منتديات بنوته - عرض مشاركة واحدة

06-19-2010, 03:17 AM

الشيخ بصوت عالي تنازلوا مافيه احد فرح ابدا ولا كبروا (يعني ماقالو الله واكبر) الكل يكرهه لانه يشوف ويعرف جرائمه
واغلب الناس حضروا علشان يبرد الغليل الي بقلبهم والنار الي تحرقهم من القهر

ماجد من فرحته اغمى عليه طاح على الارض الكل يناظر متفاجئ حسبوه مات
خلود نزلت من السياره وهي تشوف ماجد على الارض وتنقلب الدنيا براسها وتسود وتزرق ويغمى عليها ولو بيدها سكين والله ماتحتار
ان تذبح روحها قبل ماتعرف هي توقعت انهم مالحقوا يعني مات قبل او اعدموه قبل

محمد عدوه القديم الي يكرهه حس بخوف بس مو علشان ماجد علشان خلود المسكينه الي تنتظره والي انحرمت طعم النوم والراحه
راح محمد بسرعه له وطلع القطعه المغطاه بوجهه حتى يتنفس واخذ مويا ورش عليه
ماجد صحى فتح عيونه تحرك وهو يرتجف منهد تعبان يائس متندم على كل شئ صار ناظر لمحمد
ماجد يناظرله نظرة امتنان شكر:ودي اقولك اسف لكنها ماتنفع ودي اقولك شكرا لكنها ماتوفى انا انا
محمد:لاتكمل خلاص انا سامحتك مو علشانك علشان المسكينه الي تنتظرك بالسياره لقت الويل والموت والتعب روح لها
وعوضها عوضها كل شئ ولاتزعلها لانها بجد ماتنعوض وفيه حبتك باخلاص تعبت اكثر من تعبك ذلت روحها بكت وصارخت جنت
روح لها بسرعه تراها ماتدري عنك
ماجد يقوم ومحمد يقوم ماجد يبوس راس محمد ونزلت دمعه حاره من عين ماجد
محمد بقلبه ياليتني مكان ماجد بس علشان خلود خلود وبس
ماجد يركض وهو مبتسم والدموع ماليه عينه والناس تناظر له يبعد عنه 3 رجال الرجال يناظرون له باستحقار
ماجد يوصل قريب من السياره يشوف وحده طايحه تأكد وعرف ان خلود لان مافيه اي بنت او حرمه راح تتجرأ تجي ذا المكان
الا خلود ماجد جن انهار مايعرف لذي المواقف يعرف يذبح يقتل يعذب وبعدها يخفي الجريمه لكن ينقذ يساعد مايدري وش يسوى
ماجد رفعها شافها هي خلود بس لاااااا مو خلوووووووود خلود اصغر من ذي
شفايفها زرقا ووجهها اصفر جسمها جدا ضعفان ووجهاا معبس وباين الحزن والاسى فيه بس ملامح خلود الاااااااااا خلوووووود
ينفجر بالبكاء ماجد وبأعلى صوت:خلوووووووود حبيتي قومي انا ماجد خلاااص تركوني عفو عني
محمد يشوفهم ويجيب مويا
ماجد يضرب على خد خلود برفق:حبيتي قومي قومي يالله انا حي مامت وبعيش انا وانتي بعييييييييد عن الناس بعيد عن العالم
محمد وصل وتفاجئ بحال ماجد اول مره يشوفه كذا منهار:خذ المويا علشان تصحى
ماجد وهو يبكي وحاط راسه على صدرها يسمع نبض قلبها:خلوووووووووووووووود مااااااااااااااااااااااااااااااااااااااااااااااااا ااتت
محمد انهبل:كيييييييييييييف مااااااااااااااااااتت يالله قومها نروح للمستشفى بسرررررررعه
ماجد منهد يبكي ويصيح بقوه بمكانه مثل الطفل:يااااااااااليتني مت ياليتكم عدمتوني يااااالييييييييت
يشيلها ماجد وهو يائس ودموعه على خده سبحان الله خده وخد خلود فيه خط من العين لتقريبا فمهم من الدموع الغزيره الي فرطو فيها
لكن قلوبهم كيييييييييييييف اكيد احترقت من الحزن واليأس والحرقه والنيران الملتهبه خوفأ على الاخر ماجد ماخاف على موته
كثر خوفه على خلود وخلود كل تفكيرها لصوب ماجد ماجد الي بيموت قدام عينها وهي ماتقدر تسوي شئ لكن هالمره بدموعها
سوت الهوايل بجد الدموع سلاح المرأءه ولا لو مانهارت كان ماعطف عليها محمد وتنازل عن القضيه ويايويلك يامحمد اذا درت امك عن التنازل
الام القاسيه لاااااااااا ليست قاسيه بل محروقه على ولدها الي مات قدام عينها مسكينه مين الي يتجرأ ويلومها ولو لو بيدها كان ذبحته
بنفسها ولا فكرت بشئ وعسى النار الي بغليلها تهدأ بعد

