منتديات بنوته - عرض مشاركة واحدة

06-19-2010, 03:00 AM

سعود اغلق الخط بصوت مسموع:اووووووووف وش فيه بجد مايفهم

موسى رجع لانه خايف انه يشوفه وتخرب اللعبه

العصر
عبدالله وصل للمستشفى وبيده بوكيت ورد وقاعد يصفر ماكأنه في مستشفى كأنه حكم في مبارات

الدكتور مبتسم:تقدر تطلع زوجتك اليوم
عبدالله مستغرب:زوجتي!!!!
الدكتور:مو انت قلت لنا انها زوجتك
عبدالله ضرب راسه:اييييييه صح بس انا نسيت
الدكتور يضحك:وذا شئ ينسي
عبدالله يصرفه:طيب اقدر اطلعها اللحين
الدكتور:وانا لي ساعه وش قاعد اقولك
عبدالله مبتسم:لا بس نسيييييييييييت
الدكتور:رح لزوجتك لاتنسى بعد انك تاخذها
عبدالله يضحك:امرك ياسيدي

جالسين في المزرعه والجو دافئ
مجود وخلود<<<عادي ادلعه لانها حبت ماجد هههههههه
ماجد:خلوده قلبي ماتبين نسافر شهر العسل
خلود بتردد:اممممممممم لا ماله داعي خلااااص اجلس هنا وبس
ماجد يضحك:هههههههههه وش قاعده تقولين انتي لك ساعه تخربطين اي دوله في العالم تبينها قولي لي ونسافر اليوم قبل بكره
خلود:طيب ابي اكلم خالي اول شئ ابي اعرف وش قصة لينا وبعدها لها الف حلال
ماجد:يووووووووووووه نسيت لاطلع لك رقم جوال بس اسمعي اذا بغيتي تكلمين اي احد فيه تلفون البيت تراه دولي يعني كلمي
الي تبين
خلود بملل:ايه خلاص اذا رجعت اكلم
ماجد وهو يطلع جواله:وش الي اذا رجعتي تكلمين خوذي جوالي وكلمي لك من الدقيقه الى 24 ساعه
خلود:خلاص بكلم واسال مشكوووووور والله ماتقصر

خلود تروح
ماجد:تراي برووح اتمشئ
خلود:ايه خلاص انا بكلم
ماجد:اذا خلصتي تعااااااااالي لاني راح اشتاق لك
خلود ابتسمت ونزلت راسها تكلم:يوووووووووووه ماعرف الا رقم عبدالله اوووووووووف بجد مغفله وغبيه بعد
ايه مالي الا ادق عليه

عبدالله:وهذا احلى بوكيت ورد لاحلى ورده في الدنيا
مها مستحيه(لان اول مره عبدالله يدلعها):غررررررريبه عبدالله وش الي غيرك بيوم ولليله
عبدالله:مادري بس كذا تغيرت
مها تناظر الورد ومبتسمه وتقرا الكلام المكتوب فيه الى الغاليه مها الف الحمدلله على سلامتك يالغاليه ولد خالتك وزوج المستقبل
عبدالله
يدق جوال عبدالله ينااظر الرقم مستغرب:رقم غريب خلني ارد
مها تناظر له وتغير نظراها لاخر عباره على البوكيت
عبدالله:الووووو
خلود بتردد:الو عبدالله
عبدالله قام ورفع حاجب واحد:مين مين انتي ((وهو يدري انها خلود من صوتها
خلود:انا خلود
عبدالله:ايه وش بغيتي
خلود:اخبارك عبدالله
عبدالله:والله ياخلود اخبار اهلي كلهم زينه واخر اخباري اني خطبت بنت خالتي وبتزوجها قررررررررريب وانتي اول المعزومين
مها من اول ماسمعت اسم خلود تمت تناظر لعبدالله بس ارتاحت بعد ماقهرها
خلود حست بغصبه بعد ماقالها وبصوت مبحوح:مبروك بس انا ابي رقم خالي او خالتي
عبدالله:الرقم هو +++++++++هذا رقم امي لان ابوي مسافر للخارج
خلود:ممكن تعيد الرقم
عبدالله يتكلم بببطئ كأنه يستحقرها:الرقم هو+ + + + ++ + + +
خلود:مشكور
عبدالله:ماقلتي لي اخبار زوجك ماجد
خلود:كيف عرفت ان اسمه ماجد
عبدالله ارتبك:لا بس انتي قلتي لي المره الماضيه
خلود:لا انا ماقلت لاحد
عبدالله:تكذبيني يعني
خلود:لا بس اخباري معه احلى اثنين بالدنيا بس اقولك عبدالله انا اسفه
عبدالله:تتأسفين على وش؟؟
خلود:اني رفضتك
عبدالله:عاااااااااادي والله لو مافيه هالدنيا الانتي
خلود انقهرت:باي
عبدالله ومنقهر اكثر:بااااااااااياااااااااااااات

