منتديات بنوته - عرض مشاركة واحدة - روايـــه تــوام ولـكن اغــراب فـي جامعه امـريكـيه.. (كامله)

06-17-2010, 01:48 PM

((لما وصل ... نزل بسرعه وهو متجه لداخل القصر ...
ماأمداه يدخل الا وسمع صوت يناديه من الصاله ..
-((التفت ولقاه عبدالمحسن .. بس استغرب لما شاف ولد جالس بالصاله
من جهه ثانيه بملل ..
تقدم وهو يقول من طرف خشمه :~ نعم ...
-(يحاول يهدي روحه :~ وين كنت فيه ؟؟
-وانت شكو ..؟؟
-صقر تحجى عدل مهما كان انا اخوك الجبير ..
-واذا ؟؟ اخوي اللي يحترم رغباتي عالعين وع الراس ..
بس اللي يوقف بطريق سعادتي لا وألف لا ..
-صقر وين كنت فيه بسرعه ..
-(تقدم أكثر وابتسم بانتصار وهو يقول بطريقه شيطانيه منتصـــر :~
كنت ويى الملاج .. تملجت على حب حياتي .. بالمعنى كنت عند خطيبتي ..
وبعد يومين بس راح اساوي العرس .. واذا تبي تحظره اهلا وسهلا ..
بس اذا ماتبي براحتك ..
((ثم التفت على محسن :~ ومنو هذا الياهل ..
-(وقف محسن بغرور وهو يقول بحتقار للصقر :~ شو خصك ..!! وماتئول عني
ياهل .!! لأني بعرف شو معناتا .. أنا مو طفل عنداك .؟؟ شوف اصلا كيف
شكلك وتعى كلمني ..
((صقر كان لابس سبورت غريب رغم انه كان عند الشيخ يتملك ..
صقر مايقدر يغير ستايله مهما كان ...
موب متعود ابدا ابدا على الرسمي .. الثوب والغتره ...
صقر وهو يطالع روحه مقهور من هالبزر ابو لسان طويل ..
بس استغرب لهجته البنانيه ...
((رغم ان محسن اصله امراتي .. الا انه عايش مع أمه وأهل امه .. يعني أخذ عليهم
وبقووه بعد .. وصاير شيطاني ومغرور ))
-(صقر توه بيتكلم يرد على هالبزر بس عبدالمحسن قال :~ صقر انت من صجك
-(صقر وهو يجمع ثقته :~ أي عندك مانع .. وحتى لو عندك خلاص فات الفوت ..
((لف صقر بكل وقاحه ورقى الدرج ..
عبدالمحسن عض شفته وهو يفكر بصقر ...
نزل راسه وهو يفكر شيسوي ...
صقر وهو بيدخل غرفته لقى باب مفتوح ..
استغرب هالغرفه محد يدخلها لأنها تخص صقر وبس
فيها كا اغراضه الخاصه ... راح يطل ولقاه محسن ..
حس بقهر من هالبزر ... بسرعه راح وشد محسن وهو يقول :~ لا تتلقف
بشي مالك علاقه فيه فاهم ..!!! يالله اطلع برى ... وبعدين انتم نو ؟؟
ماناقصني غير عيال الشوام ييون ويعفسون لي اغراضي ...
-(محسن سحب يده وهو يقول بغرور :~ تروك ايدي .. ماني رايئ لك ..
والمره التانيه لا تمد ايداك علي .. ولا راح بأصى لك .. فهميت ..!!
ؤف شو غليز ..
((صقر رافع حواجبه مرتاع من لسان هالبزر ... وده يتوطى ببطنه بس مايدري منهو ..
نزل صقر تحت ولقى عبدالمحسن جالس ..
-(صقر :~ منو هذا الياهل ..؟؟
-(عبدالمحسن رفع عيونه على صقر وهو يطالعه للمده ...
ثم نطق :~ ولدي ...
-(صقر ضحك بسخريه :~ عبدالمحسن اتحجى من صجي ..
منو هذا ..!!
-(وقف عبدالمحسن ثم راح بيرقى للغرفته وهو يكرر جملته :~ قلت لك ولدي .. واسمه
عبدالمحسن ..
