منتديات بنوته - عرض مشاركة واحدة - روايـــه تــوام ولـكن اغــراب فـي جامعه امـريكـيه.. (كامله)

06-17-2010, 01:05 PM

الســــــــــــآعه تقريبا 4 العصر ...
بنفس المكان اللي تواعدو فيه ...
العنود موب مصدقه انها راح تشوف فيصل واخيرا ...
وهم بالسياره ...
-العنود :ْ~ يييااي وربي موب مصدقه اني راح اشوف فصوووول ..
-العنووووووود لو داريه بتنقين فوق راسي جذي جان دورت احد ثاني غيرج ...
-يووه منج منى تدرين شكثر امووت على فيصل وهالمره صج صج ماراح اهده يضيع من يدي مره ثانيه ...
-طيب خلينا نشوفه بالأول ولكل حادث حديث __^ ...
(بالكـــــــافي فيصل جالس وهو يشرب له كوب كافي ...
لما التفت على البنت اللي توها داخله وتدف عربية منى ...
نزل عيونه على منى وابتسم ابتسامه كلها شوق للأخته ...
وقف وبسرعه تقدم لين عندها وهو يقول :~ شرايج بس اسلم ولا أشيلج وأدور بج بالكافي كله عشان يمكن
اعبر عن فرحتي بشوفتج __^
-هههههـ لا وين تشيلني اصلا ماراح اسمـ ....
(مامداها تكمل كلمتها الا وهو يشيلها بسرعه ويقول :~ تتحديني شكلج مو (ثم غمز لها وهو يضحك )
-(بصوت واطي وخجلللاااانه :~ فصول عفيه نزلني شوف كيف اناس يطالعونا ..
-طيب خليهم يطالعون ماساويت شي غلط .. بعدين شوفي عدل واللي يعافيج كلهم اجانب
من بنفرق عنده عشاني شلتج ..
(لف وراح صوب الطاوله ولا كأن معهم العنود ابدا ..
ماعبرها ..
طنشها ...
تجاهل وجودها ...
العنود نزلت راسها بضيقه من فيصل ..
وهي اللي يمكن مشتاقة له اكثر من منى وداخله وهي كلها شوق وفرررحه بشوفته ...
لكن مثل ماهو ماتغير .. ابدا مايعبرها .. ويمكن هالمره بالزياااده بعد حتى ماطالعها ..
لما جلس منى على الكرسي وهو يقول :~
يالله الحين انتي بس آمري تدللي ..واعتبري كرسيج هذا اللي جالسه عليه ..
كرسي ملكي ... تامرين وتنهين عندنا فيه ... يالله تحجي قولي كل اللي بخاطرج ...
فصول المطفر بيحاول ينفذ لج كل شي ههههـ ..
-ههههههههههههـ الحين وش تلمح بجلمة مطفر ... ولا يعني يامنى افهميها ترى ودي انفذ لج اللي تبين بس
جيبي فاضي ... هههـ عيل وش له عازمني ...
-ههههـ اتغشمر وياج بسم الله هذي انتي علطول تاكليني بقشوري اذا تغشمرت وياج شوي ...
-(العنود وقفت :~ ممكن اجلس ..
-(منى طالعتها ثم طالعت فيصل اللي مالقاها وجه وقاعد يطالع المنيوم بيده وهو مبتسم ...:~
العنود شفيج واقفه جلسي ...
(تنهدت بضييييقه ثم جلست جمب كرسي منى ...
-(منى متوتره من الجو اللي بين العنود وفيصل ...
$$ مداخله __^ ... بالحقيقه انا لا أرى بأن العنود قد أخطئت بحق فيصل ..!! $$
$$ مارأيكم بما اقوله .. اليس صحيح ...$$
$$ ؤه يبدو انني انقلبت ضد توأمنا مرة اخرى هاهاها ..$$
-(فيصل يطالع فوق وهو مبتسم بخبث :~ عيل اشوا انج لاحظتي ياكاتبتنا نوني __^ ...