خلود خلصت من المكالمه وقعدت تصيح من قلب رفعت نظرها لان الشمس شوي حارقه وتناظر ماجد وهو يتمشى وسط الزرع
الاخضر
خلود:خلني اكلم خالتي وأسالها عن لينا
++++++++
لارد
اعادة اتصال
ام عبدالله:الوو
خلود بصوت عالي:الووووووووووووو
ام عبدالله:هلا انا اسمعك مين معي
خلود:انا خلود ياخاله اخبارك
ام عبدالله:ياهلا خلود شلونك شخبارك
خلود:الحمدلله وانتي اخبارك
ام عبدالله:الحمدلله وانتي وينك ياخلود
خلود:انا تزوجت ياخاله
ام عبدالله:وعبدالله ولدي وين راح((سكتت تذكرت انه تبي عبدالله لمها
خلود:عبدالله يبي مها
ام عبدالله:لا كان يبيك
خلود:بس هو قالي اللحين انه يبي مها
ام عبدالله:بعد ماكلمتيه قبل تغير بس وين كلمتيه
خلود:كلمته واخذتك رقمك منه
ام عبدالله:وانتي اخبارك اخبار زوجك معك ولا تعزمينا لزواجك
خلود:والله ماعليش ياخاله زواجي صار بسرعه وبعيييييييد عليكم مابغيتكم تتعبون
ام عبدالله:تسلمين والله يابنيتي
خلود:خاله ابسالك عن لينا انا كانت لي اخت اسمها لينا
ام عبدالله تفاجئت وخافت:نعم وشو كيف
خلود:تكفين ياخاله قولي لي مالي غيرك اساله
ام عبدالله:الا كانت لك اخت اسمها لينا (سكتت
خلود:ايه وينها
ام عبدالله:انخطفت بعد ماسافرنا لمكه المكرمه بعد ماسافرنا حنا وياكم
خلود بشغف:ايه كملي
ام عبدالله:انخطفت وعمرها اربع سنوات انتي وهي تؤام امك جنت وابوك بعد انجن
خلود:بس لييييييييييه ماقلتي لي قبل
ام عبدالله:ماقلت لك وقلنا لعلي لاتقولها لانه كان يتذكر الاحداث رغم انه كان صغير
خلود تبكي:طيب ليه ماتبوني ادري
ام عبدالله حزنت:لانا فقدنا الامل بحثنا عنها لكن مافيه فايده
خلود:طيب وبعدين
ام عبدالله:انتي مرضتي اسابيع وليلك ونهارك تبكين وانتي صغيره دايمأ تبكين وتقولين وين لينا وين لينا كنتي تقطعين قلب امك بذا الكلام
خلود:كاني تذكرت ان كان فيه بنت في بيتنا اسمها لينا ونلبس نفس اللبس صح
ام عبدالله:ايه كيف تتذكرين وكان عمرك 4 سنوات
خلود:ياخاله فيه اشياء تنطبع بالذاكره ماتنسى
ام عبدالله:وقلنا لك ان هاذي بنت الجيران واهلها اخذوها
خلود:وبعدين
ام عبدالله:امك جنت صارت مثل الجنونه وتذكرين قبل دايمآ نجي لكم
خلود:ايه اتذكر
ام عبدالله::وامك وابوك قبل عشر سنين سمعوا ان فيه سفاحين ومجرمين يخطفون الاطفال في مكه ويقطعون يديهم ورجولهم
علشان يستعطفون الناس ويعطونهم فلوس
خلود:فيه ناس كذا
ام عبدالله:قبل ايام زمان
خلود تبكي:لا الى الان مو ايام زمان وبس
ام عبدالله نزلت دموعها وهي تسمع خلود تبكي:لا خلاص يابنيتي
خلود:واهلي ماتوا علشان انهم كانوا يدورون على لينا
ام عبدالله:ايه حادث وهم جايين من مكه بس ابوك وامك حاولوا يعوضونك كانوا يجيبون لك هدايا كثيره لعيد ميلادك
خلود وهي تمسح دموعها:ايه صح وكانوا يجيبون زيها وبنفس التغليف للينا حتى وهي مخطوفه مانسوها(تنفجر صياح
ام عبدالله تبكي:الله يرحمهم ويرد لينا يااااااااااارب
خلود يزيد صياحها:لا حتى لينا ماااااااااتت
ام عبدالله:لا كيف
خلود:لا بس كذا اتوقع يالله مع السلامه خالتي ماجد يناديني ((تصرف علشان ماتسألها
ام عبدالله:اجل مع السلامه
خلود:مع السلامه

تنفجر صياح خلود وتبكي وهي حاطه يدها على وجها وتحتمي الصخره الكبيره الي كانت جالسه عليها
ماتوا اهلي والسبب لينا ماتت لينا والسبب ماجد مات علي والسبب ماجد انا اكرهك ياماجد اكرهك

ماجد كان يحاول يركب فوق النخله وشاف خلود من بعيييييد وهي راميه نفسها على الصخره وراح يركض لها وهو خايف عليها

وصل ماجد وهو يتنهد من الركض يمسك خلود:خلود قلبي وش فيك
خلود تصارخ بوجه:ابعد عني يامجرم انا اكرهك
ماجد:وش فيك حياتي
خلود:ابعد عني ولا تقول حياتي لان حياتي انت الي قضيت عليها
ماجد بحزن وخوف:وش فيك قولي لي وانا مستعد اني اعدل كل شئ انتي قلتي لاتقتل احد وانا تبت وماراح اسوي اي اجرام
علشانك بس
خلود:الي انكسر عمره ماراح يتصلح ولو تصلحه راح يتعدل لكنه بيكون متشوه
ماجد بهدؤ:وش فيك خلوده طول عمرك هاديه اول مره ترفعين صوتك على
خلود:لاني كنت خايفه منك وخايفه على نفسي لكن اللحين ابعيش لمين
ماجد وهو هادئ:خلود وش قاعده تقولين انتي
خلود:ابوي وامي ماتوا علشانهم كانوا يدورون لينا ولينا ماتت بيدك واحرمتني من اخت لي وعلي مات بيدك بيدك واحرمتني من اغلى
الناس وحتى عبدالله الي كنت احبه ويحبني اللحين تركني وتزوج وحده غيري(سكتت خلود خافت انه يذبح عبدالله وحطت يدها بفمها
وزاد صياحها
ماجد:انتي تحبين واحد اسمه عبدالله
خلود:لا ماحب امزح
ماجد ابتسم بحزن:لاتخافين ماراح اذبحه انا وعدتك ووعدي بمكانه
خلود زاد صياحها:ابعد عني
ماجد ودموعه عالقه على عيونه:تبيني اطلقك وازوجك عبدالله
خلود:ايه ابيك تطلقني لكني مستحيييييييييل اتزوج عبدالله
ماجد دموعه نزلت:خلود لاتتركيني تراي بضيع انا من دونك من انا
خلود بصوت مرتفع ممزوج بصياح:انت ماجد الي اكرهه ومستحييييل احبه انت ماجد المجرم الي قتل عايلتي كلها مابقى الا انا اقتلني اذبحني اذا تبي
ماجد حس ان الدنيا تدور براسه وحس بظلام كره حاله وكانه انسان ضايع مايدري وين يروح يمشي ويروح ويجي وهو ماسك راسه
خلود تناظر له وهي تبكي وتشوف عدم توازنه
ماجد راح يمشئ ورا بعيد وصل مسافه شوي بعيده عند الزرع:خلووووووووووووود انا احبك لاتتركيني
خلود تجلس على الارض وهي منهاره صياح تكلم روحها:يارب انا وش سويت انا ليه قلت له كذا كيف جتني القوه المصايب
والصدمات هي الي خلتني اتحمل على روحي

في السياره عبدالله ومها
عبدالله:هلا خالد اخبارك
خالد ولد جارهم يحب ويمووووت في التفحيط وسواقة السيارات:ياهلا فيك والله
عبدالله:اسمع انا اللحين مشغول اكلمك بعدين
خالد:لاتكلمني ولا اكلمك ابيك تجهز شنطتك نروح للبحرين يومين ونرجع
عبدالله:اليوم؟؟؟؟
خالد:ايه وش فيك انت الساعه 1 ونص شرايك
عبدالله:خلاص انشالله عالبحرين بس مابيك تجمع خوياك معنا وعندي شرط
خالد:قل تفضل آمر
عبدالله:انا الي اسوق
خالد:انا الدرايفر
عبدالله:نو انا الي بسوق وش انا مو بايع روحي علشان اسافر معك يابو زقم زمانك
خالد: ابو زقم يتمنى اصلا يصير زيي ((ابو زقم هذا لقب لواحد هاوي تفحط كبير في السعوديه بس ابشركم تراه تاب
عبدالله:خلاص يالله باي نتقابل الليله

مها:بتسافر للبحرين
عبدالله:ايه
مها:طيب ليه تروح للبحرين مو ماليه عينك السعوديه
عبدالله:لا ماليه عيني بس نغير جو
مها:الشرقيه مثل البحرين بس الفرق ان البنات هناك يكشفون
عبدالله يضحك:وتغارين بعد لا لاتخافين صحيح بعض البنات يكشفون بس يخافون على ارواحهم زي واكثر من بنات السعوديه(((يقصد مها وطبعها
مها:يعني انام مرتاحه
عبدالله ابتسم وقلبه محروق:ايه

