منتديات بنوته - عرض مشاركة واحدة

07-10-2010, 06:05 PM

دخل محمد داخل واتصل ع طلال لكن الخط اعطاه مشغول
جت رساله بجوال خالد وعصب محمد وقال :هذا وقت الرسايل
كان يبي يضغط الرقم لكنه فتح الرساله غصب عنه وناظر لها لقاها كول مي من واحد من ربع خالد
طلع من الرساله وقبل لايسكر الجوال شده رقم رجع ناظر للرقم وانصدم قال بهمس : هذا رقم الهنوف
ناظر للرقم مليون مره وقال بخاطره (( لايكون هذا خالد اللي ترسل له .. لالا مسسسسستحيل تخووني بولد عمتي .. يوووه شو فيني افكر ادخل ع الرساله واشوف شنو هي))

فتح اول رساله وكان مكتوب فيها
*ابكي على فراق القلب وانا محزون ... وياليتني للحب ناسي
*للمعلوميه هذا بيت من قصيدتي
*كنت احب ووانحب وكنت للحب مفتون
*ليتني للحب ناسي
*ابكي على فراق القلب وانا محزون ... وياليتني للحب ناسي
*للمعلوميه هذا بيت من قصيدتي
*كنت احب ووانحب وكنت للحب مفتون
*ليتني للحب ناسي
( آهلين خلودي قلبي كيفك..؟؟ انا انوار..المهم ابي تجيب معاك الأشرطه حقاتي في غرفتي ..لاتنسى حبيبي))
كان يقرا وهو مو فاهمم شي يعني هذا رقم الهنوف واللي مرسله انوار طلع من الرساله وشده رساله ثانيه من رقم الهنوف
فتحه وجلس يقرا وكان مكتوب
((حبيبي خلودي ..مدري كيف راح انوم اليوم بدون مآشوفك ..راح توحشني ياقلبي..احبك))
كان يقرا وهو مبقق عيونه وانجن وهو يقرا الرساله وقراها مليون مره

وكان يقرا وبخاطره تتفجر أنواع المشاعر المبعثرة .. شالي صار فيه مايدري شاللي خلاه يعدم الثقه بالهنوف
رجع قرا الرساله مليون مره
ورددها بخاطره
( آهلين خلودي قلبي كيفك..؟؟ انا انوار
( آهلين خلودي قلبي كيفك..؟؟ انا انوار
( آهلين خلودي قلبي كيفك..؟؟ انا انوار
غمضضضضضض عيونه وطلع من البيت وركب بالسياره ونسى ان الجوال تبع خالد
وكان الكلمات لسى ترردد بخاطره
( آهلين خلودي قلبي كيفك..؟؟ انا انوار
( آهلين خلودي قلبي كيفك..؟؟ انا انوار

غمضضض عيونه بقوه وضرب الدركسون بقوه وصرخ وقال : لالالالا لييييش جرحت الهنوف ليش سويت فيها كذا ليش ماخليتها تقول الله يأخذني آآه يالهنوف شنو يفيد اللحين انتي كرهتيني لالا مستحيل هنو انا احبك لاتتركيني الشيطان لعب فيني حراااااااام علي ولله حرررام ليش سويت كذا فيها ليش مو حرام علي ليش قلت لها اني كانت الثقه من زمان دسسست بكرامتك عذبتك ذليتك واخرتها تطلعين انتي بريئه وانا الظالم كان معاك حق يالهنوف انا ظااااااااااالم ولله ظاااااااالم آآآآه خلاص راحت مني راحت نظر عيوني وحط راسه على الدركسون وقعد يبكي مثل الطفل الظايع منه امه
بكى
ايو بكى
آآآآآآآآآه يآهنو ضلمممممتك يآربي بسسسسسس
وقعد يبكي
بعد مـآهدى نزل من السياره)

ودخل ع الرجال
ناظر لخالد وقال : مشكور خالد خذ الجوال
خالد : العفو حبيب آلبي
ناظره الشباب والرجال مستغربين من عيونه الحمرا
طلع منهم لانه مو فاضي اسئله الرجال له

بالمجلس عند الحريم
ام فهد : حبيبتي فطوم
فطوم : هلا خالتي امري
ام فهد : مايأمر عليك عدو .. ان شاء الله كل شي جاهز
فطوم : ايه ولله الحمدلله
ام فهد : الله يوفقك يابنتي
فطوم بأبتسامه حب : امين ياقلبي
ام راكان :وش شعورك فطوم
فطوم مسكت قلبها وقالت : وااااي خااايفه
هيفاء : اتركيها خالتي من زمان وهي تقول لي ييمه خايفه من بكرا
فطوم بققت عيونها وقالت : انا ؟ قلته ؟
هيفاء : ايه ههههههههههههه

