منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-30-2010, 01:46 AM

سكتت ساروه ماتريد اتجادل خليفه اكثر لان حاسه عمرها بتغلط عليه .....بعد ما خلصوا المعاريس تصوير ردوا بيوتهم ....ام سالم ردت مع بنتها ميروه البيت و موزوه سارت مع ساروه فى سياره عبدالله

ساروه: موزوه ليش ما ترمسين

عبدالله يطالعها من المنظره)
موزوه: شو اقول( و هيه منزله راسها )

ساروه: اى شى سولفى
موزوه: ماعندى سوالف
عبدالله: موزه
موزوه(يدق قلبها بقو): نعم
عبدالله: انتى زعلانه منى شى
موزوه: لا و لله
عبدالله: عيل ليش ماترمسين
ساروه: البنيه تستحى
عبدالله: ممكن تسكتين اشوووى
ساروه: ان شاء لله
عبدالله: انزين موزوه و بعد
موزوه: ماشى عبدالله

سار عبدالله صوب هاى فلور لان ساروه تريد تشترى ورد حق ميروه و حمدوه كانت موزوه بتنزل بس ماخلاها يريد يرمسها فى موضوع ...

بعد مانزلت ساروه التفت عبدالله على موزوه للى كانت مستحيه

عبدالله: قوليلى شو فيج
موزوه: على ما اظن سمعتنى قبل
عبدالله(يحط راسه على الكرسى): بعدج تحبيبنى

موزوه ما عرفت شو تقول حق عبدالله لانها صدق تحبه : عبدالله انته ماتحب الوحده للى تعق بعمرها عليك
عبدالله: انتى جاوبينى قبل لا ساروه تأى
موزوه: عبدالله انا مستحيل اقول انى ما احبك بس شو اسوووى كل شى صار و احس ان الكل ضدى
عبدالله(يبتسم): ادرى انى ما اقعد ارمسج جيه فيها قبايل بس موزوه ياليت لو تحبينى مثل قبل
موزوه: ليش
عبدالله: لانى محتاج انسان يفهمنى و انتى تقدرين تفهمينى
موزوه: ...................(اطالع عبدالله و تبتسم)

::++سكت عبدالله لانه شاف ساروه بتدخل السياره::++

عبدالله: اووووووووف شو هالحاله
ساروه: شو فيك ياريااااااااااااااااال
عبدالله: هذا خلوف ادق عليه مايرد على التلفون
ساروه: يمكن مخلنه فى السياره
عبدالله يمكن

وصلوا الورد وصلوا موزوه للى من سمعه رمسه عبدالله و هيه مستانسه .....اما ساروه كانت بطير من الفرح دخلت البيت و هيه تغنى شافها زايد

زايد: اووووه يالخبله
ساروه: هالمعرس
زايد(مستحى): شوفيج
ساروه: ماشى يالله سى يو
زايد: برااايج غناتى

سارت ساروه فوق فى غرفتها تغير ملابسها ....زايد وفهد قاعدين يرمسون و مها قاعده مع ام زايد وعبدالله يشوف التلفزيون الا و اشوووى يرن تلفون البيت
رد زايد على التلفون لانه كان اقرب

زايد: السلام عليكم
خالد(يصيح): زاااايد
زايد(خايف): خالد شو فيك ؟؟

الكل صد صوووبه كان شكل زايد يخوف

خالد: خليفه سوى حادث يازايد ويقولون انه يمكن يموت
زايد: لالا مستحيل
خالد: و لله يا زااايد شو نسوووى
زايد: الحين بايييك

سكر زايد عن خالد وقعد على الكرسى وحط ايده على راسه ...
ام زايد: شو صار يالدى
زايد: خليفه سوى حاادث امااايه
عبدالله+فهد: شووووو
ام زايد: ياحسرتى على ولدى ياويلى (تصيح)
زايد: يالله انسير المستشفى
فهد: بخاويك انا و عبدالله ( يطالع حرمته) ام سعيد لا تقولين حق ساروه شى
مها: ان شاء لله

طلعوا كلهم صوب مستشفى توام وسالوا عن خليفه اول ماوصلوا قعدت ام خالد اتصيح على ولدها وكلهم قاعدين وطلع الدكتور من بعد مافحص خليفه و قاللهم انه بينقلونه العنايه المركزه لان حالته وايد صعبه .....
بومحمد: يادكتور شو فيه الولد
الدكتور: و لله ياشيخ ما اعرف شو اقولك حالته وايد صعبه
بوخالد: فى امل طال عمرك انه يعيش
الدكتور: الاعمار بيد لله (طلع شى من مخباته) هذا لقيته فى دشداشته

طلع الدكتور قلاده مكتوب عليها خليفه وساره بشكل واايد حلو كان خليفه ياخذها معاه وين مايروح مسكها بومحمد ونزلت دمعتها ولف على زايد : زاااااااااااااااااايد
زايد: عونك يدى
بومحمد: سير يب سارووه