وصلوا للبيت

ام عبدالله عند الباب:ياهلا بمهاوي
مها وتنزل الغطوه:ياهلا بخالتي
ام عبدالله تناظر عبدالله وهي مستغربه:ترا عبدالله وراك يعني تغطي
عبدالله:لا يماه خلاص بنتزوج
ام عبدالله:بس مايصيرين تكشفين
مها وهي متفاعله تتكلم:خاااااااااله تراني توني صغيره يعني عادي بأوروبا الكل يكشف حتى لعيال خالتهم
ام عبدالله تتمهزئ:لوالله بجد يكشفون بصراحه مادرينا
عبدالله ميت ضحك على اسلوب مها الغبي والطفولي
ام عبدالله:تفضلي بس وانتي ساكته
ساره تنزل من الدرج بركض البنت مطفوقه<<<زي بعض الناس
ام عبدالله:شوي شوي على هونك
ساره تغني:على هودك انت وبس اضحك واتأنق واللبس وياااااااااااااااهلااااااااااااااا بمهااااااااااااوي الغااااااااااااليه
عبدالله حط يده على اذانه من الازعاج
ساره تسلم على مها:مهاوي وشو الي براسك
مها تلمس راسها:وش ذا الجرح
عبدالله:قولي لهم السالفه وانا بروح للبحرين
مها:اقولهم السالفه عادي
عبدالله:ايه عادي
ساره تناظر عبدالله ومها وهي مستغربه:ياهوووووووووووه ترا عبدالله مو محرم لك يوم انك كاشفه
عبدالله ضحك على اخته المرجوجه وطلع بيجهز الشنطه

عبدالله يفكر انا متعاطف مع مها ولا حبيتها وولا مجرد انتقام من هالخلود اكيد انتقام وتعاطف بعد ولا ماتوقع احبها ابد
طيب ليه بوهق نفسي بزواج ايه علشان اسكت اهلي اووووووووف بس اعيش طول عممري مع وحده مابيها
اقول اترك الكلام الفاضي الحب عد الزواج بس خلني ارتب الشنطه وانا ساكت بجد ملل

خلود هدئت من الصياح:اللحين وين ماجد انا خايفه بذي المزرعه بروحي خلني اروح له انا خايفه
وينه ايه هو راح من ذا الاتجاه تمشئ خلود والمزرعه شوي ضلام تاخذ مجموعه من الشمعات الي بقت من لليلة زواجهم
شغلت خمس شموع وهي تمشئ بالظلام تطيح شمعه بيدها وهي تبكي من الخوف تتعدى الاشجار الكثسفه وتمشئ عند الزرع
تشوف تفتح عيونها مو مستوعبه تشوف ماجد طايح على الارض وثعبان كبير اسود رايح من عنده ويتمايل من فوقه ويروح الثعبان من عنده ويبعد
تناظر خلود وهي منهده وتصااااااااااارخ لااااااااااااااااااااااا ماااااااااااااااااااااااجد لاتخليني بروحي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

خلود شافت ماجد والثعبان الاسود الكبير المررررررررررعب الملتف حول نفسه بعد ان لدغ ماجد

خلود اختبئت خلف الشجره الضخمه المثمره التف الثعبان الضخم حول نفس بعد ان ترك ماجد ملقى على الارض
تترقب مكان اللدغه وتصارخ لاااااااااااااااااااااااااااااااا ماااااااااااااااااااااااجد لاتخليني بروحي (وتروح عند ماجد وتمسكه تحاول تصحيه
مااااااااااااااجد تكفى لاتخليني انا ابيك لااااااااااااااااتخليني وتبكي بشهقات متكرره وبصوت متقطع ومرعوب ماجد قووووووم
(تناظر خلود للمزرعه المظلمه المرعبه المزرعه خاليه من كل شئ) خلود تقطع الشال الشيفون الازرق تقطع خمس قطعات
وتربط ربطتين فوق كتفه بقووووووه وتحت كتفه ربطتين باقوى ماعندها وهي تصيح ماجد قووم شكل مكتوب على الشقى
تقوم خلود وتركض تبي احد يساعدها وتصارخ تنادي
راج يعقوب (بس المشكله ماتعرف الا اسمائهم ولا مكانهم ماتدري عنه) راااااااااااج يعقوووووووووووووب وهي تركض فوق العشب
حست ان رجلها فوق شئ يتحرك ونقزت مرتين من الخوف وتركض بسرعه وهي ماتناظر وراها وين اروح يااااااارب ياربي
تكفى الا ماجد يااااااااااارب وتركض وهي تبكي وهي تبعد بيديها النباتات والاشجار الكثيفه عليها الى وصلت البيت القديم وتطق الباب لكن لامجيب ويزيد صياحها وتركض
ورا شافت مكان كأنه في نور بس بعيييييييييد والدموع مغطيه عينها ماتشوف زين وتمشئ بسرررررررعه وتنادى ماجد راج يعقوب
وتناظر ورا وفجائه تصدم بالي قدامها وهو رجال طويل مررررررعب يخوف وبذات في الليل وماتعرفه
راج يناظر لها:لينا انت مافي موت
خلود تشوفه وهي تبكي وتمسك يده:تعال قبل ماجد لايموت وتركض بسررررررعه
راج يروح وراها:وش فيه انتا
خلود وهي تعدي الاشجار:ثعبان ثعبان كبير اسود
راج بما انه عايش عشر سنين بالسعوديه فهم عليها:فين ثعبان
خلود وهي ماتقدر تتكلم من الركض:تعال هناك لماجد خل الثعبان
راج يركض وراها
خلود تدور:وينه يارب قبل شوي الظاهر هناك ايه الظاهر وتركض بالجهه الشماليه
راج يدور ويبحث ومعه الكشاف ويشوف واحد طايح وباين عليه البؤس والالم
خلود بحاله هستيريه:يووووووه مالقيته وين راح
راج:هذا بابا ماجد
تشوف خلود وتطير فرح انها لقته:طيب شيله نروح مستشفى
راج بما انه ضخم شاله وخلود تمشئ وراه/بسررعه راج بيموت
راج وهو مسرع:لاحول ولا قوة الا بالله هدؤ يالينا
خلود وهي منتهيه وحالتها حاله:بسررررررررررررعه
راج كلما تزيد سرعته ويروح للسياره الهايلوكس غامرتين (اكل الدهر عليها وشرب يعني سياره قديييييييمه)
ويحط راج ماجد ورا
خلود تذكرت انها كاشفه والطرحه الي كانت معها ضاعت في الطريق وهي تركض الفاجعه نستها الله لايبلانا بفواجع الدنيا:روح لبيت انا
راح راح وهو ساكت وصلوا لان البيت قريب من الزرعه بعد كيلوين تقريبا نزلت خلود وراح بسرررررررعه فوق
المسكينه ضيعت مكان غرفتها (طبعا من المصيبه) وشافت الغرفه الملئيه بصورها وتروح بسررعه للدولاب وتاخذ عباتها وطرحتها
تركض وتنزل تحت وتطيح من الدرج لعدم توازنها وتمشئ بسررعه وتفتح الباب الكبير الضخم وتناظر ماتلقى السياره تلقى بس
نور السياره من بعييييييييد وتصااااااااااااارخ لاااااااااا لييييييييييييييه ياااااااااارب تكفىىىىىىى الا هو ياااارب الا ماجد
وتنهار وهي جالسه صارت بحاله هستيريه وترجع ذكرياتها لأسلوب ماجد الطيب الحنون والمحروم محروم من اب من ام
من لينا حتى انااااااا ليييييييييه وش سوى لي حتى اقسى عليه وش سوى

