منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-15-2010, 01:52 AM

( عند البنات )

اروى كانت قاعدة ترقص هي وسمر على اغنية قول آمين لعبدالمجيد عبدالله .. والبنات .. غادة ودانة وريم يطالعونهم ويعلقون ..

ريم : تهقون احد بيخطبني ...؟؟
دانة : هههه .. شوف التفكير ....!!!
ريم : لا والله .. الحين انا وصلت الجامعة وما بعد احد خطبني .. صراحة تحطيم .. !!
غادة : الله يرزقك الزوج اللي يحبك انشالله .. ويذوب ف جمالك يا رب .. هههه
ريم : هههه .. الا ما قلتيلي .. انتي ما انخطبتي .. ؟؟
غادة : توني ثالث ثانوي .. لاحقة ..
دانة : ههههه اذا انتوا من الحين تفكرون .. انا وش اقول..؟؟
ريم : انتي ما اصدق ما قد احد خطبك ...؟؟

دانة تهز راسها بمعنى لا باسف ..
غادة تاثرت وحضت دانة : لاتخافين .. والله لا يجيك واحد يخقق نص بنات الشرقية وقولي قالتها غادة ...
دانة " الله يستر من الجاي يارب ... وخصوصا منك يا رائد .. يللي مدري وش تبغى فيني للحين .... "
غادة : انا بروح ارقص .. الجو ونااااااااسة ..

راحت غادة وبقيت ريم ودانة ....

دانة : ريم .. من اللي اخوانها ف المجلس ...؟
ريم : انا ...
دانة : كم اخو ..؟؟
ريم : أ ... اخو واحد .. رائد .. و عوض اخو اروى ..
دانة " !!!!! بعد ...؟؟ طلع اخوك يا ريم .. وانا اقول الشبه الواضح من وين .. "
ريم : اخوي حلو .. بس خقاااااق .. ومغروور .. استغفر الله .. واثق زيادة .. المشكلة انه عاطل عن العمل .. مدري وش اللي يحبون فيه البنات ..؟؟
دانة : ليش..؟؟
ريم : كل بنات الجامعة ميتين عليه ...
دانة : اهااااااااا ... كل العيال كذا ..
ريم : ما احس انه اخوي ..
دانة : ليش..؟؟
ريم : ما اشوفه كثير .. كل اسبوع .. واحيان بالشهووور ..
دانة " ما دريتي انه مسويلي بودي غارد ...! "
دانة : يمكن يشتغل بس ما يقول لكم ..
ريم : مم .. ما اظن ..

اروى جات معصبة .....
اروى : اففففففففففففففففففففف ......
دانة : شفيك ...؟؟؟
اروى تلبس عبايتها بقهر : هذا عوضوووو .. يقول معكم دقيقتين وتكونون ف السيارة برى يللا ...
ريم : طيب ليش معصبة ...؟؟ شوي شوي .. اعصاااااابك . !!
اروى : مو على شي .. بس اسلوبه يقههههههر .. اففف
دانة : ههههه كل الاخوان كذا .. الله يعيننا بس ..
غادة : بتروحون ..؟؟
اروى : أي ..
غادة : يوووووووه ... خساااااارة ...!!
اروى : وانتي لمتى بتقعدين هنا ..؟
سمر : اوووووو .. عااادي .. بيت عمي متى ما بغينا رجعنا .. بعدين اليوم البيت زهق .. يعني نقعد هنا احسن لنا .. وعمي احمد متى ما بغينا بيرجعنا ...
دانة : هههه الله يعينني عليكم .. البيت بيهتز هز اليوووم ..
سمر: قاعدين على قلبك يا عيووووني .. استريحي .. ماني طالعة قبل الفجر ..
دانة : من قال بقابل وجهك .. بطلع بنام وبخليك بروحك ...!! خخخخخ
سمر : بنام معك ف الغرفة ...
غادة : لا عاااد .. وصلنا لنقطة المشكلة ....
اروى وريم : ليش..؟؟
دانة : ولا شي .. بس انا ما احب احد ينام معاي ف الغرفة .. احب انام لحالي ..
ريم : ما تنامين مع ولا دبدووووب ..؟؟
دانة بقرف : لااااااااا ... وععع .. اقولك لحالي ..
غادة تاشر على مخها : مشكلة المجانين .. مافي أي مجال للرومانسية .. لا .. والمشكلة تبغى تتزوج بعد ... اقول طسي بس ..

