منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-20-2010, 12:28 AM

دلع شالت يدها وجات جلست جنبه وهي تطالعه بنظرات عتب ...
سعود : انتي الحين ليش متضايقة..؟ بحريقة تحرقهم ..؟؟
دلع : لا تقووول كذا ... هذولا اخواني ...
سعود : اخوانك انتي مو انا...!!!
دلع : لا تصير زي امك وابوووووووووك ..
سعود : ماني زيهم ...
دلع : الا .. قاعد تسوي زي ماهم يسوون .. وهذا غلط
سعود : دلع .. الله يخليك .. خلينا مروقين والجو حلووو .. لاتدخلينا ف مواضيع تخرب علينا .....
دلع : بس ما يصير كذا .. الحين رجعنا مع بعض انا وياهم .. يعني راح تلتقون كثير وتتجمعووون .. ما يصير تبقون على هالحالة ...
سعود : وش اسوي يعني..؟؟

دلع حطت يدها على وجهه بحنان : الله يخليك عطيهم فرصة ثانية ... عاملهم بالحسنى عشان يحسون على دمهم .. وساعتها ما يقدرون الا يحترمووونك ويقدرووونك...

سعود ابتسم وهو يحط يده على يدها..... اخذها وباسها : انتي وحدة طيبة مرة ..
دلع ابتسمت : يعني بتسويها..؟؟
سعود : بفكر ..
دلع بالحاح : الله يخليك .. عشان خاااطري...
سعود : هههه وانتي كل شي عشان خااطرك ..؟؟
دلع : أي ..
سعود : طيب .. عشان خاطري انا هالمرة قوومي البسي...
دلع : ليش..؟؟
سعود وقف : من زمان ما رحنا نتمشى .. ما زهقتي من قعدة البيت..؟؟ قومي...!!

قامت دلع متحمسة: وااااو .. دقيقة وحدة .. واكون جاهزة ...

بعد 3 أيــام من الاحداث السابقة ....

(( بيت ابو بندر ))

( الساعة 11 الصباح )

طلعت دانة من غرفتها ... نزلت تحت .. شافت امها قاعدة ف الصالة ...
دانة ابتسمت : صبااااح الخير يا قمر.....
ام بندر : هلا حبيبتي صباح النووور ...

دانة : وين ثااامر وبندر ...؟؟
ام بندر : نايمين .. تعرفينهم ما يناموون الا الفجر ...
دانة : شكله الجو برى حلووو ...
ام بندر : والله ..؟؟ يللا زين .. خلينا نشم ريحة الهوا شوي .. كل يوم رطووبة برطووبة ما صاارت ...!!!!

فتحت دانة باب البيت ... وطلعت للحوش .. وقامت تتمشى شوي ... ويوم وصلت عند الباب الخارجي ... لمحت ظرف وردي ...
دانة : ظرف..؟؟ ايش هذا...؟؟

اخذت الظرف الوردي وفتحته ..... حصلت داخله CD
ومعاه ورقة مكتوووب عليها ...

>> الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور <<

دورت دانة عن أي اسم مكتووب .. بس ما حصلت غير توقيع ..

حطت الـ CD ف جيبها ودخلت البيت وهي تركض .... ولمحتها ام بندر ...

ام بندر : بسم الله .. دانة شفيك..؟؟
دانة وهي طالعة الدرج : بعديم يا ماما بقووولك ...

طلعت لغرفتها .. وطلعت اللابتوب حقها من الشنطة ... وفتحته ... ودخلت الـ CD
فتحت الملف الموجود باسم Roodi
فتحته وقامت تشوف اللي فيه وقلبها يدق بقووووووة ....
ويوم شافت كل شي فيه .. قعدت منصدمة ومو عارفة ايش اللي يصير .....

