06-21-2010, 09:21 PM
|
#47 (permalink)
|
|
مستشار المؤسس ~ 
 آلحـآله ~ :  | | رقم العضوية : 9952 | | تاريخ التسجيل : May 2010 | | فترة الأقامة :
5124 يوم | | أخر زيارة : 10-19-2014 (08:38 PM) | | النادي المفضل : | | الإقامة : | | المشاركات : 8,755 [
+
] | | التقييم : 40 | معدل التقييم ~ :  | | زيارات الملف الشخصي : 13851 | | الدولهـ | | الجنس ~ | | مشـروبيُ ~  | كآكآوي ~  | قنـآتيُ ~  | | MMS ~ | مدونتيُ ~  | | | | لوني المفضل : Cadetblue |
| 
رد: ++::بعد ماجفيت ترجع تقول احبك وانا احبك::++
وصلوا البيت و عبدالله سار غرفته و هو يعرف عمره غلطان بس شو يسوووى لازم يلقى حل على الساعه 7 الصبح سار غرفه زايد دق الباب
زايد: ادخل
عبدالله: زايد
زايد: انته شو تبا الحين مب كافى اللى مسونه مسود الويه
عبدالله(يصيح): اسمعنى انزين
زايد حس بضعف جدام دموع اخوووه
زايد: ارمس
عبدالله: انا اعرف عمرى غلطان و لله اسفه يازايد ما اسويها مره ثانيه
زايد: شو للى يثبتلى هذا
عبدالله: مع الايام زايد و لله بتشوف (يصيح)
زايد: لا تصيح يا عبدالله و للى سويته انته غلط و انا اخووك
عبدالله: خلاص ما اعيدها
زايد: لا تاخذنا على قد عقلنا يا ولدى
عبدالله(يحضن اخووه):ما اكررها و لله
ابسم زايد و عرف ان اخوه صادق فى رمسته .....اما مها كانت واعيه من الصبح سارت عند خالتها فى المطبخ
مها: السلام عليج خالووه
ام زايد: و عليج السلام اشفيج يابنتى ويهج مصفر
مها: تعبانه خالوووه
ام زايد: ليش يابنتى
مها: خالووه انا حامل
ام زايد: حلفى بالله
مها(مستحيه): هيه نعم خالوووه
ام زايد: خبرتى فهد
مها: لا و لله
ام زايد: بنخبره جدام اخوانه ما عليه
مها: خالووه استحى
ام زايد: من شو يابنتى يالله سيرى وعى ريلج
مها : انشاء لله
::++الساعه 9 الصبح الكل متيمعين علشان يتريقون فى بيت ام زايد::++
ام زايد: ها عيالى شحالكم
الكل: بخير
ام زايد: وويه يا مها اشعنه تيبين له الماى خلى الخدامه تيبله
فهد: اماايه انا ما احب اخذ الماى الا من ايد حرمتى
ام زايد: لا و لله تريد تذبحها و تذبح للى فى بطنها
الكل فتح عيونه مب مصدق واولهم فهد ...
فهد: شو شو
ام زايد: حرمتك حامل ياولدى
مها(مستحيه)...................................
فهد: صدق مها
مها: هيه صدق
الكل فرح لمها علشان انها حامل و عبدالله صار انسان غير عاادى بتصرفاته يشابه زايد فى كل شى فى الاخلاق و الرمسه و كل شى و خليفه طلع من المستشفى ..وهو الحمدلله بخير و عافيه ..
ااقترب يوم العرس وهو اليوم الموعود بالنسبه لخالد وزايد للى بيعرسون فى نفس اليوم و تمر الايام و الشهور و العايلتين مرتبشي حق يوم العرس للى بيكون شى خيالى بالنسبه لهم و خليفه حبه حق ساره صار اكبر و اكبر ..وتقدم و خطبها من اخوها زايد للى وافق بدوناى تردد ....
::++ليله الخميس::++
الكل كان يتريا خليفه علشان يتعشى بس ماوصل ياربى وينه خليفه وين سار محد يعرف عنه اى شى يدقون تلفون عليه بس و لا حس و لا خبر اتصال مفاجى على تلفون البيت
..........: السلام عليكم
خالد: و عليكم السلام من طلبت
....:هذا بيت خليفه محمد
خالد(خايف): هيه نعم من معاااى
الظابط: معاك الشرطه
خالد: ليش شو صار
الظابط: اريد اخبركم ان خليفه سوى حادث و انتقل لرحمه لله
خالد(مصدووووووم): شووووو تقول (وتنزل دموعه)
الكل قعد يطالع
الظابط: واسفين يالغالى
خالد(يصيح) بس كيف صار الحادث
الظابط: سيارته اصطدمت بالشاحنه و انحرقت كليا
سكر خالد التلفون و طاح على الارض و هو يصيح مثل الياهل و كلهم تقربوا منه
بومحمد: ياولدى شو صار
خالد: ................................