دق جوال اروى ...
اروى : يا ربييييييييييي ... خلاص بنات .. اشوفكم قريب انشالله .. ما قصرتوا .. هذا اخوي بيذبحني ....!!
ريم : يللا تصبحوا على خير ..
سلموا البنات على بعض .. وطلعوا من البيت

( عند الشباب )

كانوا الشباب واقفين برى مع بعض يسولفون بين ما يجون البنات .. رائد ف سيارته وواقف عند القزاز بندر وثامر .. وثامر شكله مندمج ويقولهم سالفة من سوالفه ويا ربعه.. والاثنين فاقعين عليه ضحك .. اما عوض فقاعد ف سيارته .. واحمد راكب جنبه يسولفون..

طلعوا اروى .. وريم...

انتبه رائد لريم اللي تمشي وعرفها .. ويوم شاف بندر وثامر البنات .. وخروا عن الطريق..
رائد : يللا اسمحولنا .. ومشكورين ما قصرتوا ..
بندر : حياك الله ف أي وقت ..
ثامر: لا تنسى بيننا اتصال ..
رائد : انشالله ..

وخروا الشباب وركبت ريم جنب رائد ف السيارة ..

اما اروى فيوم وصلت عند السيارة من القهر ما انتبهت لاحمد الموجود وفتحت باب السيارة .. ويوم شافت عيون اثنينيطالعون فيها باستغراب سكرته بسرعة من الفشلة .. ووخرت عن السيارة .. تهز رجولها بعصبية ..

اروى متفشلة ومعصبة " افففففف .. وش يسوي هذا للحين..؟؟ لا ويقول لي لاتتاخرين وبسك سوالف .. وهو وش قاعد يسوي الحين.؟؟؟ يا ربيييي يقهههر .. وانا الغبية فاتحة الباب على خوييه وبركب .... وين بركب يعني ..؟؟ فحضنه مثلاا؟؟!؟!؟! .. والله الدلاخة وماتسوي .. "

عوض : هههه .. شوفها شلون معصبة .. تستاهل .. زين ما سويت فيها
احمد بدون ما يلتفت : هههه مسكينة احسها تفشلت .. حراام
عوض : لا والله احسن .. خليها تتادب الدبة وتترك دفاشتها .. شفتها شلون فتحت الباب كانها تفتح مغارة ....!.!
احمد : هههههه عااادي .. كذا البنات .. وبعدين يعقلون .. انت الحين تبغى الملفات ..؟
عوض : أي ابغاها.. عشان ابو سعود قال لي اوديها له بكرة ..
احمد : طيب .. انتظر هنا وانا بجيبها ..

نزل احمد ودخل البيت يجيب ملفات للشغل .. واروى للحين واقفة برى السيارة معصبة .. ورائد وريم شكلهم مشوا للبيت ..

اروى يوم مر احمد من قدامها " مالت عليك وعلى خويك .. من زينك اصلا .. صدق حلووو ... بس .. ما احببببببببك ... كيفي ...!!.!.! "

نزل عوض من السيارة وقرب من اروى معصب : انتي ما تطالعين الرجال ف السيارة شلون تركبين ..؟؟؟؟ عمياااااااا ..؟!؟!؟
اروى : مرة ثانية لما تبغاني اجي بسرعة .. انت بعد اجهز بسرعة واحذف خويك هذا برى السيارة فاهم ..؟؟؟
عوض : قصري حسك .. وبعدين مالك دخل .. خويي يقعد وين ما يبغى .. مو انتي اللي تقررين ...!! والوحدة لا اجات تدخل السيارة .. تطالع مين فيها اول .. والله لو كان رائد اللي ف سيارتي مو انا .. كان ما لاحظتي .. !!!!
اروى : اففففف... خلاص خلاص .. واللي يعافيك اسكت ..
عوض :مالت عليك .. كيت عشان اكلمك انا ....!!! اركبي السيارة اشووف ..
اروى : احسن من مقابل وجهك ...
عوض :ايش قلتي ..؟؟ عيدي عشان اخليكترجعين البيت مشي .. !!
اروى : ما قلت شي .. قلت لا تتاخر ....

