منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:22 PM

اليوم الثانى لهم فى المرزعه ..الساعه 9:00 الصبح بومحمد وولده بوخالد كانوا يتريقون مع الحريم ..العيال بعدهم راقدين من السهر للى سهروه امس .
بومحمد: هاا يا محمد شو هباتك اليوم
بوخالد: و لله الحمدلله يا ابوويه انته عساك بخير
بومحمد: و لله انا بخير بس وايد مستهم على سعيد
ام زايد: وووينه ليش عنبووه مايتصل و لا يسال
بومحمد: و لله ماكنت اريده يسافر بس المرحومه ماترد له طلب

يترحمون على ام محمد ((لله يرحمها))

بوخالد: ابووويه انا بتصل فيه ماعليك خريش هذا الا من عمر خالد ولديه
ام سالم: ان شاء لله خير يا ابوويه لا تحاتى
ام خالد: عمى مايصير خاطرك الا طيب يا نور هالبيت
بومحمد(نزلت دمعه حاره على خده): لله يخليكم لى ياعيالى
بوخالد(يحب راس ابوه): لله يخليك لنا ان شاء لله

الا واشوى البنات وصلن ..

البنات : السلام عليكم
الكل: و عليكم السلام
حمدوه: اشحالك يدى (تحب راس يدها) ها بوخالد اشحالك
بوخالد: بخير يابنت محمد
حمدوه: ويه فديتنى
ام خالد: وانا اشعنه ما تسلمين على
حمدوه: ههههههههه يالغياره
ام زايد: وانا
ساروه: شحالج امااايه
ام زايد: بخير ربى يسلمج يابنتى
حمدوه: ههههههههههه امهاتنا يغارن منا ههههههههههههه
ساروه: بس سكتى ههههههههه (تلتفت على موزه) موزووه شو فيج
موزه (بكل حزن): ما شى ؟؟!!
ساروه: لا فيج شى قولى
موزوه: ماشى بعدين بقولج
ساروه: اوكيك
ميره: ها بنات شو هباتكن
ساروه+موزه: تماااااااااااااااااااااااااااااااااام ((يبتسمن))
حمدووه: ههههههههههههههههه اشفيكن

دخل خالد...
خالد: مافيهن شى ...السلام عليكم
الكل: و عليكم السلام
حمدوه: بسم لله سلم عليه انزين
خالد(يطالعها): صبيلى جاهى
حمدوه: ميره صبيله
ميره: انا (مستحيه)
حمدوه: هيه صبيله
خالد: اففففففففففف امااايه صبيلى جاهى
ام خالد: عونك ياولدى
ساروه: ليش معصب انزين
خالد: ماتسمعينها يعنى
بوخالد: ياولدى ياخالد
خالد: ابوويه عرفت شو السالفه بس الحين انا مب متفيج و لله
بومحمد: ياولدى اذا فى شى قول
خالد: مافينى شى بس انا مافينى على الحرمه الحين (يطالع ميره للى نزلت راسها من سمعته)
ام خالد: متى عيل اخوك خليفه بيعرس و انته بعدك
خالد: اماايه خليفه جدامه ناصر وانا اعرفه خليفه عدل
ام زايد: لله يهديكم يا عيالى
ام سالم: لا تظغطون عليه
بوخالد: و لله برايك ياولدى
بومحمد: محمد بتخاوينى
بوخالد: هيه نعم بويه بس وين
بومحمد: بسير صوب المزارع والاراضى للى عدال المرزع يمكن اشتريها
بوخالد: يا لله يابويه

طلعوا بومحمد ولده صوب الاراضى و المزارع للى عدال مزرعتهم علشان يشترونها ويكبرون مزرعته اكثر عن جذا اما الحريم طلعن يتمشن فى المرزعه ...اما البنات قاعدات يتريقن ..مع خالد ..
حمدوه: خالد اريد اركب الدراجات
خالد: حمدووه بعدين دخيلج
حمدوه(باستغراب): خالد انته فيك شى
خالد: لا بس سكتى

