منتديات بنوته - عرض مشاركة واحدة - لاقلـــــت أحبــــك إسـكتـــي وإحــضنــيني ..

06-15-2010, 04:08 PM

طلعت وريف وهي بتشقق من الفرحه دخلت على البنات اللي كانو بينهم حرب المخدات اول مادخلت وريف جاء في وجهها مخده صرخت: ااااااي عورتوني
شيماء: ههههههههههه بتتعودين
قامت وتين : الغبيه لميس هي اللي رمتها معليش قلبو
وريف تبتسم : لا عادي
ميان: تصدقين كنا نتهاوش نقول وين تنامين
وريف : وش قررتو
ليان: للحين ماقررنا
لمياء: الا قررنا .. على سريري ان شاء الله
صبا: لاااااا على سريري
شيماء: ولا انتي ولا هذي ان شاء الله على سريري
وريف ميته من الوناسه: لا انا بنام عالارض
شروق: ياااااااااااااااااااااااكبرها عند الله ترقدين على الارض
بهاللحظه دق جوال وريف .. نطت لمياء عندها : اذا زياد افتحي السبيكر
ضحكت وريف وفتحت السبيكر
زيااد: هلا حبيبتي شلونك
لمياء مسكت راسها من كلمة حبيبتي وضحكت وريف
زياد: شفيك تضحكين
وريف: ههههههههههه بنات عمي يضحكون
زياد: يعني مرتاحه
وريف: الحمد لله
زياد: انا بروح التدريب تامريني بشي
وريف : لاسلامتك وانتبه لنفسك
زياد: وانتي بعد ... على فكره كلمتي أمك؟؟
وريف: ايه اول ما وصلنا بس طمنتها وقفلت
زياد: اجل سلمي عليها سلام
قفلت وريف وصرخت لمياء:وااااااااااااااي يجننننننننننننننننننن
البنات: هههههههههههههههههههههههههههههه
وتين : وهـ بس فهد أحلى
رغد: وييييييييييييييييييييييييييييييييييع القرد بعين خطيبته غزال
وتين: قرد بعينك

انفتح الباب ودخلت الشغاله ماسكه علبه كبيره مغلفه
صبا: واااااااااااااو وش ذا
حطت الشغاله الهديه وطلعت نطو البنات وشروق فتحت الكرت مكتوب
((بنت عمي وعدوتي الجديده هذي هديه بمناسبة ظهورك عالدنيا اخوك وولد عمك وعدوك عبد الرحمن ))
شيماء: لاااااااااا مو معقول عبد الرحمن يجيب هديه
لمياء: لا مو اخوي هذا
شوق: وريف افتحيها بسرعه
وريف مستانسه من تقبل اهل ابوها لها فتحت الهديه وليتها مافتحتها اول ماشالت الغطا طارت الصراصير بالغرفه وصراخ البنات وصل لآخر الدنيا وريف رمت الكرتون على لمياء اللي قدامها . ولمياء بغى يغمى عليها طلعو يركضون من الغرفه والصراصير وراهم طلعت .. عبد الرحمن اللي كان بالصاله مع الباقين يوم سمع الصياح ضحك : ههههههههههههههههه هدف لنا
وريف كانت تنتفض مثل الطير
شيماء اللي هلكانه من الركض : مسكينه مو متعوده شوفو شلون خايفه
وتين: هييييييييييين يالتبن عبد الرحمن
لمياء: ااااااااااه اوريه الحيوان
لميس: بردها له والله لا أردها له
وريف: لالا واللي يعافيك مانبي مشاكل
ميان: أي مشاكل .. عادي حنا كل ما اجتمعنا كذا وبعدين انتي اللي المفروض تردينه لان المقلب لك
وريف: طيب وش اسوي؟؟
ميان: لازم نردها له بحرافه
لمياء: عبد الرحمن يخاف من البريعصي
البنات: وععععععععععععععععععععععععععععععععععععععع
لمياء: بس حنا مانقدر نمسك بريعصي
لميس : بس لقيتها
شيماء: طيب تعالو ندخل غرفة صبا
دخلو البنات وإستأذنت وريف وطلعت تكلم أمها.. إتصلت على جوال شادن
شادن: اهلييييييييييييييين
وريف: هلا وغلا
شادن: وحشتيني والله البيت بدونكم ولا شي
وريف: تسلمين قلبي وشلون امي ؟؟
شادن: هذا هي جنبي خوذي كلميها
وريف: طيب
ام وريف: هلا يايمه
وريف خنقتها العبره: يمه شلونك؟؟؟ احبك يمه وحشتيني
ام وريف: وشلون اهل ابوك؟؟
وريف: كلهم طيبين حتى عمي خالد مره طيب
ام وريف: جدتك نجلاء شلونها؟؟
وريف: يمه تعرفينهم؟؟
ام وريف: هي اللي كانت تدافع عني
وريف: بخير وكلهم يسلمون عليك وانا اللحين ابقفل بروح اقعد مع بنات عمي
ام وريف: الله يحفظك طمنيني عنك

