منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-20-2010, 01:06 AM

(( الفندق ))

( الساعة 7 الصباح )

في وسط اجواء الهنا والسعادة اللي ف الغرفة .. فتح رائد عيووونه .. التفت جنبه وشاف دانة نايمة .. زي الملاك الصغير ...

قام وقعد .. ومد يده العريضة لوجهها الناعم البري .. لمس نعووومة خدووودها .. وبكل رقم قرب راسه وباسها : دنّووو .. دنّووو يا عمري ..

دانة فتحت عيووونها شوي شوي وشافته فوووقها .. ابتسمت على طوووول ابتسامة واسعة ...
رائد ضحك على طووول وغمازاته طلعت : فديت ضحكتك انتي... قومي حياتي يللا ما بقى على الطيارة شي...
دانة مستغربة : طيارة ..؟؟ أي طيارة ..؟؟
رائد ضحك بزيااادة : هههههه... دانة حبيبتي شفيك .. الطيارة اللي بنروح فيها شهر العسل هههههه ...
دانة تذكرت وقامت قعدت : آآآآآآآه .. أي صح .. ههههه مدري شلون نسيت ..؟؟
رائد بنظرة تخقق قرصها على خدها : معذووورة .. من شاف هالحلا قدامه ما يتذكر نفسه .... !!

دانة فتحت عيووونها وهي تاخذ المخدة اللي جنبها وترميها على رائد : لاوالله ...!! قووم.. قووم الحق عمرك وروووح الحمام قبل ما اضربك قوووم ..

رائد قام بسرعة وهو يضحك ويشرد للحمام : ههههه خلاص تووبة .. اقووولك توووبة هههههههه

(( شقة سعود ودلع ))

( الساعة 11 الصباح )

قامت دلع بعد ما تقلبت شوي بتعب ... ووقفت على رجولها وتذكرت اللي صار امس .. ابتسمت بزيااادة وهي تعض شفايفها ... فتحت يدينها وقامت تدووور ف الغرفة زي المجنوووونة ...

وقف فجأة وحطت يدها على بطنها تتذكر اللي صار فيها ذيك المرة .. خافت .. خافت مرة تفقد الجنين هالمرة ..
دلع " لأ .. انا مالي دخل .. هالمرة بالذات محد بيمنعك انك تجي ... اوعدك... اوعدك يا حبيبي .. هالمرة غير .. هالمرة ابوووك هنا .. هالمرة لك الحق انك تطلع .. لك الحق انك تعيش ... تعيش زي أي طفل من الاطفال .. وانا ما بقصر معاك ابد .. اوعدك..!! "

(( بيت ابو راكان ))

( الساعة 12 الظهر )

بينما الكل كان قاعد يقوم من النوم ... طلعت مها توها لغرفتها عشان تنام .. كانت طول الليل .. تفكر ف حل للي هي فيه ... يوم شافته امس .. حست انه روحها بتطلع مكانها من الفرحة ... كان كاشخ ع الآخر .. ويمشي بكل هيبة ورزة .. كان خاطرها تروح تركض له .. وترتمي بحضنه .. كان ودها تعترف له بالحقيقة ... وتقوله عن مشاعرها تجاه..

بس كل هذا ما صار ... دخلت غرفتها .. وسكرت الباب على نفسها ..
وقعدت ع الارض بقلة حيلة ...
مها " انا الغبية .. انا الغبية .. على بالي بنتقم من خلووود .. !! خلود وش خسرت ..؟؟ ما خسرت شي.. انا اللي خسرت ثامر وخسرت حبه لي ووده .. اما خلود .. خلود ما تحبه .. وش استفدت غير اني هدمت حبي اللي بنيته بيدي مع الايام ...؟؟!؟!

(( بيت هشام ))

( نفس الوقت )

حال خلود ما كان مختلف مرة عن حال مها .. غير انه خلود كانت مستغربة ... ليش يصير فيها كذا وهي بريئة.... مالها ذنب ف كل اللي صار ..