ثامر عرف مكان بيت اهل ساره واخذ ساره له لكن ماكان فيه احد طول العشر ايام ياترى وين راحوا وساره ماتبي تروح للحفلات
الماسخه والفاشله الي يدعون الحضاره والرقي والتطور فيها غريبه والله ساره رغم انها تحب الكشخه والحفلات الا انها
صارت تكرها رغم انها طفله (طبعا طفله عند ابوها وامها الي مسووين حالهم مراهقين) ورغم انها تسوي الي تبي على كيفها مافكرت بأي شئ
مثل الشرب و و و

ثامر وهو لابس بنظلون جينز وقميص ابيض وسلسال وكاب جينز بعد وحذاء سبورت ابيض:هااااااااااااااي
ساره تناظر له من فوق لتحت:اهلين
ثامر مبتسم على نظراتها الغريبه:شفيج
ساره:ممكن اعرف وش ديانتك
ثامر:طبعا مسلم ولا ماتدرين
ساره تقرب له وتمسك السلسال(العقد الفضي):والله مو باين عليك
ثامر عصب وبعد يدها:هاي انتي بجد اني معطيج وييه
ساره حست انها زعلته ابتسمت:لاااا ماكنت ابي اقولك اني غيرانه منك
ثامر تحولت نظرات العصبيه الا استفهام:تغارين من شنو
ساره:والله كشخه ولا كشخت بنات(كشخه يعني روعه او لبس حلو
ثامر رجعت الشراره لعينه:بجد انج سخييييييفه تشبهيني ببنات
ساره:مين السخيف
ثامر:انتي السخيفه وبعد حماره
ساره تشهق بقوه
ثامر:شفتي انج حماره وتشاهقين بعد
ساره:ماراح ارد عليك
ثامر:لان ماعندج رد
ساره:لاااااا لاني عند واحد عن عشر بطولة لسانه
ثامر بصوت هادئ:انتي ماتعرفين تقولين كلمه وحده شوفي بقولج شغله
ساره وهي زعلانه:قوووووووووول
ثامر:شوفي انتي اول وحده تعيشين معي انا حتى اهلي وأهم اهلي ماجلسوا يوم عندي ومحترميني اخر احترام
ساره بدلع:وانا
ثامر يتكلم وقلبه ينبض بسرعه:انتي انتي طـل انا عمري مانهنت ولا أحد جرحني بكلمه مثلج الله يعين اهلج عليج(يطلع
ساره تنزل دموعها وبصوت ناعم:تعال
ثامر وقف عند الباب:نعم شتبين؟؟؟؟؟
ساره:وش قصدك بكلامك ذا يعني ماتبيني
ثامربصوت هادئ:كيف يعني مابيج!!!!!
ساره وصوتها يتغير قربت من البكاء وبصوت عالي مايل للصراخ:تبيني اطلع عاااااادي اطلع مابقى في البلد الا هالولد
ثامر حس انه مخير بنعم او لأ:اييييييييييييييه اطلعي انا مابيج ومو ملزوم اصلن فيج
ساره احترقت من كلمته حست انها جارحه فوق اللزوم
ثامر طلع وقلبه يطعنه بسكاكين بس ماكان يبي يخليها تحس انها اكبر من حجمها وانها تصارخ وتشتمه وتجرحه بكل وقت
ساره تركض للغرفتها وتناظر بس مالها اي حق تأخذ اي شئ الملابس وهو هديه من ثامر وماتبيه راحت وهي مو لابسه
الا البس عادي بعد عطاها اياه ثامر لان ماعندها لبس قبل الا عاري ومفتح وماتبيه
تطلع من البيت ووهي تركض وشعرها الاسود الفاحم الناعم يلحقها ويتطاير وراها من السرعه والحزن والاهانه ترافقها