عبدالله وخالد بالسياره طراز مادري نوع مادري موديل المهم اسمها ماكسيما باقي 30 كيلو على البحرين

عبدالله:خالد ووووووووجع هد السرعه والله انك منتحر بجد مو صاحي
خالد:اقوووووول والله انك بزر اجل سرعتي ماوصل الميتين وتقول مسرعه
عبدالله:والله انك واصل اخر العداد شف السرعه ميتين وبعدين غير ذي السياره
خالد:وش فيها السياره زينه وماناقصها شئ وبعدين ترا اسمها دلوعة البنات
عبدالله على طول خطروا بباله خلود ومها تغيرت ملامحه بعبوس:مالت على البنات كلهم هن ودلعهن
خالد:افااااااااااااا وش ذالكلام كلش ولا البنات مارضى عليهم
عبدالله:شكلك تعرف البنات اكثر من الشباب
خالد:وش دعوه لاعرف ولا شئ بس مايصير نسبهم من غير سبب
عبدالله يبي يسكته:طيب امش وانت ساكت وهد السررررررعه ولا نزلني انت فاهم ولا لأ
خالد:ريلاكس شفيك انت معصب بجد عليك حركااااااااااااااااااااات وعلشانك يلعن كل البنات
عبدالله ابتسم:لابنات بعد اليوم
خالد:ياحركاااااااااااات انت ولا دموع بعد اليوم
عبدالله:يخسون الا هن انا عيني ماتدمع لبنت
خالد:ايه خلك رجال حنا يارجال دموعنا ماتنزل ابد(((بجد شئ غررررريب الله لايجيب الدموع لكن الرجال مايحبون ان دمعتهم تنزل امووووووت واعرف ليه؟؟
اتوقع علشان كبريائهم مايقل او علشان مايهز رجولتهم بجد انا اتعاطف مع الرجال الي مايبكون ولاتنزل دمعتهم واتعاطف مع الرجال
الي اذا شافوا واحد نزلة دمعته طبعا T.v يقولون والله انه حرمه والله لايجيب الدموع يااااااااااارب لاني اخاف من دمعة الرجل اكثر من خوفي من الموت))

مها تفكر وهي نايمه على السرير وهي تمسك خصلات شعرها القصير معقول دخلت قلبه بيوم وليله آآآآه يابابا وماما لو تشوف
عبدالله والله تغير وصار يحبني وتبتسم الله يدوم ذا الحب انشالله ويصير جنون بعد فيني

خلود طايحه عند المدخل الضخم وهي تبكي وينهم وينهم ليييييييييييييييه خلاني تشوف رجال يمشى الي هو يعقوب

وبما ان خلود تعرف ان مافيه بالمزرعه الا راج ويعقوب راحت تركض له:راج يعقوب

يعقوب يناظر للي متغطيه وصوتها متقطع بالبكاء:انا يعقوب
خلود:طيب ابي روح للمستشفى
يعقوب:انتا مين
خلود:انا زوجة ماجد
يعقوب:هلا ماما وين مستشفى
خلود:كلم راج هو يعرف
يعقوب يكلم راج
يعقوب:نماسدي (مرحبا
راج:نمشكار
يعقوب:انتا في هوسبيتل
راج:اها ماجد تعبان كتيرر
يعقوب:فين هوسبيتل
راج:الالماني هوسبيتل الالماني
يعقوب:اوكي باي

يعقوب:يالله روح مستشفى
خلود:وين سياره
يعقوب:انا في روح جيبها
خلود:يالله سرررررررعه

يعقوب راج وهو مسررررررع

عبدالله وخالد في البحرين جالسين عند البحر
عبدالله:تصدق زين خليتني اسافر معك
خالد:ليييييه؟؟
عبدالله:بجد احس اني متضااااااايق
خالد:ياخي لاتشيل هم كلما حسيت بكدر اطلع سافر غير جو
عبدالله يتنهد:فيه ناس يقولون سافر اذا طفشت والباقين يقولون اقراء قران
خالد يناظر فوق وتحت:تصدق اخر مره قريت قران ايام المدرسه
عبدالله:يوووووووووه ليه لك يعني خمس سنين طيب ماتصلي
خالد:الا اصلي بس قصدي اقرا قران بجد انا مقصر(كل واحد يسأل نفسه متى اخر مره قرأ قران؟؟؟

يعقوب وخلود في السياره
خلود خايفه وممرتبكه:بسررعه
يعقوب:طيب (ويسرع بزياده

ساره على النت تقرا الرسائل الخاصه من يومين ذي الرساله
تشوف:يالله هذا المشرفه ياحليلها تبي تتعرف بس لها يومين الرساله ذي اوووووف بس مابي اتعرف على احد وش يضمن لي انها
مو ولد اوووووف بسأل مها

ساره:يامهاوي
مها وهي نايمه ومغطيه روحها في البطانيه:هااااااااااااااااه
ساره:ووووووووجع قولي نعم
مها:اووووووف مقومتني من النوم علشان تعلميني الاسلوب
ساره تعدلت:اوه سوري ماعليش بس ابي اعرف اذا طلبت وحده من النت تتعرف عليك توافقين
مها وهي فاتحه البطانيه وجالسه:يعني كيف عن طريق الماسنجر ولا التلفون
ساره استغربت منها:لا عن طريق الماسنجر
مها تناظر فوق وتحت:طبعا اعطيها عادي وش فيها
ساره:اخمدي نامي مالت عليك وعلى وجهك اصلا انا غلطانه اني شاورتك
مها:طيعيني وماراح تخسرين شئ
ساره تفكر اعطيها ولا لأ اقول خلني اعطيها وش بيضرني عادي واذا طلعت ولد حذفته ايه فكره

ساره ترسل رساله عالخاص
يشرفني اكون صديقتك ياشمس النهار وايميلي++++++++++++++
ساره قلبها يدق بقوه من الخوف وتحس برعب/اووووووووووف وش فيني انا اولم الصيحه قبل الطيحه عادي خلني اتعرف عليها