قفلت وريف من امها وراحت عند البنات يتعرفون على بعض
فتحت عليهم الباب جدتهم نجلاء : يالله يابنات بننزل نتقهوى مع اعمامكم
نزلو البنات وعبد الرحمن من يوم شافهم مقبلين مات من الضحك
لمياء بهمس: ضحكت من سرك
جلسو البنات
عبد الرحمن: هاه وريف شلون الهديه
وريف : هذي هديه؟؟؟ بغيت اموت
عبد الرحمن: هههههههههههههههههههههه هذا المطلوووووب
فهد: صراخكم فجر اذانينا .. هذا وهو صرصور
لميس قامت من مكانها : وين راجو؟؟
تركي: ارسلته للمطعم
لميس انقهرت: نعنبوك انت ماتشبع .. بطنك مصنوع من استرتش
هنا الصاله تفجرت من الضحك عيال وبنات واباء
تركي بإحراج: مادفعتي من فلوسك شي
لميس بعصبيه : انا بطلع احتري راجو صديقتي تبي اشياء برسلها معه
طلعت لميس وطيران على غرفة عبد الرحمن اللي كان بانيها بنص الحديقه الخارجيه

دخلت الغرفه وهي ميته ضحك على اللي بتسويه حطت جلالها على سرير عبد الرحمن وطلعت من جيب تنورتها علبة الدبابيس الصغيره وشافت ثياب العيال كلهم اللي ينامون في غرفة عبد الرحمن وصارت تحط بالثياب دبابيس وهي ميته من الضحك تتخيل اشكالهم خلصت شغلها بنجاح منقطع النظير لبست جلالها ورجعت البيت
فهد: هاه جاء راجو
لميس: لا ماجاء بس انا تعبت ورجعت
ابو سعد : يالله ياعيال قومو اجهزو اليوم اول يوم من ايام عزا عبد الرحمن الله يرحمه
الجميع: الله يرحمه
طلعو الرجال من الصاله
ولميس ماتت من الوناسه لأن عيال اعمامها اللحين بيلبسون الثياب
اول ماطلعو العيال من البنات
وريف: هاه بشري.؟؟؟
لميس: افاا عليكم تمام التمام ههههههههههههههه يالله نطلع نشوف ردة الفعل
طلعو البنات يتسحبون بهالظلما لين وصلو طاقة غرفة عبد الرحمن اللي مفتوحه
كان عبد الرحمن منسدح على السرير وفهد وعامر يسولفون وتركي ياكل اللي جاب له راجو .. دخل مالك واخذ ثوبه يلبسه وماسمعو الا صراخه... آآه آآآه آآه
البنات حاطين يدينهم على افواههم يكتمون الضحك .. وكل من لبس ثوبه يصارخ آآآه آآآه آآه
عبد الرحمن اللي كان ثوبه مليان دبابيس بعد مافصخ ثوبه ناظر بجسمه شاف الدم يصب
عبد الرحمن: لعنة الله على ابليس هالبنات
لميس: ههههههههههههههههههههه عشان لا تتحدون مره ثانيه
تخرعو الشباب من البنات اللي كانو مرتزين على الطاقه من برا وحطو رجولهم للبيت

