منتديات بنوته - عرض مشاركة واحدة - روايـــه تــوام ولـكن اغــراب فـي جامعه امـريكـيه.. (كامله)

06-17-2010, 01:29 PM

(( نرجع للنارا وراكان ...
وهم قدام غرفة يزيد اللي للحين بغيبوبته ...
نارا وهي واقفه تطالع يزيد من القزازه برى هي وراكان ..
-(راكان بدون مايطالعها .. بس يطالع يزيد :~ تدرين سبب وجوده هنا الولد ...
-......................
-نارا انا بس ابي افهم انتي ماتحسين !!!!
-.....................
-صحيح اني ماأعرف يزيد زين ... بس اللي أعرفه أنه يتألم بسببك الحين وانتي
ولا على بالك.... أكيد مالي علاقه فيه بس لي علاقه فيك ...
-(قاطعته :~ وشنو هالعلاقه ...؟؟
-(التفت عليها يطالعها بصمت وهو بأفكاره اللي مايندرى شنو ...!!!
أبتسم عالخفيييف ثم لف على يزيد :~ أنتي تحبين أي واحد فيهم !!!
-.....................
-ريان صح ..؟
-...................
-طيب قلبك يحب ... ليش شكلك من الايمو ..؟
-...................
-انتي كذا دايم تسكتين ..؟؟
-....................
-طيب __^ ...
(سكتو شوي ثم كمل راكان :~ رغم اني بعيد عن أهلي ... بس بخير ...
لكن يزيد ...؟
-(التفتت عليه :~ شنو قصدك ..؟
-(جى بيتكلم بس سمعو صوت ناس يبكون من قلب وجايين لصوبهم ...
نارا وراكان يطالعون مستغربين ...
وحده كبيره بالسن تبكي ... وبنت ماسكه أمها وتحاول تهديها رغم انها هي بعد تبكي ..
بس الصدمه لما وقفو عندهم والأم تبي تدخل بغرفة يزيد ...
-(الأم :~ خلوني أدخل للولدي ... أبي أتطمن وهو قدامي ...
-(بصوت يقطع القلب وهي تبكي البنت :~ يمه تكفين خلاص قطعتي قلبي ...
يمه خلاص يزيد بخير لا تقلقين عليه تكفين ...
(نارا وراكان يطالعون وهم ساكتين ...
البنت التفتت على نارا وراكان ...
راكان عقد حواجبه وهو يطالع البنت ...
هذي أكيد أخت يزيد ...
((البنت فيها ملامح بسيطه تشبه يزيد ...
الممرضات وهم يحاولون يهدونهم ويطمنونهم ...
-(راكان تقدم لهم وهو يقول :~ اذكري الله ياخاله ...
-ولدي ابي ادخل عند ولدي ... ولدي يزيد هو الوحيد من بعد ابوه الله يرحمه لي وللأخته
ولدي لا يموت مثل ابوه ويتركنا ...
-(راكان التفت على البنت وقال :~ لو سمحتي اختي بس أمك حالتها صعبه
اجلسي عالكراسي وحاولي تهدينها ...
(( بهاللحظه نارا تقدمت للأم ومسكت يدها وهي تقول :~ أمشي ياخاله وياي ..
-قلت لكم ولدي اخاف يموت وانتم تبوني ابتعد عنه ... ماأقدر هذا ولدي ...
-(نارا شدت على يد الأم وهي تقول بطمئنان :~ ولدج بخير بس انتي ادعي له
يقوم بسلامه ... خالتي لا تساوين في نفسج جذي ...
(لما جلسو بالكراسي اللي قدام غرفة يزيد ...
الأم وهي تبكي بقوه وتقول :~
أنا قايله له لا يسافر ويتركني انا وأخته .. بس الا الولد عند وسافر ..
ترك دراسته وبدى من جديد في هالجامعه وأنا مدري ليه ...
-(البنت وهي تبكي .. رفعت عيونها على نارا وهي تقول :~ انتي تعرفين يزيد ..؟
-(نزلت عيونها نارا ولا ردت ..)