-(منى وهي تطالع العنود:~ العنود شفيج ..!!
-لا ولا شي ..
-(فيصل رفع عيونه على منى وهو يقول :~ هاه شنو طلبتي ..؟؟
-أممممـ ولله مدري أي شي من ذوقك انت والعنود عادي ماتفرق عندي .. آكل أي شي انا ...
- أح وانتي للحين تزرطين بهالأكل ولا تسمنين ..!!
-لا ولله .. احلف عاد .. اسكت اسكت لا اطلع فضايحك الحين جدام العنود ..
-(بثقه :~ عادي قولي ماتفرق عندي ...
-آآآهـــــآآآ تذكر مين اللي بذاك اليووم انا كنت شاريه من السوبر ماركت علبه كبيره ايس كريم شوكلت
ورغم اني خبيتها عدل بالفريزار الا اني يوم صحيت من ثاني يوم مالقيتها ..
ويوم سألتك قمت تضحك يالمشفوط .. (ابتسمت وهي ترفع بحاوجبها يقالها فضحته الحين ..)
-(فيصل هز كتوفه بعدم اهتمام :~ هاهاااي عادي ماطاح ويهي ... بالله لقطي خشمج ههههـ ...
(العنود نزلت راسها وهي كاتمه ضحكتها على هبال فيصل وهو يحارش منى ...
شقد تحس انها اشتاقت لمزحه ...
فيصل انتبه عليها .... بس علطول تغاضى عن الوضع وهو يقول :~ يالله خلصي ترى ماطلبتي شي
للحين ... ولا ترى بنادي القارسون ...

$$ حسنــــا للنترك الآن فيصل مع أهله وللنذهب الى ليان ...$$

ليان وهي توها ماخذتلها شاور ... والأول مره تحس من جد براحة الشاور ...
انسدحت على السرير وهي تطالع السقف الفخم وبقلبها تفكر بتعجب ...
ليان شوفي حالتج وين وصلت بج ... تحت سقف فخم بين زوايا أروع وأروع ...
من جان يتوقع اني راح اسكن بهالشقه الروعه ...
(سمعت صوت جرس الباب ...
وقفت وهي لابسه الروب وراحت تفتح ...
-منو ..!!!
-(عامل مرسول من صقر :~ أنا من طرف صقر هوا فيه قول انا اعطي انتي هازا صندوق ...
-خلاص انت اتركه ورح ..
-حازر مدام ...
(لما حست انه راح فتحت الباب وبصعوبه سحبت الصندوق للداخل ...
لما فتحته وهي مستغربه وش يكون جواته ...
لقت كتب ودفاتر ...
وفيه ورقه سودآ .. استغربت وش ذالورقه اسودآ ...؟
لما فتحتها لقت مكتوب فيها بقلم ابيض ... ابيض أول مره تسمع ان فيه حبر ابيض ..
سلكت للموضوع وقرت مايلي :~
انشالله مرتاحه وكل أمورج تمام ..؟
عموما حبيت اقولج تجهزي لأني بمرج الساعه خمس العصر نروح للسوق ...
وعندي خبر لج أكيد راح يعجبج ...
عالساعه بالضبط خليج جاهزه مانبي نتأخر لأن ورانا يوم طويل ...
صقر ....
(استغربت وش يبي منها ..ّّّ!!!! ..
طالعت الساعه 4 ونص يعني بعد نص ساعه بيمرها ...
قررت انها تدخل غرفتها وتنام لأنها ماتبي تطلع معاه كفايه بعد الزواج ماتدري شلون بتتحمله هالكريه ...
شغلت المكيف ثم طفت اللمبات وتغطت بالفراش وغمضت عيونها رغم انو مافيها النوم ...
بعد نــــــــــــــــــــــــ ص ســـــــــــــــــــآعهـ ...
صقر وهو باللفت متحممممممس ويعدل شكله بالمرايه وهو مبتسم ...
