منتديات بنوته - عرض مشاركة واحدة

09-12-2007, 01:45 PM

كل عام وانتو بخير ومبارك عليكم الشهر

من فتره اسبوعين جهزت لرمضان قلت احس ما الواحد موعارف شنو يسوي مقبلات اسوي كبه بطاط وكبه برغل

وطلعو وايد حلوين والطعم جنان ما اوصف لكم

صج الشي اللي تسوينه بالايد تضمنين شنو طعمه وتضمنين شنو نظافته احسن من الجاهز بالف مره

المهم ماطول عليكم اوريكم عينه من اللي سويته

واعطيكم المقادير انشالله..

[align=center]مقادير كبه البطاط..

3 بطاطات كبار احطهم على النار مع معاي عشان يستوي ويصير طري البطاط..

ونقع كوب عيش بماي مده ساعه وبعدين نسويه عيش مشغول نخليه نص مستوي.

وبعدين نسوي حشو البطاط اللي هو عباره عن

بصل عدد 5 وراس ثوم ولحم مفروم.

ونحطه على النار لين يستوى..

ونضيف له البهارات مثل الكاري والملح والفلفل الاسود والدارسين المطحون واي بهارات تحبينها تكون بالحشو..

وبعدين نطلع البطاط ونقشره ونقطعه قطع ونحطه بالماكينه مالت الفرم مالت اللحم ونحط البطاط واللعيش مع بعض لين تطلع لنا عجينه طريه من العيش والبطاط ولاتنسون تقطعون بصله كبيره او بصلتين مع العجينه اللي هي البطاط والعيش

وبعدين تخلص العجينه ونخلطها عدل ونحط عليها ملح بس ماتكون وايد مالحه.

بعدين ناخذ شوي بحجم كره صغيره احاول افردها بايدي واحط شوي ماي بايدي عشان ماتلزق واخليها بحجم كف ايدي واحط الحشو داخل واكورها واسويها على شكل الصوره تكون مكوره وشوي مسطحه..

كبه البرغل العجينه..

برغل خشن نص كيلو+لحم مفروم نص كيلو +عدد 2 بصله كبيره.

نحطهم بالمفرمه مالت اللحم وتطلع لنا عجينه طريه ونضيف لها بهارات وكل شي تحبينه تضيفينه من البهارات..

والحشو مثل الحشو الاول مال البطاط..

بس هذا تحاولين تسوينه مثل شكل الصوره بكف ايدج من داخل وتطلع وايد حلو

مع مراعاه تحطين البطاط بس تخلصين منه تصفينه وحده وحده بصينيه حديد وتحطينه على طول بالفريزر لانه يفك بسرعه

وتخلينه لي ثاني يوم
وبعدين تطلعينه وتعبينه باكياس..

انشالله تعجبكم لانها وايد عجبتني وانا سويتها ..بايدي..

(خاص بالمسابقه) غير منقول ومن كتابتي ومجربته الموضوع قبل ما احطه والدليل الصوره..

اتمنى تسوونها صج شوي تعب بس التعب يروح لمن تشوفون انجازكم ترتاحون ويروح التعب انشالله.

اتمنى تردون على الموضوع واتمنى انه يعجبكم يارب..[/align]