(راكان واقف يطالع نارا وبـــــــــــــــــــــــ ـــــــــــــس ...
راكان مايدري ليه يبي يدخل عالم هالبنت ...
رغم ان عالمها أكيد كئيـــــــــــــــــب ومظلم...
التفتت نارا عليه ...
راكان ابتسم ابتسامه بسيـــــطه ثم تقدم ومسكها مع يدها وبعدو عن أهل يزيد شوي ..
(نارا سحبت يدها من راكان بهدوء وصمت ...
-شوفي أنا الحين بروح وبرجع بعد ربع ساعه ...
-وين ..؟
-(ابتسم لها وهو يطالعها ... نارا الرتبكت ونزلت عيونها عنه ...
هالولــــــــــــــــــــ ــد نظراته تررررررررررربكـ ...
لأنها نظرات غاااامضه مو فاهمه منها أي شي ...
-ماعليك بس انتي اقعدي معهم وانشالله ماراح أتأخر عليك ...
(ثم ضحك بخفه :~ أدري انك محتاجه لي عشان توصيلتي ...
صاير راعي تاكسي لك هههـ ...
بس ولا يهمك لعيونك نصير راعين تاكسي شورانا __^ ...
(ثم راح عنها ...
نارا ساكته بس حست من كلماته ريحتها ..
أول مره تحس انها مرتاحه بسبب أحد ...
رغم ان راكان كلماته بسيطه ...
((التفتت على أهل يزيد ...
جلست عندهم وهي ساكته ...
(( نرجع للأميره ...
بمحاظرتها وتفكر بفيصل وقساوته معها بآخر لحظه معاه ...
أميـــــــــــــــره لازم تنسينه ...
ومنو يكون هذا فيصل عشان أفكر فيه ...
(رفعت راسها وهي تتنهد بقووووه وبصووت عاااالي ومبتسمه وهي تقول :~
آآآآآآآآآآآه الحياه حلوه ...
(الكل سكت ويطالعها مصدوم ... شفيها ذي انهبلت فجأه ...
الدكتور مستغرب وهو يطالعها ..؟؟
أميره نزلت عيونها وطالعتهم باستغراب ...
شفيهـــــــــــــــــــــ م ذولي يطالعوني ..؟؟؟
لا يكون فيني شي ...!!!
-نعم فيه شي ...؟؟
-(نجود نزلت راسها تضحك ... شوي الا وضحكو كل القاعه ...
أميره ابتسمت وهي تقول :~ شسالفه ضحكوني معكم ..__^ ...
-(الدكتور :~ أميره التزمي الهدوء ... موب جذي روعتينا بهاللخشه اللي خشيتيها
بدون مقدمات ...
-(أميره ماكانت ملاحظه نفسها بس للحظات حست بالوضع ونزلت راسها متفشله ...
لما انتهت المحاظره ...
أميره نقزت بتطلع ...
وقفو قروب قدامها ...
وهي تبي تطلع من القاعه طفششششت من الجلسه عالكرسي ..
بس القروب موب راضين يبعدون عن طريقها وهم يسولفون مع بعض ...
ملت منهم فنزلت راسها ودخلت من بينهم ...
القروب الرتاع منها بس لما وقفت بالوسط بينهم ...
وهي تطالع اشكالهم ساكتين يطالعونها ..
شفيها ذي فاصل عقلها اليوم ...
-(وحده من القروب قالت بغرور :~ هيه انتي بعقلج شي اليوم ..؟؟
-(ثانيه :~ لا وانتي الصداقه هذي شكلها هربانه من مستشفى الميانين ...
-(الثالثه :~ لا بتعرفو هاي البنت عن جد غبيه .. مره كان عم بيسألها الدكتور
الفرنسي وهي بترد عليه بوااات وااات .. الزاهر مابتعرف غير هاي الكلمه ...
-(الكل :~ هههههههههههههههههـ ... ههههههههههههههـ ..
-(أميره رافعه حاجب وهي تطالع اشكالهم ..
قالت بتريقه :~ هاهاهاهاهاها مرررره ظريفه هالسوريه مدري البنانيه ..
