منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-15-2010, 01:55 AM

الجزء الثالث :.

(( بيت ابو سعود ))

( الساعة 11 الظهر )

ابو سعود : يا باسمة .. وين ثيابي..؟؟
باسمة : مدري .. اكيد ف الدولاب ..
عبدالله : شلون ما تدرين؟؟؟ نعنبو في زوجة ما تدري وين ملابس زوجها ..؟!؟!
باسمة قامت من على الكرسي : اووووف ... خلاص خلاص .. واللي بعافيك اسكت الحين بشوفه وين ...
عبدالله يهز راسه باسف : لا حول ولا قوة الا بالله ..

طلعت له باسمة الثوب وحطته على السرير ورجعت تعدل شعرها وتحط مكياج وكانها رايحة عرس..
عبدالله : ترى هالمرة ابغاك تغطين وجهك لانه اخويعبدالرحمن بيكون موجود .. ومو حلوة بحقي زوجتي كاشفة واخوي معاي...
باسمة طالعته بقهر : خيييييييييير ..؟؟ من متى انا اغطي وجهي برى السعودية ..؟؟ بعدين مو ذنبي اذا اخوك معانا .. انا رايحة استانس ماني رايحة انكتم ...!!!!!
عبدالله : الحين انا زوجك وشوفي شلون تكلميني كاني واحد من اللي يشتغلون عندك .. اجل صديقاتك وعيالك شلون تكلمينهم ....؟؟!؟!؟؟!!؟
باسمة : انت بصراحة واحد تنرفز .. وتكفى لاتتمشكل معاي عشان ما يخرب علينا المشوار ... وشوووف .. مو أي شي يقوله اخوك تسويه .. يعني نبغى نتمشى على كيفنا .. مو تخلي اخوك يمشينا ...!!!!!!
عبدالله ضغط على يده بقوة : قسما بالله يا باسمة كلمة ثانية ولا يجيك شي ما قد تصورتيه فاهمة ...؟؟ لاتخليني امد يدي عليك .. ترى هالشي انا ما ابغاه ..
باسمة فتحت عيونها ع الاخير : لا واللله ... بعد تبغى تضربني ...؟؟!! لا يكون انا جارية ولا خدامة عندك تضربني على كيفك ... لا يا حبيبي .. انا باسمة .. مو أي احد ..

تنهد عبدالله واخذ ثوبه وراح الحمام يغير ملابسه قبل لاتصير مشكلة كبيرة هم في غنى عنها ....

( بعد نص ساعة )

الكل ف الصالة اللي تحت كانوا جاهزين ومستعدين ...
عبدالله : خلصتوا ..؟؟
عبدالرحمن : أي خلصنا ..
باسمة : منال .. انا باخذ معانا ميري وانتوا خذوا معاكم دونا ..
منال : ليش..؟؟ ما يحتاج ناخذ خدامات معانا .. مانا قاعدين ف الفندق كثير ..
باسمة : والعيال ...؟؟ وملابسكم ..؟؟ من بيجهزها ..؟؟
عبدالرحمن : لا تخافين يا ام سعود .. انا ومنال نشيل اعمارنا ... نتساعد ..
باسمة باستغراب : وييي ... بتخلين زوجك يشتغل ..؟؟

عبدالله خز باسمة خزة قوووووووية ....
منال : ما فيها شي اذا الواحد ساعد زوجته ... عاادي .. خلاص انتوا خذوا الخدامة اذا تبغوها .. اما احنا ما نحتاج ..
عبدالله " الله يفشلك من حرمة... فضحتينا قدام الناس ... حسبي الله عليك "

لينا : احنا وين بنركب ...؟؟
ام سعود : انتي وديمة ودلع مع سعود .. وانا وابوك والخدامة .. وعمك وخالتك وعزوز ولجين ...
سالم : وانا يما ..؟؟
ام سعود : انت معاي انا وابوك ...
عبدالله : لا سالم .. انت اركب مع سعود وديمة ولينا ..
ام سعود طالعت بقهر ف ابو سعود اللي فشلها وكسر كلمتها قدام الناس ...
سعود : انا بروح اسخن السيارة ..
عبدالله : سالم جبتوا الجوازات ...؟؟
سالم : أي .. كلهم معاي .. بس جوازات بيت عمي مو عندي ..
عبدالرحمن طلع الجوازات من جيبه : لا تخاف معاي الجوازات .. بس خذوا جواز ديمة لانها بتركب معاكم ..
ديمة : ونااااااااااسة ..
لينا : أي والله ... مرة ونااسة ...
دلع : عمي بركب معاكم ..
عبدالله : لا حبيبتي خليك مع لينا وسالم .. عشان ما يقلبونها هوشة ف السيارة ..
دلع : هههه اخاف اروح ملح بينهم ..