عند احمد وغدير
دخل احمد عليها وقال : تدرين انك قاعدة تموتين نفسك بهالطريقة ؟؟؟
غدير واهي لافة وجهها عنه : يهمك هالشي ؟؟
احمد : انتي أمانة عندي .. وهذا الي بيخليني أهتم ! قومي كليلك شي بلا تصرفات مجانين !
غدير: مشكور ياأحمد بس مو ماكلة .. !
احمد : انتي مو قاعدة تعانديني .. قاعدة تعاندين نفسك وصحتك وبالطقاق !
وطلع وتركها وكان هذا آخر كلام صار بينهم ..

لين فاجأها بخبر سفرهم .. وكنها ملكت كنوز الدنيا وقتها .. !
ابتسمت يوم توصلت لهالذكرى ..
وشوي ووصلو المطار ومشوا يتابعون اجراءات السفر .. وماطال الوقت يوم استقروا بالطيارة ..
غدير: مين بيستقبلنا !
احمد باقتضاب : بنروح بتاكسي !
غدير : ليه ؟؟ ماكلمت أحد ؟؟
احمد : لاء ... (( وبسخرية : مفاجأة !!
غدير: أهااا .. بصراحة المفاجأة اهي لي أنا .. ماصدقت أفتك من هالدير ومن ....
احمد: ....... ومن ايش ؟؟؟
غدير : وشو من ايش يعني حضرتك كنت مستانس هناك وماتعتبر انك افتكيت من هالبلد ونكدها !!
احمد : ليه هو النكد انولد من حاله ؟؟؟ مو كنك انتي السبب بكل النكد الي عشناه !
غدير: لا مو انا السبب .. انت الي ماتعرف شلون تتعامل ؟؟؟؟
احمد : انا ماعرف شلون أتعامل ؟؟؟ مافي اسلوب ماجربته معاك لكن دامك بهالقلب مستحيل تتغيرين !!
غدير : تكفى عاد انت الي قلبك حنون وطيب واتغيرت !
احمد بقهر : انا شالي خليني اتناقر معاك .. كلها كم ساعه وأرميك عند اهلك رمية وحده !!

انصدمت غدير !!! هذا شيقصد ؟؟؟ بيرميني عند أهلي يعني .. بيـ طـ لـ قـ ني ؟؟؟؟
شخص بصرها وطالعته وقالت : ......... شتقصد ؟؟؟
حس احمد انها شطحت بتفكيرها وفهمت شي ثاني وحب يخوفها وقال بخبث : اتوقع شفتي حياتنا شلون جحيم ماتنطاق !! وقصدي واضح !!

سكتت غدير .. بلـّمت !! انصدمت .. حست النار تسعر بصدرها .. !!
بيطلقني النذل ؟؟؟ كذا بكل بساطة ؟؟؟ زين وليه ماقالي من قبل ان هذا الي ناوي عليه ؟؟ ويعني ولو قالك ؟؟ بتتغيرين ياغدير ؟؟ لو بتتغيرين كان اتغيرتي من زمان .. بدون اي تهديد ووعيد !!
حست الدنيا حولها مولعة !! كنها قاعدة وسط نار .
.
اتمنت تلتهمه هالنار وتحرقه وسطها .. !!

لفت وجهها على الجهة الثانية وانطلقت الطيارة مسرعه .. وأقلعت !!
حست غدير هاللحظة بدوااااااااار يدور براسها .. ارتعشت ايدينها وخبتها تحت شنطتها ماتبيه يلاحظ ضعفها .. وكيف ماتتعب وتدوخ واهي حارمة نفسها الأكل والنوم أيام وليالي !!
غمضت عيونها وأخذت نفس عميق وحاولت تستلم للنوم !

::