خلود اللي كانت قاعدة على السرير وحاضنه دبدوووبها بقوة لصدرها وتصيح " كيف تتهمني بهالتهمة ...؟؟ كييييييييف..؟؟ كيف وانا اللي حبيتك من كل قلب .. وانا اللي حلمت فيك طول الليالي وتمنيت اننا نكون مع بعض ولا يفرق بيننا أي شي...؟؟؟ وكيف أصلا اقدر اسوي هالشي...؟؟ كيف اقدر اجرح روحي..؟؟ قول لي كييف..؟؟ "

رفعت راسها لفوووق .. تلتمس الرحمة من ربها ... " يا رب .. يا رب ارحمني .. يااارب اذا مالنا امل .. شيل حبه من قلبي يااااآآرب ... شيله ... خليني انسااه .. يا رب لا توفق كل من كان له يد فللي صار .. يااارب لا توفقه يااارب ف حياااته ... "

(( بيت ابو بندر ))

( الساعة 2 الظهر )

سكرت ام بندر وهي مستانسة : الحمدلله وصلوا بالسلامة ...
ابو بندر فرح : والله ..؟؟
ام بندر : أي والله .. توها دانة مكلمتني .. تقول وصلوا وهم الحين ف الفندق .. بيرتاحوا شوي وبعدين بيطلعوا ...
احمد فرحااان : شلون شفتي صوتها ..؟؟ مرتاحة ..؟؟
ام بندر : أي الحمدلله .. متحمسة مرة .. الله لايغير عليهم ...
الكل : آميـــــــــن

ابو بندر : الا وين عيالك ..؟؟
ام بندر : يعني فوووق كالعادة .. نايمين اكيد ..
احمد : هههههه امس يوم دخلوا الصالة .. كل واحد كانه جاي من حرب ..
ام بندر ضحكت : ههههه أي انا عطيتهم زفة محترمة ..
ابو بندر مستغرب : ليش..؟؟ شسوو..؟؟
ام بندر : والله ما سوو شي .. بس انت تعرف عيالك .. طايشين وما يفكرون بللي يسوونه ولعابين .. عشان كذا انا كنت ابغاهم يوصلون بنات خالاتهم الصالون .. وعطيتهم زفة .. ونبهتهم انه اللي يغلط مع أي وحدة من بنات خالته او بنات عمه ما راح يكون حسابه يسير .....

احمد فتح عيووونه متفاحئ وفيه الضحكة : ههههههههااااي ... انشالله هاوشتيهم قدام البنات ...
ام بندر : أي نعم .. عشان يسمعوون الكلام ..
ابو بندر : زين سويتي فيهم ..
ام بندر وف خاطرها شي : والله امس البنات كل وحدة احلى من الثانية .. ماشالله عليهم اميرات ...

ابو بندر : أي والله .. امس يوم شفت سمر وغادة ماشالله عليهم ... كل وحدة قمر ..
ام بندر باعجاب وااضح : لااا ... انت ما شفت اروى .. ما شاء الله عليها .. مسكته الكل..
حتى خلود بنت هشام ما تجي جنبها شي .. لا اله الا الله ...
ابو بندر : اروى هذي اخت رائد ..؟؟

احمد بسرعة رد : لا هذي اخت عوض .. يعني بنت عم رائد ..

ابو بندر طالع احمد بنص عين .. قام احمد انحرج وسكت
ام بندر عجبها الوضع : جمال واخلاق .. ما شاء الله عليها .. حتى ريم اخت رائد حلوة مرررة .. وناعمة .. ومرة انيقة بفستانها الفوووشي الفاقع .. بس .. مدري .. حسيتها جريئة شوي .. يعني ماشفتها ولا مرة انحرجت لما الحريم يكلمووونها .. تحسها طايشة مع انها اكبر من اروى .. بس اروى اعقل .. واعية ورزينة ...

ابو بندر : أي لا تنسين اللي صار لها بعد وفاة اخوها مو سهل .. اكيد بتتاثر وتعقل .. صدمة قوية اللي تعرضت لها ..

احمد طلع جواله ومسوي يلعب فيه وهو يسمع كلامهم .. اعجابه بهالبنت يزيد يوم عن يوم ..