ركبووا الكل ف السيارات ...

سيارة سعود فيها : سعود – دلع – لينا - ديمة – سالم
سيارة عبدالله : عبدالله – باسمة – ميري الخدامة
سيارة عبدالرحمن : عبدالرحمن – منال – عزووز – لجين

وانطلقوا الثلاث سيارات لرحلتهم ... اللي الكل كان متفاءل ومتحمس لها .

(( بيت ابو عوض ))

( الساعة 12 الظهر )

دخل ابو عوض البيت ومعاه عوض .. توهم راجعين من الصلاة .. وقعدوا ف الصالة ..

نزلت اورى تتزحلق على الدرج ..
ابو عوض :شوي شوي يابنت .. ترى ينكسر راسك لو تطيحي .. بعدين تصرين مجنوونة..
عوض: خخخ يبا كانها الحين مو مجنونة يعني....؟؟
اروى جات ونقزت ف حضن عوض ....
عوض : آآآآآآآآيييي يالدوووبة ... قومي عني ..
اروى تضغك زيادة : احسن عشان تتربى .. انا اجل مجنوونة هااا...؟!؟!؟!
ام عوض : يووووه .. انتي وياه تراكم زهقتوني .. كل يوم هوش هواااش..!؟؟!!؟!؟
ابو عوض : بس انتي وياه ... اطفاااال ...؟؟!؟!؟ وجععععع كبار وش طولكم ووش عرضكم وتتهاوشون زي الاطفل اللي للحين يرضعون بالرضااعة ...!!!!!
عوض بصوت واطي : شفتي وش صار بسببك ..؟؟
اروى : احسن تستاهل ...
ابو عوض : هاااا...؟؟؟ وش قلتي ....؟؟
اروى : سلامتك يبا ما قلت شي....
عوض : يبا بنطلع اليوم ...؟؟
ام عوض : بنروح انا واروى عرس بنت صديقتي ...
عوض : خير ما قلتولي ...
اروى : ليش..؟؟ نسيت تفصل لك فستان ..؟؟
ابو عوض عصب : با ببببببببببنتتتتت .......!!! وش هالكلام ..؟؟
عوض : شفت يبا .. هي دايم تتحرش فيني ..
ابو عوض : وانت بعد انطم ولا كلمة .. ما تقدرون تخلون الواحد مرتاح .. لازم ترفعون ضغطه وتجيبون له السكر والكوليسترول ..
ام عوض : خلاص انت وياها .. صدق سخيفين .. اقول صالح تودينا انت ولا عوض..؟
صالح : خلوا عوض يوديكم ... انا اليوم بورح مع اخوب عبدالهادي .. عشان نزور واحد بالشركة معانا تعبان ف المستشفى ..
عوض : يبا انا مشغول اليوم
ابو عوض : ليش وش عندك ..؟ المدام حامل وعندها موعد ..؟؟؟
اروى : خخخخخخخخخخخخخخ
عوض : بطلع مع ربعي ...
ابو عوض : اتصل فيهم وقول لهم بتاخر نص ساعة اوصل اهلي .. فيها شي..؟؟ عيال آخر زمن ....!!!!!!!!!!!!

(( سيارة عبد الرحمن ))

عزووز يدندن : والله احبك .. احبك يشهد الله علي .. لما ننننن ابتسم .. صددني ماهو بيدي ..

عبدالرحمن : ههههههه صدقني يا ولد مو صددني ....
منال : هههه فديته عزووزي انا ..
عبدالرحمن علا الصوت : يللا عزوووز غني معاي ...

يعشقني وعذبني ..مرمرني .. وانا مالي سواه

عزوووز تحمس : يعشقني يعشقني ..