رفع يده يعدل شعره اللي ممشطه على ورآ بالجل بما انو شعره طويل شوي ...
فتح الباب وطلع وهو كله حماس وفرحه كبيره ...
رن الجرس ...
مره ............................. مرتين ............ 4 .....6 ................22 .....
مافي أحد رد ....
ليان بالداخل وهي تسمع الجرس بس ماسكه فراشها بقوه وهي خاااااااايفه ماتدري ليه حاسه انه بيدخل عليها
اذا عصب من حركتها ....
(صقر حركته لما توصصصصصصصل معه ... يحرك فكه وهو يفرك بأسنانه ...
يحاول يضبط اعصابه ويرن مره ثانيه ...
ليان خلاص ماعاد تقدر تتحمل خوفها اللي بقلبها ...
نقزت بسرعه وهي رايحه صوب الباب وتقول بصوت متوتر :~ دقايق بس انطرني ...
(صقر لما سمع صوتها ارتاح شوي عالأقل انها ماسحبت عليه ...
ليان ماتدري وش تلبس لأن مافيه غير هالبجامه اللي عليها أو الملابس لما مسويه روحها ولد ...
حست بقلبها يعورها لما تذكرت هدية عبدالمحسن .. النظارات .. يؤ شلون انا نسيتها بالبيت هذاك ...
حتى عبايه ماعندها .. لانها كانت راجعه بملابسها علبالها ولد ...
فقدت الأمل ماتدري وش تسوي ...
رجعت توقف عند الباب وهي تقول ...
-مالقيت لي لا ملابس ولا حتى عبايه ...
(صقر وهو ماسك العبايه بيده ابتسم :~ طيب انتي فتحي الباب من الأول وكل شي بيكون تمام وخلي عنج
العناد ... لين متى بتم واقف جذي جدام الباب يعني ..!
(ماودها تفتح ابدا بس الظاهر غصب عليها ..
لما فتحته وهي منزله راسها ... وكانت البجامه وااااسعه لانها بجامة صقر ...
جاي شكلها ضايعه بهالبجامه ...
لأننا عارفين انو حجم توائمنا صغيره شوي وطولهم عادي ....
صقر يحاول يمسك ضحكته بس طلع صوت واظح وهو منزل راسه مايبيها تشوفه
او تحس انه يضحك ...
ليان رفعت عيونها عليه مقهوره .. بعد يضحك ...
-(نزلت راسها وقالت برزانتها المعتاااده وثقلها :~ ماقلتلي شسوات ..؟
-(صقر استحى على وجهه علطول لما تكلمت ليان ...
مايدري ليشه البنت صاير يستحي قدامها ويحس نفسه بعض الأحيان بزر عندها بحركاته ...
رزانتها هي اللي جاذبته وثقلها ...
-(مد لها العبايه وهو يقول :~ لبسي العبايه فوق البجامه ...
(حس ان ليان الظاهر ماراح تاخذ منه العبايه .. عشان كذا تقدم هو بنفسه ولبسها العبايه ..
ليان مصدومه من حركته بس ماتدري وش تسوي ... كعادتها من الخوف تجمد مكانها ...
جلس قدامها وهو يسكر أزرة العبايه من قدام ..
-(مد يده لليدها وسحبها طالعين برى ...
ليان ماتحملت يده على يدها ...
سحبت يدها بهدوووء وهي منزله راسها وتمشي جمبه ...
صقر سكت ولا قال شي ...
دخلت هي باللفت وهو بلفت ثاني ...
(ركبو السياره وهي كالعاده تجلس ورى بدون ماتشاوره ...
يحس نفسه غلط وهي ورى كنه سايق ...
بس عشان ليان راح يتحمل ويسايرها لين ماتحبه ...
تحبـــــــــــــــــــه ...!!! تتوقعون جد بتحبـــــــــــــهـ ..؟؟ طيب نشوف ...............