ثامر راح ورا الشجره يترقبها ساره تدري انه ماراح من الكلاب ال قدامها تنابح ساره يزيد ركضها لانها
خايفه من الكلاب الي كلما يتعالى صوتها
ثامر مقهور ومره يتكلم قلبه ومره عقله:ياربي انا شسويت كيف اخيلها تروح كيف انا اطردها بجد ماعندي سالفه وين اخليها تروح اهلها بيضيعونها
وانا شعلي من اهلها كيفهم يسوون فيها الي يبون يووه بس مسكينه تخاف من ابوها اذا عصب وابوها بزياده منحرف
ياربي شسوي الحقها وأمنعها يوووووه لااااا وكرامتي وين تروح اووف بس كيف اعيش بالبيت بروحي بس انا طول عمري
عايش لحالي ماقدر اعيش بدونها ماااااااقدر بس مااااااااحبها اكرررررررررررررهها

ساره ركض وهي تبكي ماتدري وين تروح بقلبها:اللحين وين اروح وثامر ثامر كيف بشوفه بس انا ماعلى منه هو الي طردني
هو اول واحد يطردني انا اكرهه حقرني كثير بس حتى انا كنت ارد حتى انا غلطانه مو هو بروحه بس وين اروح اهلي ماعرف
وين بيتهم ولو اعرف مو موجودين ياخوفي راجعين للشرقيه بنجن لو بجلس هنا بنهاااااااااار

تمسح ساره دموعها وهي قربت من الشارع العام
ثامر يترقبها بس من بعيييييييد قلبه يقول خايف عليها وان أحبها وعقله يقول لاااااااا انا المسؤل عنها(وقلبه وعقله في تناقض مستمر

مها وهي لابسه عباءه على الكتف علشان تاخذ راحتها اكثر بالبيت ولابسه نقاب:اخبارك عبدالله اليوم
عبدالله مبتسم:الحمدلله بوجودك صرت زين
مها:ان شاء الله دوم زين ويارب قريب تمشئ وتعيش زي قبل واحسن وترجع لسوسن
عبدالله عصب:سوسن لااااااااااا كيف تقولين سوسن
مها استغربت:لييييييييييه؟؟؟
عبدالله:مستحيل اخذها انتي شكلك ماتدرين ان السبب بالحادث هي سوسن
مها:قدر الله وماشاء فعل
عبدالله:والنعم بالله بس بالله عليك مازارتني ولا مره ولا كلمت تسأل عن حالي
مها:الا زارتك مره وحده بعد الحادث بكم يوم ناسيه اي يوم بس كنت في غيبوبه
عبدالله:بس يجون من ثالث يوم جايبين لي الشيخ قالو مانبي نعيش مع واحد مشلول هذا كلام ينقال طيب تنتظر عشر ايام
اسبوعين اسبوع ماصدقوا يصير لي حادث وقسم مقهووووووور
مها:ابدا لايضيق خلقك ماعليك منهم ومين هي سوسن لاجمال ولا اخلاق يمكن ربي خلى يصير لك حادث حكمه علشان تشوف حقارتهم
عبدالله:ايو والله معك حق
مها:طيب افتح فمك العلاج ولاتعصب مره ثانيه العصبيه مو زينه لك
عبدالله:اهلي يدرون
مها:ساره كلمت مره وانت كنت نايم بعدها لاحس ولا خبر لاخالتي ولا خالي

