منتديات بنوته - عرض مشاركة واحدة - لاقلـــــت أحبــــك إسـكتـــي وإحــضنــيني ..

06-16-2010, 02:53 AM

وريف دخلت وطلعت غرفتها تطقطق عالنت شوي .. حست بالملل والطفش .. يمكن لأنها تعودت على بنات عمها .. نزلت لأمها :هايااات
ام وريف :هلا والله
وريف تبوس يده أمها : يوووه يمه ملل..
ام وريف:روحي لبنات عمك .. ولا خليهم يجون البيت بيتهم
وريف: احس اني لزقت لهم بقوه خخخ
ام وريف : وش هالحكي يابنيتي .. بيت عمك مافيها شي .. وهم طيبين ماشاءالله ..
وريف: يعني اروح؟؟؟
ام وريف: روحي بس وين زياد؟؟
وريف : زياد راح البر نسيتي؟؟؟ انا ابتصل على لمياء ترسل راجو
ام وريف : مايصير تركبين معه بلحالك
وريف: ابقول لها ترسل معه أحد
ام وريف : زين أجل

طلعت وريف جوالها وتدور أسم زياد واتصلت عليه
زياد اللي كان جنب عبدالعزيز دق جواله بحضنه ناظر بالإسم (((وريف)))
عبدالعزيز عيونه قد شافت الإسم ..حاول يخفي إبتسامة الفرحه .
زياد: هلا وغلا
مستوى الصوت بجوال زياد كان عالي يعني كلام وريف يسمعه عبدالعزيز
وريف:هلا فيـــــــــك ..هاه وصلت؟
زياد:إيه وصلت
وريف : اشوى إن المكان فيه شبكة جوال
زياد :ايه اللي إختاره عبدالعزيز
وريف أرتبكت من طاري عبدالعزيز :اهاا .. هو معكم؟
زياد ابتسم : ايه ايه
وريف : طيب امممممم
زياد: وش فيك؟؟
وريف نست ليش هي متصله من الإرتباك : إممممم كنت بقووووول
زياد كاتم ضحكته :ايه وش بتقولين
وريف:إصبر اتذكر تعرفني أنسى كثير
زياد:إيه تنسين؟؟؟يجيب الله مطر
وريف فهمت قصده :يالدووووووووب الشرهه موب عليك عاللي متصله تستأذن منك
عبدالعزيز وده يتشقق من الفرحه والوناسه
زياد: تستأذنين؟؟؟ ليش؟
وريف :ايه صح تذكرت .. ابي اروح عند لمياء وشيماء
زياد: من يوديك؟
وريف: راجو يجي ومعه وحده من البنات
زياد: بعبط :لاااا
وريف تترجاه: تكفــــى الله يخليك.. واللي يسلم عمرك .. إذا مو عشان خاطر إختك المسكينه الطفشانه ..عشان خاطر لمياء اللي بتبكي من الطفش
زياد يستهبل :ايه اذا كذا روحي
وريف إنقهرت : يعني انا بالطقاق بس الست لمياء تهمك
زياد بيزيد عصبيتها : اكيد الناس مقامات
وريف حست انها بتبكي من القهر : انا اسفه عالإزعاج ومشكور انك علمتني قدري
وقفلت بوجهه
زياد إنفجر من الضحك :ههههههههههههههههههههههههههههههههههههههههههههههههه ههههههههه
رجع يتصل على وريف بس هي ماترد عليه
زياد: الا ماقلت لي يا عامر راجو فيه؟؟؟
عامر :راجو ليش؟؟؟؟
زياد: وريف متضايقه وابي ترسلون لها راجو يوديها بيتكم
فيصل ناظر بعبدالعزيز يشوف ردة فعله
عبدالعزيز إبتسم لفيصل اللي ضحك بسرعه
محد فاهمهم
عامر : ثامر عطني جوالك
ثامر : ليِش؟
عامر :تعرف جوالي مايتصل الا بالسبيكر خربان
ثامر : ولا قصدك تبي تمسح الصوره اللي يوم انك نايم وفاتح فمك؟؟
عامر: والله مانيب ماسحها بس عطني اياه بكلم لمياء
ثامر : اسف
عامر : مالت عليك
اتصل على لمياء وهو يدعي ربه ماتستهبل كعادتها
لمياء اللي شافت الاتصال ردت على طول
لمياء: الدكتور عامر بيه الباشا متصل بجلاة قدره
سعد : والله مانتي بصاحيه
لمياء : سعد؟؟؟ وش فيك متصل من جوال عامر عسى ماشر؟
عامر : الله يفشل ابليسك انا فاتح السبيكر ..قولي لي راجو موجود؟؟
لمياء بأدب :إيه
عامر:أرسلوه لوريف
لمياء : ليش؟
زياد تكلم :لالالا وريف ماتركب مع السواق بلحالها
عامر :اجل روحي معه جيبو وريف
لمياء سمعت صوت زياد وحقدت على خبالها
زياد قاطعهم : لالا ولا لمياء ماينفع البنت تركب مع السواق بلحالها
لمياء حست انه قال كذا خايف عليها .. شعورها ماينوصف ..
عامر بطفش :ماعرفنا لك يالأخو
لمياء :نرسل صبا؟؟؟
عامر:ايه ارسلي لها صبا
لمياء : اووووكي
عامر : يالله سلام

