منتديات بنوته - عرض مشاركة واحدة

06-29-2010, 07:08 PM

13

الاحد ساعة 11:00
بو ظبي
شركة بو نهيان
هزاع
البارحة وصلت من العين متاخر ما رمست ابوي عن موضوع الخطبة بس الحين اناا راايح صوب مكتبة برمسه دخلت المكتب ابوي بس طبعاا بعد ما دقيت البااب
ابوي: هلا هزاع..شحالك
اناا:اهلين بخير شحالك انت
ابوي: الحمدالله بخير
اناا: ابوي ابي ارمسك في موضوع
ابوي:خير هزاع ناقصك شي
اناا ابتسمت: ناقصني حرمة وعياال
ابوي: كيف يعني افهم انك تبي تتزوج
انا: هيه
ابوي: قول حق امك تدورلك عروس
اناا: لا
ابوي :شولا توك اتقول تبي تعرس
اناا: ابوي اناا ابي ريم بنت عمي بوسالم
ابوي يطالعني بنص عين: ليش يعني هي بذات
انا انحرجت منه: ابوي اناا ابيهاا
ابوي: انزين برمس بو سالم بردلك خبر
اناا قمت بست راسه: فديتك و الله
ابوي: المصلح وما تسوي

دبي
بيت بوسالم
ساعة 4:00العصر
نورة

لبست فراشة حمره و عطيت مكيااح ع خفيف و نزلت تحت رحت صوب الميلس واناا مستحية و خايفة دخلت الميلس سلمت عليه وقعدت شوي بعيد عنه بس هوو اقام ويلس حذالي
راشد: نورة اناا ابي اجدم العرس
نورة :ليش
راشد: عندي دورة بعد شهرين برع البلاد
نورة:يعني كم شهر
راشد: لا.... سنتين
نورة:هاا... ليش ما خبرتني من قبل
راشد بضيج: والله اليوم قالولي
نورة: يعني متى بيكون العرس
راشد:بعد شهرين
نورة شهقت:اووويه ماا يمدي اتجهز
راشد: شوو بتترين سنتين ولا شهرين
نورة باحراج: الي يريحك
راشدابتسم: باجر بمر عليج بنجوف لناا قاعة
نورة مستحية: ان شاء الله

بيت عبدالله*******
ساعة 5:00 العصر

عبدالله منسدح في صالة ع ريول حمدة و هي تلعب بشعره و حامد و حمد يالسين و حاطين لاب توب في حضنهم و حمود و حمداان يطالعون رسووم
عبدالله: حمدة شوو رايج نظهر
حمدة :وين نروح
عبدالله:اي مكاان اناا ملان
حمدة:انزين قرر انت اول وين بتوديناا
عبدالله يصد صوب عياله:يالله شبااب روحو تلبسوه
حامد:وين بنرووح بابا
عبدالله:ما اعرف... بن قرر في درب
الكل راح يتلبس ........ كلهم لبسوه بناطلين
في سيارة
عبدالله: شوو رايكم نروح صوب البحر
حمد:بابا حر شوو نروح صوب البحر
حمود:بنسير فستفاال
عبدالله:شوو رايج حمدوة
حمدة:الي يريحك
عبدالله:عيل رايحين فستفاال

بو نهيان اتصل لبو سالم ورمسة عن الموضوع عشان يشاور وبنته و يروحون يخطبون رسمي

شارجة
ساعة 9:00
فميلس بو حمدان
بو سالم كان معزوم عند شريكة في مشروع من المشاريع فخذ وياه سالم و احمد و سلطاان
بو حمدان:لازم انقوي العلاقة الي بيناا عااد بوسالم
بوسالم:اكيد بو حمداان... عشاان ما يصير مشااكل
بو حمدان:صح كلامك
بو جاسم واحد من الموجودين:اذا بتقون العلاقة لازم حد من يال بو سالم ياخذ بو حمدان
بو ابراهيم واحد ثاني :صح كلام بو جاسم
بو حمدان:لازم ليش عاد لازم
بو جاسم:عشان ما تشكوون فبعض و بتكونون نسايب
الكل سكت بو حمدان و بو سالم ما عرفوا شو يقولون
سالم حب يغير الموضوع: بو حمدان عيل وين حمدان
بو حمدان ضحك: حمداان كل شهرين لازم ياخذ حرمته وسافر ع قولته شهر عسل
احمد: مو حمدان عنده عيال
بو حمداان:هيه عنده بس لازم يسافر وياه حرمته يبي يروح شهر عسل ع قولته
الكل يضحك ع حمدان لانه كل ما يسئلون عنه وياه حرمته و الكل يعرف كيف حمدان يحب حرمته
بو ابراهيم:وين حارب
بو حمدان: حارب وين يقعد في البيت ما اجوفه مول
بو سالم:شرات الي عندناا و ياشر صوب احمد.. ما اعرف كيف يبته اليوم
الكل ضحك ع احمد

بوسالم خبرام سالم وام سالم خبرت ريم وعطتها وقت عشان تفكر
بعد ايام ردت ريم بالموافقة و يوه و خطبوا رسمي يوم الخميس رسمي هزاع لريم و اتفقو ع ان يسون الملجة قيل العرس باسبوع لانه هزاع بيسافر و بيكوون العرس بعد خمس شهوور <<<اسفة ما اعرف اكتب عن سوالف الخطبة
سافر هزاع يخلص شغل ابوه في الماانيا و هو بيتم هنااك شهرين و ياخذ جولة فيه سوالف شبااب يتحوطون و نورة قاامت تجهز لعرسهاا

يوم الاحد
ساعة 7:30
بيت عبدالله*****
صبح حمدوة عند عبدالله الي مو راضي ينش يروح دوام
حمدة:عبدالله يالله نش بتتاخر
عبدالله:دقيقة بس دقيقة
حمدة:عبدالله ساعة سبع ونص بتتاخر و بتاخر العيال ويااك
عبدالله:خلي دريول يوديهم
حمدة:مابي انت وديهم
عبدالله و هو خلاص ما يروم يفتح عينه:الله يخليج حمدة الله يخليج
حمدة: اوووووف..... و ظهرت
في صالة
حامد:شوو بابا ما قام
حمدة وهي تاخذ نفس:لا
حمد:احسن عشان ماا نروح المدرسة
حمدة :مو بكيفك بتروحون وياه دريول
حمود:لا ماما ما نبي نروح وياه دريول
حمدة: يالله سيروله برع انا اتصلت فيه
نشوه و هم يتاففون ماا يبون يروحون المدرسة..... بعد ما طمنت انهم روحو رجعت غرفتهاا اتجوف عبدالله
حمدة: عبدالله يالله عااد بتتاخر
شوي و لا عبدالله ساحبنهاا:بس ما بروح دوام موو متفيج
حمدة: لا والله
عبدالله حد راسة ع صدرهاا: ابي ارقد فحضنج
هني حمدة احمرت

هذا حال عبدالله صار يحب حمدة بجنوون ماا يحب يزعلهاا و دايماا يلس ويااهاا صاير ما يظهر من البيت وايد دايماا يالس وياه اهله