منال : فديت اللي يغني انا يا نااااااااااااااااااس ....
عبدالرحمن : هههه أي واحد فينا ..؟
منال : انتوا الاثنين ... ا.. بس ولدي اكثر
عبدالرحمن : طييييييييييب ... الحين اوقفك على الطريق .. كملي مشوارك مشي .. وانا وعيالي بنروح بالسيارة ...
منال تترجاه : لا خلاص خلاص والله سوري .. فديت انك انت حمّني احلاهم والله .. يا هلي ودنيتي وعمري ... هههههههههههههههه
عبدالرحمن : هههههه نعنبو المصالح يا شيخة ... الا تعالي .. احس عبدالله متهاوش ويا زوجته ..
منال : ليش..؟؟ ما لاحظت صراحة ..
عبدالرحمن : ما شفتيه شلون يسكتها ويكسر كلمتها قدامنا .. وبعدين ما يكلمون بعض الا ف الضرورة ...
منال : ماشالله يالخبير الاجتماعي ...
عبدالرحمن : لا والله .. مدري وش القصة ..
منال : حتى لو في شي .. انت لاتتدخل .. انت ما تحب احد يتدخل في خصوصياتنا .. فخليك على جنب .. تخاف ينحرج ولا شي .. واحنا ما نبغى يحس بهالشي ..

عبدالرحمن كان يسمع كلام منال .. ويقول ف نفسه " احمد ربي مئة مرة اللي عطاني زوجة مثلك .. "

( ف سيارة عبدالله وباسمة )

باسمة منفعلة : انت اللي تخلي الشي النتفة كبير مرة ..
عبدالله : الحين واجباتك كزوجة صارت اشياء نتفة ....؟!؟! تشوفين وين ثوب زوجك وتكوينه وتغسلينه صار نتفة ..؟!؟!؟!؟ وانا اللي اتعب واشقى عشان ايش..؟؟ عشانك انتي وعيالك وعشان تعيشون بفلوس وعز وما تنحرمون من شي ... ماتقوليلي وش الشي الصغير اللي ضخمته..؟؟؟؟ طلعات واخليك تطلعين على كيفك ولا اكلمك ولا اسالك وين رايحة ووين جاية .. والمشغل اللي فتحتيه ولاهيك عن بيتك وعيالك اللي مدري من اللي بينتبه لهم ويربيهم تربية زينة .. واعتمادك على الشغالات ف كل شي ..هذا غير عزايمك اللي ماتنتهي .. ماشالله كل يوم فاتحة لي عزيمة حاتم الطائي ف البيت .. وكل هذا ولا اتكلم .. حتى معاي مقصرة .. متى آخر مرة جلستي معاي وشفتي وش احتاج وش ما احتاج ؟؟.. ليش متضايق .. ليش متكدر .. من متى ما جلستي سولفتي وياي وناقشتيني .. ها....؟؟ تكلمي...

باسمة : الحين طلعتني انا الغلطانة ..!؟!؟ انت اللي 24 ساعة برة البيت .. ما تعد .. كله ف الشغل ف الشغل .. ادق عليك وينك ..؟؟ ف الشغل .. وش اسويلك .. ؟؟!!!
عبدالله : تدرين ليش..؟؟ لاني ماني طايق اشوف وجهك ف البيت .. كل ما ارجع ما اشوف منك ومنك خشتك ووجهك الا النكد .. قسم بالله عفت البيت وطاريه منك .. ياخي أي حرمة انتي...؟؟ شوفي اختك شلون ما همها غير زوجها وعيالها .. شوفي شلون ما تحب احد يدخل ف واجباتها الزوجية ويسويها عنها .. الكوي هي اللي تكويه .. والغسيل هي اللي تغسل ... واذا ما قدرت ما فيها شي اذا ساعدها زوجها ..
باسمة : وانشالله تبغاني اطبخ واغسل واكوي بعد..!؟!؟!؟!؟؟
عبدالله : ليش.. لا..؟؟ مو من مستواك يا سمو الاميرة ....!! نسيتي وش كنتي قبل ما آخذك ...؟؟
باسمة : اصلا كل اللي وصلت له انت من فضلي .. ومن فلوس ابوي ...
عبدالله : ههه فلوس ابوك .. يا حلوة ابوك ما كان عنده غير 3 ملايين .. وشوفي وش سويت انا فيهم .. ضاعفتهم لك اضعاف الدنيا واخذت حصتي .. مافيها شي .. وبصراحة انا اعتبر هالثروة كلها من ورى شغلي وكدي كل يوم من الصباح .. مو من مكياجك وعزايمك ..!!!
باسمة : عبدالله لاتخليني اسوي مشكلة لها اول مالها آخر الحين ... خلي هالمشوار يقضي على خير فاهم..؟؟
عبدالله : مافي مشكلة مالها حل .. وخصوصا الزواج تدرين وش نهايته ..؟؟ ولا ماتدرين .. كلمة من4 حروف .. تقولينها وينتهي كل شي ..
باسمة : شقصدك..؟؟
عبدالله : قصدي واضح .. وهالكلمة كنت ابغى اقولها من زمان .. بس ما ابغى عيالي يتربون من غير ام .. ما ابغى يقولون ابونا حرمنا من امنا .. ولا والله العظيم اني ماني طايق اشوف خلقتك يوم واحد قدامي ...
باسمة : طلقني يللا .. طلقني ..

