منتديات بنوته - عرض مشاركة واحدة - بعـد خمـس سنيـن مـرت آه أنـا بالسـوق شفـته..

07-14-2010, 02:59 PM

صـدفـه جـابتنـي لـدربـه مـن بعـد خمسـة سنيـن
..
واللـه إنـي مـن سمعتـه كلـم البـايـع عرفتـه..
إلتفـت بلهفـة اللـي حـيـل مضنيهـا الحنيـن..
لكـن الصـدمـه عظـيمـه شـايلـ(ن) بيـديـه بنتـه..
ومعـه أم البنـت تمشـي شـابكـه فيـه اليديـن..
وقتهـا دارت بـي الدنيـا وحـزنـي مـا احتملـته..
حـارت دموعـي وأواسـي نفسـي: يـا ريـم ;اليقيـن..
وصـرت أفكـر يعنـي يعرفنـي مـثـل مـا أنــا عرفـتـه..
وإلا نـاسـي قلبـي اللـي مـارضـى بغيـره ضـنيـن..
دق جوالـه ونـزل مـن علـى الاحضـان بـنتـه..
وخـثعـت بنتـه ونـادى: ريـم لا لا تـوقعيـن..
قمـت أنـاظرهـا ودمـع احتـار بعيـونـي ذرفتـه..
استـوت هـالدنيـا عـنـدي عـادي لـو مـوتـي يحـين..
انحنيـت أبـوس ريـم وخدها الايمـن لمستـه..
التفـت لـي وقـال لـي: ياهيـه فيـها وش تبيـن..
قمـت أتجـاهـل واسـوي نفسـي كـني مـاسمعتـه..
قـال: يااختـي ابعـدي عنهـا ولاتستهبليـن..
ويـوم قـرب لـي, بعينـي مــن ورا البـرقـع خـزرتـه..
وإنكسـر صمتـي وقلـت: اللـه علـى الدنيـا يعيـن..
طـاح جـوالـه, تلـعثـم قـال: أنـا بحـلمـ(ن) حلمـته..
وإلا واقـع فهميـني ليـه عنـي تبـعديـن..
ليـه عنـي مـاسألتـي وأنـا هـذا الـكـون بعـته..
لجـل عينـك يـاعيـونـي ومـا أظنـك تجهليـن..
أنـا مـن بعـدك يـا ريمـي حتـى طـاري العـرس عفتـه..
نـاظـري فـينـي وشـوفـي كيـف مـن بعـدك حـزيـن..
واللـه إنـي مـا أنـام إلا ومـاضينـا ذكـرته..
أنتـي وحـدك مـن جـعلتـي قلبـي الـقاسـي يليـن..
أقسـم بـربـي غـلاك بيـوم مـاعمـري جحـدتـه..
مـاإلتـفـت لبنـت غيـرك مـا سمعـت العـاذلـيـن..
ماسـهجـت دروب غيـرك دربـك اللـي بـس سهجتـه..
وش أسـوي لجـل يـاروحـي كـلامـي تـصـدقيـن..
حـتـى شـوفـي هـذي أختـي تشهـد بصـدق اللـي قلتـه..
وهـذي طفلتـها علـى اسمـك اسمهـا وتستـاهليـن..
صدقـينـي مـانسيتـك حبـك الصـادق حشـمتـه..
حتـى حـرف الـراء منـك بـاقـي لـه بـإذنـي رنـيـن..
قلـت: عـامـر, قـال: سمـي, قلت: أنـا واللـه صـنتـه..
حبـك اللـي كـان أصـفـى مـن ورود اليـاسميـن..
كـم طلبنـي واحـد(ن) غيـرك وأنـا لجـلك رفضـتـه..
وكـم تحمـلـت الغثـاء واسـمـع شمـاتـة شـامتيـن..
وكـم لجـل عـينـك بكـيـت وحتـى ليـلي لـك سـهرتـه..
حيـل ذابـحـنـي غيـابـك وفـرحـوا بـي الحـاسـديـن..
وأنـت تـدري بـأن حبـي مـاأبـالـغ لـو وصـفتـه..
بـأنـه أصـدق حـب يـحصـل فـي حـيـاة الـصـادقيـن..
قـال لـي: يـا ريـم ربـي يـشهــد بـدمعـ(ن) نـثـرتـه..
ويشـهد إنـي وافـي لحـبك ولاسـرارك أمـيـن..
إرحـعـي لأبـوك قـولي: نـصفـي الثـاني وجـدتـه..
واحتـرينـي جـايـبـ(ن) مـهـرك ودبـلـه بـاليميـن..
إبتسمـت وقلـت فـي نفـسـي حـرام إنـي ظـلمتـه..
ثـم طـلعـت مـن المحـل والفـرحه بعيـوني تبيـن..
وقمـت أتمتـم فـي طريقـي : هـذي أخـتـه,هـذي أختـه..
وآآه يـازيـن الـوفـاء لاصـار بيـن العـاشقـيـن

　