منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:56 PM

لعب الزمن ما هو مثل باقي العاب إلعب على كيفك واذا تروم لا تْتوب
بَيْجيك يوم وْتندفن تحت لِتْراب عقب الدفن بَتْعَرْف وش يعني لْعوب
لو نك فَتحت أبواب لك غَالقٍ باب ولو نك تعرف العيب العيب عَذروب
بديت أكتب واجلب كْتاب بكْتاب آخذ معَانيهن واخلّيهن بْصوب
إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب
هذا وانا أرقى على كل مرقاب أسري بليل الضدّ من فوق عَرقوب
هذا وانا أشّر وهي تطير أسراب بيض الحَمام تطير ما تحمل ذْنوب
هذا وانا تايب وإبليس ما تاب هذا وانا أنعَت وهو ضَيّع دْروب
هذا وانا أضحَك وهو يضحك بْناب ثوبي ستير وصاحبي عَاري الثوب
هذا وانا اعدّ الخَطا عَد لِتْراب ينعد كيف انعد وهو كان محسوب
بعض البشر تحسب على كيف الاسباب وبعض البشر من دون سِبّه ومطلوب
كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب
بَابٍ فتح من بَاب والباب كَذّاب بَابٍ إذا يفتح ترى الباب مَكْذوب
هذا وانا اغنّي وانا اقول سَحّاب سَحّاب يَمطر صوب وانا أمطر بْصوب
مثل العروق تجيس وتدق الاعصَاب أو مثل سَاحِر طار في الجو مجلوب
من هو يأمِّن يمشي بْليل في غَاب بعض العَسَل يا صاحبي سَمّ مَشْروب
هذا هَدفيه صبته وْصَاب بصواب صوب الذي صَوَّب ولا صاب مَصيوب
بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب
حَدٍّ عليه عيون والناس رقّاب وْحَدّ اختفى لو كان بالحيل مَرقوب
حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب
حَدٍّ يشيل الهَم في ضَرب الاصحاب كل من ضَرب في يوم له يوم مَضروب
أنا معَادِل آخذ الحُب لاحباب وْكلٍّ يحب الطيب .. الطيب محبوب
قالوا سَهَل إنّي أنا أفتح الباب وانا هويت الصعب لو دارت حْروب
لعبَه وانا ألعَب على كل الالعاب طبعي أنا غَالب ولا آكون مَغْلوب

قرت موزوه هالكلمات للى فى دفترها للى حاطه فيه صوره عبدالله و حظنت الدفتر وقعدت تصرخ مب قادره تستحمل للى يصير فيها هذا اكبر من مسؤوليتها انها تتحمل ...

فى صاله ام سالم ...
ميرووه: بس امااايه مب جانهم استعيلوا على عبدالله
سالم: شو استعيلوا
ام سالم: هيه و لله وابوى وين موزوه سارت
ميروه(انقبض قلبها): ما ادرى و لله
سالم: اماايه كلهم بيعرسون الا انا
ميروه: خلاص عيل بسير عنكم اشوف موزوه

رن تلفون الصاله و كانت ام خالد للى ردت عليها ميروه
ميروه: مرحبا خالووه
ام خالد(اطالع خالد): هلا يابنتى شخبارج
ميروه: الحمدلله بخير
ام خالد: وين امج عيل
ميروه: اهنيه لحظه
ميرووه عطت امها التلفون وسارت فوق اتشوف موزوه وقفت عند باب الغرفه ودقت الباب و دخلت شافت المكان هادى بس تسمع صوت حد يصيح سكرت الباب و تقربت من موزوه اللى من شافت اختها حظنتها بكل قوتها و هيه تصيح
ميرووه: حبيبتى خلاص و لله خلاص
موزوه: اريد اموووت ما اريد اعيش اكره هذا الانسان (اتصيح)
ميروه: انتى مستحيل تكرهين عبدالله انا اعرف هالشى
موزوه: شفتى شو سوى شفتى
ميرووه: يمكن الموضوع امى فهمته غلط
موزوه: شو غلط (تصيح)
ميروه: بنتصل حق سارووه
موززوه: دخيلج تاكدى
ميرووه: صبرى انزين ..

مسكت تلفون الصاله و اتصلت على ساروه ..
ام زايد: الو
ميروه: مرحبا خالووه
ام زايد: مرحبا المير شحالج
ميروه: بخير ربى يسلمج بس وين ساروه
ام زايد: ساروه فوق بحولج عليها و لله يخليج كلميها ما تكلم حد فى البيت
ميروه: ان شاء لله

حولت ام زايد ميرووه على ساروه ...واول ماشافت الرقم ساروه شلت السماعه
ميرووه: مرحبا ساروه
ساروه(بصوت حزين): هلا مرحبا
ميروه: شوفيج
ساروه: متضيجه و لله
ميروه: من شو
ساروه: ما ادرى شو اقول حق موزوه
ميروه: اماايه خبرتنا انا عبدالله بيخطب
ساروه: هيه صح

