منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-30-2010, 01:47 AM

::++حمدوه وصلت المستشفى مع ميروه و موزوه و ام سالم::++

حمدوه: السلام عليكم
زايد+ساروه: و عليكم السلام
حمدوه: وينهم
زايد: داخل منو يايبنج المستشفى
حمدوه: عمتى ام سالم خطفت على
زايد: هيه سيرى داخل
حمدوه: ان شاء لله

زايد: يالله ساروه ندخل
ساروه: انزين

::++دخلو غرفه خليفه بالمستشفى و دخل سالم وراهم::++

سالم: السلام عليكم (يطالع خليفه) حمدلله على سلامتك
خليفه: لله يسلمك (يطالع ساروه)
سالم: هايدى ما بتخطبلى
بومحمد: اشر و كل الغوانى لك
سالم: ليش لا
زايد: الحين سمعوا شو بيقول ههههههههههههههه
سالم: بس بس

::++حد دق باب غرفه خليفه::++

دخلت حرمه و بعدها ريال اول ماشاف زايد وقف و طالع حمدوه اللى تغشت من شافته .....
حمد: حمدلله على سلامتك ياخليفه
زايد: الحريم يسيرن الغرفه الثانيه

::++سارن الحريم الغرفه الثانيه::++

شمسه: السلام عليكم
الكل: و عليكم السلام
مها: انتى حرمه حمد
شمسه: هيه نعم شحالكم
حمدوه: بخير
ام زايد: ماشاء لله من متى معرسه يابنتى و ماعندج عيال
شمسه: معرسه من 11 شهر و الحين حامل فى الشهر الرابع
ميروه: ماشاء لله عليج

::++عند الرياييل فى غرفه خليفه::++

سلم زايد على حمد ...وهو يتذكر الموقف جدامه ....حمد انتبه على نظرات زايد : شحالك زايد
زايد: بخير ربى يسلمك
حمد: ها شو الدنيا وياااك
ناصر: الاخ ملج و ان شاء لله قريب بيتزوج
حمد: ماشاء لله مبروووك
خالد: طبعا نحن مستانسين لانه بيكون نسيبنا
حمد: لله يوفقك ان شاء لله

حس زايد بان حمد ندم على الموقف وحب يغير الجو بدال ماهو متكهرب
زايد: ههههه يا حمد تراك معزوم
حمد: افا عليك اول المعزومين
زايد: وسامحنا اذا غلطنا عليك
حمد: افا عليك انته للى لازم تسامحنا
بومحمد: انسوا الماضى يا عيالى تراكم اخوان
الشباب: ان شاء لله
حمد: يالله استئذن انا
خليفه: على وين
حمد: لازم ارد دبى
زايد: لا و لله لازم تاييى العرس
حمد: ان شاء لله يالله استأذن منكم
بوخالد: لله يحفظك ياولدى

::++دخل سعيد::++

سعيد: حمد
حمد: لا و لله ما اصدق سعيد
سعيد: هلالالالالالالا و لله شحالك القاطع
حمد: انا القاطع و الا انته من ودرتك فى امريكا و انته خبر خير
سعيد: لا و لله
حمد(يصاصره): و الا اقووول
سعيد: هاااااااااااااه
حمد: اجلب ويهك براايك يالله
سعيد: وين رااايح تعال
حمد: يا اخى يايب الحرمه و لازم ارد دبى
سعيد: يالله عيل اوصلك
حمد: لا و لله ما يحتاى اندله الدرب
سعيد: خسك لله اعرف
حمد: هههههههه عيل يالله برااايكم

::++بعد ماطلع حمد ردن الحريم الغرفه::++

زايد قعد يطالع حمدوه للى ردت عليه بابتسامه كالعاده .......

سعيد: بوويه
بومحمد: هلا ياولدى
سعيد: اريد اسافر
بومحمد: عرس بعدين سافر
سعيد: يون اعرس بعد
بومحمد: شو وين بعد

::++يدخل عبدالله::++

عبدالله: السلام عليكم
الكل: و عليكم السلام
بومحمد: اشفيه ويهك مصفر ياولدى
عبدالله(خايف): لا ماشى
زايد: متى رديت البيت امس
عبدالله: امس الساعه 3
زايد: هيه زين
بومحمد: وين كنت ياولدى
عبدالله(مايعرف شو يقول): كنت عند ربعى نلعب ورقه
ام زايد: جان جذيه زين

دخلن البنات يتناقعن ضحك ....
سارووه: ههههههههههههههههه
موزوه: ههههههاااااااى و لله بطنى يعورنى (شافت عبدالله سكتت)
ساروه: ها عبوود وينك من امس ماشفتك
عبدالله: شو بعد كنت احاااوط
خليفه: لا مب جيه
ساروه: عيل
خليفه: رمستج انا
ساروه: لاه
خليفه: عيل ليش رازه بويهج
ساروه: بس جيه كيفى

الكل: بديناااااااااااااااااااا الحين ما بنخلص

رن تلفون عبدالله

عبدالله: استأذن انا عيل
زايد: وين تو الناس ؟؟!!
عبدالله : عندى شغل يالله براايكم

طلع عبدالله عنهم وسار صوب فندق عين الفايضه لانه مواعد ريم ....اول ماعرف رقم الشاليه وقف سيارته ونزل ...دق الباب و فتحتله ريم الباب..