قفلت لمياء من عامر وراحت لغرفة صبا اللي صارت تعاقبها وماخذه مفتاح الغرفه منها بعد ماكشفت عندها أفلام خليعه
دخلت لمياء الغرفه وصبا سرحانه كالعاده
لمياء :انتي ياقليلة الأدب
صبا ناظرتها من فوق لتحت
لمياء: قومي البسي عباتك وروحي مع راجو
صبا بإستهتار : وين ؟؟؟ لسجن أبو غريب؟
لمياء : ودي ضربك لين تموتين ياقليلة الادب قومي اذلفي لبيت وريف جيبيها
صبا كان ودها تعاند بس يوم سمعت اسم وريف قامت تلبس عبايتها

وريف من قهرها كانت تبكي.. مو سهله حركة زياد.. سمعت صوت رساله فتحتها بعد مامسحت دموعها
((والله ماغيرك سكن داخــــل الــــــروح

... ولاغيرك انتي وســـط قلبي وعيني

والعاشق اللي يعشق بصدق مفضوح

... لو جا يرد الشـــــوق لازم يبينـي))
وريف : يووووه ودي من كسر جوال هاللي يرسل على راسه ..أنا بوادي وهو بوداي..

وصلت صبا للبيت وفتحت لها وريف الباب
وريف استغربت ..صبا؟؟؟ وش جابها ؟؟
صبا: سلام عليكم
وريف بإبتسامتها الطيبه :هلا صبا تو مانور البيت
صبا بإبتسامه :الله يخليك تسلمين.. انا جيت عشان آخذك للبيت مع راجو
وريف : ياشيخه تعالي شوفتك تسوى الدنيا ومافيها تعالي أوريك البيت ولانسيتي ان بيتنا جديد
صبا تفاجئت وصارت على راسها 1000 علامة إستفهام
وريف لاحظت إستغراب صبا
وريف : ولا ماودك؟؟ ترى عادي
صبا ضحكت :لاعادي يالله
طلعت وريف ومعها صبا .. توريها غرف البيت اللي أغلبها مظلمه .. وأخيراااا وصلت لغرفة وريف
وريف :عاد هنا أبي رايك بكل صراحه
صبا ابتسمت :ان شاء الله
دخلت صبا وشافت وريف بكل زاويه ..فجأه شهقت :هذا عمي عبدالرحمن؟؟
وريف دمعت :إيه الله يرحمه
صبا :آمين ..
وريف :واللحين خلينا نجلس بغرفتي
صبا :بس العله لمياء اللحين بترجني
وريف: خليك من لمياء ..اتركيها علي
صبا : اوكي
وجلست صبا على سرير وريف ونزلت وريف تجيب لها شي تشربه ..
صبا دق جوالها طلعته وابتسمت يوم شافت الإسم :هلا
صبا :بخير وانت شخبارك؟
صبا:انا في بيت بنت عمي
صبا: تشوفني؟؟؟
بهاللحظه وصلت وريف للباب وقبل تدخل تراجعت
صبا :ههههههههههه لالا ياحلو انا بنت خالد مو كل من هب ودب شافني
صبا : تغار علي؟؟؟ لا لا تطمن
وريف انصعقت باللي سمعته... صبا تكلم شباب؟؟؟؟ افااا وين الرقابه ...على كثر إخوانها وخواتها .. ياربيييييه ثالث متوسط وتكلم شباب ..
وريف تنحنحت عشان تنتبه صبا وتقفل .. وفعلا قفلت المكالمه بدون ماتقول مع السلامه
دخلت وريف تتأمل وجه صبا الطفولي.. وشلون يطلع منها هالشي .. صح إنها مو صغيره بس بعد مو قد هالبلاوي..
صبا : وش فيك؟
وريف طرت لها فكره: لا بس وحده من صديقاتي بمشكله وشايله همها
صبا : مشكله ؟؟ وش مشكلته؟؟؟
