منتديات بنوته - عرض مشاركة واحدة - لاقلـــــت أحبــــك إسـكتـــي وإحــضنــيني ..

06-16-2010, 02:50 AM

جاسم بعد تناقضات عاشها ليلة البارح .. طلع بنتيجه وحده..
إنه يحب وريف.....أكثر من نفسه حتى ..
وهي ما إختارت عبدالعزيز ..إلا لأنها شايفه فيه سعادتها..
وانا احبها وأدور سعادتها
قراري لازم يكون قرار شجاع رغم صعوبته
أخذ جواله وكتب لها مسج

وريف : يعني؟؟
لمياء: يعني جاسم سبب لك جرح خلاك تعانين منه لمدة 4 سنين.. وعبدالعزيز بسنه وحده خلاك تنسين هالجرح وتشوفين الحياه بشكل احلى واروع
وريف: يعني؟؟؟
لمياء: يعني عقلك براسك وتعرفين خلاصك
رن جوال وريف بنغمة رساله ..
قامت بكل اريحيه وفتحت المسج اللي كان من جاسم
((لابغيت تحب غيري طاااااالبك..
لاتحبه.. كثر ماحبيتني ..
ودعتك الله))

ناظرت وريف بالجوال ولاشعوريا ما حست إلا بدموعها تغرّق شاشة الجوال.. ماهي مصدقه
ليش؟؟؟ اللحين ؟؟
ليش إنسحب بهدوء؟؟؟؟ معقول ناوي علي بـ شي؟؟
بس جاسم مايضرني ..أعرفه مستحيل يضرني
لا يكون فيه شي؟؟
قلبــــــــــــي مو متطمن ؟؟؟ ياربي وش هالعيشه ؟؟ لابالشمس مرتاحه ولا بالفي مرتاحه...آآآه ياطيحة حظي..
اتصلت على جاسم بسرعه
كان يشوف الرقم ويبكي مثل الطفل
خلاص كل شي انتهى بنهاية وريف .. مايحق له يسمع صوتها ..عشان لا يتعذب عالأقل.. مايحق لـ قلبه ينبض لحبها
اللحين هي بحكم المتزوجه..
خلااااص ابرضى باللي كاتبه لي ربي وأرجع لأمي تسامحني ..
ربي ماوفقني وانتي مو راضيه عني يالصدر الحنون ..سامحيني يمه..
فصلت الرنه الرابعه .. ووريف لا ملت ولا كلت رجعت تتصل للمره الخامسه وهي مقطعه نفسها بالصياح
لمياء: وريف انتي اللي تدورين شقاك بنفسك.. خلاص ياقلبي انتي كنتي خايفه مايخليك بلحالك بس انتي اللي اللحين نشبتي له
وريف ماترد على لمياء... كان كل أملها جاسم يرد عليها ويقول لها انه بخير
فصلت الرنه السادسه وقبل لا تتصل للمره السابعه وصلتها رساله..
قلبها حس انها منه.. وافتحتها بسرعه
((السلام عليكم يابنت الناس
اتمنى تسامحيني عالإزعاج اللي سببته لك..
انتي اللحين بتصيرين على ذمة رجال ..
وانا بعد لازم اتزوج .. ربي مو كاتب لنا نكمل حياتنا مع بعض
اتمنى تدورين على سعادتك ..
جاسم بالنسبه لك ماضي وانتهى ..
ووريف بالنسبه لي أروع ماكسبته من الماضي
امنياتي لك بالتوفيق بكل حياتك ..
ادري ان الوداع صعب.. يمكن بالنسبه لي بس
بس أوعدك راح تكونين اول من ينعزم على عرسي..
أخوكــ
جاسم))
قرت الرساله .. وليتها ماقرتها .. هي كانت تتمنى شبح الماضي يتركها .. كانت تتمنى ان جاسم يرحمها من ملاحقته لها ..
صح انها لليوم ماهي عارفه وش سبب خذلانه لها .. بس هي من قلبها مو زعلانه عليه .. لو يقول لها آسف بتسامحه ..
بس جاسم انهى كل شي ..
ويالفراغ اللي بيتركه جاسم.. هل بيمليه أحد غيره أو لا؟؟؟
من اللي يستحق يشغل مكانة جاسم
ومن اللي تستحق تشغل قلب جاسم
مـــــــــــــــا غـــيـــرهــــــا
ردت عليه برساله..
فتحها جاسم اللي حاس انه بأي لحظه ممكن يموت..
غياب وريف عن حياته مو شي سهل.. كيف لو كان بإختياره هالغياب
فتح الرساله ويده اليسار على قلبه .. لأول مره يحس بهالألم الغريب...
((الغالي جاسم..
هالقرار لا هو انا اللي قررته .. ولا انت.. ربي اللي اراد لنا هالنصيب..
ربي اراد يجمعنا وبالنهايه يفرقنا..
ما أذكر منك الا كل ذكرى طيبه.. واتمنى منك انت بعد تذكرني بالخير ..
اتمنى من كل قلبي انك ربي يوفق بينك وبين إبتهال .. صدقني مافيه احد يحبك كثرها .. وراح يسعدك كثرها .. الله يوفقك بحياتك صدقني بتبقى أخو عزيز وغالي
إختكــ
وريف))
قرى الرساله وطلعت آهآآآآآت حبيسه ما طلعت حتى يوم كان بالمستشفى....
اما وريف شعور الضياع بعد جاسم.. وفقد جاسم ماهو هين عليها ..
حضنت نفسها بقووووه وحاكت دموعها ..
أما لمياء اللي حست مالها وجود هنا .قررت تخلي وريف على راحتها ..
لبست عباتها وأخذت شنطتها ولبست جزمتها وطلعت بهدوء
’,
’,
زياد للمحامي : لا تكتب شي بإسمي
المحامي : بإسم من؟؟
زياد ناظر بسلمان اللي فرحانه لهالمشروع : اكتبها بإسم وريف عبدالرحمن الـ
سلمان إنصدم..إلا إنصعق.. ماتوقع أخوه توصل لهدرجه بين الأخوان ..
المحامي : وانت يا استاذ سلمان تبيها بإسمك
سلمان: إيه بإسمي .. عبدالعزيز مو فاضي يتحمل مسؤلية المشروع ..
زياد: اجل نوقع العقود؟؟
سلمان: على بركة الله .....
وقعو العقود وهم مستانسين وبعد ما إنتهو من العقود أقامو المؤتمر الصحفي لأكبر مشروع طبي بالمملكه..
الصحفيين .. والمصورين .. والقنوات التلفزيونيه كانو كلهم بالموعد..

