منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-20-2010, 01:26 AM

(( بيت ابو بندر ))

( الساعة 11 المسا )

نزل ثامر للصالة اللي تحت وشاف امه قاعدة ..

ثامر " اقووول لها ولا لأ؟؟؟ اكيد بتقووول لي شلون تعرفها..؟؟ وايش اللي خلاك تبغاها..؟؟ وبتسوي تحقيق وسالفة ... اففففف .. لا ماني قايل لها .. خليني اخلص من مها الزفتة اول ..... !!! "

ثامر : يما انا طالع ..
ام بندر : وين..؟؟ الساعة 11
ثامر : تكفين يما .. والله ضروري.. ماني متاخر.. ساعة وبرجع
ام بندر : وين انشالله ..؟؟
ثامر : يما ربعي كلهم الحين بيطلعون .. مسووين سهرة .. واتصلوا فيني ..

ام بندر : ووين هذي السهرة..؟؟
ثامر " افففف .. هذا التحقيق كله عشان طلعة .. اجل لو اقول لها عن البنت وش بتسوي..؟؟ " : يا يما وين يعني..؟؟ ماخذين بسطة وبنروح الكورنيش .. نلعب ورق ونشرب شاهي وزي كذااا ..
ام بندر : طيب شوووف .. معاك للساعة 1 .. ان ما كنت راجع .. بحرمك من الطلعة من جديد ..
ثامر : انشالله .. تامرين شي..؟؟
ام بندر : لأ ..
ثامر : مع السلامة ...

طلع ثامر من البيت اخيرا ... ركب سيارته
ثامر " انا اوريك الحين يالعقربة .. تبغين تخربين لي حياتي ها..؟ خلاص .. حتى انا بخرب لك حياتك .. "

::
::
::

الممرضة : لو سمحت .. انتهى وقت الزيارة ..
ثامر بحزن : لااااا.. لاتقولين ..
الممرضة : والله آسفة .. انتهى وقت الزيادة من ساعتين
ثامر : بس .. انا كنت على طريق الرياض ..
الممرضة : انت ايش تقرب لها ...
ثامر : انا اخوووها .. ادري يمكن ما شفتيني هنا قبل .. بس .. انا شغلي بالرياض .. وما اشوووفهم الا كل شهر ...
الممرضة : الحمدلله على السلامة .. بس.. ما اقدر ادخلك .. لانه بتصير لي مشاكل من ورى هالشي لو شافك احد ..

ثامر : الله يخليك .. بس بشووووفها .. والله اتطمن عليها واطلع بدووون أي صوووت
الممررضة بتفكير : طيب.. بس بشرط .. ما تطول
ثامر : لا لا .. 10 دقايق بالكثير ..
الممرضة : طيب ... بسرعة ..

دخل ثامر بعد ما قدر يضحك على الممرضة بكم كلمة ... والمشكلة يوم شاف مها نايمة .. فكر يتراجع عن اللي بيسويه .. بس يوم تذكر شكل اخوووه وهو معصب .. زعلان .. متحطم ومجرووح .. تحولت مها بنظره لعقرب خبيث ..

كان اول شي سواه .. انه رمى بوكيه الورد اللي بيده من الشباك عشان ما يكون ترك أي دليل على انه كان هنا .. وقرب وقف على راس مها وطالعها بحقد ..

حط يده على شعرها الاسود .. واول ما حست فيه .. فزززت مرعووووبة .. بس سرعان ما اختفت الرعبة وانرست ابتسااامة على شفايفها : ث.. ث.. ثامر ..

ثامر يجاريها : عيووونه .. رووحه .. حياااته ..
مها انشق الحلق عندها وطلع طقم اسنانها : ا.. ث... انت صدق هنا ..؟؟
ثامر : أي صدق يا حبيبتي ...
مها ابتسمت وهي تسمع الكلمة .. وبعدين بدت عندها الهستيريا : ثامر .. والله احيك .. والله .. لا تخليني .. الله يخليك لا تخليني مرة ثانية ... الله يخليك..