دانة حطت يدها على جبهتها بقوة : ياربييي ... شسالفة..؟؟ من وين جابت صوووره من ويييييييييييين ..؟؟؟ وش اللي بيخلي صور رائد الكثيرة بهالشكل عندها ؟؟ وبعدين .. مين هذي...؟؟؟

دارت فيها الدنيا ... قامت ع الكرسي وقامت تفكر : انا لازم اقووول لرائد واشوووف وش السالفة ... يمكن احصل عنده تفسير للي يصير .... لاني انا بصراحة ماني عارفة وش اللي قاعد يصير .... وهالصور شلون وصلت عند هالبنت ... وبعدين هذي مو اول مرة .. بوكيه الورد والرسالة الغامضة اللي جاتني واللي عديتها وتجاهلتها لها علاقة بالسالفة بعد ...............!!!!

___________________________________

(( شركة ابو رائد ))

( الساعة 12 الظهر )

دخل ابو رائد المكتب يبغى يتطمن على احمد ويشوووف حالته كيف... بس استغرب يوم شااافه نايم وهو قاعد على الكرسي والاوراق قدامه ...

ابو رائد " شفيه احمد ..؟؟ اول مرة يسويها وينام ف الشغل..؟؟ الله يعينه .. شكله مرة حيااته منقلبة فووووق تحت ..!! " : احمد .. احمد ..

احمد فز مرعوووب : ها..؟؟ ا.. اقصد هلا بو رائد ... معليش كنت قاعد .. ا.. كنت .. كنت .. كنت اراجع الاوراق والملفات .. بس .. اخذني النوم...
ابو رائد ابتسم له : احمد... انت مبين عليك مرة تعبان .. روووح البيت ونام وارتاح اليوم..
احمد : ها..؟؟ لا لا يابو رائد .. مافيني شي ... بخلص شغلي وبروووح
بو رائد : اقووولك روح .. ولا بخصم من راتبك .. يللا .. ولا تداوم قبل ما تاخذ اسبوووع اجازة فاهم ..؟؟

احمد وقف محتاار : بس ... كثير اسبوووع..؟؟ وش بسوي ف 7 ايام بدون شغل..؟؟
حط ابو رائد يده على كتف احمد : رووح نظم حياتك من جديد .. شكلك ضااايع مرة ..

(( يوم الثلاثاء .. بيت ابو بندر ))

( الساعة 9 ونص الصباح )

ثامر : انت متاكد انك ما تبغى تروووح معانا..؟؟
بندر منسدح ومغمض عيووونه على السرير : قلت لك رووح وفكني بس...
ثامر : كيفك ... بترووح عليك الوناااسة والله ..

طلع ثامر من الغرفة " الله يهديه هذا .. لمتى بيقعد كذا مقاطعني..؟؟ والله ما يهون علي توأمي يزعل مني ...!!!!! اففف كله منك يا خلووود!!! "

نزل تحت وشاف امه قايمة : صبااح الخير ...
ام بندر : صباح النوووور حبيبي ...
ثامر مسك بطنه : ا... يا طويلة العمر .. وش سويتيلي فطووور ..؟؟
ام بندر : يللا قاعدة اسويلك ساندوش
ثامر حاس فمه : سااانوش ...!!! الله يهديك هذا فطووور ..؟؟ ما يشبع ...
ام بندر : اجل وش تبغى تفطر ..؟؟
ثامر : أي شي ... هريس... جريش .. كبسة .!.!!!
ام بندر مسكت شعر راسها : انت بتجنني ...!!! احد يفطر هالاكل اللي مليان زفر..؟!؟! تدري .... انت ورااايح .. مر على البوفيه وخذلك شي تاكله .. انا مالي دخل ...

ثامر : عوووووذه!!! محد يقووول رايه هنا ؟؟ خلاص خلاص .. في مطعم مثلوووثة قريب .. بمر عليه الحين ... تامريني على شي ...؟؟؟؟
ام بندر عصبت : لأ ... رز وخرابيط على الصباح ما ينفع ... ناوي تمرض...؟!؟!
ثامر : طيب طيب ... باخذ لي ساندوش كبده ولا تزعلين ...

عطاها ابتسامة وااسعة وطلع من البيت وهو يغني ...
ثامر : ايوووووووه .. قلبي عليك التااااع
مايحتمل غيبتك لييييله

لبييييييه . يابو عيوون وساااع
ما غيرك احدٍ البيييييييييله ...