-(لحقه :~ انت من صجك .. ولدك ونفس الأسم بعدين اصلا كيف ومنو متى
متزوج عشان تييب ياهل ؟؟
-(عبدالمحسن مارد عليه ... بس اكتفى بكلمة :~ طلق اللي على ذمتك ..
قبل لا تنصدم بالواقع بعدين .. طلقها حدك مادخلت عليها ..
-(صقر سكت بقهر بس مارد لأنه لا يمكن
يطلق ليان اللي دفع كل روحه بس عشان يتزوجها .. وهذا يقول طلقها ..
((صقر دخل بغرفته .. بس انصدم لما شاف محسن يعبث بأغراضه ..
وصلت معه .. راح بسرعه وسحب محسن مع بلوزته وهو يقول :~
يالله يالله اشوف جدامي على برى ... ولا اشوف ويهك مره ثانيه ..
((طلعه برى بجفاشه .. حتى محسن تملل من صقر وحركاته ..
رغم ان محسن يدري ان هذا عمه .. مثل ماقال له ابوه عبدالمحسن ...
بس يكرهه مايحب عمه صقر من أول ماشافه ...
تربى عالغرور والدلال ... شي طبيعي يكون كذا ...
راح عند غرفة عبدالمحسن ثم طق الباب ..
-(عبدالمحسن :~ منووو !!
-(محسن :~ أنا ..
-(تنهد بضيقه :~ دش حسون دش حبيبي ..
((لما دخل عبدالمحسن وهو يقول وماد بوزه :~ هلئ هاد هوا عمو صئر ..؟؟
-(عبدالمحسن مسك كتوف محسن وهو يقول بحنان :~ حبيبي من اليوم ورايح
ابيك تتحجى مثلنا جذي ... امراتي لأنك انت امراتي ... موب لبناني ..
لهجة امك موب لهجتك ... يعني لازم تتعود على لهجتك الأصليه موب جذي ..
خلاص حبيبي ... وبعدين أي هذا عمك صقر ... ابيك تحترمه زيييييييييين فاهم ..
-(نزل راسه :~ بس انا هيك بتكلم .. وبعدين عمو ماحبيتو منوب ...
-(ابتسم بحنان :~ حبيبي مثلي انا .. انت ماحبيتني من البدايه بس شوف الحين ..
احنا صرنا اصحاب انا وانت صح ..
-(مارد وفضل السكوت ... بس قال أخيرا :~ طيب ممكن نام عندك ؟؟
-(وهو يخربط شعره بمزح :~ أكيـــدين حبيبي ..
يالله يالله بسرعه على السرير ههههـ ..
(ابتسم ثم انسدحو مع بعض ..
-(محسن :~ بابا ...
-(عبدالمحسن التفت بسرعه على محسن متوتر ..
أول مره يقول له محسن هالكلمه ... ومستغرب اصلا من هالكلمه ..
موب مستوعب انها تنقال له ... يتمنى من زمان انه يتزوج ويكون له طفل ..
ابتسم بضيقه :~ هلا حبيبي ..
-انا شتئت لماما ..
-لا لا قول انا اشتقت للماما ..
-(ضحك بمرح :~ انا اشتقققت لماما ..
-برافو .. حاظر اذا تبيني بكره أوديك لها وديتك ...
-(جلس بفرحه وهو يطالع ابوه :~ عن جد بابـــــــــــآآ ...!!!
-أكيد حبيبي .. هاي أمك مستحيل أحرمك منها ... يالله ماتبيني احجيلك
قصه ؟؟
-(انسدح مره ثانيه :~ بدي قصه للأولاد ..
-ههههـ شلون يعني ؟؟
-متلا قصة روبن هود ... أو قصة البطل الشجاع ..
-هههـ ولله ماأعرفهم بس ولا يهمك بكره راح أشتري كتاب قصص للأولاد
واحجي لك .. أما اليوم راح اقولك من عقلي ..
-ؤكي __^ ...
-كان ياماكان ........... كان فيه ولد مثل عمرك .. اسمه ..................................
((عبدالمحسن بدى يحكي للحسونا لقصه .. حسون شوي شوي وهو يغمض عيونه ..
أما من جهة صقر ... دق على ليان وهو متوتر ..