ثامر " يوووه ... عز الله انفضحنا من صراااخها " : طيب شششششششش .... اهدي انتي بس وما بيصير الا اللي تبغيه ششششششششش
وطت مها صوووتها وهي تصيح : ثامر .. انا برجع زي اول .. اوعدك .. ب.. برجع زي اول .. ونقدر نتزوج .. شرايك.!.!؟!؟

ثامر " اقووول هذي شكله عقلها مييييح .. رايح فيها .. قال اتزوجك قال.. بنات آخر زمن.!.!!!! " : هذا الموضوع توني كنت بكلمك فيه .. انا كنت افكر اخطبك .. بس .. بشرط ..
مها : أي شي .. أي شي .. قول أي شي وانا مستعدة اسويه .. حتى الدوا لكريه بشربه ...
ثامر " والله لا اخليك تشربين الجرح زي ما شربتي اخوووي من جرااااحه ..!! " : حبيبتي .. كيف تبغي ابوك يرضى لنا نتزوج وهو دري اني كنت اكلمك ...
مها مو فاهمة شي : شلون يعني..؟؟

ثامر : يعني أي ابو يدري انه ولد كلم بنته .. لا يمكن يرضى له يتزوجها .. يخاف عليها..
مها رجعت تصيح : اهئ اهئ .. طيب ايش الحل..؟!!؟ الله يخليك لا تتركني .. انا ابغاك وانتا تبغااااني
ثامر " بغاااك جني انشالله .. قال ابغاها قال .. الا ابغى الفكة ..!! " : ابغاك تتصلين ف امك .. وتقولن لها تجيب كل الناس ف العائلة هنا .. حتى العيال .. واخوانك .. وتقولي لهم اني ما كلمتك على التليفون ولا كان بيننا أي شي.. وانك انتي اللي حبيتيني وبس..

مها : بس..
ثامر قاطعها : بدون بس ولا شي.. تبغيني سوي كذا .. عشان اكبر بعيووونهم و يخلووني اتزوجك فهمتي..؟؟
مها بعد ما ضغط عليها : طيب..

ثامر قام وبعدين تذكر : أي صح ..
مها : ها..؟؟
ثامر : حبيبتي .. ايش دخل خلووود ..؟؟ انا كنت محسبك خلووود .. ابدا ما توقعت انه انتي اللي كنت اكلمها طول هالفترة هذي ..
مها بندم : أي .. انا كنت احبك .. من يوم شفتك هذيك اليوم ف الحوش .. وبعدين اخذت رقمك من دانة بدون ما تدري.. و .. ويوم جيت ادق عليك .. خفت .. بصراحة مرررة خفت .. لو درى ابوووي ولا راكان بيذبحووني .. عشان كذا حطيتها ف خلوود ..
( قالت بكره وحقد ) لاني ما ادانيها بنت امها اللي ما تربت .. اصلا هي طالعة على امها .. عشان كذا انا .. انا بغيت احطها فيها ..لانها الوحيدة اللي ممكن تسوي هالحركة بما انه امها سمعتها مو زينة عند الكل ....!!!

ثامر " شوووووووووف بنت اليهووود هذي..!؟!؟!؟ حطت البنت البريئة اللي مالها ذنب ف وجه المدفع ...!! صدق انك حيواااانه !!!!!!!!!!!!"

مها : وحطيتها فيها ... ويوم عصبت .. كنت ابغى انتقم منها .. فقلت لها تطلع القهوة لابووها ودقيت عليك وقلت لك ابغى اشوووفك .. لاني اعرفها تسوي اخلاق وتصيح لو تصير لها هالمواقف ....!!!

ثامر " ودي العنك بس اللعن حرااام .. " : طيب مها يا قلبي .. انتي لازم تقولين كل هذا اللي قلتي لي اياه قدامهم .. طيب .. وقدام خلود وبندر بعد طيب..
مها : لأ ... ما ابغى خلود تتشمت فيني.. والله خالتي تزعل مني بعدين ..

ثامر : شوووفي.. اللي يقول الصدق .. يسامحووه الناس فهمتي..؟؟
مها : انت كذا تشوووف ..؟؟
ثامر: انا اقووول انه لو سويتي كذا .. ساعتها باخذك ..
مها رجعت تصيح : خلاص بسوي كل اللي قلت لي عليه .. بس لاتخليني ..

ثامر ابتسم لها بتمثيل : فديتك انتي .. طيب حبيبتي انا طالع .. اشوووفك ف العرس انشالله ..
ابتسمت مها بخجل .. وثااامر طلع من الغرفة فااااااااااااقع على شكلها من الضحك ..
ثامر " خخخخخخخخخخخ مصدقة عمرها مرة هذي..؟؟ شقايل آخذها..؟؟ والله لو تنطبق السما ع الارض ما آخذها .. بس والله طلعت ذكية الكلبة .. اجل كل هذا سوته لوحدها وبدون مساعدة احد .. ومحد درى عنها ..؟!؟!؟ مو هينة ابد !!

