|
خل الجروح تعيش مع شلة جروح...
"خل الجروح تعيش مع شلة جروح "
اداوي جروحك وانا كلي جروح
واهتم في جرحك وجرحي تركته
يا روح روحي روح يا روح الروح
اقولها من قلب بيدك طعنته
كذا بدون اسباب ما ينفع تروح
عطني سبب واحد وش الي عملته!
ما كنت اقصر يا بعد قلب مذبوح
الي تبيه يجيك والي طلبته
اضحك معك سوالفي ضحك ومزوح
مشي معك جدي وش الي فعلته
جيتك سكني هم والامي تفوح
ثوب الحزن باسباب فعلك لبسته
دمعي من اسبابك على الخد مطروح
مقدر ارجع دمعي الي طرحته
كلن درى عن علتي صرت مفضوح
واضح على شكلي ولا شي قلته
ماهو صحيح اقولك روح مسموح
عطني سبب اهمال قلبا" ملكته
يعني عشاني بانين لجلك صروح
والي بنيت بداخلي ما هدمته
لاصرت راسمني حبيبي على لوح
لاتمسح الي في يدينك رسمته
مظلوم يا دفتر على طول مفتوح
اغرقته بحبري ولا جيت شلته
خل الجروح تعيش مع شلة جروح
الله كريم يعالج الي جرحته
|