وريف : بس اوعديني محد يدري
صبا ابتسمت : السر اذا جاء عندي يموووت
وريف: هي كانت تكلم شباب ..
صبا ارتبكت ملامحها ..
وريف كملت : ويعني هي ماعمرها طلعت معهم .. او قالت لهم بيتها .. بس الشيطان أشطر ((هنا صبا تعقدت حواجبها وكملت وريف)): سجل الولد صوتها وهددها فيه
صبا شهقت : يعني من جد الكلام اللي ينقال؟؟؟؟
وريف استانست انها جات عالجرح : أيــــه الله لايبلانا وقال لها لازم تجين عشان اعطيك التسجيل ..
صبا خافت : ووش سوت ؟؟؟
وريف كملت : راحت له .. وليتها ماراحت
صبا دمعت عيونها : وش صار؟؟؟
وريف : صار اللي صار ..
شهقت صبا
وكملت وريف : وطلع الكلب مصورها فيديو
صبا صرخت : بسسسسسسسس تكفين لاتكملين
وصارت تبكي
وريف سوت نفسها غبيه :انا اسفه بس انا شايله همها وقلت أفضفض لك
صبا تحاول تمسح دموعها بس الدموع اقوى منها ..
وريف : يوووه سامحيني نكدت عليك يالله قومي غسلي وجهك بنروح للمياء قبل تزعل
صبا بإنصياع :طيب
قامت وريف تلبس عبايتها وصبا غسلت وجهها عشان مايبين عليها آثار البكاء
طلعو مع بعض ومرت وريف على أمها عشان تسلم عليها صبا وعشان تعلمها انها رايحه
دق جوال وريف
وريف: هذي أكيييييييييد لمياء
صبا : يووووووووووووه
وريف : ههههههههه
طلعت جوالها من شنطتها وشافت المتصل زياد
ردت عليه بدون نفس : نعم؟؟؟
زياد بيضحك بس خايف تعصب وعبدالعزيز جنبه وجهه صار كله آذاني
زياد: السلام عليكم
وريف بطفش: وعليكم
زياد : وش فيك؟؟؟
وريف : وش تبي؟؟
زياد يتكلم بشويش عشان الشباب لايسمعون : زعلانه؟
وريف : خلصني وش تبي؟
زياد : بتروحين لها؟؟؟؟
وريف تبي تقهره :إتصلت على فجر وبتجي هي وأخوها ياخذوني
زياد وصوته للحين منخفض: يالنصاااااابه عبدالعزيز وسلمان كلهم معنا
وريف توهقت : لا أخوها الثالث
زياد تفاجأ : من جد؟؟
وريف : لا من عم
زياد: ههههههههههههههههههههههههههههه حلوه من عم .. اوكي انتبهي على نفسك زين يالله باي
وريف قفلت بدون ماتسمع ولااا كلمه
قفل زياد وهو مستغرب من أخوهم الثالث
زياد يهمس لعبدالعزيز اللي كان يصب الشاهي : الا ياعبدالعزيز
عبدالعزيز عارف السؤال : سم
زياد: سم الله عدوك .. إلا انت عندك أخو ثاني؟
عبدالعزيز :إيييييييه ماتدري؟
زياد: لا والله توني دريت وينه عنكم؟
عبدالعزيز وده يموت من الضحك : لا هو مايطلع إلا للغالين
زياد مصدق:آهااا
عبدالعزيز :إلا ماقلت لي يا زياد.. مارديتو علي؟
زياد ارتبك : والله القرار مو بيدي البنت تفكر وللحين ماردت علي
عبدالعزيز : طولتو بالحيل
زياد: بيني وبينك انا حاس إنها موافقه بس تبي تجزم
عبدالعزيز : لاتعشمني ثم انصدم
زياد: لالا ان شاء الله ماتنصدم
عبدالعزيز وده يقوم يبوس راس زياد: ان شاء الله