منتديات بنوته - عرض مشاركة واحدة - روايـــه تــوام ولـكن اغــراب فـي جامعه امـريكـيه.. (كامله)

06-17-2010, 02:19 PM

((رفعت عيونها على المرايه ... كشرت لما شافت شعرها .. بسرعه لبست عبايتها
ثم تحجبت ...
طلعت بسرعه مع السايق للمشغل وهي مقرره تفتح صفحه جديده ...
لما وصلت للمشغل ...
أختارت القصه المناسبه على شعرها اللي لما رقبتها مخربط ...
بعد نص ساعه وشوي انتهت الكوافيره من القص والاستشوار ...
تولين لما شافت شكلها كيف صاير شعرها قصير ومقصص من فوق بالموس ...
صحيح صاير روووعه بس تولين ماأعجبها ابدا لأنها تحب شعرها لما كان طويل ..
وكيف تلففه كيرلي يوميا فيطلع خياااااال ...
-(التفتت على العامله ثم قالت :~ ابيج تصبغينه لي أشقر بلاتيني ..
-(عصبت الكوافيره :~ ليش ماإلتي لي من أبل ؟؟
-(بطرف خشمها :~ ؤفففـ توني أقرر .. يالله يالله ابدي بسرعه موب فاضيه أنا ..
((الكوافيره ودها تعطي تولين كف محترم بس شافت صاحبة المشغل تطالعها بتهديد
وأنها تسمع كلام الزبونه ...
بعد ساعتين ... انتهو من الصبغه والاستشوار ..
طريقة الاستشوار مخليه الخصل اللي مقصوصه بالموس منقزه على برى ..
والقصه اللي قدام قاصتها بالمايل ...
طالع شعرها روعه خاصتا مع لمعة الصبغه ...
تولين وقفت بغرورها اللي رجع من اول وجديد ...
طالعت شعرها ومدت بوزها وهي تقول بتكشيره وكأنه موب عاجبها ..
-(الكوافيره بابتسامه :~ هاه شو رأيك ..!!
-(بتكشيره :~ يمشي حاله عالأقل كم يوم وأغير الصبغه هالبايخه ...
((رغم انو تولين ماراح تغيرها وعاجبتها .. بس نحاسه بالكوافيره ...
الكوافيره وصلت معها ... اهانه من قلب ..
دفعت تولين بسرعه ثم طلعت ...))
(( صقـــــــــــــر ...
متسند على السرير وبيده الجوال ...
يدق على ليان بس مقفل جوالها ...
-ؤفففففففـ صقر شسوات الحين ... هذي لا يكون صار لها شي وانا مدري ؟؟
انا لازم اقوم الحين مستحيل انطر لين الليل ...
((وقف وهو متجه للحمام بيبدل ملابس المستشفى ...
بعد مانتهى طلع من الحمام بس تفاجئ بوجود محسن لوحده بالغرفه ..
-(بتعجب :~ محسن ..؟؟
-(برم شفته محسن لأنه مايحب ابدا صقر ... طالعه من فوق لتحت ثم حط رجل على رجل
وقال بدون مايطالعه :~ شايف جدامك يني ...
-(مسك ضحكته :~ ؤلله والله وصارت لهجتك الامراتيه عال العال ..
موب سهل حسون ..!!
وين أبوك ؟؟
-شو بيعرفني ... قال لي دش وبرد بعد شوي ..
((بهاللحظه دخل عبدالمحسن بوجه عابس وطفشاان من بعد سالفة ليان ..
استغرب لبس صقر ثم قال :~ شلابس انت ؟؟؟
-(صقر :~ مليت ابي اطلع ...
-(محسن تدخل :~ ومين ماسكك انتا ..؟؟ بدك تروح روح الله معاك ..
-(صقر يطالع محسن :~ اقول انت يازينك ساكت انت ولهجتك الإمراني <~
((الإمراني ~> بعد التفكيك ~> الامراتي البناني ... الأخ صقر خلطهم مره وحده..))
-(محسن :~ شو شوووو ايراني بعينك ...
-(صقر كبت ضحكته ولما جى بيرد قطع عليهم عبدالمحسن :~
أنا توني طالع من الدكتور وقال لازم ترتاح لك يوم يومين .. يعني بكره
وبعده الرتاح بالبيت وماله داعي تطلع للمجان لا للجامعه ولا غيرها ..
-(عقد حواجبه وهو توه بيعارض الا وكمل كلامه عبدالمحسن بتجاهل للصقر :~
يالله خلونا نرد للبيت ...
-(صقر :~ لحظه لحظه لحظه وين ..!!! أنا ماراح الرد معكم للبيت اليوم ..