راحت السيارة وركبت وصقعت الباب صقعة محترمة ... وقعدت تنتظره ف السيارة .. لين ما جا احمد وعطا عوض الاوراق ودخل السيارة ورجعوا بيتهم ...

ثالث أيام العيد ...

(( ف بيت ابو سعود ))

( الساعة 9 الصباح )

قاموا ديمة ولينا من الصباح مستانسات .. اليوم بيروحون لاول مرة البحرين مع بعض .. صدق راحوا او كم مرة .. بس كانوا صغار ما يفهمون ..
لينا : انا بلبس البنطلون الازرق ..
ديمة : انا بلبس الاسود ..
لينا : لا ما يصير .. لا زم نطقم ..
ديمة : لا مو لازم ... لا زم نصير مختلفات شوي ..
لينا : اففففف .. عنيدة ..
ديمة : وين جوالي..؟؟
لينا : مدري .. يمكن تركتيه ف المجلس حق الرجال امس يوم كنا سهرانين مع عمي وابوي ..
ديمة : اي صح .. بروح اجيبه ..

طلعت ديمة من الغرفة .. ونزلت من على الدرج ..طلعت من البيت .. وتوجهت لمجلس الرجال اللي كان عبارة عن مجلس عادي .. بس برى في خيمة كبيرة للضرورة اذا زاد العدد او شي ..
راحت ديمة للخيمة على طول لانهم كانوا قاعدين هناك امس بما انه الجو كان حلوو ..
دخلت الخيمة وراحت اخذت جوالها .. وحصلت جنبه جوال.. مو جوالها ..

ديمة : جوال مين هذا ..؟

من لقافتها فتحتها وشافت انه مضبوط المنبه فيه على الساعة 11 ..
ديمة : اكيد هذا سالم .. ضابطه على وقت الصلاة .. بس شلون بيقوم والجوال مو جنبه؟؟
رفعت عيونها وشافت واحد نايم على بطنه وشعره متناثر على وجهه بطريقة مو مرتبة .. ولابس بنطلون جينز وفنيلة بيضا ..

قربت شوي منه وهي مستغربة ...
ديمة : هيييييييي ... مين انت..؟؟

الولد ما تحرك ولا تكلم ... نايم في سابع نووومة ..
قربت ديمة منه ونزلت لمستواه شوي وهزته بطرف اصابعها ...
ديمة : ياهووو .. انت يلل مدري جاي من وين ..؟؟ يابو شعر على وجهك ... درينا انه شعرك ناعم حتى انا عندي شعر ....

الولد ولا تكلم ولا كلمة ...

ديمة وصلت معاها .. قامت ودفتها بيدها بقوة وخلته يقلب على الجهة الثانية<< ماعندها وقت ... ههههه

واخيرا الولد فتح عيونه وقام ..
ديمة " !!!!!!!!!!!!!!!!!!!!!!!!!!!!!!!!!!!! يافشلتيييييييييييييييي "