(( اليوم الثاني .. بيت ابو عوض ))

( الساعة 12 الظهر )

رد اروى بحماااااااااس يوم شافت رقم ريم : الوووووووووو
وصلها صوت ريم اللي تصارخ : الوووووووو
اروى : هلا ريم .. كيف الحال..؟؟
ريم : وااااااااي يا اروى .. اسكتي اسكتي ... مرررررررر حماس .. تخيلي بنات خالتك نجاة هذووولا مو صاحيين ...!!! مهابيل مررررررررررة ...
اروى : والله راحوا معاكم..؟؟
ريم : ايييييييييييييييي .. تخيلي رزان بنت خالتك .. ذاك اليوم كنا ف الكافيتيريا ف الاوتيل تحت ... شافت واحد اسباااني خقق الظاهر يشتغل هناك .. المهم الهبلة راحت وتقوووول له يحط لها فطوووور من يده ...!!

اروى منصدمه : مااا اصدق...!!!!! مو صاحية هذي..؟؟
ريم : ههههههااااااي ... مسكين خده احمر يوم شافنا كلنا نطالع فيه .. وهو يحط لها اللي تبغاه ف الصحن ..
اروى : حلوو ..؟؟
ريم: تبغي الصرااااااحة .. مو طبيعي ...!.!
اروى : ههههههه يا حظكم .. !!
ريم : انتي ما ردوا عليك الجامعة ..؟؟
اروى متحطمة : لأ. .. شكلهم ما بيقبلوووني ..
ريم : ما عليك يا ماما .. بتدخلين بتدخلين .. عمي لو ما قبلوك بيدخلك بفلوووسه لا تخافين ...

اروى محتاجة احد تقوووله اللي صار معاها : شووووفي.. والله بقووول لك مالي دخل ..
ريم : أيش ..؟؟ اييييييييي صح تعالي ... انتي رحتي بيتنا...؟؟
اروى : لأ لييييييش..؟؟
ريم : اففففف .. شوفي بقووولك .. في واحد يشتغل عند بابا ... والله يا اروى ياهوووو طووول .. ياهو عرض .. ياهووو لوون .. عليه سماار مو طبيعي .. يخقق ..
اروى صحكت : طيب ..؟؟
ريم : ما شفتيه ..؟؟
اروى : طيب ايش اسمه ..؟؟
ريم : مو مهم اسمه .. شفتيه ولا لأ..؟؟
اروى : انا شدراااني..؟!!؟ طيب انا بقووولك .. تذكرين صديق عوض اللي 24 ساعة كان معاااه ..
ريم مستغربة : أي واااحد ..؟؟
اروى : اسمه احمد ..

ريم انصدمت : شفيه ..؟؟
اروى : اسكتي يا ريم .. فاااااتك .. تخيلي مرة دخل بيتنا وقال لابوي انه ماخذ البوم لعوض وبيرجعه .. المهم طلع لغرفة عوض ورجع الالبوم .. وانا ما ادري انه موجود .. رحت للغرفة وهو تخبى ورى الباب .. تخيلي كان ماخذ صووورتي وحاطتها ف جيبه..!؟!

ريم : !!!!!!!!!!!!!!!!!!!!!!! وليش اخذ صووورتك
اروى متحمسة وتكمل : والله ما ادري.. المهم اني ما عطيته وجه ويوم شفته بغيت اموووت من الخوف .. المهم واني قويت عمري وهاوشته .. تخيلي اقووول له وش تسوي هنا .. قام يقعد يفكر ويقول احرف مو مفهووومه .. ههه مسكين خاف وارتبك..

