولك
فهد: دام انه سامي في الموضوع ..يبقا ناويه عليه الله يستر منك
سما: اقول اسكت لانوي عليك
فهد: لا لا وانا مالي خليني بعيد ولا كأني سألتك .. سامحينا
سامي: ايش عندك مع اختك .. ايش فيك معاها
فهد: انا .. وانا اقدر عليها .. هذا هي عندك اسألها اذا عامل لها شي ..
سامي: ههههههههههه ياجبان.. اعترف مره وحده بس وقول ايش عندك
فهد: مع اختك؟!! ماعندي شي .. ماااااااااااااااااااااعندي شي
سما: اقول عن طول هاللسان وقوم نادي اخوانك .. يلا
فهد: انشا الله عمتي .. كم سما عندي
محمد: انا تعبان مره وودي انام بخليكم تتعشون وبروح انام
سما: انتظر يامحمد انت بتروح معاي بيت عمي بومشعل
محمد: حاضر
سامي: محمد؟!! بتاخذي محمد!! بس هذا صغير
سما: وانت بعد .. ولا عندك مانع
سامي: ماعندي مانع بس انتي شفتي خالتي ام مشعل ايش صار معاها اليوم اخاف هالشي ينعاد
سما: وينعاد مافيها شي
خالد: خير ايش صار لها اليوم
سما: ابد شافت سامي وتذكرت مشعل احضنته واجلست تبكي
خالد: مسكينه هالحرمه .. والله تصعب علي
سالم: الله يعوضها الخير.. بكره انشا الله وحده من البنات بتتزج وتجيب لها مشعل صغير تنسى همها معاه
سما: الا على طاري الزواج.. في وحده اخطبت واحد منكم مني اليوم
فهد: نعم؟!!!!!!!!! الايه انقلبت ولا ايش
سالم: لا تستبعد ياخوي هاليومين كل شي يصير
سما: ها ياحلوين ايش قلتو تتوقعو مين الي اخطبوه فيكم
فيصل: هههههههههههههههههههه محمد اكيد
محمد: ايش معنى محمد يعني ماني رجال
سما: الا رجال وسيدهم بعد
خالد: ههههههههههههههه لا صدق مين
سامي بحده: ناظريني ... سما
سما: خير واناظرك ليه
سامي بحده: اقولك ناظريني
سما: ايوا ايش عندك
سامي: انفتح موضوع مرام من جديد؟؟؟؟
سالم: وع مابقا الا هي
خالد: ييييييييييييييييييييييييييييع
سما: ههههههههههههههههههههههه الله يقطع بليسكم
سامي: ايش صار
سما: ابد امها تكلمني عنها اليوم وتقول انها تحبك وتموت على التراب الي تمشي عليه وهي بنت عمك ومالها غيرك وين تروح وهي تحبك..
فيصل: انشا الله تروح روحها
سامي بعصبيه: فيصل!!!! .. وايش رديتي عليها
سما: ليه زعقت بفيصل كذا.. انشا الله تروح روحها قليله الي سوته
سامي بحده: قوليلي ايش رديتي عليها
سما: قلت لها والله اذا تشوفين انه الي سوته من حقها في ولد عمها تكوني غلطانه .. عرفنا السنع زين .. وعمرنا ماعرفنا السنع يقول اعملو كذا في اعيال عمكم .. كلميها وخليها تشيل الفكره هذي من راسها.. احسن ما اكلمها انا باسلوبي .. ترا لو ما وفاة ابوي كان سمعتو عن خطبة سامي.. انا انتظر ايام العزا تنتهى ورايحه اخطب له الي يبيها ويحبها
سالم: من جدك
سما: أي والله
سالم: الله يعينك يا مرام على هاليله
خالد: الا الله يشيلها مو يعينها
سامي: وبعدين انت وياه
سما: سامي!!! انت تبيها؟
سامي: لا طبعا
سما: ريحتني .. وليه تحامي لها ومنت راضي اخوانك يقولو رايهم فيها
سامي: لانها بنت عمهم .. الشي الي صار بيني وبينها .. سوا بغيتها او لا انتو مالكم دخل
سما: الي صار يمسنا كلنا ما يمسك لحالك .. وخلي ببالك اذا جا اليوم الي تقول لي فيه انك تبيها اعتبره انه اخر يوم تكون فيه اخوي
سامي بحده: سمااااااااااا
سما: لا ترفع صوتك.. الي بتاخذها بتشيل اسمك وعيالها بيشيلو اسم ابوك يعني البنت الي بتفكر فيها لازم تكون وحده عدله تقدر تربي عيالك وتشيلك بحضورك وغيابك .. مش وحده مثل مرام
سامي: انا ماقلت بخذها؟
سما: اسلوبك يقول كذا
سامي: انتي غلطانه.. انا عمري مافكرت فيها .. ولا عمري بفكر اني اناسب عمي ناصر.. يكفيه انه عمنا وبس
سما: الله يريح قلبك مثل ماريحتني
سامي: نامي وارتاحي.. وانتو ابيكم تخلو بالكم على البيت كويس.. احتمال جابر يدخل البيت عشان يتطمن على عياله .. حاولو تعملو جدول مناوبه.. انا ادري اننا مانمنا من يومين استحملو هاليومين لحد ما اختنا ترجع لنا
فهد: لا تشيل هم خلك مع سما ودير بالك على العيال
سما: انا كملت بجهز اغراض لي ولك وبنشي
************************

في بيت بومشعل - في الصالة-
نور: سما تأخرت
ساره: ما تأخرت ولا شي .. تلاقيها جايه بالطريق ..قومي دقي عليها
نور: لا .. ماقالت هي جايه مع مين؟!!