ساره وهي تمشئ بالشارع وكانت فاتنه ومميزه جذابه من الرغم عيونها الي صارت حمراء من الصياح الا انها جذابه
والشارع فاااااااااااضي مافيه احد الا تقريبا رجالين ثلاث وبعيييييييدين بالمره عنها ماينشافون
يقرب لها رجال روسي تقريبا طويل:Добрый вечер مساء الخير
ساره تناظر له باستحقار وتمشئ
الرجال مبتسم وباين بعيونه النيه الشينه:Здравствуйте, привет مرحبا
ساره حست برعب وخوف وضمت الجاكيت لها لان صوت قلبها بيطلع منها من الخوف والوحده والشارع فاضي اختفوا الاثنين
الرجال شاف مافيها فايده قرب لها ورفعها وشالها من ورى كتفه ساره تقاوم لكن الرجال طويل وضخم
ساره تبكي بقوه وتضربه بظهره:نزلي نزلني بليززززززززز نزلني
يمشئ الرجال ويروح من جهة الاشجار
ثامر اللحين الي شاف المنظر ساره رافعها رجال اشتعلت النيران بقلب ثامر وعيونه بتطلع من العصبيه
اخذ لوح خشبي ثقيل وراح يركض وراه
ساره تبكي وتصارخ لكن لااااااافائده وماتشوف من الدموع وقرب ثامر لهم بخفه حتى يضربه من غير مايدري
ساره تناظرله تمسح دموعها بقوه وتناظر ثامر حست بالامان وهي تشوفه وتصارخ:ثاااااااااامر تعاااااااااالي
الرجال يسمعها تصارخ بس مايدري وش تقول وبما انه مايعرف اي عربي مايعرف حتى اسمائهم بس حس ان ساره تنادي احد
اللتفت ومادري الا باللوح على راسه وفجأئه يطيح بالارض مغمى عليه
ساره طاحت حست بدوخه
ثامر يمسكها:قومي قومي
ساره تحاول تقوم:ساعدني
ثامر يقومها وتقوم
ساره:طيب يالله ننحاش بسرعه
ثامر حس بخوف وبذات انه يعرف ان هالدوله ماترحم عرب وبذات مسلمين:يالله (ركض
الرجال طايح بالارض وفيه جرح خفيف براسه فيه دم

خلود تتنفس بصعوبه ونفسها جدا ضعيف وتطلق زفرات الكل يتوقع انها الاخيره والاكسجين على انفها وفمها وجبهتها المتصدعه
من القلق الي كانت ولاتزال تعيش فيه القلق من الماضئ ومن الحاضر ومن المستقبل والقلق والخوف ان تعيش وحيده

ماجد ينتظر خروج الدكتور من الغرفه بس يبي يعرف هي ماتت ولا لأ هذا الي يبي يعرفه متوتر ويمشئ يمين ومره يسار ودموعه تنزل منهمره:يارب تعيش يارب انا ماقدر اعيش بدونها
ياااااااااارب انت طلعتني من المأزق الي كنت عايش لكن الخوف اللحين مسيطر على ياااارب ماقدر ماقدر خلود هي الهواء الي اتنفسه
لينا ياااااااااارب راحت خلود مابي تلحقها تكفى يارب ((اما محمد كان يناظر ماجد ويناظر عيون ماجد الي باين فيها الخوف والهلع والحب ماتخيل محمد ولا فكر ان ماجد راح يحب او يخاف على احد
محمد بقلبه:هذا معقول يحب ذا معقول يخاف ذا يخوف مايخاف شئ غررريب انا انكر ان فيه شئ اسمه الحب كيف هذا لا ذا مايحب ذا يعشق وهي بعد المسكينه (يتنهد) ياليتك كنتي من نصيبي
يووووووه لو امي تدري عني والله ان تتبرى مني يالله ساعدني يارب هون على يارب انا تنازلت لوجهك لاطلبت مال ولا ديه ولا غيرها

الدكتور يطلع وهو يحرك راسه بأسف
ماجد ماتحرك من مكانه طاح على طول بالارض من الهبله والصدمه ومن حركات الدكتور وشكله التي تبعث الرهبه بس ماغمى عليه
الدكتور وهو يناظر تارة لماجد وتارة لمحمد:مين الي يهمه الامر فيكم
ماجد حرك يده وبصوت خفيف:انا
محمد:ليه وش صاير
الدكتور:رجعت لها الحاله
ماجد حس براحه غررررررريبه براحه مو طبيعيه:محمد الله لايهينك قومني
محمد استغرب من ماجد كيف سفاح وحنون ماتجي بس كيف صارت اقترب محمد من ماجد ومد يده له وقام ماجد
ماجد رجوله ترتجف وقلبه طلع من مكانه من الخوف:اي حاله
الدكتور:ماتتكلم هي اذا سمعت خبر مو حلو او انصدمت بشئ ترجع لها الحاله على ماعتقد صح لان الدكتور الي يعالجها اخذ اجازه
ماجد منصدم:ايه بس الى متى
الدكتور:ذي اغرب حاله بجميع المستشفيات بس بالملف مكتوب السبب كان اعتداء عليها صح
ماجد وقلبه محروق ويتمنى ان سعود يرجع للحياه علشان يذبحه:ايه صح
اما محمد منصدم يناظر لهم ويتمنى يسألهم الفضول ذابحه وبذات اي شئ يخص خلود