وصلو المستشفى السعودي الالماني
خلود تمشئ بسرررررعه وباين انها تايهه وضايعه ماتدري وين تروح وتروح على طول للرسيبشن
خلود:لو سمحت ماجد
الممرضه تمر من عندها:ماجد الي لادغته حيه(ثعبان)
خلود تلتفت بسرعه لها:ايه وين مكانه
الممرضه:في الانعاش
خلود تبكي:وكيفه اللحين عساه خف
الممرضه:للاسف ياستي دا حالتوا صعبه
خلود:طيب اقدر اشوفه
الممرضه:لا ياستي دالواقتي بيعملوا له مصل مضاد للسموم وانشالله بتخف حالتوا
خلود:طيب بلييزززز وين مكانه
الممرضه تلتفت على جنب وتاشر بيدها:باخر الممر الي هناك
خلود تروح وصارت مثل الضايعه وحالتها تحزن تمشئ وهي مهدوده وتمشئ بهدؤ لانها خايفه انها تسمع خبر مو حلو

الدكتور يطلع من غرفة ماجد ويتنهد
خلود جالسه على الارض بعد ماشافت الدكتور فزت قايمه:هاه دكتور وش صار لماجد
الدكتور:الله يعين يارب ادعي له بالرحمه
خلود تصارخ:وش صار له
الدكتور:لاتخافين ماماتش بس اللدغه كانت مسمومه وهوا الي الان ماصحاش اذا ماصحاش خلال أأقل من اربع ساعات للاسف
احتمال بيموت
خلود يزيد صياحها/:اقدر ادخل عنده
الدكتور:اسفه ممنوع
خلود:تكفى يادكتور الله يخليك
الدكتور:بس والله ممنوع
خلود:الله يخليك يادكتور ماراح ازعجه ولا شئ
الدكتور:خلاص بس اذا ازعجتيه راح تطلعين
خلود:مشكوووووووووور

تدخل خلود له وتشوف ملامحه الحزينه والبريئه تتذكر امس كيف كان فرحان وكيف اسعدها بالجمعيه الي باسم اخوها
والقصر الي كتبه باسمها وتتذكر كلامها القاسي له اليوم وتحس بارهاق وتعب وتبكي بزياده

جت ممرضه:انتي بتعملي ايه ممنوع الدخول في الانعاش
خلود ببرود:الدكتور سمح لي
سكتت الممرضه
خلود:عندك قران؟؟
الممرضه:آيوه في الدولاب الي قدامك
خلود:مشكوره
الممرضه:اي خدمه تانيه
خلود:لا شكرا
تطلع الممرضه
خلود فتحت المصحف وقرأت سورة الرحمن قرتها 2 مرات خلصت ودعت ياااااااااااااارب لامستجيب الا انت يارب ارحمه
بشفاء من عندك ياااااااااااااااارب يارب ياااااااااارب

وهاذي المره الثالثه وهي ترتل بصوتها الناعم الحلو الهادئ ودموعها تنزل وتناظر للساعه الي وصلت المده الى ساعتين ونص
وهو في غيبوبه

المحقق موسى:هاه بشر لقيتوه
الشرطي:سوينا بلاغ في كل المستشفيات والاسواق والمقاهي والمحلات والشركات بكل مكان
المحقق راح للريئس(وهو والريئس تقريبا اصدقاء
المحقق:اخبارك يابوعبدالله
الريئس:ياهلا فيك
المحقق:ابقولك شئ شوي خطير ومايصدق ابدا
الريئس استغرب:وشو!!!!!
المحقق:شفت الضابط سعود
الريئس:ايه وش فيه
المحقق:يعرف الي قتل علي المنتحر
الريئس قام من مكانه:وكيف انت عرفت؟؟

تحرك ماجد وتجاوز المرحله الخطيره وفتح عيونه ناظر الي قدامه خلود الي منسمجه بالقراءه ابتسم بصعوبه
خلود تناظر له تشوف مو مصدقه فتح عيونه وتحرك وترمي نفسها بحضنه بطريقه غير اراديه وهي تبكي بقوووووه

عبدالله نام في الفندق لانه شوي مرهق
وخالد جالس على النت طبعا هوايته المفضله له وبما انه هو المشرف لازم يدخل يوميا
شاف رسالة ساره وطاااااار فرح اخذ ايميلها ودخل عليه

خالد:صباح الخير ياقمر الليالي
ساره:اهلين ياشمس النهار
خالد:اخبارك
ساره:زينه وانتي شلونك
خالد:الحمدلله انا بخير
ساره:وش معني انا ارسلتي لي
خالد:اسلوبك في المنتدى عجبني
ساره:انتي وش اسمك
خالد كتب خالد ومسحه على طول:اسمي وفاء
ساره:وانا اسمي ساره<<<<<ام الغباء الي في البنات انا مادري ليه البنات صريحات؟؟
خالد:عاشت الاسامي انتي وين ساكنه
ساره:اسفه ماقدر اقولك لاني الى الان مادري انتي ولد او بنت
خالد:افااااااااااا بس انا ولد بسم الله على من العيال كلهم
ساره:طيب اخبار الموضه معك
خالد اوووووووووف هذا الي ماحسبت حسابه:الموضه ماتعجبني اهم شئ اللبس الي يناسبني
ساره:طيب انتي وين ساكنه
خالد كتب ماقدر اقولك وبعدها مسحها:ساكنه في الشرقيه
ساره:اها حلو بس تصدقين انتي اول وحده تعرفت عليها وعطيها ايميلي
خالد:طيب ليييييييييييييه؟؟؟
ساره:انا ماثق باي احد
خالد مبتسم:وانا
ساره:امممممممم انتي بصراحه ماعليش ماوثقت فيك
خالد:ليييييييييييه
ساره:مادري وش دراني ماعرفك ولا شئ انا خايفه والله
خالد:لاتخافين حبيتي
ساره:حبيتي!!!!!!
خالد:اسلوبي انا كذا اذا تبيني اغير عادي
ساره:خلاص كيفك بس انا طالعه تبين شئ
خالد:لاوينك ياسارونه
ساره:ابروح اكلي شئ جوعانه
خالد:خلاص سويلي معاك
ساره:كل شئ بحسابه
خالد:الا يالبخيله
ساره:ههههههههه معليش وفاء انا طالعه بااااااااااااي
خالد:بايات يالغاليه

اكبر دكتور فوزي:هذا اسم ماجد مطلوب من الشرطه ماجد ال
يقاطعه الدكتور الثاني:ايه انا بعرف ولايهمك انا بسوي له حراسه مشدده بعد مابنبلغ عن الشرطه
فوزي:خلاص بتنظر ايه روح بلغ
الدكتور:خلاص طيب

خلود وهي تبكي حاضنه ماجد
ماجد وهو يمسح شعر خلود:لاتبكين ياقلبي خلاص كل الي تبينه بسويه بطلقك وبزوجك عبدالله وبعطيكم اكبر قصر بالعالم
خلود تقوم عن ماجد وتحط يدها على فمه:انا مابي بالدنيا الا انت انت وبس
ماجد:بس انتي قلتي انك تكرهيني
خلود:انا بذيك اللحظه كرهت كل شئ وحطيت لحره فيك ماكان كلامي من قلب انا احبك احبك ياماجد
ابتسم ماجد وضمها بزياده:ياليتني مريض من زمان علشان اسمع الكلمه الي كنت متشوق لها من سنين وفاقدها من لينا
خلود وهي تبتسم:انا خلووووووووووود
ماجد:ادري واحلى خلود بعد ياقلبي انا احبك احبك واموووووووت فيك