ساره: لا .. ماقالت .. ليه تتمنى سامي معاها
نور: ساره!! بس.. قلت الموضوع ذا انتهى.. وخلاص
ساره: براحتك .. انا ماقلت شي .. بس اذا على كذا.. اكيد ماودك تعرفي بالي عرفته وسمعته اليوم
نور: ايش سمعتي
ساره: وعلى ايش .. الموضوع انتهى خلاص
نور: انتي تبغي تلعبي باعصابي .. صح؟!!
ساره: انا ما ابي العب باعصابك انتي قلتي انو الموضوع انتهى ومنتي راضيه تعترفي انك لسا تحبيه وتتمنيه .. اذا بغيتي تعرفي بالي سمعته اليوم .. اول شي اعترفي انك لحد الان تحبيه
نور: كذا ياساره
ساره: ايوه كذا.. وماعندي غير هالكلام
نور: طيب قومي اتصلي شوفي سما
ساره: انتي اتصلي
نور: طيب.. انا بتصل
***************************

في غرفة سما
سما: سامي رد على التلفون هذا اكيد بيت عمي مشعل
سامي: ردي انتي
سما: سامي تشوفني فاضيه رد .. وقولهم اننا باطريق اكيد قلقانين علينا
سامي: السلام عليكم
نور:..................
سامي: الو
نور:..................
سامي: الو ..... ردي
نور:.........................
سامي: نور ردي علي.. لا تخليني اعصب
نور: انا متصله لسما.. ليه رديت انت
سامي: ومافي مسا الخير
نور: انا قلقت على سما و......
سامي بحده: : نووور .. ما استاهل مسا الخير منك
نور: مسا الخير .. ممكن اكلم سما؟
سامي: مسا الورد على عيونك
نور: سامي .. ابي اتكلم مع سما
سامي: وسامي ماتبي تتكلمي معه خلاص.. نسيتيه
نور: انا قلت اسأل عن سما ليه تاخرت خفت انه..................
سامي: وماخفتي على حبيبك
نور: سامي .. ماله داعي هالكلام ..انا قلقت عليها وقلت ادف اتطمن
سامي: يابختها سما لقت الي يقلق عليها.. وانا ماحد يقلق علي
نور: سامي
سامي: تدللي ياروح سامي
نور: حنا اخوان لا تنسى هالشي
سامي بحده: بذمتك عاد.. حنا اخوان .. تكذبي على نفسك انتي ولا علي.. نووووووووور
نور: سامي لا تزعق .. لا تعصب علي
سامي: شوفي كلامك وانتي احكمي اذا معاي حق اعصب ولا لا .. منتي ماعطتني فرصه اتكلم معاك.. ماسمعتي حتى دفاعي عن نفسي .. قطعتي كل الي بيننا لحالك وبقرارك .. حتى عقب ماتأكدتي اني مالي دخل ببنت عمي .. عاندتي واصريتي على موقفك وتبيني ماعصب .. تكلميني بكل برود وتتجاهليني وتبيني ما اعصب
نور: سامي
سامي: قولي لي الصدق يا نور.. انتي حبيتيني من صدق
نور: ايشششششششششش؟!!
