منتديات بنوته - عرض مشاركة واحدة

07-21-2010, 02:19 AM

تسولف لي عن الضيقه وأنا كلي ألم وأحزان ..
وأنا من وين ما أناظر بعيني شفت ضيقاتي ..
تسولف لي عن الضيقه وأنا
عنوان للحرمان ..
دخيلك لادخيل الجرح لا تكشف معاناتي ..
حبيبي لا تشجعني أسولف وكسر الكتمان ..
تعبت من السكوت اللي تعود
يسكن بذاتي ..
عليم الله مافيني شبر يضحك فرح وأشجان ..
وأنا لوجيت أبضحك لك أجيك أضحك بدم اوجاعي ..
حياتي شعر(ن)وشاعر وجمهوري باقي أنسان ..
ونقادي زمن قاسي ولايفهم كتاباتي ..
أناظر للبشر حولي أحد يضحك وأحد طربان ..
وأنا صعب(ن) علي أضحك وأسايرهم بضحكاتي ..
عجزت أكذب ع نفسي بفرحه مالها ألوان ..
وحزني ما عجز عني بدا يرسم نهاياتي ..
طريقي صعب وجروحي كثيره وداخلي ضميان ..
أبي لو يوم واحد احاول اجمع شتاتي ..
أنا قصه تعثرت وتطايرت بزمن خوان ..
تعلمت أخسر البسمه وأداري عضه شفاتي ..
أبكتب لك بالخط العريض وريشة الفنان ..
أنا الخسران بتوقيعي وأنا الخسران بصماتي ..
أكمل لك عن الضيقه أكمل لك عن الأحزان ..
تأكد لو بكمل لك بتبكي وبتطلب سكاتي ...