منتديات بنوته - عرض مشاركة واحدة

06-28-2010, 01:43 PM

[في مدرس ألـ......... الاهليه للبنين]

>ثآني ثنوي علمي<

نآيف وصوته كله نوم : بديي اخمد

وليد : اخمد حد ماسكك.؟!

نـآيف : امس مانمت زييين...اووف

مشعل تنهد : احس هالسنه هآذي مقررفه لابعد الحدود

وليد :هههههههههههههه نفس الاحساس

نآيف بتنهيد وفجآءهـ: ياغايب ليش ما تسأل احبابك الي يحبونك

مشعل : وما ينآمون اليل لعيونك

وليد : انا بفكر فيك

نآيف ووليدومشعل بصوت عالي :يآحبيبي ما تروحش بعيد

ألأستاذ : وليد نايف مشعل ..وين حنا جالسين فيه .؟!

مشعل يستهبل: أأأأأ..مدري وين حنا جالسين فيه

آلطلآب:هههههههههههههههههههههههههه

الاستاذ : تستهبل .؟!

مشعل : بس اهبل

آلأستاذ : واثق من نفسك

مشعل بغرور : كيف ما اثق من نفسي

الاستاذ طنشه وجلس على اوراقه

**

....الساعه 2 ونص ....

[فـي بيت ابو تركي]

دخلت قمر وهي تبكي : ماما

ام تركي الي كانت جالسه في الصاله وقفت مرتآعه : يممه بنتي >ورآحت عندهـآ

قمر تبكي : ماما ابيك في الغرفه

وليد وهو يجلس على كنب :اوووف هالبناااااات دللللع

أم تركي رآحت مع قمر فوق في غرفت قمر

قمر بخجل:ماما فهمتي .؟!

ام تركي نزلت دموعها : والله وكبرتي يا قميرر

قمر :ماما؟ ليش الدمووع .؟!

ام تركي مسحت دموعها : دمووع الفرحه حبيبتي ..كل ام اذا كبرت بنتها لازم تفرح لهـآ

قمر: يعني ماما اذا ما جاتني ما اصير كبيرهـ اصير بزرهـ .؟!

أم تركي :هههههههههههههههههههههههه

**

..... الساعه 8 مسـآءً .....

[فـي بيت الجد عبد الرح‘ـمن]

>في الصاله<

# متوآجد فيهـآ الجد والجدهـ #

آلجد : اقول حصه

آلجدهـ: سمـ

الجد: شرايك يوم الخميس نروح المزرعه حنا والعيال وحريمهم

الجدهـ : أمممم ..نروح ليش لآ

الجد : بلغيهم

**
(في نفس الوقت)

[في بيت ابو تركي ]

أم تركي تكلم تلفون وجنبها تركي : ياليت تعطينا خبر بأسرع وقت يا ام سعود

ام سعود : نستشير البنت اول ...وتركي الف وحده تتمناه

ام تركي : تسلمين ..يلآ تامرين على شي

ام سعود : سلامتك حبيبتي..

ام تركي : الله يسلمك ..مع السلآمه

ام سعود : مع سلامه
**

ام تركي : ها كلمناهم

تركي بلهفه : متى ترد .؟!

ام تركي : شفيك مستعجل ...اصبر ..

تركي تنهد : طيب
**

[في بيت ابو سعود]

>غرفه نوره<

أم سعود بفرح : ترآ تركي رجآل ولاكل الرجآجيل ..خذي رآحتك بتفكير ..وانا قلت لابوك قال خذي رايها

نوره ابتسمت : ان شا الله

ام سعود سكرت الباب ورآهـآ

نورهـ "امممـ تركي تركي...تركي الصرآحه رجآل حلوو شكله بس ما اعرف عنه شـي ....مو مهم..." (وبعد تفكير)

" لقيتها اذا خذت تركي بطرقه هآذي اقدر انتقم من مهـآ لأنها خذت حبيبي..هـآهـآهـآهـآ"

**

بعد يومين
**

[في بيت ابو سعود]
>الصاله<

#نوره ونوف و ام سعود وسعود#

ملآحظه × اذا حطيت ## يعني المتوآجدين في المكآن هذآ #

نورهـ : يمممه انا موآفقه

أم سعود :كلوووووووووووووووووووووش

نورهـ : بس يمه انا عندي شرط

سعود : اخر زمن البنات يتشرطون

نورهـ : انت كل تبن ندري ان تركي صديقكك بس من حقي اتشرط واطلب

سعود : بسم الله ..بسم الله كلتيني بلسآنك

ام سعود : قولي يمه وش شو شرطك

نورهـ : شرطي اهو الملكه والزوآج بنفس اليوم

سعود ونوف و ام سعود : وشوو.؟!