عبدالله سكت شوي واخذ نفس بعدين قال : سكري الموضوع وصلنا الجسر ..
باسمة باصرار : لا الحين بتطلقني .. يللا اشوف .. ان كنت رجال طلقني ..
عبدالله سكت قام يستغفر ربه ويتعوذ من الشيطان : يابنت الحلال خليني اركز ع الطريق لايصير لنا حادث لاسمح الله ..

سكتت باسمة ولفت وجهها لجهة القزاز وقعدت تتفرج ع الدنيا بقهر وتتمنى لو انها مكان اختها ماخذه عبدالرحمن .. الرجال اللي استهانت فيه يوم جا يخطب اختها بحكم انه مو غني مرة وماعنده شركات ومصانع ..

( سيارة سعود )

وقف سعود ف الطابرو حق السيارات اللي ف الجوازات والتفت بيده الجوازات ..
سعود : يللا يا حلوات ....
ديمة : وين ..؟؟
سعود : تروحين تطبقين الجواز .. ف تطبيق النساء ..
ديمة : اهااا... ادري ادري ماني غبية ..

نزلوا البنات ومشوا من قدام سيارة سعود اللي كان مع سالم ف السيارة ..
وبدت الاغنية ..

رحت ملح بهواها .. وانا واقف معاها صدقوني ياعالم .. كن سحرني حلاها..

وبدى سالم يدندن مع الاغنية وسعود يناظر البنات ويتعقبهم بعينه .. لين ما انتبه لدلع واقفه قدام وتاشر له ينزل .. قام ونزل ..

سعود وقف قدام دلع : هاا شصار ..؟؟
دلع مدت الجواز : ابغى جوازي .. هذا جوازك ..
سعود : اووو .. سوري دقيقة طيب ..

رجع للسيارة وجاب الجواز حقها ورجع يعطيها اياه ...
سعود : هذا جوازك ..
دلع اخذت الجواز : مشكور ..
سعود : تراني بحول على الطابور اللي ع اليسار فاضي مافيه زحمة ..

دلع جات بتتكلم بس سكتت لانه صوت الاغنية كان عالي والناس بدوا يطالعون فيهم ..

رحت ملح بهواها .. وانا واقف معاها
صدقوني ياعالم .. كم سحرني حلاها..
شفتها وجن عقلي .. مدري شللي حصللي
لو اشوف حد ثاني .. قلت خله يولي ..

سعود لف بسرعة يوم شاف كل الشباب يطالعون فيه ويضحكون أشر لسالم بانه يوطي الصوت بسرعة ..
سعود : وووجع سالم وطي الصوت الله ياخذك ..
دلع : يوووه .. انا بروح بسرعة .. فشلة فشلة يا ربييي ..
سعود : ههه انقلعي بسرعة .. فضيحة ..

دخل سعود السيارة معصب : انت وش سويت ..؟؟
سالم : ياخي مندمج مع الاغنية وشفتكم واقفين مع بعض .. قلت اسوي جو .. يعني فيديو كليب مع الاغنية ..
سعود ضرب سالم على راسه : فيديو كليب ياخذك انشالله .. فضحتنا قدام السيارات .. اخاف يشكون فينا ويوقفونا ع الجسر ..
سالم : لا تخاف ابوي ف الطابور اللي على اليمين يعني تيك إت إيزي ..
سعود : زين ذكرتني بروح ذاك الطابور .. شكله يمشي بسرعة ..