بوخالد: ياولدى خبرنى لا تخوفنى
خالد: يدى ابوويه خليفه
بومحمد(خايف): شوفيه خليفه
خالد: مااااااااااااااااااااااااااات خليفه ماااااااااااااااااااااات
ام خالد: ياولى على ولدى ياويلى (وتصيح)
الكل انصدم من للى صار خالد خبر زايد و خبر امه واخوانه بس شو بيقول حق ساروه
::++بيت ام زايد::++
ساروه: شو فيكم (اطالع امها) اما شو فيج
ام زايد(اتصيح):..............................
زايد(يصيح): ساره
ساروه (اطالعه): شووو فيك اتصيح خبرنى (خافت)
زايد: بقولج خليفهتوفى
ساروه: شوووووووووو (انصدمت) انته قاعد تسولف امس شايفتنه خليفه وقال اليوم بايينا
زايد(يصيح): يا سارووه خلاص مااان
ساروه(تصيح): منو قالك انته ليش تجذ على (تصرخ بصوت هستيرى)
زايد: ساروه: مب قاعد اجذب عليج (يمسكها من جتفها )
ساروه: قوووم عنى لالالالالالالالالالالالاه (طاحت اتصيح)
تركض ام زايد تهدى بنتها وهيه تصيح ......خليفه خلاص مات و ماتت احلام ساروه وياها بعد ما مر على موت خليفه شهر ساروه كانت فى حاله يرثى لها كانت حالتها ميؤوس منها لا تاكل و لا تشرب و لا شى ...
نزلت ساروه تحت اتشوف امها و هيه تمشى طاحت من على الدرى و اغمى عليها قعدا يحاولون فيها تقول بس ماشى فايده خذوها المستشفى كلهم قعدوا يقرون قران علشان لله يشفيها ان شا ءلله ...
كانت ساروه مثل الجثه الهامده و هيه فى غيبوبتها حلمت خليفه ....
الحلم:
ساروه: خليفه انته اهنيه (تصيح)
خليفه: هيه انا هنيه تصدقين ساروه احبج اكثر من حياتى
ساروه: ليش خليتنى ورحت (تصيح)
خليفه: انا ماخليتج انا دوم فى قلبج صح
ساروه(تصيح): انا احبك واايد خليفه صبر وين راايح
خليفه: مب رايح مكان (تقرب منها) ساروه عيونج وايد حلوه
ساروه: عيونى فدوه لك خليفه لا تخلينى
خليفه: كيف اخليج و انتى من لحمى ودمى
ساروه: و لله
خليفه: تذكرين هالكلمه يوم اكتبلج اياها
ساروه: اى كلمه
خليفه: يوم كنتى ما تعطينى ويه و تقولين هذا شوفيه جذا و ما اعرف كيف يوم كنت احبج
ساروه: هيه بس شو الكلمه
خليفه::++ بعد ماجفيت ترجع تقول احبك و انا احبك ::++
قامت ساروه من الحلم و هيه تصرخ : خليييييييييييييييييييييييييييييييييييييييييييييييي يييييييييييييييييييييفه (تصيح بصوت هستيرى)
دخلت ام زايد عليها علشان تهديها هيه و ام خالد ..
ام زايد: بس يابنتى خلاص اطلبيله الرحمه شربى الماى
ساروه: وينه
ام زايد(مصدومه): شو وينه عدالج ما تشوفين
ساروه: لا اماايه ما اشوف عطيت خليفه عيونى ( تصيح)
ام خالد: يابنتى ما يصير جذيه تعذبينه و انتى تصيحين
ساروه(تبتسم): اماايه سير زقرنى اخوانى و عيالى خالى و كلهم ويدى
ام زايد: ان شاء لله
سارت ام زايد تزقرهم ودخلوا و هم خايفين
بومحمد: يابنتى ياساره نحن اهنيه
ساروه: اخوانى كلهم اهنيه
زايد: هيه اهنيه
ساروه(تصيح): زايد انا احبكم
زايد: حتى نحن نحبكم
ساروه: تعرفون اخر كلمه قالها خليفه فى الحلم شو
الكل: شو
ساروه:::++ بعد ماجفيت ترجع تقول احبك و انا احبك ::++
تنهدت ساوره بعد ماقالت هالكلمات و الا و اشووى ساد صمت رهيب الغرفه وكان قلبها ينطق بالشهاده (لا اله الا لله محمد رسول لله ) ماتت ساروه ولحقت خليفه بعد شهر تقريبا .....بعد وفاه ساروه تغير الحال وصاروا كله فى حزن وكلهم يرددون
::++بعد ماجفيت ترجع تقول احبك و انا احبك ::++
مات الذى على قلبى احبه
مات الذى من زود حزنى اونى
عطتيه عيونى فى منامى
صرت بعيونه شوافى
قلت هو الذى يغلينى
حبيته من صغرى
واجمعنا فى كبرى
ورحل عنى اليوم من بدرى
ورحلت انا وياه يا عمرى
ابرحل معاه بالوادى
وقلبى انا له فى الحب تواقى
حبيت اسمه السامى
وانا بالحزن بعده انادى
لكنته لين اليوم فى بالى
واخر كلمه قالها لى
::++بعد ما جفيت ترجع تقول احبك و انا احبك::++
الحب يجمع بين اثنين لكن الموت يفرقهم .....صار الموت اسهل طريقها لنفاذ الحب |
|
|
 |