نورهـ : شفيكم .!؟ قلت شي غلط .؟! انا ابي الزوآج والملكه بنفس اليوم ..و ابيه بعد اسبوعين

ام سعود جات حطت يده على جبين نورهـ :لالالالا اكيد انتي مصخنه او فيك شي .!؟

نورهـ : ما فيني شي يمه ..بس اانا ابي اتزوج بأسرع وقت

أم سعود : أوووف منك عنييدهـ ..من اليوم تروحين السوق وتجهزين كل شـي انا ما علي منك فآهمه

نورهـ : يعني ماراح تسآعديني يمه .؟!

ام سعود : انا موب فاضيه روحي انتي بروحك.

نورهـ : ما تخافين علي

ام سعود : اوووهـ ...شفيك بلعتي رآديو .!؟

نورهـ: طيب طيب ... خلآص بروح بروحي

نورهـ رآحت غرفتها ولحقتها نوف

نورهـ توهـآ بتسكر الباب الاش افت نوف : نووف .؟! نعم شتبين .؟!

نوف : ممكن اتكلم معـآك .؟!

نورهـ : تفضلي

دخلت نورهـ ونوف وجلست نوف على طرف السرير

نوف :امممم وش سبب موآفقتك لتركي ..؟! يعني انتي ما تحبين تركي ولآ يعني لكـ شي .!؟

نورهـ بشرآنيه : ابي انتقم .؟!

نوف مستغربه : تنتقمين .!؟

نورهـ : أي انتقم..انتقم من الي خذت قلبي ..انتقم من الي خذت حبيبي ...انتقم منها

نوف : تقصدين مهـآ .؟!

نورهـ مستقرفه : أي مهـآ..مهـآ ما غيرهـآ الله ياخذه وتطب جهنم تحرقهـآ

نوف : استغفر الله ..لا تقولين كذآ ...وليش تنتقمين منها ..من طريق اخوها وش دخل تركي أساساً

نورهـ : اعذب اخوها معاي ...وامثل اني احبه ... واني ميته بحبه ...وفي الاخير بقول له اني ما ابيه وابي طلآق

نوف : بهسهوله بتطلبين الطلآق ..وتتوقعين انه ...بيوآفق انه يطلقك.؟! طيب وفرضاً طلعتي حآمل .؟! وش بتسوين هـآ .؟! قولي .!؟

نورهـ : في شي اسمه اجهاض في شي اسمه نقزي في السرير

نوف : ابداً..ابداً ..انتي مو انسـآآآنه .؟! انتي حيوآنه ...الا وش حيوآنه حتى الحيوآن ما يسوي كذآ .؟!.؟!

نورهـ : احترمي نفسك ..وثآني شي...انا بنتقم بنتقم...وان طلع هالكلآم برآ يآ ويلك وآلله يآويلك ..انا نورهـ مو أي نورهـ

نوف : اعوذ بالله منك اعوذ بالله منك >وطلعت

**

[بيت ابو تركي ]

تركي منصدم ومستغرب : وشوو بعد اسبوعين ..ولا الزوآج والملكه بنفس اليوم .؟!

أم تركي : اييييييييييه هذآ شرط البنت
تركي تنهد : كل شي عشآن نورهـ يهون

أم تركي " مدري كيف بعيش معاها مدآم هي ما تحترمنا اذا اجتمعنـآ شلون وهي بتسكن معاي بنفس البيت": أقول يمه بتسكن عندنـآ

تركي : أكيييييييد ولا ما تبوني

ام تركي ابتسمت : الله يوفقك