ريم " احمد من متى يخاف..؟؟ ومن متى يرتبك..؟؟!؟! " : هااأ..؟
اروى : شفيييك ؟؟ انتي معاي..؟؟
ريم : ا.. أي معاك .. كملي ..
اروى : والله وناسة .. تخيلي بعد يومين رسل لي رسااالة وقال فيها انه آسف وانه ماكان يقصد اللي صار ويتمنى اني اسااامحه ..
ريم : وانتي شسويتي..؟؟

اروى : اول شي ما كنت افكر فيه ابد .. بعدي قررت ارد عليه .. مايهون علي صديق عوض واسوي فيه كذا .... !!
ريم " لأ لأ .. يارب مو صحيييح هالكلام يااارب ..!! " : طيب وش سويتي..؟؟ لا تقولين لي رديتي ..؟؟
اروى منحرجة : الا رديت ...
ريم عصبت : انتي من جدك...!.!.!!!
اروى : حرااام عليك يا ريم .. والله صارلي زمان ما فرحت قد كذااا ... تخيلي بهالاسبوعين اللي قمنا نتراااسل فيهم .. ردت لي الروووح من جديد .. ادري انه غلط ... بس والله انا ما تكلمت معاه عن شي خارج موضوع سوالفنا ف المدرسة ومع عوض .. بس ... صدقيني .. وهو محترم مرة ...
ريم حست بروووحها بتطلع " ليش انا اللي يصير فيني كذا...؟؟ ليييييش...؟!؟! " : اروى .. انتي تحبيه ..؟؟

اروى ما عرفت ايش تقول : م .. مدري..
ريم تحاول تضبط اعصااابها : تحبيه ..؟؟ تحسين بشي تجاهه ..؟؟
اروى : من ناحية الاحساس احس... بس مدري اذا هو حب ولا لأ...

غمضت ريم عيووونها بالم : اجل تحبيه ..
اروى : يمكن .. تخيلي يا ريم .. انا احب...؟؟ من جدك..؟؟ انا احب..؟؟ ما اتخيل .. ولا عمري توقعت هالشي....!!! لا لا لا ما اتوقع .. اكيد انتي قاعدة تبالغي...
ريم خلا ماهي قادرة تكمل كلامها : طيب .. وو .. رسل لك شي ثاني ..
اروى : أي .. رسل لي قصيدة مررررة حلوة .. اسمها شبيه صويحبي ... حقت خالد الفيصل.... مررررررة روووووووعة .. خقيت عليها بصراااحه..
ريم : طيب اروى انا لازم اروووح الحين ...
اروى : تعالي .. ما قلتيلي اللي يشتغل عند ابووك كيف شكله ..
ريم تبغى تسكر باي طريقة : مو مهم .. خلاص باي ...

سكرت ريم عن اروى .. اما اروى فاستغربت : يوووه .. شفيها هذي انقلب مزاجها فجأة..؟؟ مسكينة .. شكلها تحب ... !!! اكيد شافت لها واحد اسبااااني شي .. يا حظها..

(( بعد يومين .. المستشفى ))

( الساعة 6 المغرب )

الكل كان متجمع ... ومستغرب من طلب مها الغريب .. كل الرجال والحريم ف العايلة لازم يكونوا موجودين .. الغرفة كانت زحمة .. ومها كانت متحجبة بحجابها .. و ماهي عارفة كيف تبدا ....

ام راكان : مها.. شفيك ..؟؟ ليش كذا جبتينا كلنا ..؟؟
مها وهي تطالع ثامر بطرف عينها بعدين تكلمت : انا اليوم قلت ابغاكم تكونون موجودين .. لاني ابغى اشرح لكم سالفة .. انتوا فهمتوها مني غلط ...
ابو راكان : واللي هي...

مها : ا... اللي صار ذاك اليوووم انا ندمااانة عليه .. اول شي احب اقوووله لكم كلكم .. والحقيقة هي انه ثامر ماكان على اتصااال فيني ابدا ولا يعرفني ....!! وانا قلت كل هذا عشان اووورطه ... قلت .. ي... يمكن يخطبني اذا سويت كذااا .. بس .. اتضح اني سببت له مشاكل بهالشي ... انا احب ثامر من زماااان ... وظل هالحب يكبر بقلبي .. وما عرفت شلووون اعبر له عن هالشي .. غير بهالطريقة .. ادري بتقوولووون علي مجنووونة ... بس .. هذي الحقيقة .. ماكنت افكر بهذاك الوقت اذا كانت هذي هي الطريقة الصحيحة ولا لأ...

ام راكان : حسبي الله عليك ... فشلتييييينا ... الله يفشلك...

ابو راكان ما قدر يتحمل يطالع ف وجه أي من اللي كانوا مووجودين .. خصوصا ابو بندر اللي راح له ذاك اليوم وهدده اذا طلع ولده له علاقة فيها لا يضربه ضرب ما قد انضرب فيه بحياااته .. طلع من الغرفة ..

