06-16-2010, 02:24 AM
|
#66 (permalink)
|
مستشار المؤسس ~
![الصورة الرمزية قمرهم كلهم](https://www.bnota.net/vb/avatars/9952.gif?dateline=1333484210) آلحـآله ~ : | رقم العضوية : 9952 | تاريخ التسجيل : May 2010 | فترة الأقامة :
5127 يوم | أخر زيارة : 10-19-2014 (08:38 PM) | النادي المفضل : | الإقامة : | المشاركات : 8,755 [
+
] | التقييم : 40 | معدل التقييم ~ : ![قمرهم كلهم is on a distinguished road](https://www.bnota.net/vb/images/reputation/reputation_pos.gif) | زيارات الملف الشخصي : 13852 | الدولهـ | الجنس ~ | | مشـروبيُ ~ | كآكآوي ~ | قنـآتيُ ~ | MMS ~ | مدونتيُ ~ ![](http://www.up.i1i.cc/uploads/images/l18503dc0e1.png) | | | لوني المفضل : Cadetblue |
|
رد: لاقلـــــت أحبــــك إسـكتـــي وإحــضنــيني .. توكل على الله واتجه بسيارته لهم
دخل مع باب الحديقه وهو يدعي ربي ياخذ روحه قبل يوصل البيت
بس ربي ما استجاب دعائه
كانت لمياء تسولف مع صديقتها وتتمشى بالحديقه ولا انتبهت لصوت السياره .. من زين حظها كانت لابسه عباتها تنتظر راجو تبيه يوديها للميس
زياد عرف انها ما انتبهت ضرب بوري
التفت بسرعه واستغربت السياره
زياد عرفها مع انها كانت متلثمه
فتح باب سيارته ونزل
لمياء طلعت عيونها وش هالوقاحه اللي فيه جاي بعد للحين مامل
زياد: لمياء ممكـ
لمياء ناظرت فيه بإستحقار وأعطته ظهرها ودخلت داخل
زياد كررررررررره نفسه مليون مره .... ليش الظروف خلتني حقير .. انا مالي ذنب... حسبي الله ونعم الوكيل
لمياء دخلت وشافت وريف قدامها
لمياء لمحت وريف وما استحملت شي بداخلها وبكت
وريف نطت : وش فيه لمياء؟؟؟؟؟ لمياء وش فيك؟
لمياء تناظر فيها وتغطي وجهها تبكي
وريف: لمياء لا تجننيني وش فييييييييييييه؟
لمياء: زياد برا
وريف بعصبيه : ايييييييش؟؟ هذا ما يفهم ؟؟؟ هذا ما يحس على دمه .. ما اكون بنت عبدالرحمن ان ما علمته الادب.. عطيني عباتك
فصخت عباتها لمياء واعطتها لوريف اللي لبستها وهي ودها تذبح زياد
طلعت وريف كاشفه وجهها .. استغربت من السياره المقربعه
ناظرت بزياد .. لحيته مشوهه جماله.. وملابسه حالتها حاله.. اكيد مصيبه.. نظراته كسيره
نزلت وريف الدرج خطوه خطوه.. قربت من اخوها
وريف: زياد وش فيك؟
زياد: سـ ســ ســامحينيييييييييييي يالغاااااااااااااااااااااليه
وحضنها صار يبكي على صدرها ولمياء تناظرهم مع الطاقه مستغربه اللي قاعد يصير
وريف إرتعبت
وريف: زياد وش فيك .. رعبتني
بس زياد لاحياة لمن ينادي
وريف صرخت: إبعد عني وش فيك إنت
زياد صدمته ردة فعلها تراجع خطوه دخّل اصابعه داخل شعره وتكلم بحسره: كـــــل شــــــــي راااااااااااح
وريف بحنان: وشو وش اللي راح؟؟؟؟
زياد والدمع سيول على خده : ابوي .. امي .. البيت .. الفلوس .. شادن
وريف بعدم إستيعاب: وين راحو
صفق زياد كفوفه ببعض : بـــــــــــــح
وريف بدت تفهم : وشهوووو ((وكملت تصارخ بهستريا)) لااااااااااااااااااااااااااااااااااااااااااااااااا ااااااااااااااااااا لاااااااااااا لااااااااااااااااااااااااا لاااااااااااااااااا
لمياء اللي كانت تناظر من الطاقه اختل توازنها من الفجعه من منظر وريف
وريف اللي حطت كفوفها على وجهها وكل مالها زودها يعلى بكلمة لااااااااااااااااا
زياد يحسدها من قلبه انها قادره تصارخ .. تبكي .. تخفف عن الالم اللي بقلبها
ام وريف سمعت صوت بنتها .. وقبل لا تسمعه قلبها نغزها
ام وريف:أعوذ بالله من الشيطان وش اللي صاير
صراخ وريف كل ماله بإزدياد
ام وريف : ياااااااابنااااات ياللي برا تعالو حطوني عالكرسي .. يابناااااااااااااااااااات ياللي يسمعني ...