قام فيصل ورفع شعره من على عيونه وتلفت حوله لين ما استوعب اللي يصير وبعدين طالع ديمة بعيونه اللي فيها نوم وقال : هذا انتي...؟؟
ديمة بفشلة : آسفة .. والله ما انتبهت انه انت .. حسبتك واحد ثاني ..
فيصل : ههههههه انتي ووجهك ما تتركين حركاتك ... كم الساعة الحين ..؟؟
طالعت ديمة جواله وقالت : الساعة 9 ونص ..
فيصل : ماشالله ... وسارقة جوالي بعد .....!!
ديمة طاح وجهها : لا والله .. بس جاتني لقافة اشوف جوال مين .. ما كنت ادري انه جوالك ..
فيصل مد يده : عطيني اياه ..
ديمة بخبث : لييش ما تبغاني اشوفه .. اخاف فيه شي ..... !!
فيصل بتعب : اقول مالت عليك وعلى وجهك .. انا وجهي وجه مغازل..؟!؟!؟! استريحي وجيبي الجوال ..
ديمة : بفتش اول ....
فييصل : فتشي لين ما تشبعين .. ولا خلصتي .. رجعيه فاهمة ...؟
ديمة : والله ..؟؟
فيصل : أي .. مو انتي تقولين شاكة فيني .. خذي فتشيه ورجعيه .. بس والله لو تكسريه او تخربيه والله يا ديمة لا اعلقك بمطعم الشاورما وابيعك ...
ديمة : هههههه طيب .. يللا ... سي يوو
فيصل رجع انسدح : تعالي تعالي ..
ديمة " يخققق .. شوفوا شلون منسدح وتعبااان .. يا ويلي عليييييييه " : أ ..ا .. نعم ..؟
فيصل : غطيني قبل ما تطلعين .. مالي حيل اغطي نفسي ..
ديمة " !!!!!! بموت بموت بموت .... !!!!! ما قدر والله ما اقدر .. بصيييييح "
ديمة : ا.. ا.. وين اللحاف ..؟
فيصل اشر باصبعه على الكنبة البعيدة وقال : هناك ..

راحت ديمة وهي مولعة نار من داخلها .. جابت اللحاف ووقفت جنب فيصل ...
ديمة : خذ ..
فيصل مغمض عيونه ومغطيها بذراعه اليسار : والله ما فيني حيل .. غطيني ... بليز ديمة ..!.!!.!.
ديمة " وين اودي وجهي..؟؟ وين اودي وجهي...؟؟ الحقوونيييييييي ... "

مدت يدها اللي ترجف ومت اللحاف رمي على جسم فيصل .. وبعدين يوم شافت رجله مو مغطية .. كسر خاطرها فراحت وعدلت اللحاف وغطتها ..
ديمة : كذااا ...!؟!؟
فيصل ابتسم بكسل : تسلمين ..
ديمة حمر وجهها : الله يسلمك ..

وطلعت زي الصاروخ من الخيمة للغرفة فوق ...... دخلت بسرعة وسكرت الباب وراها ... طاحت ع الارض وقعدت تبتسم ...

لينا : بسم الله ... وش فيك ديمة حبيبتي تبتسمين للجدار..؟؟
ديمة للحين ماهي مستوعبة انها ف الغرفة .. وعقلها ف الخيمة ..
لينا : ياهووو .. ترانا هنا .. وش فيك ..
ديمة : ها..؟؟ أي .. واااااااااااي يا لينا ... ما شفتيه والله ماشفتيه ..
لينا : من اللي شفته .؟؟
ديمة :ااااااااااه ... من غيره يعني ..؟؟
لينا : لاتقولين جابوا اعادة امسية الاتحاد حقت فزاااااااااع..!؟!؟!؟!!؟؟ والله بذبحك .. ورى ما ناديتيني ...؟؟؟
ديمة طالعت لينا معصبة : مو امسية يا بقرة .....
لينا : ها ميييييييييين .؟؟
ديمة صرخت بوناسة : فيييييييييصصصصصصصصصل .....!!!
لينا : شفيه ..؟؟
ديمة : جا جا جا ... ف الخيمة .. الخيمة .. والله والله والله .. !!!
لينا : وشوو..؟؟؟ تكلمي زي الناس ..
ديمة : فيصل ف الخيمة نايم .. تخيلي شعره مبهدل ونازل على وجهه .. واللللللله ييييييييخقققققققققققق .. !!!!!
لينا : فيصل ف الخيمة ..؟؟
ديمة : أي .... ( تذكرت ) أي صح ... وعطاني جواله ... والله والله والله ..
طلعت الجوال من جيبها توريه لينا ..

لينا : أي والله .. هذا جوال فيصل .. شلون عطاك اياه ..؟؟ انا لو اموت ما يخليني المسه ....
ديمة تطلع لسانها : حررررة ... بس لي انا يعطيني اياه ..
لينا بحماس : المهم .. كمليلي وش صار ..؟؟

وقعدت ديمة تقول السالفة كلها للينا من اولها لآخرها ...</b></i>