منتديات بنوته - عرض مشاركة واحدة

07-19-2010, 04:02 PM

صحيح (حلـــوه) بس مافيني غرور
فيني جــــراءه حاضنتهـــا طفولــــه

أحب صمت الليل واشعاعة النور
وأفـــرح بزخات المطـر وبهطولـــــه

وأحب أجننهم تفاكيـر وصـدور
وأحب أكون الصعـــب محــدٍ ينولــــه

ألعب على الدنيا ولا أتقن الـدور
أفشــل وأحــاول لين حزت البطولـــه

بساطتي ماهي بعيبٍ ولا قصـور
ومــاهمــــني من قــال عنـي خجـولـه

صحيح ماني شيخة الزين والحور
اللـــي تهــز الكــون عرضـه وطولـــه

بس أنا عندي قلب لو عاش مقهور
يضحـــك لو ان إلجـــرح يركي حمولــه

وسطه عنادٍ يكره الظلـم ويثـور
علــــى عقــــول الظالميـــن الجهـــولـــه

وبداخله تلقـى معانـاة ومـرور
وأســرار محكومـــه بصولــه وجولـــه

صحيح في عمري مطبات وحدور
ومـــــاكـــــــل شـي ناصلـــــه بسهولـــه