نزلت غدير من الطياره وناظرت للسعوديه وغصب عنها وهي تشوف زحمه اللي عندها مسكت ايد احمد ناظر لها احمد وابتسم يبي يطمن لها
نزلت عيونها غدير وقالت لأحمد : وربي روعه جو السعوديه احسن من الغرب
احمد : ايه ولله مره حلو
ركبو بالتاكسي وتوجههو ببيت ابو ياسر قبل لايجي اتصل ع خالد وخبره انه يبي يجي لكن قاله انه مايقول لأحد يبي يسويها سبرايز
كانت بالسياره بالتاكسي هدووووووء
غدير كانت تفكر بس بأهلها ولقائهم .. حاولت تنسى صراعاتها ومعاركها الي عاشتها بهالبلد .. خاصة الاسبوع الأخير
رفع راسه احمد وشافها واهي مسرحة وقال بصوت رخيم : بايش تفكرين ؟؟؟
انتبهت غدير وقالت : نعـم ؟؟؟
احمد : أوه .. آسف !
غدير : على ايش .. ؟
احمد : سألت سؤال مالي حق فيه .. فوتيها !
غدير ضاعت الحروف عند شفاتها وماعرفت بايش ترد .. يعني اهي بروحها محتاره يجي اهو يحيرها أكثر معاه .. لو هي بوضعها قبل كان من قبل مايسحب سؤاله صرخت فيه وقالت مو شغلك !! بس الحين مو قادره ترده وبنفس الوقت مو قادرة ترد عليه !!

وصلت سيارة التاكسي لبيت أبو ياسر .. وعلى طول فتحت غدير الباب ونزلت .. تبعها احمد بنظراته .. طول الطريق من أقلعوا لهاللحظة واهو يحسها تغلي من القهر .. بعد ماسمعها كلامه !!
يناديها الحين ولا يتركها .. هذا هو الحين قبال بيت أهلها .. بيتجرأ يأذيها بشي قدامهم ؟؟
آآذيها ؟؟؟ شالي آآذيها هل أنا كنت قاصد أقسى عليها الشهور الي راحت ؟؟ مو كانت اهي ترفع ضغطي باستهتارها وعنادها وطولة لسانها ؟؟
لا بس أكيد ماراح تقول لأهلها الحقيقة .. ولو حكتهم وش بيكون موقفهم مني !! أدافع عن نفسي باني أعلمهم كل شي عنها ؟؟ ولا أسكت وأخلي الحق معها !! وليه يدروووون عن شي أصلا .. ! مالها داعي تخبرهم ولا شي عن حياتنا وبس ..

فتح الباب ونزل وفتح شنطة التاكسي ونزل شناطهم للشارع ..
احمد : غديييييييير
غدير ماردت مطنشته .. !
احمد :غدير لحظة بدخل الشنط ممكن تصبرين ؟؟
غدير : وانا شدخلني ..
احمد عصب وقال : غدييييييييير قلتلك اصبري .. هي كلمة بقولك اياها وبعدها انقلعي داخل ..
غدير مطنشة ولا كنها تسمع ..
مشى احمد خلفها تارك التاكسي عيونه طايرة بالي ترك الشنط بالشارع ودخل ..

مسك غدير من ذراعها ولفها بقوة عليه واهو يهمس بعصبية : أقولك اصبري ياعنيدة !
غدير كشرت واهي مغمصة عينها وتقول : خلصني شتبي ؟؟
احمد واهو ضاغط على ذراعها بقوة آلمتها : لو قلتي لأهلك شي عن حياتنا أقسم بالله ماتلومين الا نفسك !!
فتحت غدير عيونها وقال باستهزاء : شدعوة خايف ؟؟؟
احمد: ايه خايف .. بس خايف عليك ياذكية !! لأن كل الخطأ بركبه اياك من راسك لين رجولك لأن أهلك يعرفونك .. وتدرين شلون حاطيني فوق روسهم ! (( فلت ذراعها بقوة ورجع طالع للشارع يدخل الشنط ..
وغدير مشت واهي مولعة من القهر .. ايه ادري انهم حاطينك فوق راسهم عساك تطيح تحت رجولهم ياحقير وبعدين سكتت وقالت بخاطرها(( ياااربي ليش انا كذا عنيده معاه وربي انا احبه بس احسن خل قسوته تنفعه وظلمه لي ))

وقفت عند الباب الخشب ببيت ابو ياسر وأخذت نفس عميق تهدي نفسها ..
دخلت الصاله عند الحريم وطلت براسها وقالت بصوت عالي : مرحبـــــــــآآآآآآآ
الكل شهق من الصدمه
الهنوف بصراخ : غديييييييييييييييييييييييييييير وركضت له وضمته بقوه
غدير ضمته : ياقللللللللبي وحشتيني
الهنوف : وانتي اكثثثثر
جتها هيفاء ودفتها وقالت : بعدي مو بس لك غدير
ضحكت غدير وضمت هيفاء
جو لها البنات وكل وحده استلمتها بالاحضضضضان
ام فهد ضامتها ودموعها بعيونها: اخبارك ياقلبي
غدير : الحمدلله وانتي اخبارك
ام فهد : بخير ياحبيبه امك
تقدمت غدير وسلمت ع جدتها وع باقي الحريم