الكل انصدم ساروه حق شووووه
زايد: بس ساروه شو تسوى يايدى
بومحمد(يطالع الدكتور): لقيتلك العلاج يادكتور
الدكتور: علاج اييه ياحج
بومحمد: زايد طرش اختك المستشفى
زايد: ان شاء لله الحين بسير ايبها

سار زايد بيتهم اول ماوصل زقر ساروه وقعد يترياها فى الصاله ....
ساروه: هلا زايد شو تبا
زايد: لبسى عباتج ونزلى
ساروه: ليش
زايد: بعدي بتعرفين بس يالله بسرعه

ركضت ساروه وقلبها يدق بكل قوته لبست عباتها ونزلت وركبت السياره ويا اخوها شافت عمرها فى المستشفى
ساروه: زايد شو السالفه

ماطاع يرد عليها لانه مايستحمل يشوف اخته جدامه تنهار

اول ماوصلوا نزلت ساروه وتقبضت فى زايد شافت اهلها كلهم متجمعين سارت صوب امها ...
ساروه: امااايه شو السالفه
ام زايد(تصيح):.............................
ساروه: امااايه ردى (شافت خالها سعيد) خالى شو السالفه حد منكم يخبرنى شو صاير

تقرب منها خالد
خالد: خليفه
ساروه(فتحت عيونها): خليفه
خالد: خليفه سوى حادث
ساروه(تصيح): لا مستحيل و ينه
ام خالد(تتقرب منها) بس يابنتى
ساروه: وين خليفه (تشوف يدها) يدى وينه خليفه يدى (اطيح على ريول يدها)
بومحمد(يصيح وينزل عندها): فى العنايه يابنتى
ساروه: اريد اشوووفه دخيلك اريد اشووفه
بومحمد: خذى هذا اول (عطاها القلاده اللى اول مره اتشووفها فى حياتها)
ساروه(تصيح): من وين هذى
يومحمد(يصيح و يبتسم): مالت خليفه
ساروه: و لله (تمسح دموعها)

وصل الدكتور وقال حق بومحمد : وينه العلاج
بومحمد(ياشر على ساروه): هذا هو العلاج
الكل: شوووو
ساروه: انا
بومحمد: هيه يابنتى دخلى على خليفه يمكن يرد عليج
الدكتور: تعالى ماتخافيش
ساروه: بسير بروحى
الدكتور: اتفضلى

دخلت ساروه غرفه العنايه اوا ماشافت خليفه ارتجفت و نزلت دموع الحزن و تقربت منه اشوى شوى وقعدت على الكرسى ....خليفه كان فى غيبوبه فضيعه مايسمع حد و لا يحس بحد ...
ساروه: خليفه
خليفه: ...............................(مايرد عليها)

بومحمد يطالع ساروه من الدريشه
ساروه(تحط ايدها على شعر خليفه): خليفه انا ساروووه رد على (اتصيح)

خليفه بدى يتحرك ساروه وقفت من شافته يتنفس بصعوبه ودخلوا الدكاتره و الممرضات و هيه تشوفهم يقولون عااد نبض القلب عاااد دخل بومحمد وبوخالد وهو مستغربين شو السالفه و الدكتور يطالع ساروه : انتى جوزتوه
ساروه: لا خطيبته
الكتوره: ماشاء لله الحمدلله انك ساعدتيه بس عملتى ااايه
بومحمد(وقف عدال ساروه): القلوب يادكتور ماتفهم غير صاحبها
الدكتور: ااااااااااه قول كده من اول
بوخالد: شو بيفهمه (يطالع ساروه) يالله يابنتى تعالى انسير عندهم برع
ساروه: ما اريد اريد اقعد
بوخالد: ليش
ساروه: خلنى قاعده اهنيه اليوم انتوا سيروا
بومحمد: خلاص (يطالع بوخالد) طرشهم كلهم البيت ساروه بتقعد عنده اليوم
بوخالد: بس يابووويه
بومحمد: سير قول للى قتلك ايااه
بوخالد: ان شاء لله

طلع بوخالد وبشرهم بان خليفه طلع من الغيبوبه وقاللهم يردون البيوت وان ساروه بتكون عنده الكل استغرب بس شو يسوون هذا للى يباه بومحمد للى قعد مع ساروه للى مجابل خليفه اربعه و عشرين ساعه ...

الفير الساعه 3 كانت ساروه تكتب على ورقه الفحص كلام حق خليفه :

القلب شال الحب والحب شاله مدخل غرامي والأحاسيس حوله
وضاع الفكر ما بين حاله وحاله واسهل حلوله صارت أصْعَبْ حلوله

الحِسِنْ لي يفرض علينا سؤاله كيف الربيع امتد لاربع فصوله
كيف ابتداه الحِسْن ثم انتهى له يا لين حتى الحسن منّه خذواله
وانا اتخيّل في خيالي خياله فرصة عمر تحت ابتسامة طفوله
غرٍ صفا حسنه وقلبي صفا له سهل التمنّي بس صعبٍ وصوله
يحتار فيه اللي يوصّف دلاله ويهين به لي عن جماله حكوا له
يخجل جماله من صفاوة جماله ويغيظ ربّات العيون الخجوله
يمشي معاهم بس كنّه لحاله معهم ولكن كن هم لي مشوا له
والي تعرّض في مرامي نباله والله ما يكسب ولا ربع جوله
عادل ولكن ما برمشه عداله يظلم مجبّينه برمشه وطوله
أصلاً جنوني بس في حَب خاله وشلون لا باوصف تفاصيل زوله
إن قال صَدّي.. قلت: لله قاله وان قال وصلي قلت: بالله قوله
هذا الذي قلبي من الشوق شاله مدخل غرامي والأحاسيس حوله