مها تصاااااااااااااااااااااااااااااارخ بقووووووووه عبدالله تعااااااااااال بمووووووووت بسررررررررعه وتبكي وبعدها تاخذ حبل
وتعلقه بالمروحه وتركب على كرسي وتربطه على رقبتها ويدخل عبدالله يشوفها مخنوقه ولونها ازرق

يقوم عبدالله من النوم بصراااااااخ
خالد وهو على السرير:بسم الله وش فيك
عبدالله يغسل وجهه ويرجع
خالد:وش فيك كابوس صح
عبدالله:نمت ياخالد
خالد:لا مافيني نوم
عبدالله:طيب بطلبك طلبه
خالد:انت تامر افا عليك بس
عبدالله:ابي ارجع للبيت
خالد:متى اليوم!!!!!!!!
عبدالله:ايه اللحين
خالد منفعل:طيب ولا تدري شلون ولا يهمك يالله نرجع بس اسمع ترا الاسبوع الجاي بنرجع ونجلس اسبوع كامل
عبدالله:خلاص بس ماعليش ادري ان تونا واصلين ولا تمشينا بس اعذرني انا ميت خوف اخاف حلمي يتحقق
خالد يبتسم ويغمز له:طيب وش حلمك
عبدالله:ههههههههه تراي بالسياره

الممرضه:الحمدلله على السلامه ياسي ماجد
ماجد:الله يسلمك
الممرضه:الشال ذا لمين
خلود:لي انا
الممرضه:فيكي الخير والبركه ياست ايه اسمك انتي ياقمر
خلود:انا خلود وتقدرين تدلعيني لينا
ماجد يضحك بصعوبه من نظرات الممرضه الغريبه
الممرضه:ايه خلود والدلع لينا انتي بتزكريني بعادل امام
خلود:يووووووه اشتغل الراديو
الممرضه:لا بس انا حبيت ااقول لسي ماجد ان لولا الشال دا كان انت ميت من زمااااااااااااان
خلود:فال الله ولا فالك
ماجد:ليه؟؟
الممرضه:لان عاملين لك اسعافات اوليه
ماجد يناظر لخلود:انتي صح
خلود مبتسمه:صح
ماجد يناظر لها بكل حب وشوق وحنين
الممرضه:بس انا عايزه ااقولك حتخرج من المستشفى بعد يومين تلاتا
ماجد:لييييييييه!!
خلود:ايه احسن علشان اتطمن عليك بزياده
ماجد:يابعد قلبي والله
الممرضه:ايه دا الحب انا حروح واخليكم براحتكم
خلود:لا انتظري ابي دورة المياه لان الي هناء مقفل
الممرضه:اها صح دا مش مضبوط حنسوي له صيانه تطلعي وتروحي من عند قسم الدكاتره وتشوفي باليمين
خلود:ممكن توصليني له
الممرضه:طيب حاضر يالله تعالي

ساره ميته رعب بغرفتها يارب عسى مايطلع ولد كان بنجن اقول انا ابغير لبسي بجد مليت وبتمكيج واااااااااو من زمان
عن المكايج لي يومين يووه

خلود تطلع من دورة المياه وتسمع من عن غرفة الدكاتره اسم ماجد قلبها على طول طق بسررعه من الخوف وقررت تتسمع

الدكتور:بلغنا الشرطه ان ماجد مريض هنا بس انتوا قلتوا ان مايطلع
الدكتور فوزي:ايه ارسلت لهم الممرضه وخلاص بناخذ الجائزه علشان نسافر لمصر ونهيص

خلود فتحت فمها وراحت تركض لماجد

وصلوا عبدالله وخالد لبيتهم بعد ربع ساعه لان السواق خالد وعبدالله كان ساكت لان ماله وجه يتكلم وخايف من السررررعه

عبدالله:والله مايصير ان تتقهوى عندنا
خالد:لاوالله الوقت متاخر
عبدالله:والله ان تدخل وش دعوى

دخلوا

عبدالله وبصوت عالي شكل البيت كله نايم
ساره سمعته وهي فوق وتنزل تحت بسررعه
وتفتح الباب وهي تضحك:فددددددددددددددديت البحرين واهلها والي يزورونها بعد ههههههههههههههههههه ونتشوف تناظر
عبدالله:اقولك ارجعي بس
ساره وهي راجعه:اسفه ماكنت ادري ان فيه احد
خالد:لا عادي اذا بتجلسين عندنا بعد عادي
ساره وجهها طلع اللوان
عبدالله وهو مبتسم:اسكت لاكسر راسك
خالد يبرر:هي تاسفت وانا اقولها انه عادي
عبدالله:اكيد مو متوقعه ان معي احد لاني دايم اروح وارجع لحالي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

خلود وهي تسمع تركض بقوه وبسرررررررررعه لدرجة ان الدكاتره حسوا فيها وطلعوا

الدكتور:ياااااااااااه اكيد دي سمعت كول حاجه
فوزي:يالله وراها مو تاخدوه وتروح

خلود وبيدها الشنطه ومعها مسدس اخذته علشان تحمي روحها من يعقوب

وبصوت خايف مرتجف تمسك ماجد:قوووووووووم ماجد بلغوا الشرطه عنك يقولون بيعدمونك بسرررررررررعه قووووووم
وخذ المسدس
ماجد قام بخوف وبتعب:وين كيف
خلود:قوم نطلع مايمدينا نهرب بسررررررررررعه
ماجد قام بسرعه واخذ المسدس منها وطلع الرصاصات كلها ورماها
خلود:اانت وش قاعد تسوي
ماجد:لاتخافين بس انا اطلع الرصاص علشان ماذبح احد زي ماوعدك ويمسك يدها ويطلعون بسرعه
الدكاتره قدامهم يوقفونهم ماجد يصوب المسدس الفارغ من الرصاصات عليهم:ابعد لاذبحكم بسررررعه
خافو الدكاتره وبعدوا لانهم يدرون انه قاتل
خلود تمسك يده ويركضون في المستشفى الكبير الضخم وخلود عند الممر الايسر تطيح ويشيلها ماجد
خلود طاحت طرحتها وصارت تركض باسرع ماعندها وصلوا عند البوابه الخارجيه
المفاجئه/////
الشرطه قدامهم بس السيارات شوي كثيره ومو باينين
ماجد ينزل راسه ويمشئ وهو جالس:خلود سوي مثلي
خلود تجلس وتمشئ زيه والناس ينارون لهم باستغراب من حركتهم
الشرطي يدور ويبحث لان صورة ماجد معهم(((عبدالله عطاهم صورة ماجد لان علي ارسل له الصوره ولا مسحها نساها)))
وصلوا عند سيارتهم الهايلوكس القديمه
خلود بصوت خفيف:معي المفتاح خذه
ماجد:والله حلو عطينياه
يفتح السياره وخلود بعد