ام بندر التفتت على احمد بعد ما غمزت لابو بندر اللي فهم الموضوع : ها احمد .. شرايك بالموضوووع ..؟؟

احمد بنظرات متفاجأة : ها..؟؟ عن ايش..؟؟
ام بندر : عن البنت .. اروى .. اللي تونا كنا نتكلم عنها ..
احمد حط عيووونه بالجوال : ماشالله عليها .. مو ناقصها شي من اللي سمعته ..
ابو بندر عطاه اياها كااش : يعني تبغاها ولا لأ...؟؟

احمد فتح عيووونه ... ما قدر ينطق .. السؤال اللي سأله اياه اخوه سؤال صعب ..
احمد : .....................انعقد لسانه ..
ابو بندر : يووووه .. احمد شفيك .. رد ..؟؟ شرايك..؟؟ تبغى نخطبها لك ولا لأ..؟؟ ما اعتقد انك صغير .. انتا الحين بسن مناسب عشان تتزوج .. و اروى زي ما تقول ام بندر ما يعيبها شي... وش قلت ..؟؟

احمد : ا... م...ا .. مدري ..
ام بندر : شلون ما تدري..؟؟تبغاها ولا لأ... بعطين انتا شوفها اول .. يمن تعجبك ..

احمد بلع ريقه مو عارف وش يسوي " ياربييي وش هالورطة .. أي اقوول الحين ..؟ "
وقف احمد وجا بطلع من البيت : عطوني فرصة افكر ...

طلع من البيت .. ووقف ف الحوووش يفكر " معقووولة .. انا آخذ اروى..؟؟ اخت عوض.. انا آخذهااااا ...!؟!؟!؟ آآآآآآآآآآآآآآه والله البنت ما يعيبها شي .. حلوة وعاقلة زي ما قالوا ..بس ... بس .. ريم ... ريم شلووون اخليها وافرط فيها بهالشكل ..؟؟ ريم اللي حبتني .. ريم اللي وقف جنبي يوم ضيقتي .. ريم اللي طلعتني من قوووقعة الهم اللي كنت عايش فيها ... ريم اللي خلتني اعيش الحياة من جديد ... يووووووه يا احمد .. انت شفيك..؟؟ لسة الموضوووع مو اكيد .. يعني تقدر ترفض .. وتقدر توافق .. فكر فيها زين ... ولا تضيعها ابد .. ما تدري ايش ممكن يصير.......!!! "

(( بيت ابو رائد ))

( الساعة 3 العصر )

ريم نقزت يوم امها سكرت التليفووون معصبة : يوووووه ... ماما الحين قاعدة ساعة اصاااارخ واقولك ابغى اكلمه ... ليش ما عطيتيني اياه ...

ام رائد : افففففف .. ريم حرام عليك ... توهم طالعين من الفندق ورايحين يتغدووون .. حرام عليك .. خليهم شوي مع بعض . ولا تتصلين فيه فاهمة ...؟؟
ريم : ليش يعني..؟؟ ما بتضر دقيقة ... لو كلمته

ام رائد : اخوك توه معرس .. ما يصير تزعجيه ف شهر عسله .. خليه مع زوجته ينبسطوا ...
ريم : اففف ... متى انبسط انا واروح شهر عسل ياربييييييي...؟؟
ام رائد : انتي دامك كذا زي الهبلان عمره محد ماخذك ...

ريم بغرووور ونعوومة : نعم ..؟؟ اصلا انا كل يوم طوابير الخطاب على الباب .. بس انا للحين ماجا اللي ابغاه ويبغاني ... اناسبه ويناسبني ..

ام رائد تتظنز : ماااالت .. انا مدري مين اللي ناوي على عمره وبياخذك ..
ريم : طيب طيب .. بكرة بتشوفين ...!!

(( جزر الباهاما ))

( الساعة 11 المسا )

في ظلام الليل وتحت نور القمر ... اصواات الامواج اللي تصدم ف رمال الشاطئ هي الوحيدة اللي تنسمع ... ولغة العيووون بين رائد ودانة اللي يتمشوووون جنب البحر .. هي سيدة الموقف ....

رائد قطع الصمت : الجو مررررة حلوو ..
دانة غمضت عيووونها تتنسم الهوا البارد : مممم... فرق عن الجو اللي طلعنا منه ..
رائد : لا تذكريني بالحريقة اللي كنت فيها .. والله لما ارجع من الجيم اعصر التيشيرت ويصب ماااي يروي بلد ...!!!!
دانة بدلع : هههههه يعععععععع ...

رائد طالعها شوي ...
دانة مستحية : شفيك ..؟؟
رائد لف يده حولها وقال وهو يهمس لها : احبك...
دانة طالعته بخجل وقالت بكل رقة : حتى انا احبك ..