فجر اللي كانت تسحب عبدالعزيز من بيجامته .. قوووووووم قووووم لابارك الله بالعدو
عبدالعزيز : فجرررر اذلفي عن وجهي بنوووم
فجر: سلماني يقول كلنا لازم نتجمع عند التلفزيون الساعه 7 و10 دقايق مساءا
عبدالعزيز: يووووووووووووووه اللي يسمعه يقول خبر هام ولا مستعجل

وريف اللي دخلت عليها أمها بكرسيها المتحرك .. مازلت على حضنها لنفسها من الصبح لين اللحين ..الدموع جفت على خدها بس المعاناه ماراحت
ام وريف: يمه وريف قومي الله يرضى عليك
وريف: هممم.. هلا يمه
ام وريف: قومي زياد قال الساعه 7 وعشر نكون عند التلفزيون
وريف: خلاص اغسل وجهي وألحقك

عامر بحكم تخصصه كان مقابل التلفزيون أمنية عمره يمتلك مثل هالمشروع الطبي..
ثامر:آآآه بس والله عبدالرحمن الي كسبها مع الست لميس
عامر: ياخي بتقعد وانت منطم اقعد
بتهرج طس عن وجهي

سلمان يهمس لزياد: والله يابوك الكاميرات تخررع
زياد مسك نفسه لايضحك
بدأ المؤتمر الصحفي وأول سؤال كان من صحفي شبه زميل لزياد
الصحفي : الكابتن زياد سابقا ورجل الأعمال حاليا .. نبي تعطينا فكره عن هالمشروع .. إعتماده؟؟ أهدافه؟؟ أسسه؟؟
زياد: هلا فيك.. بصراحه المشروع كانت فكرة المهندس سلمان .. بحيث يتم الإشراف عليه من قبله .. وتكاليف المشروع انا عليّ الثلثين وهو الثلث .أما العمل الفردي ..فراح يكون معتمد إعتمادا كليا على الدكتور عبدالعزيز ..جراح حاصل على شهادة الدكتوراه بالجراحه في بريطانيا .. والعوائد راح تكون بالتساوي بين 3 اشخاص أنا والمهندس سلمان والدكتور عبدالعزيز

عبدالعزيز ماهو مستوعب اللي سمعه ..ناظر بأمه اللي كانت تبكي من فرحتها بعيالها .. ناظر بفجر اللي عيونها طايره من اللي سمعته
اما جوري كانت تطقطق بجوال عبدالعزيز الجديد ولا هي معهم

الصحفي : المهندس سلمان.. الفكره من وين إستقيتها؟؟؟ من اللي أيدك فيها .. ووين الدكتور عبدالعزيز؟؟
سلمان: اولا احب اشكركم عالحضور وتأكدو ان هالحضور دعم لمستقبل المملكه الطبي .. الفكره إستقيتها لأن أبنائنا السعوديين عندهم طموح.. عندهم المقدره .. فـ حبيت تكون هالمدينه سعوديه من إلى .. من أكبر مسؤول فيها لأصغر موظف ....أما بالنسبه للدكتور عبدالعزيز ..هو راح يكون المشرف عالمستوى الطبي بالمدينه الطبيه .. وهو اعتذر عن المؤتمر لإنشغاله

عبدالعزيز صرخ : ياااااااااااااااااااااااااارب لك الحمد ... مدري بوش أكافيك ياسلمااااااااااااان
فجر: اووووص خلن نسمع

عامر : ثامر ذا مو زياد؟؟؟ اخو وريف؟؟
ثامر : اوووخص ياذا ... نعنبو الواسطه