ثامر وساره ابتعدوا عن المكان الي راح يضرهم لو يقربون له وصلوا للبيت ساره تركض وهي خايفه بس ارتاحت وهي تشوف البيت
ساره وقفت
ثامر وهو يمشئ لاحظ وقوف ساره التفت لها:ادري انج زعلانه والله لايلومج بس سامحيني كنت معصب
ساره:ابي اروح لاهلي بليزززز كلامك هو الصح انا كيف سمحت لروحي اجلس مع واحد غريب
ثامر:بس انا مأذيتج
ساره تبتسم بحزن:صحيح مأذيتني بس انا الي اذيتك صح
ثامر ابتسم وقرب لها:انتي وجودج والله يسعدني تفضلي البيت بيتج
ساره تبكي وتبعد عن البيت وتروح عند الشجره تسند روحها
ثامر يقرب لها وهو خايف عليها برقه:شفيج
ساره وهي حاطه راسها على رجلها المرفوعه:انت قلت انك ماتبيني ومو ملزوم فيني
ثامر:شوووووو فيج انتي كنت امزح معج
ساره:لاوالله كنت تقولها من قلب
ثامر يحاول يقنعها:كنت امززززح انتي ماتفهمين بالعربي joking هاه فهمتي
ساره:ابي اروح لاهلي
ثامر بانفعال:وانا
ساره:انت وش
ثامر باستهبال لانه مايبي يقولها برومانسيه:ماقدر اعيش بدونج
ساره مسحت دموعها:لااااا بالله عليك وانا وش تقول على يعني كيف بعيش
ثامر انهبل منها:انتي شنو وش بتعيشين
ساره يزيد بكاها لانها قالت كلمات ماكانت ولا تتمنى تقولها:الله يخليك ابي اروح لاهلي
ثامر كان قلبه ارتاح من كلامها:بس اهلج مو موجودين وانتي خابره
ساره:بروح لهم بالحفل
ثامر انقهر:خلاص يالله بس اللبسي واتعدلي
ساره:ليه وش فيه شكلي
ثامر وعروقه مشتعله شوق ونيران وحب لها:شكلج يلوع الجبد
ساره وكأنها تهدده:ترا اصيح
ثامر:لاااااااااااااا عاد الا صياحج مابيه مثل صياح الاطفال
ساره:وانت شدراك عن الاطفال
ثامر يحط راسه:ايه صح وش دراني انا لاخوان صغار ولا اقارب اعرفهم
ساره بملل:طيب هاه تاخذني للحفل
ثامر هز راسه بالايجاب:الي تامرين فيه انا حاضر
ساره تحولت من العبوس والملل الى الضحكه والفرحه قامت بسرعه:والله مشكوووووور بس خمس دقايق اعدل حالي
ثامر حزن وهو يشوف فرحتها معقول تفرح على فراقي ماصدقك بصوت عالي:للدرجه ياساره تكرهيني
ساره وقفت وناظرت له:انا انا انا اكرهك (وهزت راسه يمين ويسار بأسف ونظراتها تحكي قصة حب ووشوق طويله
ثامر يناظر لها:طيب يوم واحد اجلسي وبكره نروح صعبه اللحين شوفي الوقت
ساره تناظر فوق وتحت:امممممممممممممم بشرط
فرح ثامر:آمري
ساره استغربت من الفرحه الي تطل بعيون ثامر:بكره اروح لهم زين للبيت واذا ماكانوا موجودين اروح للحفل شرايك
ثامر تنهد علامة الراحه:اوكي خلاص الي تقولينه بيصير
ساره ابتسمت:للدرجه حياتي مهمه بالنسبه لك
ثامر يكابر:لا مين قالج بس انا احس ان حياتي مهمه بالنسبه لج
ساره تضحك:ههههههههههههههههههه ياواااااااثق مايمديني عليك انا

مها غطت عبدالله وصارت تنام قريب من غرفته علشان اذا احتاجها يناديها
مها:اطفي الليت
عبدالله:ايه طفيه بنام
مها:تصبح على خير
عبدالله:وانتي من اهله (يدق جوال عبدالله
مها تفتح فوهة الباب وتدخل:لحظه اجيبه لك(مها تاخذه وتقربه لعند اذنه وتمسك الجوال