رائد وقف مستغرب ومتفاجئ وكانه احد معطيه كف ....
دانة مستغربة : بسم الله شفيك..؟؟
رائد غمض عيوووونه مبسوووط : الللللللللله ... عيديها .. عيديها تكفين .. !!
دانة تضحك على شكله : ههههه شوووف شكلك شلون صاير .. ماني عايدتها ..
رائد قرب : الله يخليك عيديها ..
دانة فعت حاجب : واذا ما عدتها ..؟؟

رائد التفت حوله وضحك : بشيلك .. قدام كل هالناس وادووور فيك واصااارخ
دانة : هههه صراحة هذا عرض ما يتفوت ..
رائد : كيفك ..

قرب وشالها من رجوولها وهي تضحك
دانة : يا مجنووون نزلني .. لا احد يصورنا ولا شي.. والله نروح فيها فضيحة .. !!
رائد : لا تخافين محد بيصورنا ... الا تعالي .. انتي ليش ما تاكلين؟؟ زي الريشة ..
دانة متعلقه فيه : انا مو ريشة .. بس انت ما تعودت الا على رفع الاثقال .. لازم تتعود على رفع شي اخف من اليوم ورااايح ..
رائد : انتي تامرين امر ..
دانة قربت راسها منه وقالت : احبك ...

رائد من الوناسة قام يناقز فيها ويدووووور .. ودانة تضحك وتصاااارخ

(( بيت ابو رائد ))

( الساعة 5 المغرب )

ريم اللي كان الزهق واصل معاها حده ...
ريم : افففف .. ماما .. والله طفشت !! ما صاااارت
ام رائد وهي تلبس عبايتها : يللا ما بقى شي .. بعد بكرة احنا ماشيين ...
ريم : افففففف
ام رائد : انتي خلصتي كل شي ..؟؟
ريم : أي .. كل شي جاهز حتى الشنطة سكرتها .. الله يخليك خليني اكلم رائد ..
ام رائد بتحذير: لأ يا ريم .. والله لو ادري انك دقيتي عليه بزعل منك والغي السفرة

ريم بخوف : لا لا لا خلاص خلاص ما ابغى اكلمه .. كله ولا السفرة ..
ام رائد : طيب انا طالعه
ريم : وين ..؟؟
ام رائد : بروح اشتري لي كم شيلة ملونة ..
ريم : اهاااآآ يعني سووووق
ام رائد : أي.. تجين ..؟؟
ريم : اففف ... لأ .. وين بابا ..؟؟
ام رائد وهي طالعة : ابوك راح مشوار مع واحد من اللي يشتغلون عنده وبيرجع بعد شوي .. أي صح .. ( التفتت ) شوفي .. يمكن احمد هذا هو اللي رايح معاه .. خلي الشغالات يجهزون المجلس طيب.. خليهم يبخروه ويجهزون القهوة وصحون الحلا ..

ريم نقزت بونااسة : والله ..؟؟ مو مشكلة انا بسويهم ...
ام رائد : من متى انتي تسوين قهوة ..؟؟ لا تسوينها .. اخاف تخربينها وتفشلينا قدام الرجال.. بعدين ليش مهتمة للموضوع لهالدرجة ..

ريم تورطت : ها..؟؟ ا.. لأ ... ب ..بس حصلت لي شي اسويه
ام رائد : طيب زي ما قلت لك .. لاتنسين
ريم : اوكي ..

طلعت ام رائد وريم صرخت من الوناسة : يس......!!!!

وعلى طول طلعت تغير ملابسها بعد ما قالت للشغالات يجهزون المجلس ..

(( بيت فيصل ))

( الساعة 6 بعد المغرب )

الكل تجمع ف الصالة حسب رغبة ابو نسايم و أمها ....

نسايم : الله يستر .. ايش عندكم ..؟؟
ابو نسايم : حبيبتي .. انتي شفتي ايش صار فيكي هنا مع اللي ما يتسمى المحروووس زوجك ... ودحين هوا ف السجن ... وانا رفعت عليه قضية طلاق وان شاء الله راح نكسبها .. وبعد الطلاق وبعد ما تخلصي العدة بإذن الله .. انا و امك ناويين ترجعي معانا جدة ....

فيصل : ايش...؟؟!؟!؟
نسايم بلعت ريقها : بس بابا .. انتا ايش قاعد تقووول ..؟؟ انا بيتي هنا.. وبناتي هنا .. و زي ما تعرف انا الحين حامل ف الشهر الرابع .. ما يصير
ابو نسايم : و ايش اللي ما يصير ... اول ما تولدي ترجعي انتي وبناتك وفيصل معانا جدة .. وهناك حتكونوا جنبنا .. ومعانا ف بيت واحد .. يكفي اللي صار عليكي للحين ..