عندي مشوار وبرد بعد ماأنتهي منه ...
-(عبدالمحسن التفت على صقر بقل صبر وهو يقول بنفس اللهجه الحاده :~
صقر لا تطولها وهي قصيره .. عالبيت يعني عالبيت ..
((صقر موب مقتنع ابدا :~ قلت ماراح الرد ... أنا بدق على السايق ياخذني انت روح
مع محسن .. وباليل برد البيت ماراح التأخر ...
((محسن طفش من صقر ... عارفه انه عنيييد ... مايدري يهتم بمحسن ولا بصقر
رغم ان صقر كبر الا انه للحين بتصرفات ولد مراهق طايش ...
عشان كذا مارد عليه وهو طفشان من البدايه وموب رايق يطولها مع
صقر أكثر ...لما طلع مر من جمبه محسن وهو يطالع
صقر باحتقار ثم قال بغرور :~ بالله قبل لا تيينا تروش مشان ماتخيس البيت علينا ..
((صقر رفع حواجبه مندهش من وقاحة هالطفل ..!!! ))
((من جهة راكان ...
التفت على أمه اللي نايمه على الكرسي بشكل غير مريح ..
وقف بصعوبه وهو يتألم من ظهره ...
بصعوبه بسبب آلامه حمل بين يدينه أمه الخفيفه وسدحها على سريره ...
بعد ماغطاها بالمفرش دخل الحمام ((الله يكرمكمـ )) ..
كان لابس لبس المستشفى بحيث ظهره يكون مفتوح ...
لف يطالع ظهره بالمرايه وهو يشيل الشاش الخفيف من ظهره ...
لما شاف شكل ظهره المحترق كشر من المنظر المقزز ...
راكان ماسكر الحمام تاركه مفتوح ...
بهاللحظه دخلت الممرضه ...
بدون ماتقصد الممرضه شافت ظهر راكان
من الروعه بشكل ظهره طاح من يدها صحن الأكل ...
بهاللحظه قامت أم راكان بروعه ..
الممرضه ماقدرت تبعد نظرها عن ظهر راكان ...
راكان التفت عليها بهدوئه المعتاد ...
غطى ظهره بالشاش مره ثانيه ثم تقدم منها وهو طالع من الحمام ..
طالعها بتعالي وهو يقول بدون مايطالعها :~ نظفيه بسرعه وطلعي برآ .. والمره الجايه طقي
الباب قبل لا تدخلين ..
((أم راكان مستغربه ماتدري وش السالفه ...
راكان أخد ملابسه ثم دخل الحمام ...
-(ام راكان :~ راكان وش تسوي .. لا تلبس ملابسك .. الحروق اللي بظهرك توها ماتشافت ..
راكان أطلع .. راكان اطلع من الحمام ...
((راكان من جد ماعاد يقدر يتحمل هالكتمه بالغرفه لحاله بين الربع حيطان ...
بهمومه وضيقتــــه الكبيـــــره ...
لما طلع مسكته أمه وهي تقول :~ راكان على وين ... راكان من جدك انت ؟؟
وين بتروح ... انت يبيلك كم اسبوع زياده علبال ماتطلع ..
-(راكان بقل صبر :~ يمه أنا مستحيل أقعد أكثر من كذا ...
ومن بكره بداوم بالجامعه ... خلاص ماعاد عندي صبر أكثر من كذا ...
-(مسكته بقوه وهي ترفض خروجه لكن راكان واظح عليه
مصمم يطلع ولا يمكن يجلس أكثر من كذا ...
سحب يده ثم طلع وهو منزل راسه عشان محد ينتبه له ...
أم راكان بسرعه تغطت ثم طلعت تلحقه بخوف ...
بالشارع راكان يحس بألم في ظهره لكنه يكابر ويتجاهل الآلام ...
مسكت ذراعه بقوه وهي تقول :~ راكان ياولجي لا تسوي كذا فيك وفيني ..
انا خايفه عليك شلون تطلع وجروحك توها ماتشافت ..
-(ابتسم بسخريه وهو يقول لها :~ يمه عادي قوليها .. حروق مو جروح ...
وبعدين الحروق ماهي أكبر همي ... وش فايدة الحياه ..!!
خلاص يمه انتي الرجعي للسعوديه ولا تخافين علي ..
انا بهتم في نفسي ...
يمه تعبتك معاي بزياده ... الرجعي للرياض وأنا أعرف كيف أهتم بروحي ...
((سحب يده بقوه وبسرعه ركب مع سايقه اللي واقف ينتظره ...
ركب راكان السياره وبأمر منه :~ حرك للبيت ...
((السايق اتبع أوامر راكان ...))