منتديات بنوته - عرض مشاركة واحدة - لاقلـــــت أحبــــك إسـكتـــي وإحــضنــيني ..

06-15-2010, 03:59 PM

بهاللحظه انفتح باب غرفة العمليات وطلع الدكتور ومعاه واحد من الممرضين ..
جوري تمسكت في جاكيت الدكتور وهي تبكي : بابا مات؟؟؟
الدكتور تفشل منها لانها كانت قريبه وانحرج ولا رد
زياد حس انه لازم يتكلم مسك جوري مع كتوفها ورجعها على ورا :بشر يادكتور؟؟
دكتور رامز: الحمد لله نجحت العمليه
جوري شهقت من الفرحه وفجر حضنتها وهي تهمهم : الحمد لله
ام سلمان اللي رجولها متصلبه ماقدرت تجيهم سمعت كلام الدكتور وبكت من الفرحه : الحمد لله
شادن مسحت دموعها وهي فرحانه وراحت لأم سلمان تبشرها
وريف جات لفجر تتحمد لها بسلامة اخوها
الدكتور رامز : بس لازم مايتعرض لأي اخبار شينه أو إجهاد بالعمل أو زعل
جوري : والله ما احد يزعله ولا يروح العمل
الدكتور ابتسم لها وراح
زياد عصب التفت عليها وقال بهدوء: يا اختي وين عباتك؟؟
جوري تفشلت تذكرت كل اللي كانت تسويه يووووووووووه فشيله انا مو صغيره انا ثاني ثانوي فشـــــــــــــــــــله.. ودفنت وجهها بعباية فجر
فجر قررت تكلم نيابه عنها : والله حنا اختصبنا يوم طاح علينا وطلعنا وحنا مو عارفين شنسوي
زياد نزل عيونه بالارض احترام : اوكي الدكتور يقول مالازم يتعرض لاي تعب او زعل .((وسكت ثم كمل)) انتو عندكم أخوان؟؟
فجر: لا اخوي الثاني مسافر برا يدرس
زياد: اجل يالله ارجعكم البيت
جوري: لاااااااااااا ابي عند سلمان
شادن اللي واقفه جنبهم : جوري حبيتي سلمان نايم وماراح يخليكم الدكتور تدخلون عنده قبل بكره
فجر: ايه صح ويالله نرجع البيت نرتاح شوفي ماما تعبانه خليها ترتاح روعتيها بصياحك
زياد يكلم شادن : اوكي انتظركم بالسياره صح انها صغيره بس تكفي ان شاء الله
فجر: لا حنا معنا سيارتنا
شادن: مهبوله؟؟؟ قولي الاولى سلمكم ربي من نقاط التفتيش مو كل مره تسلم الجره((وتلتفت لزياد)) تخيل تبي تسوق السياره وترجع
زياد: عطوني مفاتيحها اوديكم وارجع آخذها
فجر عطت المفاتيح لشادن عشان تعطيها زياد.. أخذها زياد وتحرك على سيارته شغلها وشغل المكيف عشان يمديها تبرد قبل يجون
ام سلمان مو قادره توقف نادت فجر وحده من الممرضات وقالت لها : نبي كرسي متحرك نودي ماما للسياره
الممرضه : سنو هادا سستر هادا ممنوع
فجر دورت شنطتها مالقتها طلبت من البنات 10 ريال وعطتها السستر عشان تودي امها ولما وصلوها السياره حاولو يركبون امهم ورا بس ماقدرو عشانها ثقيله
نزل زياد: لالا ركبوها قدام عشان ماتتضايق بالقعده
وقعدو يعافرون فيها البنات ..هو صعب يتدخل لأنها حرمه غريبه عليه ايلين ركبوها السياره
فجر بعد ماركبت امها وبدون شعور : يمه سوي ريجيم
امها اللي كانت شايله هم ولدها بس ضحكت من كلمة بنتها: شلتك ببطني تسع شهور
زياد كاتم ضحكته وركب
وركبو البنات ورا فوق بعض وقامت وريف توصف له البيت لين نزلهم
زياد: وريف .. شادن .. انت خلوكم داخل ابروح اجيب السياره لثانيه وآخذكم
شادن: اوكي