وتشوفهم الشرطه من بعيد لان خلود كاشفه والامر يدعي للشك

2من الشرطه يركضون له:وقف وقف
ماجد مسك خلود وصوب المسدس على راسها
ماجد بصوت عالي:اي حركه زياده بطلق النار عليها
الشرطي محمد:طيب وقفنا لاتلمسها ولاتئذيها
ماجد:لاتتحركون الظاهر سمعتوني
الشرطي عبدالله وقف:خلاص طيب بس وش طلباتك
ماجد:نزل الاسلحه الي بيديكم
نزلوا الاسلحه
ماجد:لاااااااااااا ارموها عندي
الشرطي عبدالله:كيف مستحيل
ماجد كانه بيضغط زناد المسدس على راسها
خلود تصاااااااااارخ:لااااااا تراه بيموتني نفذوا له كل شئ الله يخليكم
الشرطي:مين تطلعين انتي
خلود:انا اخت علي ارموا له المسدس بليززززززززززز لايموتني
الشرطه خافوا عليها رمو الرشاش والمسدس عندهم وبعدوا شوي عنهم
ماجد يقرب لهم وبيده المسدس:اي حركه او مراقبه لي تراكم بتخسرون روح جديده

ماجد يمسك خلود بقوه ويحطها في السياره:لاتتحركون سمعتوا
الشرطه واقفين وهم خايفين على خلود
ماجد مشئ في السياره وهو يضحك وخلود تبكي
ماجد وهو يمشئ بسرررررعه جنونيه:ليه تبكين حبيتي
خلود:خايفه خايفه عليك
الشرطه على طول راحوا لسياراتهم واخذوا باقي الشرطه الي يبحثون في المستشفى
ويمشون بسررررررعه

ماجد في صحراء خاليه من كل شئ تمر سياره من نوع شاحنه
ماجد ينزل ويصوب المسدس للشاحنه المليئه بالوقود
الرجال خاف وقف وهو ميت رعب

واحد سوداني اسمه ميرهاني:مالك انتا انا شو يعمل
ماجد يعطيه مفتاح السياره:خذ السياره ذي وعطنني سيارتك
ميرهاني:بس يازول شو هاذي سياره قديمه
ماجد:اقوووووووول لايكثر خذها وبتلقاها الاسبوع الجاي هنا بنفس ذا الوقت خذ السياره بس لاوالله لاذبحك
اخذها ميرهاني وهو خايف منه ومشئ بالسياره

وماجد ركب ذي الشاحنه وخلود خايفه بعد
خلود:وش الفايده طيب
ماجد:اكيد الشرطه بتدور على سيارتنا واللحين غيرتها
تمر سياره كراسيدا بجنبه وماجد يخلي السياره تنحرف بس بارادته
وقفت الكراسيدا
ماجد ينزل بسرررررعه انزلي خلود بسررعه
خلود تنزل وهي ميته خوووف
صاحب السياره يمني:ايش انتا تبغى ياشيخ
ماجد يصوب المسدس براس الرجال
صالح:ايش فيك ايش عملت لك انا
ماجد:خذ ذي السياره وعطني سيارتك ذي المقربعه
صالح يناظر السياره:بس انا ماعرف اسوق شاحنه
ماجد:عطني وانت ساكت
صالح:السياره مفتوحه وفيها المفاتيح
ماجد:تعالي خلود
صالح يمشئ وهو يتحرطم:حسبي الله عليك ياصاحب ذي الشاحنه

ماجد:يااااااااااااهوه ونااااااسه بجد
خلود:ياخوفي من اخر الوناسه
ماجد:وناسه وبس
خلود:اووووووووووف مستحيل يعني نقدر نعيش حياتنا
الشرطه وهي مشغله الويويويويويو<<<<<<ناسيه وش اسمها
تمر من عند الشاحنه ويوقفها الرجال اليمني
صالح:يأخي ساعدوني
الشرطي:بعدين نرجع لك عندنا شغله اهم
ويمشوووووووووون بسرررررعه وهم طايرين سيارتين
ماجد وخلود سمعوا صوت الويويوويو ههههههههههههههههه
وانحرف ماجد يسار وبما ان الساعه 3 الفجر مو باينه سيارتهم وهم في البر داخلينه والليل مظلم ويطفون السياره علشان مايبين شئ
من انارتها

خلود:يالله انا خايفه
ماجد يمسك يدها:لاتخافين قلت لك انا متعود على ذي الحركات يعني شئ عادي
خلود:تصدق راسي بينفجر
ماجد يبتسم:سلامتك ياقلبي
خلود:والله انك فاضي اللحين الشرطه قالبه الدنيا تدور عليك وانت تتغزل فيني
ماجد:بس تصدقين انتي تعرفين تمثلين الدور زي قبل شوي ههههههههه
خلود:يالله كذا بنعيش حياتنا
ماجد:وش فيها
خلود:مخاطر في مخاطر
ماجد:لاتخافين بتهون انشالله
خلود:طيب ليييييه الشرطه تبيك
ماجد:مادري والله بس اكيد على سالفة يوووووووووووووه خربتي الدنيا ياخلود
خلود وهي خايفه:وش الي خربته
ماجد:مو حنا قلنا انا متزوجين بنفس اليوم الي مات فيه علي وانتي اعترفتي انك مخطوفه واني قاتله
خلود تضرب راسها:يوووووووه والله نسيت اصلا ماكان عقلي معي قبل يووه اوووووووووووف اسفه
ماجد ابتسم:بس لو ماقلتي كذا كان عرفوا اني ماراح اقتلك ومسكوني
خلود وهي منزله راسها ومسنده يدها براسها:اخاف يشوفونك ويسوون لك شئ
ماجد:مثل
خلود:مادري
ماجد:يمكن يعدموني
خلود بخوف:لانشالله
ماجد:بس انا قتلت علي
خلود:وانا مسامحتك
ماجد يبتسم:ياقلبي والله بس فيه جرايم كثيرررررررره انا سويتها وتصدقين فيه واحد يحب القتل اكثر مني
خلود:مين؟؟
ماجد:تعرفين الرجل بصورة المراءة
خلود مسكت قلبها:ايه هاذا نساني طعم النوم
ماجد يغمز لها:هاذا صديقي
خلود فتحت فمها وضربته على صدره:بجد انك مو صاحي يماااااااااه يخوووووووووف بمووووووووت
ماجد:هههههههه تصدقين ذاك عمره 50 سنه
خلود:وكيف تصادق شيبان
ماجد:ذاك كان من اصدقاء عمي وادمن المخدرات من خمس سنين تقريبا وماكنت اعرف الا هو وهو الي حرضني على ذبح عمي
خلود:ماتقول اصدقاء
ماجد:اصدقاء اسم بس