دخلو البنات غرفة لمياء بعد مانظفتها الشغاله من الصراصير ميتين من الضحك على نجاح الخطه
عدت ايام العزاء وانتشر خبر وفاة عبد الرحمن بين القبيله
وريف كانت نايمه على بطنها على سرير لمياء .. شروق كانت نايمه عالكنبه ولمياء نايمه جنب وريف .. وشوق ووتين نايمين عالارض
اما ميان وليان ولميس نايمين بغرفة شيماء.. واما رغد فـ بالتأكيد نايمه بغرفة صديقة عمرها صبا
صحت شروق شافت الكل نايم ناظرت بجوالها الساعه 2 الظهر طفت المكيف وفتحت الطاقه وفتحت النور وطلعت من الغرفه ..
بعد ربع ساعه قامت وريف ميييييييته من الحر : اوووووووف من سوى كذا؟
وتين: شروووووووووووووق لعنة الله على ابليسك
وريف تفرك عينها: شروق مو هنا
وتين :بس .. هي اللي مسويه كذا
دخلت شروق بعد ماسمعت اصواتهم :هااااااااااااي
وتين ناظرت شي حولها تحذف فيه شروق بس مالقت الا جوالها أخذت الجوال ورمته عليها
شروق: آآآآآآآآآي يامال الكسر عورتيني
قامو البنات بعد ما تروشو يتغدون
لميس: بنات وحده منكم تترجى العيال يطلعونا
ميان: ورا ماتترجينهم انتي؟؟؟
لميس: تبينهم يلعنون خيري؟؟؟ انا مجرحه أجسامهم قبل كم يوم هههههههههههههه والله اني مقديه
وريف: بنات
الكل: هلا
وريف: اش رايكم اقول لزياد يطلعنا
البنات صراااااااااااااااااخ: واااااااااااااو ايه موافقين
وريف: هههههههههههههههههههههههه
وريف أخذت جوالها وارسلت لزياد ((ممكن تطلعنا اليوم نتمشى))
ورد عليها((اذا تبون اللحين موافق بس الساعه 5 ابروح التدريب))
وريف: يابنات يقول الساعه 5 بيروح التدريب اش رايكم اللحين
لمياء تتنهد: مافيه مشكله اهم شي نرووووووووووووح
البنات: ههههههههههههههههههههههههههه
وريف كتبت مسج لزياد ((موافقين ربع ساعه ونجهز))
قامو البنات ركض لبسو عباياتهم ولمياء ترجف مو قادره تثبت
شيماء: هيييييييييه يالأخت علامك
لمياء: مدري مدري شكلي منيب رايحه
وتين: عشان اهفك كف يعلمك
لمياء: طيب بروح

يوم طلعو من البيت زياد انصدم .. هذولا باص مايكفيهم ..
ميان: وااااااااااافشيلتي خرعنا الولد
لمياء: اشعر بدوار البحر
البنات: هههههههههههههههههههههههههههههه
وتين: ساعه بقرب الحبيب
لمياء اللي ترجف: اقترب يومك ان شاء الله
ليان: ياربيه مثل اخوها بس تدعي

زياد نزل من السياره : ما يكفي
لمياء بهمس لوتين: بموووووووووت
وتين كاتمه ضحكتها بس كتوفها تهزهز
وريف: يعني شلون؟؟
شيماء: يعني نتصل على واحد من هالكائنات الحيه اللي داخل ويودونا
زياد: طيب احد يكلمهم ذبحتنا الشمس
لميس: شوق طلبتك كلمي على فهد
وتين : لالالالالالالالا
لميس: ليش؟
وتين: ابي آخذ راحتي ما ابي استحي
البنات: هههههههههههههههههههههههههه
شوق: فهود طلبتك اطلع بسرعه
فهد: شسالفه؟؟
شوق: اطلع وتعرف
وقفلت بوجهه .. طلع فهد من غرفة عبد الرحمن وانحط امام الامر الواقع لأنه تفشل من زياد لايردهم
لمياء: انا ابركب مع فهد ما اقدر اركب مع زياد
شيماء: مانتيب صاحيه
فتح فهد سيارته بالريموت وراحو البنات يركضون يركبون بعد ما اتفقت معاهم لميس يورطون لمياء
ركبت شوق قدام
شروق: شواقه طلبتك ابركب قدام
شوق: لاااااااااااااا انا الكبيره
شروق ركبت ورا وهي تحلطم وركبو ميان وليان وشيماءمعاها ورا
لمياء بتبكي...
وريف اركبت قدام جنب زياد .. ولميس ووتين ركبو ورا
لميس فتحت القزاز : لمياء
لمياء: هاه
لميس: اركبي ولا تبين عزيمه
وريف تضحك وزياد متفشل انه يضحك
لمياء جات متفشله وركبت ورا وهي ساكته