وقف كلامه يووووووم شاااف احمد منسدح ف السيارة وناااااايم والدنيا حر ....
ثامر عقد حواجبه : وش يسوي هذا هنا...؟؟؟

دق عليه القزااااز ففز احمد من نوووومه يلتفت حوووله ...
احمد يوم شاف ثامر برى السيارة تنهد براحة : هـــ .. الله يقطع شيطااانك ...

فتح باب السيارة وقام يفرك عيوووونه اللي صايرة حمرا وتحتها اسود ..
ثامر : شعند بو الشباب نايم ف السيارة ..؟؟ طاردتك المدام ..؟؟ ولا الوحام مو مخليها تدانيك....؟!؟؟!
احمد ابتسم بتعب : اقووول مالي خلقك .. وين رايح انت من على الصباااح ..؟؟
ثامر ضحك وهو يرجع شماغه لورى بطريقة عشوائية : مواعد الربع ...
احمد : وايش هالموعد اللي ما يصير الا الساعة 9 الصباح ..؟؟
ثامر : شوووف انا بقووولك .. بس لاتقوول لامي .. انا مكذب عليها وقايل لها بروح البحرين وبرجع ف الليل .. بس .. بيني وبينك .. انا رايح الرياض ..
احمد فتح عيووونه الثنتين : الرياض..؟؟ ليش..؟؟ شعندك ف الرياض..؟

ثامر : بنرووح نغير جوو ...
احمد ضحك باستهزاء : والله هالشباااب .. هجوا ومشوا... انت ناوي تذبح امك..؟؟
ثامر : بسم الله عليها .. بس ها..؟؟ زي ما قلت لك .. بيني وبينك ...

وما خلا أي فرصة لاحمد انه يتكلم ... ركب السيارة وشغل شريط خالد عبدالرحمن وطلع من البيت ...........

احمد : والله العظيم جيل عجيييييييييب ...!!! الله يستر لو تدري امه وش بتسوي..!!

التفت حوله ف السيارة يدور على شماغه اللي كان مرمي ورى ..
ولمح الالبوووم ....
احمد : يووووه .. نسيت ارجعه ... يللا برجعه اليوم العصر ...

اخذ الالبوووم وفتحه وهو يبتسم ... اول صوورة ... عوض وهو صغير على الدباب ..
ثاني صووورة .. عوض مع ابوه ف البر ايام المتوسط ...

فر الصفحة باهتمام وهو يضحك والفرحة غامرة قلبه لشوووفة خويه ...
ومع كل صفحة يفرها .. تطلع له صووورة حلوة .. صور وهو فرحان .. صور وهو معصب..
والكثير من الصووور اللي يكون فيها طالع مع عوض .. واكثرها ايام الثانوي ...

بس .. ما وقف الا لما شااااف الصورة ذيك .. تاملها شوي .. اول مرة يشوووفها .. بس..
عرفها على طووول ... فيها ملامح كثيرة تشبهه .. نفس النظرة والابتسااامة ..

لاشعوريا ابتسم ..... " هذي اخته ... اروى "

(( شقة سعود ودلع ))

( الساعة 11 الصباح )

دلع : مين ..؟؟
......: البريد ....
دلع مستغربة : بريد..؟؟
.......: واصلتكم رسالة يا اختي ....

فتحت دلع الباب واخذت منه الرسالة من ورى الباب ...
دلع : لمين هذي...؟؟
......: الاخ سعود عبد الله الـ ( ..... )
دلع : طيب شكرا ....

سكرت الباب .... " من مين هذي..؟؟ "
جات بتفتحها بس خافت سعود يزعل ولا يعصب " لا ماني فاتحتها .. لا جا بيشووفها واكيد بيقول لي وش فيها..؟؟ "

(( بيت ابو بندر ))

( الساعة 6 المغرب )

دقت دانة على رائد تبغى تكلمه ف موضوع الـCD وتعرف منه كل شي....