ظلت تنادي وتنادي مافيه أحد يسمعها صوتها ضعيف ومع الخوف صار أضعف ناظرت بالكرسي المتحرك كان بآخر السرير مدت يدها تحاول تسحبه بس ماقدرت عليه
صارت تنادي وتنادي وقلبها بيتفطر على بنتها بس محد سمعها
رمت نفسها من السرير عالأرض صارت تزحف على بطنها مستعينه بيدينها لين وصلت الباب اللي من حسن حظها كان مفتوح صرخت وسمعت لمياء صرختها وطلعت تركض لها
لمياء انسخطت من المنظر اللي شافته يدين ام وريف تصب دم لمياء راحت تنادي الشغاله وشالوها عالكرسي بس هي أصرت يطلعونها لبنتها
لبست لمياء جلالها وطلعت برا .. وريف من شافت امها حست بدوخه ومسكها زياد قبل تطيح
ام وريف: حسبي الله عليك ... انت ما تحشم أحد؟؟؟ تسترجل على اختك وعمتك؟؟
زياد: عمه... ابوي وشادن يطلبونك الحل
ام وريف :مــــــــــــــــيـــــــــــــــــــــن؟؟؟
وريف وهي تبكي: ماتو يايمه ماتو راحو وانا ما استسمحت منهم .. آآآآآه ياربي
ام وريف بإيمان: لاحول ولا قوة الا بالله .. إنا لله وإنا اليه راجعون
لمياء كانت خايفه على أم وريف بس تفاجئت بقوة إيمانها
لمياء: عظم الله أجرك ياخاله
ام وريف تبكي بصمت : جزاك الله خير
لمياء: عظم الله أجرك يا وريف
وريف كانت منتظه هالكلمه من لمياء راحت لها وحضنتها تبي ترمي ثقل قلبها عليها
لمياء وهي حاضنه وريف : عظم الله أجرك يا زياد
زياد اللي عينه ماوقفت دمع ولا رفعها من الارض : جزاك الله خير
ام وريف : زياد ياولدي خذنا للبيت لازم نقوم بواجب العزاء
زياد: البيت انحرق وانحرقت معه شادن
وريف شهقت: هييييييييييي منتحره؟؟؟؟
زياد: لا ان شاء الله انها ميته ولا منتحره
ام وريف : وين بتسوي العزاء؟؟؟؟
زياد: ما ادري
وريف: نسويه هنا
زياد : ابشاور ابو عبدالرحمن
لمياء : انا اتصل عليه وأعلمه
وراحت لمياء ركض لداخل البيت
ام وريف: دفنتوه يايمه؟؟؟؟
زياد: ابوي الله يرحمه دفناه بلبنان .. إكرام الميت دفنه ..أما شادن ((وحس بغصه)) للحين بالثلاجه
وريف بكت : ابي اشوفها
زياد تذكر شكلها : لااا ماراح تشوفونها .. ماراح تستحملون .. متفحمه
ام وريف : لا حول ولا قوة الا بالله
طلعت لمياء من البيت تركض : ابوي يقول العزاء هنا واللحين العمال يجون يحطون كراسي العزاء .. وبكره نسوي إعلان بالجرايد
زياد حس بحقارة نفسه: جزاه الله خير ... والله ما الحق جزاه
لمياء : يالله ياخالتي ندخل داخل
ام وريف: تعالي ياوريف داخل
ناظرت وريف بزياد شافت بين الهدب دمعه..طاحت عينها بعينه ونزلت دمعته رفعت كفها ومسحت دمعته ودخلت داخل
زياد كان كومه من المشاعر .. مابين ذله بعد العز.. مابين كرم إخته بعد بخله معها.. مابين طيبة أهل ابو عبدالرحمن بعد جفاه معهم
لملم شتاته ودخل المجلس واعلنو وفاة ابوه وإمتلا البيت بالمعزين اليوم الثاني من العزاء نزلت وريف المطبخ وسوت لها خبزتين بالجبن وسوت كاستين شاهي وحطتهم بصينيه ولبست عباتها وتلثمت زين وطلعت للمجلس اللحين الساعه 11بالليل مافيه معزين اكيد زياد تعبان
دخلت المجلس شافته فاتح ازارير ثوبه ورامي شماغه على الكنب ونايم
حطت الاكل عالارض وقامت عنده وهزته مع كتفه : زياد .. كابتن زياد
زياد: همممممممم
وريف: زياد قوم يالله
صحى زياد ناظرها : ها وش تبين
وريف: قوم اباكل معك ماعندي احد ياكل معي
زياد: شيليه عني مالي نفس
وريف: قوم يالله كول معي ويصير لك نفس
زياد: عشانك بس أباكل
قام وسمى بالله وبدا ياكل الخبزه .. ووريف تتأمل الحزن بوجهه
زياد: تدرين ابوي الله يرحمه كان متزوج
وريف: احلف؟؟؟؟؟؟؟؟ وينها ومن هي ووش اسمها؟
زياد: من لبنان واسمها نانسي
وريف: احلى
ابتسم زياد: بس والله بنت أجاويد
وريف: ليش؟
المكتب حق ابوي ما انفتح من يوم طاح بالمستشفى حتى تحلف انها ماقد دخلت فيه ولا تعرف وش فيه
وريف: ماشاء الله عليها..