التفت ميروه على موزوه للى صاحت من سمعت الجواب : بس من بنته
ساروه: بنت سعيد المنهالى
ميروه: شووووووو
ساروه: بنت سعيد المنهالى
ميروه: انتى تعرفينها
ساروه: لا
موزوه: بنت سعيد خالد المنهالى
ساروه: هيه
ميروووه: سارووه انتى راقده على اذنج
ساروه: ليش
ميروه: هذى ربيعه موزوه من زمان بس ما اعرفتها الا يوم رجعت من عرس فهد
ساروه: نعم اى وحده
ميروه: للى لابسه وردى قالتلى موزوه انها مشبه عليها حد و طلعت هيه
سارووه: لا تكون ريم
موزوه: هيه ريم (تصيح) برااايج ساروه
ساروه: موزوه انا مالى ذنب و لله موزوه
موزوه: اعرف و لله حبيبتى
ميروه: لله يعينا الحين
ساروه(تصيح): حبيبتى لا تسووين جذا فى عمرج
موزوه: ما عليه

::++بعد ما استوت السالفه و خطبوا ريم حق عبدالله و خالد خطب ميره و استعيل فى العرس و زايد بعد مستعيل و خطب حمدووه بعد ما مرت فتره على الخطبه خليفه كان قاعد فى كارفور وشاف عمته ام زايد سار صوبها وشاف وحده واقفه عدالها
خليفه: شحالج يالقاطعه
ساروه(متغشيه): انا القاطعه يالقاطع
خليفه: شو اسوووى الغراشيب مغربلاتنى
ام زايد: الحين سكتها
ساروه: نعم تضربه بالكي على ريله
خليفه: شو بلاج امزح
ساروه: احلف انته بس
خليفه: مابحلف
ام زايد: حتى فى السوق (شافت بنيه جانها ريم بنت سعيد) ساروه
ساروه(ترمس خليفه)
ام زايد: ساروه وصمخ
ساروه: هاا شو
ام زياد: مب هذيج ريم بنت سعيد
ساروه: وين
خليفه: انتوا تعرفونها البنت
ام زايد: هيه نعم خطيبه عبدالله ولدى (مستغربه)
خليفه: شو ؟؟(يطالع ساروه)
ساروه: خليفه شو فيها
خليفه: عموه ولدج اعمى
ام زايد: ليش ياولدى
خليفه: عمووه هذى مب مخليه حد الا عرفته انزين شوفى منو قاعد وياها
ام زايد(التفت شافت ولدها عبدالله): يالله بالستر يالله تستر علينا
ساروه: خليفه طلع اماايه لا يرتفع ضغطها
خليفه(خايف): هااا شو (سحب عمته و طلعها من كارفور)

طلعوا من كارفور فى سياره خليفه و ام زايد اتصيح من الحسره على للى شافته و ساروه تشم ريحه السياره للى كلها عووود وريحتها حلوه خليفه قعد يسكت عمته لين ما هدت اشوى شاف ساروه من المنظره الصغيره و غمزلها
خليفه: هذا لج (فر عليها دهن عود)
ساروه: لله حلو تسلم خلوووف
خليفه: عمووووووه
ام زايد: هلا ياولدى
خليفه: قريب بتسمعين شى يسرج (يطالع ساروه للى استحت ونزلت راسها)
ام زايد: لله يسمع منك

نزلهم خليفه وسار وهو مستانس بعد فتره طويله ماشاف ساروه و اليوم شافها ياسلام وطول على المسجل على اغنيه راشد الماجد طاحت الحيه ..
هلا باللي سبى قلبي واخذني حسنه بقوّه سَلَبْ روحي واخذ صبري وأنفاسي من يْديّه
أحسّ انّه لعب بالقلب لعبة شاطر وْمَوّه يبعثرني.. ويجمعني رجا واحلام ورديّه
إذا نوّر ظلام الليل عرفت ان الفجر ضوّه تبسّمْ من جبينه مبسم الصبح وضحك ضيّه
واذا سلهم برمشه طرت من جَوّي إلى جوّه ورحّب به خفوقي غصب عنّي قال يا حَيّه
أثاريني بحسنه طحت وانا اظن الهوى توّه فكيف ان الهوى توّه وانا غرقان في طيّه
تعلّقته وصار اليوم نوّ القلب من نوّه مع انّي قبل هذا اليوم كانت نيّتي نيّه
قبل يطري الحسن حسنه لفظ قبل اسمه سْموّه تسامت به سنا الحسن وسرت له سحب وسميّه
تقول ارفق بمن حَبّك وعقب اللي تبي سَوّه ترى ميْتك إذا شافك ترد الروح به حَيّه
حبيبي خاطري عن ما بدا له عبّر وْنوّه ومن شرواك يفطن وانت شمس الخاطر وْفَيّه
إذا كان الحيا يمنعك.. ما تمنعك لِمْروّه واذا خايف من الحِسّاد قِلْ لي.. طاحت الحِيّه