فيصل مو عاجبه الوضع ابد : بس يا جدي .. انا مولود هنا ومتربي هنا .. وكل ذكرياتي والناس اللي اعرفهم هنا .. وبعدين انا سجلت ف جامعة وانتظر منهم يقبلوني .. والوظيفة حصلتها وكل شي متيسر لي هنا ...

ابو نسايم : ايش اللي تقوله انتا..؟؟ انتا من جدك ناوي تشتغل و انتا لسه صغير ما دخلت جامعة .. ما معاك الا شهادة التانوي...؟؟ لا يا حبيبي .. تعال جدة وكمل دراستك .. وإذا تبغى انا راح ارسلك تدرس في أمريكا وترجع لنا واحد متعلم ومثقف .. مو زي البدوووو .. انا ما عندي أولاد زي البدووو .. انتا لازم تتحضر وتكمل دراستك وتبني مستقبلك زي الناس...

ام نسايم : انا فاهمتك يا فيصل .. انتا تربيت هنا وتعودت على العيشة هنا.. بس جدة احلى .. صدقني .. جدة مرة احلى عن الشرقية .. وصدقني راح تحبها .. هناك الانفتاح اكتر من هنااا..وصدقني راح تنبسط وتحبها .. بعدين راح يكونوا أخواتكم ف أمان .. تحت عيني وتحت عين جدك هنا .. إحنا ما نبغى الا اللي فيه مصلحتك ..

فيصل سكت .. كل اللي يقولوه صح .. مصلحتهم هناك أحسن .. وفرص عيشهم حياة بسلام أوفر .. بس .. هنا .. المكان اللي تربى فيه .. الناس اللي عرفهم .. واهم شي ف باله .. سالم ولينا ...

(( بيت ابو رائد ))

( الساعة 6 ونص )

وقف ريم قدام الشباك .. تنتظرهم يوصلون ..

واول ما انفتح باب الحوش .. شافت سيارة ابوها المرسيدس تدخل .. وهو داخلها .. بس محد معاااااااه ... انتظرت سيارة ثانية تدخل .. بس مافي أي سيارة دخلت وراه سيارة ابووها

ريم خافت " لأ... لا تقولون ما جا لأ.... مستحييييييييييييل ... !!! "

طلعت للحوش ونزلت تسلم على ابوها : بابااااااااااااااااااا
ابو رائد اول ما شافها ابتسم ... وهي على طول حضنته وباسته : وينك تاخرت..؟؟
ابو رائد : معليه حبيبتي كان عندي شوية شغل .. امك داخل..؟؟

ريم : لأ ... راحت السوق تشتري لها كم شي حق السفرة ..
ابو رائد : خلاص يعني قررتوا بعد بكرة...
ريم : أي .. الله يخليك تعال معانا....

ابو رائد وهو يمشي جنبها لداخل البيت : والله يا حبيبتي ما يصير اخلي عمك صالح لوحده مع هالشغل الكثير ... لازم اكون معاه واساعده ...
ريم بحزن : طيب ..

ابو رائد : شوفي حبيبتي .. انا رايح اتروش ..وبعد شوي بيجي احمد .. اذا جا .. خليه يدخل المجلس ... اوكي .. ؟؟
ريم استانست : اوكي ..

طلع ابو رائد فوق عن طريق الاصنصير الموجود ف البيت .. اما ريم فراحت تسنتر قدام الشباك لين شافته يدخل بسيارته اللكزس ...

وساعتها قعدت تنااقز من الونااسة .. خصوصا يو شافته ينزل بثوووبه الانيق الرسمي.. والشماغ الاحمر اللي مشخص فيه ..

ريم وقفت مترددة " اطلع ولا لأ..؟؟ اطلع..؟؟ لا لا .. ادري بيعطيني زفة لو طلعت قدامه كذا .. احمد واعرفه .. لو يشوفني كذا بيسفهمني ولا يكلمني لين البس عبايتي .. اففف "

نطت تراقبه وهو جاي بيدخل المجلس حق الرجال اللي برى ..

ريم " تدرووون شلون .. انا من اليوم بصير ثقيلة شوي .. ههههه بجرب الحيا لمرة ف الحياة ... "</b></i>