زياد: على طاري المكتب دريتي ان ابوي خسر كل فلوسه
وريف شهقت : هييييييييييي فلوسه كلها؟؟؟ كيف وليش
زياد: تعرض لعملية نصب كبيره
وريف: يعني؟؟
زياد: يعني زياد عالحديده .. والكوره مثل ما انتي شايفه ما أمنت مستقبلي
وريف: وين بتسكن؟؟؟
زياد : عندي 15 الف الباقي من السياره ابي استأجر بها بيت وأدور على شغل وان شاء الله ابلاقي
وريف: تضمن الوظيفه؟؟؟
زياد: انا ماعندي شهادات خبره .. بس الوالد عنده معارف وان شاء الله مابيقصرون
وريف: ابرجع انا وامي معك
زياد: لالالا ياوريف ماراح اقدر أضمن لكم العز اللي كنتو شايفينه خليني بلحالي وامركم كل فتره والثانيه
وريف: بس حرام
زياد: وش اللي حرام؟؟ انا اللي سويته بنفسي .. يوم ابوي الله يرحمه الكوره ماتنفعك ماسمعت كلامه
وريف: متى بتروح
زياد : بكره بعد صلاة المغرب
وريف غلبتها دموعها وراحت تبكي وطلعت من المجلس
زياد ماله حيله .. هو مقهور على نفسه بس كذا احسن من إنه يقعد بلا شغل ولا وظيفه
طلعت وريف غرفتها سمعت لميس تناديها ماردت عليها ولا حتى سلمت عليها
قفلت على نفسها الباب ووقفت على الطاقه تغسل الحديقه بدموعها شافت زياد طلع من المجلس ركب سيارته وحرك السياره وطلع
ليش ياربي كل من عرفني تجيه مصيبه .. ليش انا منحوسه ..يارب فرررج عليه يااااارب فرج كربته
سمعت طق عالباب
مسحت دموعها بس آثارها للحين باقيه
فتحت الباب
لميس: مااااالت عليك متكبره
وريف تبتسم: لا تظلميني تعرفين خالي وبنته متوفين و..
لميس: بس لا تكملين خلاص الله يرحمهم
وريف: حياك تفضلي
لميس: اووف مابغيتي تدخليني
وريف: ههههههههههه تفضلي الغرفه غرفتك
لميس: وروفه ابي عقدك الأسود اللي لبستيه يوم جاتنا بنت خالتي وسن
وريف: امممم طيب بس بشرط
لميس: وشو شرطك؟
وريف : تنتبهين له .. هديه من ابوي الله يرحمه يوم خطوبتي
لميس: لالالا أجل ما ابيه
وريف: شدعوه يالدبببببببببببببببببه تعالي بس مايغلى عليك
لميس ابتسمت وجلست عالكنبه
فتحت وريف دولابها وطلعت صندوق مجوهراتها وناظرت فيه ورقتين
وريف: هههههههههههههههه شخاميطي بكل مكان حتى بمجوهراتي
لميس: هههههههههه هذي شخاميط؟؟ الله يرضى على شخاميطنا حنا ههههههههههههههههه
طلعت وريف العقد الاسود وحطته بعلبه فخمه ومدته على لميس : تفضلي يا مدام لميس
لميس: مدام في عينك
وريف: ههههههههههههههههههههههههه
لميس: مدامني أخذت اللي أبي أجل اعذريني أبي انزل للبنات واذا تبينا إنزلي لنا
وريف: نعنبو المصلحه
لميس: هههههههههههههههههههه يالله تعالي معي
وريف: خلاص بس أرجع مجوهراتي واجيكم طيران
لميس: اوكي نحتريك |
| |