أخذ زياد تاكسي ويوم وصل مواقف المستشفى مو عارف السياره ولا شكلها ولا لونها ولا حتى لوحتها
طلع جواله واتصل على وريف
وريف: هاه نطلع
زياد: وريف وش سيارة صديقتك؟
وريف ضحكت تذكرت يوم فجر ساقتها: همر
زياد يتلفت حوله : الهمر البحري؟؟؟
وريف : ايه بالضبط
زياد كان قريب من السياره وشاف اللوحه: احلىىىىىىىىىى
وريف: وشهو
زياد: اللوحه هـ م ر 777
وريف: ههههههههههههه تميز يابوي
زياد فتح السياره وقبل يركب شاف محل السواق شنطة بنت وخر الشنطه وركبها وحرك .. وصل لبيت ام سلمان اتصل على زياد:هلا شدون اطلعو يالله
شادن: زين اللحين نطلع
ام سلمان: اسمحولي غربلتكم معي بآخر هالليوله
شادن: لا اشدعوه ياخالتي اهم شي سلامة سلمان
فجر قربت من وريف: اسمحيلي ياقلبي تعبناك
وريف ابتسمت: تعبك راحه يالله سلام
وسلمو على بعض وطلعو لـزياد
وريف بعد ماركبت ورا: اسمحلنا يا زياد روعناك
زياد: اشدعوه انتو خواتي .. وهم مساكين ماعندهم احد
وريف : ههههههههههههههههههههههههههههههههههههههه
شادن عرفت تفكير وريف: ههههههههههههههههههههه
زياد: خير؟؟ قلت شي غلط؟؟
وريف: لالا سلامتك بس تتوقع من ودانا المستشفى؟
زياد: من؟
وريف: فجر
زياد: لا للحين ما أذن الفجر
وريف: هههههههههههههههههههههههههههههههههههههاااي حلوه
زياد: وشو
وريف للحين تضحك ...قالت شادن: فجر البنت اللي معها المفاتيح
زياد: اها اسمها فجـ وشهوووووووو هي اللي جابتكم؟؟
وريف: أيــــــــه هههههههه ركبت السياره وشغلتها ويالله لحقناها
زياد:مهبوله هي ....؟؟ ليش تسوق اشوى اللي ماصار لكم شي
شادن: لا سواقتها ممتازه بس كانت مسرعه
وريف: تلومونها ؟؟؟ هذا ابوهم اللي مربيهم تخيلي كان يشتغل ويدرس من الابتدائي عشان يصرف عليهم .. تخيلي انه بالليله الوحده يقوم مره او مرتين يتطمن عليهم
شادن ابتسامتها من تحت الغطا توصف حالها .. ماشاء الله عليه والله رجال
زياد: ماشاء الله عليها والله انها كفو ما اهتمت بكلام الناس ولحقت اخوها.. شوفي بكره اكيد راحه من المدرب انا بوديهم المستشفى بس وحده منكم تكون معي لزوم المحرم
وريف: انا بروح يكفي تعبنا شادن معنا ..
شادن نفسها تروح بس بأي صفه!!!
زياد: خلاص اللحين تنامين والساعه 9 تقومين نوديهم مايصير ياخذون تكاسي وهم بس بنات
رجعو البنات للبيت ووريف كانت بنص الصاله اتصلت لفجر تخبرها انهم بيمرونهم الساعه 9 موعد الزياره
فجر: والله اني متفشله منكم
وريف: اشدعوه لو احنا كان سويتو معنا اكثر من ((وفجأه سكتت))
وماسمعت فجر الا صوت صفعه وبعدها انقفل الجوال
وريف ماسكه خدها وتناظر بزوجة خالها : وش تبين اللحين
ام زياد: وربي ان ما اعتدلتي يالصايعه يالحقيره لأطردك للشارع اللي لميتكم منه
وريف : ماني صايعه انا كنت مع زياد
ام زياد: وتقولينها بعد ياقليلة الادب ((ومسكتها مع شعرها)) خربتي ولدي يالخربانه
وريف: ولدك ياهانم اخوي بالرضاعه اذا ماتدرين
ام زياد تنحت باللي تسمعه..وريف استغلت سكوتها وكملت: ولا وين تدرين وانتي يامسافره ياطالعه
ام زياد كان ردها بتفله((وانتو بكرامه)) على وجه وريف اللي طلعت راحت تركض لغرفتها .. والله اني استحملت عشانك يمه .. والله اني صبرت عشان لا أكدرك يايمه .. متى نطلع من هنا ونفتك آآآآآآآآآه ياقلبي..
فتحت الوورد وكتبت..