الحين انتو جذي تظحكون على هالظرافه السخيفه .. صج ماعندكم سالفه ..
(ثم طالعت البنانيه وقالت :~ أما انتي صراحه تعرفين تنكتين وتصيرين ظريفه عالآخر
ياربي بطني مغصني من كثر الضحك ... اقول لا تخليني اسدح كل فضايحج بكلاس
الدكتوره الباكستانيه ...
كيف صرتي باكستانيه رقم تو وياها ...
أقول وخرو عني بس ...
-(ولد وقف قدامها من أصل أردني ... كان وسيم بس مو مره :~
شو فيك عصبتي هيك ..!!! ماخلاص نحنا عم نضحك معاك ...
بس انتي شكلك عصبتي بسرعه ...
-أقول وخر عني يا هيـــــــــــــــــــكـ ... وخر بس ولا يكثر مسوي يتخققني
عشانك وسيـــم الآ ...
-(الأردني مقعد حواجبه :~ وسيــــم الا .؟؟؟ كيف يعني ..
-ياليييل الدلوخ ... اسمع انت وويهك .. وسيم الا .. يعني وسيم الا ..
يالييييييييييل هذا شكله دلخ موب فاهم .... ..؟؟؟
وخر بس موب لازم تفهم ...
-(واحد من أصل كويتي :~ ترى البنيه قصدها انك وسيم نص ونص ..
مثل اذا قالو الساعه ثنتين الا ربع ...
-(أميره وهي تطالع الكويتي وتصفق بطنزه :~ شطووور .. برافوووووو ...
ولله موب سهل انت ... ماتلعب ..؟؟
-(الكويتي يستهبل معها وهو يرفع ياقته :~ أفا عليج ... نحن بالخدمه ..
-(طالعته بنص عين :~ عطيتكم ويه ..
وخر بس عني .. مسوين قروب وحبتين .. اقول مناك منيك انت وياه وياها ...
(القروب مابعد وحجرو لها يبون يطلعون قرون لها ...
-(أميره تلف منا وهم يسدون عليها منا ... وقفت بطفففش وهي تقول
بدون ماتطالعهم :~ لا تختبرون صبري ترى ماهوب من صالحكم ...
تلاقونكم مستهترين فيني عشان شكلي <~ تقصد طولها وحجمها الصغييييييير ...
بس اذا عصبت عصبت ...
_ كلهم بصوت واحد :~ ؤحلللللللللللــــــــــــ ــــــــــــــــــــآآآآآ آآآآآآآآآآآآآآآ
-(الكويتي :~ ماتلعب البنت هههههههههههـ <~ يرد لها كلمتها لوول ..
-(بسرعه التفتت عليه :~ أقول انت انتبه لا تسرق كلماتي ...
-(الكل :~ ههههههههههههههههـ ...
-( الأردني :~ الضاهر الحقوق محفوووظه ...
-(أميره :~ ايييييوآآآآ عليك خرده ...
-(اللبنانيه :~ اللي بعرفو عليك لمبااه مو خرده .. وشو هاي خرده أصلا ..؟؟
-(أميره تتميع بتريقه على اللبنانيه :~ وشو هاااااااي خرده .. (وكملت بصوته
العربجي كعادتها :~ أقول انتي انتبهي لا تطيح خشتج ...
يالله بتنقلعون ولا كيف ... ترى صج موب فاضيه لكم وراي مشاغل
<~ ولازالت مصره البزنس ويمن __^ ...
-(الكويتي :~ ؤهووووووه أنتي تبين تفهمينا انج مهمه يعني هههههـ ..
-(أميره :~ هه هه هه أضحكو اضحكو تراه ينكت الحين ... اقول انت لا تحاول تصير ظريف ..
ترى حدك ثقيل دم ...
-(لبنانيه وهي تمسك يد الكويتي وتقول :~ ياريت تحترمي الفازيك أبل
ماتؤلي شي عن حموووده ...