تقرب منها بومحمد وابتسم ورد يرقد هيه حطت راسها على طرف السرير وين خليفه حاط ايده ورقدت ...على الساعه 6 الصبح فتح خليفه عيونه بصعوبه ولف شاف ساروه : ياسلام على هذا الملاك للى عدالى نزلت دمووعه خليفه .....بومحمد قام وشاف خليفه فاتح عينه و سلم عليه الا واشوى ساروه قامت

ساروه: خليفه انته بخير
خليفه: هيه بخير (بصوت تعبان)
بومحمد: شو صار ياولدى خبرنى شو السالفه
خليفه: و لله يايدى شو تبانى اقولك
بومحمد: قول براويك شى عقب
خليفه: كنت ساير بيت عمتى ام زايد تعرف لطيفه
بومحمد: للى خاطبنها قبل
خليفه: هيه نعم
بومحمد: انزين
خليفه: خليفه طرشت حد يدعمنى ودعمنى وصار للى صار
ساروه: هذى شو تبا
بومحمد: بلغ ياولدى
خليفه: بس يايدى
بومحمد: كل مجرم ياخذ حقه ياولدى
ساروه: ما علينا منها انته شحالك الحين
خليفه: بخير دامج تبين تخنقينى بالواير
ساروه(انتبهت علة الواير): هههههه انزين ماشفتك

::++دخل عليهم الدكتور::++

الدكتور: السلام عليكم
الكل: وعليكم السلام
الدكتور: كيف حالك يا خليفه
خليفه: و لله انا زين
الدكتور: العلاج فعال كده
خليفه(معصب): اييييييه شو تقول انته
الدكتور: مافيش حاجه

طلع الدكتور من غرفه خليفه وبعدها بخمس دقايق دخلت ام زايد وزايد وفهد و عبدالله و بعدها وصلت ام خالد و عيالها وريلها بعد الكل استانس يوم شاف خليفه قاعد بس ينبان عليه التعب و خبرهم بالسالفه و سالفه لطيفه للى عصب من سمعها خالد وخاصه سعيد ..

ام زايد: تعالى ساروه
ساروه: ها شو ؟؟!!
ام زايد: بخبرج سالفه
قعد بو محمد عدالهم علشان يتقهوا معاهم و الكل قاعد
ساروه: شو السالفه
ام زايد: يا عيالى
زايد: نعم اماايه
ام زايد: فى ناس يبون يخطبون ساروه
ساروه: شووو
خليفه التفت يطالع عمته بنظرات غريبه وعدل قعدته ناصر و خالد طالعوا اخوهم للى حاط ايده على قلبه
بومحمد(معصب): من هذيل وشو قلتيلهم
ام زايد: و لله الريال ما ينعاب وولد ناس بعد
ام خالد: من وين
ام زايد: من بوظبى
ساروه: ما اريد اعرس
ام زايد: واشعنه ما تبينه شايفه عليه شى
ساروه: انا ما اريد حد (تصيح)

خليفه ما قدر يستحمل للى يصير جدامه نزل راسه بس ناصر وقف عدال اخوه و حط ايده على جتفه .....
ام زايد: تعرفين منو ابووه
ساروه: خير ياطير شو يعنى
زايد: امااايه مب غصب
ام زايد: منو تبين عيل لايكون حا.......
بومحمد: قطعى يا حرمه (معصب خلاص)
ام زايد: بووويه
بومحمد: لا تجبرين البنت
ام زايد: يا بوويه البنيه منو بياخذها بعدين

خليفه استجمع قوااه و تكلم جدام الكل بنبره تحدى وواثق من رمسته: محد بياخذ ساروه غيرى انا

ناصر: خليفه ؟؟!!

ساروه اطالع خليفه و الكل انصدم بس بومحمد ابتسم و طالعه
ام زايد: لاه
خليفه: محد بياخذ بنتج غير خليفه بن محمد طال عمرج واذا تبين تيوزينها اترينى اموت ذيج الساعه سوى للى تبينه
ام زايد: بس ياولدى
خليفه: لا يغرج مكان اهنى ترانى مب مشلول و لا شى

ساروة وقفت وطلعت من الغرفه وهيه تصيح لحقها زايد ..
زايد: سوويره بلاج
ساروه: زايد (تحضن اخوها و تصيح)
زايد: بس يا سويره خلاص
ساروه: اماايه بتغصب على شى ما ابااه
زايد(يبتسم): لا يا ام زايد
ساروه(اطالعه مستغربه): شو
زايد: خليفه يباج وحد يقوله لا