هدوء كبير فى الصاله لان خالد من يعصب خلاص وميره قعدت اطالع شوفيه ياربى اليوم غير و امس غير شو مغيرنه اكيد فى شى ..قعدت ساكته و حاطه فى خاطرها وايد لانه اليوم غير عن طبيعته ...دخل زايد والرقاد فى عيونه ..بس قام غصبا عنه ...سلم عليهم وقعد يتريق شاف حمدوه ساكته على غير طبيعتها
زايد: خالد
خالد: هلا زايد
زايد: اشفيك انته اليوم
خالد: و لله متضيج من كثر مايسيرون ويرجعون على السالفه
زايد: اى سالفه
خالد: يبونى اتزوج
زايد: انزين
خالد: اصلا انا مب فاضى اتزوج و لا انى مستعد اصلا انى اعيش مع وحده بروحى طول عمرى
زايد: خيبه انته ايه شو تقول
ميره اطالع خالد مستغربه هذا شو يقول شو قصده ..
خالد: و لله يا زايد قاعدين على راسى متى بتتزوج متى بتعرس متى بشوف عيالك
زايد: من حقهم و لله يعنى مثل ما افرحوا فيك يبون يفرحون فى عيالك
خالد: انا ما اريد اتزوج الحين بعدين اذا فكرت بقوللهم
حمدوه اطالع ميره للى نزلت راسها من صدمتها و حست بسى فظيع يقطع قلبها قامت و قعدت عدالها ..
حمدوه: ميرووه بنسير نتحوط برع اشرايج
ميره: ما اريد بسير اشوف امايه
حمدوه: اكيد طلعن وين تبين قعدى
خالد: وين تبا تسير
حمدوه: تريد تغير جو من الصبح اتكدرت (اطالع خالد)
زايد: ماشاءلله مصلح اجتماعى
حمدوه: ههههههههههه بالله عليك اسكت
زايد: هههههههههههه اسمعوا انتوا خليفه يتضارب معاهم
ساروه: وين
زايد: الحين بأى

دخلوا باقى الشباب الا عبدالله للى بعده راقد ...
خليفه: السلاااااااااااام عليكم
خالد: ما تحس ان صوت واايد مرتفع
ناصر: لا مسوى هضبات هوائيه ههههههههههههه
فهد: ههههههههههههه لا تدعم
ساروه: اتريقوا انتوا
ناصر: عاشت سوويره (يضربه خليفه على ريله علشان يسكت)
خليفه: وين قوم ابووويه
حمدوه: طلعوا ..قوموا نلعب بالدراجات
خالد: اسالج سؤال بتجاوبين
حمدوه: هيه
خالد: انتى بنت و الا ولد
حمدوه: بنت
خالد: عيل خلاص
ساروه: وين عبوود
موزه: هيه و لله صح وينه
سالم: على ما اظن راقد ..
خالد: و ايش يعنى نحن مب مالين عيونكم شو
زايد: الظاهر جذيه
حمدوه: خلونا نسير صوب الدراجات
ويدخل عبدالله ................
عبدالله: بروحكم بتسيرون اتريونى
سالم: هلا العروس تجهزتى
عبدالله: خس لله ابليسك ههههههههههههههههه
زايد: شوف الساعه كم
عبدالله: عشر الحين اشفيكم
موزه: خلهم برايهم يتحرطمون انته اتريق الحين

كلهم صدوا صوب موزه للى قعدت اطالعهم وهم يغمزون بعينهم ....
موزه: شووووووووووووو ؟؟!!
عبدالله: ماعليج منهم هم اشوى المصاخه زايده عندهم
خليفه: هيه صح ههههههههههههههههههههه
ساروه: يالله انسير صوب الدراجات
خليفه: يالله انزين ...
خالد: ناصر وين مفتاح الدراجه
ناصر : مب عندى
حمدوووه: وينه (تصرخ)
زايد: عندى

طلعوا من الصاله ساييرين صوب الدراجات البنات ورى الشباب يتمشن وهن يضحكن و نوره فى غرفتها ما تريد تقعد وياهم لانها تحسهم تافيهن ...يوم وصلوا شافوا ان بومحمد وبوخالد قاعدين والحريم معاهم ..
خالد: وووووووووووويه انتوا اهنيه
بوخالد: هيه ياولدى ليش فى شى ..؟؟!
خالد: لا ابدا بس غريبه انتوا اهنيه
بومحمد: لا غريبه و لا شى يالله شغلو الدراجات اريد اشوفكم
زايد: ان شاء لله