سامي: وليه استغربتي .. منتي مصدقه انك سمعتي هالسؤال
نور: هذا الشي حنا منتهين منه .. واشوف ماله داعي نرجع نفتحه
سامي: تكذبي على نفسك ولا علي؟.. ها
نور: انا ودي انه.......................
سامي: ماودك تقولي لي الحمدلله على السلامه ترا امس بس وصلت .. تصدقينن محد قالها لي .. اول ما استقبلوني قالو لي عظم الله اجرك
نور: سامي
سامي: ياروح سامي .. نور اذا قلت لك اني محتاجك بتصدقيني.. اذا قلت لك همومي زادت علي بتوقفين جنبي.. اذا قلت لك راحتي معك بتغيري نظرتك فيني
نور: هالشي ماراح يغير ال.........
سامي: ماراح يغير؟.. ابد ابد .. صرتي قاسيه يا نور .. ماتوقعتك كذا .. هذا اول اختبار لحبنا تتركيني كذا.. ليه ماتبين تصدقين اني مالي علاقه بمرام .. انا عمري مافكرت فيها ولا ابغيها .. انا بحياتي وحده ما ابي غيرها .. عايش لها وراحتي معاها.. ابيها تشيل اسمي وتربي عيالي ..نور
نور: ........................
سامي: انا جوعان يا نور صار لي يومين ما اكلت ومانمت
نور: يخسى الجوع حبي.............
سامي: كمليها ياروحي.. نفسي اسمعها منك .. نور
نور: ايش في نفسك تاكل
سامي: دامه من يدك كله عسل .. عجلي تراني جعان
نور: من عيوني
سامي: تسلم لي عيونك.. ويخليك لي ياربي
نور: يلا باي
سامي: باي كذا من غير احبك
نور بدلع: سامي.. وبعدين
سامي: روحي الي يستحي
نور: عمرك ماتتغير
سامي: تحبيني كذا.. اموت علي حياك .. على فكره ماراح اتأخر مسافة الطريق وانا عندك
نور: ليه انت بتنام هنا
سامي: ليه منتي راضيه.. ترا انام بالسياره لو ماتبيني ادخل.. عادي
نور: البيت بيتك .. عيب لا تقول كذا
سامي: ايش اقول؟!! احبك .. روحي فيك
نور : باي
سامي: انتظري شوي
نور: لا .. باي
سامي: الو.. الو
سما: هههههههههههههههههههه ها.. قفلو الخط بوجهك
سامي: سما!!!!!!!!! من متى وانتي هنا
سما: يووووووووووووووووه من ساعة مسا الورد
سامي: سما .. البنت
سما: البنت تحبك وانت تحبها ايش الي معطلك
سامي: الكلبه الي اسمها مرام
سما: معلش.. كل شي بيتصلح .. الليله بنطلب نور
سامي: ها؟!! بهالسرعه .. لا طبعا لا
سما: ايش عندنا يأخرنا
سامي: ابوي وسماح والعيال و.......
سما: بنطلبها الليله ونصبر شهرين حتى البنت تجهز نفسها ونجهز لها جناحها بعد .. وبعدين يصير كل شي رسمي
سامي: ياسما الوقت ماهو مناسب
سما: الوقت مناسب جدا .. خلنا نفرح ياخوي امها وارجعت تتكلم واختنا وعرفنا انها حيه وعيالها وبين يدينا مابقا الا نعرف هي وين .. وربك يسهل الامور ..اول ماندخل اتركني انا اتكلم مع عمي و خالتي .. وانت عليك تدخل بالكلام
سامي: بتفرح نور كثير
سما: تستاهل تفرح نور .. تستاهل تربي عيالنا ياخوي
سامي: ظنيتك بتزعلي
سما: وازعل ليه
سامي: عشان خبينا عليكي
سما: هذي حياتكم الخاصه ياخوي.. مو من حق أي احد يتدخل فيها
سامي: الله لا يحرمني منك
سما: ولا منك .. سعادتك تهمني .. انت سامي .. روحي وعمري .. كيف ازعل عليك
سامي: روحك وعمرك علميها تقول هالشي
سما: لا والله تبيها تقولك هالكلام وانت منت زوجها؟!!!!
سامي: تتوقعينها تحبني
سما: تحبك الا ميته عليك
سامي: من صدقك؟!! ايش دراك
سما: مصادري الخاصه
سامي: وغلاة سامي عندك لتقولي
سما: خلها هي تقولك بعد العرس انشاالله