منتديات بنوته - عرض مشاركة واحدة

06-29-2010, 07:05 PM

12

يوم سبت
فبيت بو سالم
نورة
ساعة 1:00
توني نازلة من فوق جفت احمد يطالعني :شحالج يا عرووس
انا انحرجت :بخير
احمد: طالع هااي استحت
اناا: احمد عااد لا تستهبل
احمد: شوو بتخبرين راشد علي
اناا: اوهو احمد بلا استهباال
بو سالم: احمد لا تلعوز اختك
احمد: ان شاء الله
نواف تواه نازل: هاا العروس شحالج
اناا:بخير... لا تقولي عرووس
نواف رافع حياته: عيل شوو اقوول
اناا: قول نورة
دخل عبدالله سلم ع الكل وياه صوبي: شحالها عروستناا اليووم
اناا: مب بخير
عبدالله: افاا ليش ليكون المعرس مزعلج
اناا: اوهو بلاكم عروس عرووس
عبدالله: هههه ليش في حد غيري قالج عرووس
اناا: هيه احمد و نواف
سالم دش سلم ع الكل: شحالج نورة
اناا: الحمدالله في احد ما نساه اسمي
سالم مستغرب:ليش
عبدالله: معصبة
سالم: ليش
عبدالله: يمكن المعرس مزعلنهاا
سالم: ليش تعصبين عليناا
حمدة: ايه حرام عليكم كل شوي حد ايي يقوللهاا ياا عرووس
سالم يضرب ع راس عبدالله: عبدالله اتقص علي اوونه ريلهاا مزعلنهاا
عبدالله: حبيت اسووي جوه
سالم: لا والله
خالد توه نازل ع طول راح انسدح ع الغنفة
بو سالم: خالد شو فيك
خالد: ابي انام
بو سالم عصب: شووو ما شبعت راقد
خالد: تعباان
حامد: هيه والله اناا بعد تعباان
بو سالم:شوو الي متعبنكم
حامد: رقص
ام سالم: ما شاء الله عليكم
نواف:شوو ما نرقص يعني
عبدالله: بس خلاص اسكتوا.. يالله حطوا الغده اناا يوعاان
احمد: عبدالله جنك حاس فيني اناا بعد يوعاان
ام سالم: نورة رووحي قوولي حق الخدم يبون الغده
نورة : ان شاء الله امي
حمدان: باباا ابي اروح الالعاب
عبدالله: بعدين بخلي عمك احمد يوديك
حمدان: لا بابا انت وديني الالعاب
حمود: بابا بي اس بي مالي خرباان ابي اشتري واحد ثاني
عبدالله: لازم واحد ثاني بودي المحل اعدله
حمود: لا ابي اليديد توه نزلووه
عبدالله: ان شاء الله بوديكم الالعاب وبشتريلكم بي اس بي
حمد: بابا اناا ابي اروح ناادي الاهلي
حمدة: لا ما شي
عبدالله:ليش خل يروح
حمدة: عشان بعدين يودر دراسته لا ما شي
حمد: ماما اناا ما يخصني اناا برووح ناادي
عامريصد صوب ابوه: اناا بعد ابي اروح نادي الاهلي
ام سالم: حمدة خلي يروح يجوف المبارة
حمد:يدووه اناا ماابي اجوف المبارة
ام سالم: عيل
حمد: اناا ابي اصير لاعب
ام سالم: يالله مناك عشان بعدين تودر دراستك
حمد: ما بودر بتم لين ما اخلص ثانوية و بدرس قي كليه عاادي
حمدة: حمد قتلك لا
حمد: ماما الله يخليج بليز
نور رايزة(الخدامة):ماما غده جاهز
عبدالله: بعدين ارمسوا في هذا موضوع الحين خل نروح ناكل
حمدة: لهاا درجة يوعاان
عبدالله: لو تعرفين حمدووة كيف اناا يوعاان
ام سالم: يالله نشو دامكم يوعاانين
راحوو يتغدوون

بو ظبي
في الماريناا مول
ساعة 5:00العصر
هزاع و بطي يتمشوون و بطي كل ماا يجووف وحدة يرقمهاا و هزاع يهزبه اوونه لا تغاازل هو مسويله طااف اخر شي ودرة و راح صوب المطاعم

(هزاع)

اوووووووف اشتقتلهاا احس بخنقة لازم اجووفهاا اناا بخبر ابوي عشان يخطبهاا ما اروم استحمل اكثر اول ما ارجع برمس ابووي
عشان يخطبهااا لي ........خل اتصل حق جسوم عشان اي صووبي
شوي ولا يوصل جاسم: مرحباا سااع
اناا: مرحبتين
جاسم: شحالك
اناا: بخير ومن صوبك
جاسم:بخير دامك بخير.......هزاع شوفيك متضاايق لهاا درجة الحب مخبل بك
اناا: خلاص بخطبهاا
جاسم:زين ما تسوي... بس الحين لو سمحت ابتسم شووي لانك تلوع بجبد يووم ما تبتسم
اناا:احلف انت بس
جاسم: يالله سولف ولا نروح صووب شبااب متيمعين فمبزره فالعين
اناا: رايحين العين عيل بس نرد بسرعة عساان ارمس ابووي فلموضوع
جاسم: اوكي يال عاشق
اناا: جسووم بس
جاسم: يالله خل نرووح ... ورووحوه.

جاسم: عمره 21 وهو ربيع هزاع روح بروح بس هوو مغاازلجي بس مو قد بطي هع

صوب بطي يالس يمشي بروحه شوي ولا يجوف وحدة من صيع حاطه فل مكيب ويايه وهذا غير القبضة: لا لا ما اصدق برج خليفة عندنا في بوظبي لا لحظة انا فحلم ولا علم........ في شلة شبااب ورااه من سمعوا انفجرووا من ضحك... ع طول صد صوبهم واحد من شبااب: حلوة حلوة
بطي: رقمهاا دامهاا حلوة هع
واحد ثاني: حمدوون قفطووك عيل
البنت الي بطي علق عليهاا: يعني لازم تقفطه
حمدوون: انتي شلج هو كيفه
البنت: بس هو قفطك انت عادي عندك
حمدوون: انتي ليش رازة ويهج
وخلوه البنت برووحهاا وروحووا