-(أميره مصنمه تطالعهم بقرف :~ وييييييييع لا يكون الحين هذي الحين تدلع
مسويه تدافع عنك هالماصله ...أقول انتي هيه
اهجدي وانضبطي وانتي تحاجيني ... تحجي زين وعن الدلع الماصخ ترى ماحب البنات
الماصخات شوي ويميعون علي ... يقرف شكلكم بلا ..
عدلي وقفج وعن المصاخه .. ولا تقعدين تتحرشين بالولد استحي على ويهج ..
-(الكويتي يتريق على أميره وهو يحط يدينه على خده ويقول بصوت بنت تدلع :~
ياربي لاء .. مستحيل .. مستحيل ...كارلو تتحرش فيني ..
لئه مستحيل ... مش حاعد مش حاعد ... مش كل شويا بيرد عالموبايل هوآ هاهاااي ..
-(أميره :~ يارب الهمني الصبر على هالظرافه ... خلاص أنا اليوم بعتزل
كل الظريفين وبيلس ويى هالظريف ... ياخي أنت مبدع بالظرافه ..
انت ؤكي ؤكيييييي .. شكلك من أول تبيني اقولك انك ظريف
عشان تطس عن ويهي ... حبتييييييين أنت حبتيييييين ..
يالله يالله وخرو ياللـــــــــــــــه ... وانتي يالماصخه تلايطي قبل
لا أقرط براطمج أكثر ماأخوج الصغير قارطها بالباب ...
-(الكويتي ماقدر يمسك نفسه وضحك بصوت عالي على كارلو ..)
كارلو حست بقهررر من أميره انها ضحكت عليها حمد الكويتي ...
تقدمت عند أميره وهي تقول :~ هيه انتي شكلك مابتعرفيني منيح ..
بس أنا راح ورجيكي كيف هيا كارلو ..
-كارلو .. كارولو يابي هذا موب جنه اسم ولد خكري .. اقول وخري عن ويهي
قبل لا أحوس في برطمج ...
-شو هاي برتم ...((برطم))
-(أميره تضحك بصوت عالي بهبال :~ ههههههههههااااااي ... هههـ برتم تقول برتم ..
ههههههههههههههه الحقو ياناس خلاص انا بموت ولله بموووت ..
واحد مسوي نفسه ظريف والثانيه الا تراني ناعمه ...
وخري لا اشوتج ترى عاد صج حامت جبدي منكم .. وخـــــــــــــري ..
(كارلو دفت أميره عالخفيف من كتفها وهي تقول :~ ماتطولي لسانك علي ..
(أميره وقفت شوي وهي علبالها تستوعب حركة كارلو لها .. التفتت على كارلو :~
انتي مستوعبه انج دفيتيني !!!
-هاهاا ... أي مستوعبه ونص كمان ..
(أميره شدتها مع قميصها بقوه وهي تصرخ بوجهها :~ هييييييييييييييه
انتي واشكالج مايمدون يديهم علي ...
الظاهر تبيني أراويج ويهي الثاني وأتوطى في بطنج يالمايعه ..
(القروب بعد عنهم شوي .. الكويتي ابتسم على المنظر اللي قدامه ...
وأميره خاشه مزاجه بشخصيتها القويه ...
يطالع أميره بحماس وهو مبتسم ...
(كارلو تحاول تفك يد أميره عنها بس ماقدرت ...
أميره وهي مقربه وجهها مرره من وجه كارلو وتقول بنفس الصراخ :~
ونص هاااااااه ونص .. يالبزره ماعاش من يمد يده علي .. تييني انتي على
تالية عمري ...
-هه ليش عجوز انتي هههههااااي ..
(أميره شدت شعرها بقووووه على ورى وهي تقول :~ عيدي بالله كلمتج عيديييي ...
-آآآآآآآآآآآآآآآه تركي شعري شو مجنوناااه انتي ... لك فكي شعراتي آآآآه ..
(البنات وهم يحاولون يمسكون أميره المتوحشه ... أميره دفتها بقوه وهي تقول :~
اصلا شعرج كله حبتين ... مصاله فيها ياسبحان الله .. الا بتساوي روحها قويه ..
(أميره دفت اللي قدامها ثم طلعت من القاعه ...