عبدالله: شحالج حياتى
ريم: بخير بس زعلانه منك
عبدالله: ليش
ريم: صارلك مده ماترمسين من فصخت الخطبه
عبدالله: شو نسوى مالنا فى الطيب نصيب (يطالع ريم)
ريم: شووووووو ليش اطالع
عبدالله: حلوه ماشاء لله اليوم
ريم: انا كل يوم حلوه

فى شاليها عين الفايضه كان عبدالله غرقان فى الحرام و هو مايعرف ان هذى بتكون عواقبها كبيره ....طلعوا من شاليها الفايضه و حضروا حفله كلها رقص و شرب ..وعبدالله كان يشرب كوب ورى كوب لين ماسكر وصار سكران درجه اولى

رجع البيت و هو يتحرك يمين شمال ويقول كلمات فضيعه وينادى باسم ريم وكان زايد توه نازل من فوق شاف اخوه و فتحله باب الفيلا بس اول ما فتحه طاح عبدالله على زايد ...

زايد: عبدالله اوووف ريحته خمر هذا
عبدالله:.................................
زايد: قووم عبوووود يالله..

سار زايد و اتصل على خالد

توووووووووت تووووووووووووووووووووووووت
خالد يتجلب يمين شمال فتح عيونه شاف رقم زايد خاف ورد على التلفون: الوووووووووووو
زايد: تعال بيتنا بسرعه خلووود
خالد: شو صار
زايد: افهمك بعدين بس تعال
خالد: خمس دقايق و بكون عندك
زايد : اترياااااك لا تتاخر

زايد شل اخوه و حطه على الكرسى وريحه المسكر انتشرت فى البيت ..زايد يقول فخاطره هذا شارب كرتون عنلاته انا اراويه شغله هذا اخره التربيه يشرب الخمر ..

دخل خالد البيت ..
خالد: شوالسالفه
زايد: شوف (ياشر على عبدالله)
خالد(تقرب منه): ريحته خمر عنلاته
زايد: تعرف مع منوه كان
خالد: مع منو
زايد: ريم
خالد(منصدم): كيف عرفت
زايد: كان يهذيبها من الصبح
خالد: لله يغربلها خلنا انشله المستشفى
زايد: وامى
خالد: عمووه بعدين بنقوللها

ساروا خالد وزايد المستشفى مع عبدالله

الدكتور: الحمدلله عدت سليمه
زايد: شو يادكتور
الدكتور: كان مفرط بالشرب و هذا عليه قانون
زايد: ادرى بس ماعليه انا ابلغ
الدكتور: خلاص انته بلغ و تادروا تاخدوا الود معاكم

دخل زايد و هو معصب على عبدالله و كان وياااه خالد
زايد: تشرب خمر يالهرم (يصفعه طراق)
عبدالله: ماشربت
زايد: تعرف تجذب بعد (معصب)
خالد: زاايد خلاص
زايد: شو خلاص خلنى اأدبه
عبدالله: انزين خلاص
زايد: مع منوه كنت
عبدالله: مع ربعى
زايد: يالجذااااااااااااااااااااااااااب (يصرخ فى ويهه)
عبدالله: هيه و لله
زايد: لا تحلف بالله لله اعز منك مع منو كنت
عبدالله: مع ريم
زايد(يقبضه من كتفه): ليش جذا تسووى فينى ليش خبرنى ليش

عبدالله( منزل راسه):..................................
خالد: رد على اخوك يا عبدالله
زايد: سويت شى ثانى
عبدالله(منزل راسه مايعرف شو يقول)
زايد: تكلم عبدالله و لله ترانى صبرت عليك وااايد
عبدالله: هيه

زايد من سمع الرمسه وقف و قعد على اقرب كرسى من الصدمه اخوى انا الصغير يسوى الحرام من وراى انا وقف وعطى عبدالله طراق خلاه يعلم على ويهه و عبدالله دمعته نزلت بعد الصفعه وخالد وقف امبينهم علشان ما يصير شى سحب زايد اخووه لين السياره وخلا يركب فى السيت الورانى ..

خالد: عبدالله
عبدالله: نعم
خالد: ريم كم عمرها
عبدالله: ليش السؤال
خالد: جاوبنى (معصب)
عبدالله: 22 سنه اصغر عنى بسنه
خالد: هه بعد قاصه عليك الحبيبه
عبدالله(منصدم): شو
زايد: تعرف كم عمره يالخبل تبا تعرف
عبدالله: كم
خالد: 35 سنه
عبدالله(منصدم): شووووووو
زايد: هيه بعد شو انا اراويك تعرف اذا الشرطه شافتك وياها بتاخذها غصبنا عنك
عبدالله:....................................