ليان كانت نايمه من بعد مابكت طول اليله ..
ولا ردت عليه ...))
((خلونــآ نروح للنارا ...
يزيد لما وصل لبيت نوف ودخل ...
نوف قالت بخوف :~ نارا داخل بس انت ليش ييت ...
-(بقهر :~ وانتي شلون تتجرأين وتاخذين نارا عندج ..؟؟
-(بغضب :~ وانت اصلا شك فيني وفيها ..!!
-احلفي عاد .. بسرعه ييبي نارا ..ولا قولي لي وينها ... مستحيل اخليها عندج
وانتي ادرى ليش ...
-شتقصد يعني ... نارا مهما صار بيننا نظل صاحبات وانت مالك شغل فينا ..
يالله اطلع قبل لا يي ابوي ويشوفك بييتنا .. بسرعه اطلع ..
-ماني طالع الا ونارا وياي فاهمه ... واذا على قولتج تعبانه راح أوديها المستشفى ..
-(نوف فهمت انه الولد مافي أمل منه عشان كذا فكرت لو تجلس وتفهمه كل الساله وكل شكوك
الدوكتور ...
-يزيد ايلس وانا بقولك كل السالفه ...
-اللهم طولك ياروح قلت لحم اعندي وقت اقضيه للأشكالج .. بسرعه وين نارا ..
-(نوف جلست عالكرسي اللي قدامها ثم بدت تقول له كل اللي صار وكيف وضع نارا ..
يزيد مصدوم من اللي سمعه بس انصدم أكثر لما قالت فيه آثار على
حسب اقوال الدكتور تدل ان فيه أحد معتدي ويمكن هو نفس الشخص اللي ضربها
اعتدى عليها .. يعني ماندري للحين وش السالفه بالضبط ...))
-(كملت نوف :~ ولو ودينها للمستشفى راح ياخذون الافادات .. واحنا للحين ماندري وش سالفتها هي بالضبط ..
اذا درينا نقرر اذا ناخذها أو لا ...
-(يزيد ساكت .. موب قادر يستوعب اللي سمعه ... ثم قال بشفايف ترتجف
خوف من اللي راح يقوله وبيسمعه :~ طيـ ... طيب نارا الدكتور .. مممـ .. مــآ قال
آآآ .. اذا كانت للحيـ ... ن ... بنت أو ..... لا ...
(نوف فهمت وش يقصد علطول .... نزلت راسها وهي تقول :~ مايقدر يتأكد ...
يقول لازم نوديها للمستشفى .. وبعد فيه كسر بيدها مايدري اذا هو كسر
أو مجرد شكوك ... لازم لها اشعه ...
(( يزيد جلس على الكرسي بسرعه وهو حاس ان الدنيــــا قدامه فجأه تسكرت
بوجهه .... يعني نارا ظـ ... ظاع شرفها ... بس ليش ... ليــــش ...
((يزيد وده يصارخ يسوي أي شي .. بس يبي يطلع الضيقه اللي بصدره
من اللي سمعه ...
-(نوف وهي تطالع حال يزيد اللي انقلب فجأه ... حست كيف هالشاب اللي قدامها
يحمل مشاعر كبيره للنارا بس ماقال شي ... تنهدت بضيقه ثم قالت :~
يزيد ياريت تروح قبل لا يي ابوي ويشوفك ... بعدين مدري شنو بقوله اذا شافك ..
روح واذا صار أي شي جديد (سكتت شوي ثم قالت :~ أوعدكـ اني راح ادق عليك
وأقولك انت بالذات ... وأصلا الدكتور يقول يمكن ماتصحى الا بكره ...
يعني اذا ممكن تطلع الحين قبل ابوي ...
-(يزيد وقف بهدوء ثم طلع بدون أي كلمه .....
حاس ان قلبه محبط بشكل غير طبيعي ....
البنـــــــــــــــــــــ ـت اللي أحبها راح شرفها !!!!
نارا البنت اللي حبيتها وعمري مافكرت ببنات ... تروح عفتها منها ...
ولله ياريان لو تكون انت السبب ...
ماراح اخليك عايش بهالدنيا ...
((ركب سيارته بس مارجع للبيت ... توجه للبحر ... اللي يشيل هموم الملايين
من العالم ...