رائد رااايق : هلا باحلا كله ...
دانة بتسمة " وهـ فديته " : شلووونك ..؟
رائد : بخير من سمعت صووتك ... شتسوين...؟؟
دانة : قاعدة وطفشاااانة ..
رائد : افااا.. طفشانة...!! المشكلة عندي شغل ولا كان جيتك ...
دانة : ليش ما خلصت للحين ..؟؟
رائد : لا حبيبتي .. الشغل كثران هالايام .. تدري بدت الاجازة والشغل كثر .. والطلبات اللي توصل الورشة كثيرة يا دوووب نلحقها ...
دانة : يعني مشغووول..؟
رائد : آسف والله .. بس أي .. انشالله لا رجعت البيت بكلمك ... اخاف عمي يذبحني..
دانة تفهمت الموضوع : طيب خلااص ..
رائد : توصين شي حبيبتي..؟
دانة تحاول ما تجيب طاري الموضوع الحين: لا سلامتك ...
رائد : باي قلبي
دانة : باي..

سكرت التليفووون ... وانسدحت تفكر " ياربيي.. انا وش المفروض اسوي..؟؟ اساله..؟؟ ولو كان ماله شغل ف الموضوع .. وهذا من تدبير وحدة تبغى تخرب علينا.. وحدة من بنات الجامعة يمكن ...!! اففففففف انا شدراني ..؟؟ يارب ساعدني ولا تخليني اتسرع ...! "

(( بيت ابو غاده ))

( الساعة 7 المسا )

ابو غادة : يانورة وين البنات..؟؟
ام غادة : فوووق قاعدين يشوفون مسلسل ف الصالة
ابو غادة : طيب .. انا بطلع شوي بروح اشوووف بو ناصر شوي .. اشرب معاه فنجان شاهي وارجع ...
ام غادة : بتجي للعشا..؟؟
ابو غادة : أي اكيد ..

جا ابو غادة بيقووم .. بس ما قدر ورجع قعد وهو يحس بالالم ....
ابو غادة : آآآآآآآآآه ....
ام غادة خافت : ابراهيم بسم الله عليك شفييييييك ..؟؟
ابو غادة : آآي مدري ... جيت بقوووم وشي عورني ف خصري...
ام غادة : اجيب لك كاسة موية تشربها ...
ابو غادة قام وهو يحبس الالم : مافيني شي .. ماعليك انتي... يللا توصين على شي..؟؟

ام غادة خايفة عليه : سلامتك .. انتبه على نفسك .. واذا ما خف الالم رووح المستشفى شوووف وش القصة ...
ابو غادة وهو طالع : ما يحتاج لا تكبري الموضوووع ...

(( اليوم اللي بعده .. يوم الأربعاء .. شقة سعود ودلع ))

( الساعة 7 الصباح )

دلع : يللا سعود قوووووووووووووووووووووووووووووووووم
سعود : افففففففففف خليني شوي...!!
دلع : مافي شوي .. قوووم بتتاخر ما بقى غير نص ساعة على دوامك ...

انقلب سعود على الجهة الثانية : طيب ... شوي بس..
دلع : مافي .. يللا قوووم .. خلي الفلم اللي امس سهرت تشوووفه ينفعك الحين ... وخلي الشقرا اللي تمثل فيه ... واللي فالحة تتنقل بين رجال وثاني تنفعك ... يللا قوووم ....
سعود قام وهو يضحك : هههههههههههااااااااااي ...
دلع حطت يدها على خصرها : وش اللي يضحك الحين ..؟؟ تحرك ... البس عشان تمشي.....
سعود : الحين انتي للحين منقهرة عشان ذيك الشقرا ...؟؟ ليش لانها احلى منك يعني...؟؟؟
دلع انقهرت : طيب .. طيب ... وريني مين اللي بيسويلك اكل الحين.....
سعود قام ووقف بسرعة : لا خلاص .. تعالي تعالي .. والله آسف .. والله انها من كوكب القروووود وع شينة مافيها حلا.... تعالي بس... لاتزعلين ....</B></I>