|
~{ غبي لو أحسب آلدنيآ تجآزيني على طيبي! <~ بدر آلشمري
بدر اسمي ولا عمري لقيت النور في ممشـاي
أكابر بس في الآخـر أضيـع بطيبـة قليبـي
أخط اسمي على رمل الشواطي وأنثني للجـاي
وموج البحر يمسحني قبـل يمسـح مكاتيبـي
يا عمي والعمر يمشي وأنا في هالعمر مشـاي
تدك الأرض خطواتـي اليمـا ينتثـر شيبـي
بعد شفت القفص ينثر أنيني ويحتبـس فحـواي
غبي لو أحسب الدنيا تجازينـي علـى طيبـي
مساء الخير يا وقت الشهامة في عيون أعـداي
صباح الخير يا لحـن المـروة فـي أساليبـي
على هونك يا قلب اركد أشوفك سابق ٍ لخطاي
تعبت من المشي أمشي وراك وعزتـي عيبـي
وشفت الوقت ما يرحم شعوري وعزتي وبكاي
كثر ما كنت أرتب فيه .. أشوف يضيع ترتيبي
تعرى وجة عدواني وصرت أبكي على دنيـاي
عبث أرسمني الكامل وهـم حولـي عذاريبـي
عطش يجعل حروف اسمي تمد عروقها للماي
وتشرب لين ما تروي طموحي من مشاريبـي
وتكفخ بالسماء حرة وحبـاري دنيتـي بعـداي
تتسـوق العـز قدامـي وتنسينـي أكاذيـبـي
مدام النجس يلعبها وقفص صدري حبس فحواي
غبي لو أحسب الدنيا تجازينـي علـى طيبـي
|