ابو بندر : وانتي ليش قلتي كذا .. ما تعرفين انك كذا شوهتي سمعة ولدي...؟؟ ما تعرفين انك خليتيني امد يدي عليه وهو رجال كبير ... اهنته قدام امه واخوانه... وغصبته على شي ما يبغااه .. وحبسته ف البيت ... خليتيني استحي اطلع قدام الناااس... وفشلتي زووووجتي قدام كل العايلة ..!؟!؟!؟ بس .. تتوقعين الاسف بيحل المشكلة ...

خلود كانت وااقفة وتطالع بندر .. اللي كان مو معطيها وجه ابدا ... وكانت تتعذب من داخلها ...

ابو بندر جا بيطلع : انتي لازم تفكرين بشي ينفع اكثر منا لاعتذااار عشان تعوضين عن اللي سويتيه ....

مها : اصبر يا عمي .. انا ما خلصت ..
ابو بندر معصب : ايش بتقووولين بعد ...

مها بلعت ريقها بتموووت من الخوووف .. وثامر قام ينتظر هاللحظة وهو يراقب بندر .. ويراقب ردة فعله " جات لحظة الحقيقةيا اخووووي .. جا الوقت اللي تعرف فيه الحقيقة... وتطيب جرااااحك .. وتعيش براااحة ....!! "

مها: انا .. انا ذيك المرة تهاوشت مع خلووود .. ومن .. من .. كرهي لها .. ( بلعت ريقها وهي ترتجف ) قلت لها تطلع لابوووها وانه ينتظرها برى ... ويوم طلعت .. شافها ثامر بالغلط .. وكان بندر قاعد يشوووف اللي يصير ... وبذيك الساااعة .. صارت مشكلة بين بندر واخوووه ... لانه بندر حسب انه ثامر له علاقة بوحدة من بنات خالته ..

وقفت خلووود منصدمة والكل يطالعها .......
بدرية : صدق اللي اسمعه يا خلوووود ..؟؟؟ صدق..؟؟
هشام : خلووود .. تكلمي ..

خلود ودموووعها بدت تنزل : أي .. صدق .. انا ما كنت متعمدة .. م .. مها قالت لي اطلعي وانك انت بتكون برى عشان تاخذ القهوة ... جهزت القهوة ويوم طلعت .. شفت ثامر واقف برى .. هو يوم شافني استغرب .. وووو .. وبعدين .. جا .. ( طالعت بندر باسف ) جا بندر وتهاوش مع اخوووووه .....

مها بصوت مبحوووح : انا آسفة ... من جد آسفة .. صدقيني انا نادمة على كل كلمة قلت لك اياها ... من جد ..
خلود طالعت فيها معصبة : اسفة ..؟؟ وش بيفيدني الاسف...؟؟ انتي خليتيني صغيرة بعيوووون بندر وثااامر .. انتي خليتيهم يشكوووون فيني وباخلاقي ... ليش سويتي كذا..؟؟ ما عندك رحمة ..؟؟ ليش تحاولين تدفعيني ثمن غلطة اميييي...؟؟؟ ليييييييش..؟

هشام حضن بنته وهو يطالع مها بحقد : قسم بالله لو ما كنتي مريضة .. كان حسابي معاكي غير.... !!!!!
بدرية : هذي بنتك الطيبة يا هدى ..؟؟ صدق انك ما عرفتي تربي ...

بندر وقف منصدم ... " مظلوووووووومة..!؟!؟!؟ خلود مظلوووووومة..!؟!؟! الحمدلله ياربي .. ع الاقل ما خانتي ف يوووم ... الحمدلله ياربي ... حسبي الله عليك يا مها ... حسبي الله عليك ليووووم الدين ... "

خلود وخرت عن ابوووها : انا بطلع شوي اشرب موية واروووح الحمام ..
هشام : رووحي .. عندي كلام هنا انا وبعدين بلحقك ...
بدرية : اجي معك حبيبتي ... ؟؟؟
خلود ابتسمت تطمنها : لا ماما .. انا بخير..

طلعت خلووود من الغرفة بسرعة تصيح وتضحك بنفس الوقت ..... تسندت ع الجدار " الحمدلله ... الحمدلله كل شي انكشف ... الحمدلله .. اخيرا عرفت يا بندر.. عرفت الحقيقة ..!؟!؟!؟</b></i>