استعدوا الشباب وشغلوا الدراجات ..كل واحد منهم عنده دراجه وكانن كل وحده احلى عن الثانيه بومحمد اتفق وياهم ان للى يفوز بيشتريله سياره على ذوقه ..عاد خالد وزايد اتحمسوا اكثر لانهم يموتون فى السيارات البنات قاعدات على اعصابهن ..
ميروه: خايفه
حمدوه(باستغراب): من شو
ميروه: ما اعرف بس وقفووهم
ساروه: ليش شو السالفه

وقفت ميروه سارت صوب يدها
ميره: يدى وقفهم دخيلك (وهيه تصيح))
بومحمد: شوفيج يابنتى
ميره: دخيلك يدى وقفهم (تصيح)

الا اشوى تلتفت شافت ان الدراجه انجلبت على خالد خلتهم وسارت صوبه وهيه تصيح من الخوف يوم وصلت طاحت على ريولها وهيه تشوفه ان الدراجه انجلبت بدون مايتعور خالد..يوم شافها قرب صوبها
خالد: ميروووه شوفيج
ميرووه:................................
خالد: لا تخوفينى

سارت ميروه تركض بسرعه وهيه صدق خايفه عليها يوم وصلت شافت اختها نوره قاعده اطالع التلفزيون عطتها نظره وسارت غرفتها وهيه اشوى بتموت من الصياح ..نرجع حق خالد للى هزه الموقف يوم قاله يده بان ميره قالته يوقفهم ..
خالد:............................
زايد: خالد شو فيك
خالد: قم بقولك شى ...
زايد: انزين (فر سويج الدراجه على ساره وسار مع خالد)

قعدوا يتمشون لين صوب السيارات وخالد طول الوقت ساكت مايعرف شو يقول ..زايد ادارك الموقف وحاول يخليه يرمس
زايد: شو فيك خالد عسى ماشر
خالد: بتصدق
زايد(بخوف): اصدق شو؟؟!! وشو سالفه ميره مافهمت شى
حالد: ميره سارت صوب يدى وقالته يوقفنا وكانت حاسه انه بيصير فينى شى
زايد: سبحان لله ..بس خالد يمكن ...؟؟!!
خالد: يمكن شو
زايد: على ما اعنقد ميره تحبك
خالد طالع زايد وهو مستغرب منه كيف شو للى يثتب انها تحبنى وشو الدليل بس هذا مايكفى ..
زايد: ايييييييييه و ين رحت
خالد: انته شو دراك
زايد: من نظراتها للى كلها حب حتى انها تخاف عليك و هذا اكبر دليل اليوم يا اخى تعلم
خالد(مستحى): اشفيك انته
زايد: و لله بعد شو البنيه تحبك يا اخى
خالد: لا و لله
زايد: هيه و لله اشفيك انا لو مكانك بفرح ..

اشوى ووصلت حمدوه ...
حمدوه: اريد مفتاح الدراجات
زايد: ماعندى و ماشى دراجات يالله
خالد: هههههههههههههههههههههههههههههههه
حمدوه: اريد المفتاح لو سمحت اخ زايد
زايد: سيرى مناك يالله
حمدوه: ليش ؟؟!!
زايد: روحى يالله الحين
حمدوه: ما ابا بقعد على قلبكم
خالد: ماشى دراجات انا تونى متصل حق خليفه اقوله يدخلهن داخل الكراج
حمدوه: يالله ليش
خالد: شو بعد
حمدوه: ماشى مذله
زايد: انتى ما تستحين شو
حمدوه: شو يعنى
زايد: للى فى عمرج ما يخترشن انتى بنت مب ولد فاهمه يالله سير اتصرفى مثل البنات
حمدوه حز فى خاطرها كلام زايد وسارت عنهم
خالد: اجديت فيها بصراحه تعبنا ما اطيع تعقل شيطانه درجه اولى
زايد: خلها بتتعلم