الشرطه تشوف الهايلوكس القديمه وتصوب الرشاشات والمسدسات على الكفر(عجلة السياره)
ياصاحب الهايلوكس وقف قلنا وقف
وقف المسكين
ميرهاني:والله انا ماداري ليه كل دقيقه يوقفوني
الشرطه يناظرون له ويناظرون اللوحه ومو مصدقين:مين انت ماجد
ميرهاني:انا ميرهاني سرق سيارتي زول في الطريق
الشرطه:وش نوع سيارتك
ميرهاني:شاحنه كبير فيها وقود
الشرطي عبدالله:يوووووووووه اكيد الي قبل شوي خلنا نرجع نشوف قصته
محمد:يوووووووه تصدق انه شغلانه هالماجد

بالماسنجر
خالد/هااي
ساره/:هايات اخبارك وفوووووو
خالد:/مين وفووووو
ساره شكت/:وفووووووووو انتي
خالد تذكر ان اسمه وفاء/:هههههههههه بس مو متعوده اسمي بالدلع مسكينه انا ماحد يدلعني
ساره:/ههههههههه خلاص انا ادلعك من اليوم ورايح
خالد/:تسلمين ياقلبي
ساره/ماقلتي لي انتي باي صف تروحين للمدرسه ولا جامعه
خالد/لا انا عاطله باطله
ساره/ههههههه لا انا اروح للمدرسه بس شلي بفصل مليييييييت
خالد/وليه مليتي حرام عليك
ساره/بفصل انا قدمت اوراقي
خالد:/واهلك وش رايهم
ساره:/اهلي ابوي مو داري عني ابدا وامي اقنعتها بس بعد وش
خالد/:واخوانك
ساره/:ماله دخل اخوي انا حره كل ماقلنا شئ واخواني
خالد:/وش فيك عصبتي
ساره:/لا بجد الاخوان قلق
خالد/:لييييييييه؟؟؟
ساره:/قبل شوي جا هو وصديقه من البحرين
خالد فتح عيونه:/ايه
ساره:/وام الفشيله الي صارت لي
خالد:/ليه وش صار
ساره/:قلت فدييييييييييييت البحرين واهلها وحتى لي يزوروها
خالد مسك راسه مو معقول هي الي قبل شوي/:ههههههههههههههههههههههههههههههههههه
ساره/:لاتضحكين وجهي طالع طماطه من الفشيييييييييييله
خالد/:طيب وش ردة فعلهم
ساره/:مالت عليه ذا الرجال قال عادي بعد ماعتذرت وقال لو تبين تجلسين عندنا
خالد:/هههههههههههههههههههههههه بجد ماعنده سالفه
ساره/:بررررررب
خالد يفكر والله انها حلوه ذي البنت انا ورا مافكر تصير زوجتي بس مالي الا اصارحها واشووف ردة فعلها
ساره:/هلووووووو
ساره:/هلووووووووووووووووووو وين رحتي وفوووووو
خالد:/اقولك تصدقين تعلقت فيك
ساره/:حتى انا مادري ليييييه يمكن لانك اول وحده عرفتها
خالد:/طيب اقدر اقابلك
ساره/:وين
خالد/باي مكان عام
ساره:/اااااااااااااااسفه ماقدر والله
خالد/:طيب بقولك شئ وامانه لاتزعلين
ساره/قولي تراك خوفتيني
خالد/اقولك انتي عمرك تعرفتي على شباب
ساره/بسم الله على لايكون انتي متوهقه مع احد
خالد/بصراحه ايه
ساره/:ليه وش صار لاتصدقينهم تراهم نصابين
خالد/طيب بالماسنجر بس سواليف
ساره/وحتى لو
خالد/طيب ليه
ساره/لان بعد الكتابه رقم الجوال وبعد الجوال حب مقابله فراق
خالد/حتى لو صار محترم
ساره/حتى لو صار اصلا لو انه محترم كان ماراح يتعرف بنات خلق لله
خالد/طيب بقولك شئ ولا تزعلين
ساره مسكت قلبها/انك ولد صح
خالد/بصراحه ايه انا ولد
ساره على طول من غير تفاهم راحت حظرته بعدها حذفته وهي تبكي:الله يلعني لو اتعرف على احد ثاني بالمنتديات غير ذا
خالد يشوف وينها وين راحت يوووووووووه اوووووف بس عليها اسلوب والله اني حبيتها بس لازم اتاكد هي ولا لا

الشرطه تبحث وبعد ماقابلوا صالح الي مايعرف يسوق شاحنه وقالهم كل شئ صاروا يبحثون عن صاحب الكراسيدا

ماجد وخلود راحوا مشئ عند محطة البانزين واخذ ماجد علبة بانزين بعد ماطلب منهم بالطيب مو بالسلاح
ووافقوا
ماجد:لو سمحت اخوي ممكن جوالك خمس دقايق بس
الرجال:افا عليك تفضل
ماجد ابتسم:مشكووووووووووور

ماجد:الووووووو راج تعال سررررررعه للمحطة البانزين بسررعه
راج وهو قايم من النوم:اتشا بابا بس وين المحطه
ماجد:القريبه بسررررعه وبلا غباء(اغلق الخط

ماجد:تسلم والله خذ جوالك
الرجال:العفو

ماجد يروح للسياره البعيده عن محطة البانزين ويحيطها بالبانزين ويفجرها
خلود:ليييييييييييييه
ماجد:احسن خلنا ندوخ الشرطه الي مو راضين يتوبون
خلود:طيب تعال انا اسمع صوت الشرطه
يمسك يدها ويرووح على طول عند محطة البانزين البعيده عن مكان السياره ويجلس هو وخلود ورا مصلى المحطه

الشرطه يشوفون ويقربون للسياره يشوفونها محترقه
عبدالله:يالله وش ذا اللحين لازم نعرف هم بداخل السياره اموات ولا لا بس كيف والنيران مغطيه المكان

بعد عشر دقايق وصل راج للمحطه

ماجد:خلود تعالي وصل راج
خلود:والله الحمدلله
يركبون السياره

ساره ميته صيااااااااح:انا حبيت وفاء وبالنهايه تطلع ولد
مها:طيب واذا عادي
ساره:انتي تسكتين ولا كلمه كل شئ عندك عادي
مها:ماشوفك سويتي شئ غلط
ساره:الا غلط ووجود النت اكبر غلط (تقوم ساره وتاخذ اللابتوب وترميه بالارض وتضربه برجلها بقوه وتروح للمطبخ تجيب
اله حديده كبيره وتكسره بقووووووه
مها تناظر:الحمدلله والشكر بجد ناس متخلفه
ساره:انتي المتخلفه
سكتت مها لان ساره معصبه

عبدالله يدخل غرفة ساره بقوه:وش فيه
مها تعدل شعرها ومبتسمه
ساره:وش تبي انت اطلع عني
عبدالله:وش فيك تكسرين اللابتوب
ساره:مالك دخل اطلع برااااااااا
مها:بس لانها تعرفت على بنت وبالنهايه طلع ولد
عبدالله عصب:بجد كلامها
ساره تبكي:اطلع عني
عبدالله:طيب ماله داعي كل هالصياح علشان كذا خلاص عقلك براسك ولا تتعرفين على اي وحده بعد اليوم
ساره:ووانت وش الي دخلك هنا ناسي ان مها مو محرم
عبدالله انحرج:لا بس خفت ان حلمي تحقق