منتديات بنوته - عرض مشاركة واحدة - مستحيل أحبك..مستحيل أعيش بدونك>>>رواية جنآآآن

06-13-2010, 10:44 PM

الجزء الثامن والعشرون ...........

بشقة من شقق الفسق والفجور

زياد:هلا وغلا اسفرت وانورت البرنسيسة فجر عندنا شصاير بالدنيا

فجر :هههههههههههه بس بس خلني اتكلم

زياد : من فرحتي بشوفتك وين بعلك العزيز عنك

فجر بنفس خايسة :عند ست الحسن والدلال وين بعد

زياد بقهر : وانتي لحد الحين مافرقتي بينهم وين كلامك

فجر : مو مني كل شئ سويته له صدقني لو تشوفه معي بالليل تقول ميت على ومايبي فرقاي

بس يخلص يصير مو طايقني شتبيني اسوي اكثر

زياد من القهر كسر كاسة الخمر الي بيده : اكيد مادام عنده عهود ايش تتوقعين

فجر تخصرت : ياسلام ايش فيها زود عني

زياد ناظرها من فوق لتحت :عهود بنت يكسيها الحيا وفيها براءة تجذب وهذا الي ينقصك

فجر : يعني انا مااستحي

زياد: طبعا لا الي تستحي ماتبيع نفسها

فجر : بس والي يرحم والدايك صبي لي كأس خلني اروق صدعتني

زياد اخذ كاس وصب لها :تفضلي ياحرم تركي

فجر : دام فضلك

زياد: شكل خطتي فاشلة ومحد ربح فيها الا انتي

فجر : يعني لازم تغثني

زياد: مايهون على ..طيب مو فاصخة عبايتك

فجر : لايروح بالك بعيد انا جايه اكيف وبس شئ ثاني لا

زياد بخبث : افا ماولهتي على

فجر بدلع : اكيد بس انت ناسي اني على ذمت رجال

زياد: ومادامك على ذمة رجال وينه عنك "وطالعها من فوق لتحت وعض شفته السفليه"والله

حلويتي بعد الزوج "وقام لعندها وحط ايده على كتفها "خلينا ننبسط شوية واذا على زوجك

انسيك ايها وانسيك طوايفه بعد

فجر :ههههههههههههههه

وانغمسوا بالفجر واتبعوا الشيطان ونسوا ربهم

بالمستشفى
انتبهت وانا احس بجسمي يألمني بكل مكان والمغذي بايدي لما فتحت عيني استغربت من

المكان وين انا فيه وحطيت ايدي على بطني خفت وين ولدي ..تذكرت انا اكيد بالمستشفي

انا ولدت وجيت بجلس نفسي بس تركي منعني : الحمد الله على السلامة ياقلبي

عهود وصوتي مبحوح : انا ولدت

تركي : أي ياقلبي وجبتي بنوتة تاخذ العقل

عهود بفرح : وينها ابي اشوفها

تركي : ولا يهمك الحين اخلي النرس تيجيبها

عهود: بسرعة ابي اشوفها

بعد دقايق دخلت النرس مع تركي ومدتها لي : خدي مدام هدا بنت مال انتي

عهود "يالله قد ايش صغنونة ..معقولة انا صرت ام "اخذتها منا وحضنتها احساس حب وتملك لها غزاني

دققت النظر بوجهها الصغير عيونها انفها فمها "ملاك وربي ملاك ":تركي

تركي جلس بجنبي على السرير : عيون تركي

عهود وانا مو مصدقة ان هالكائن الصغير مني : هذي بنتي

تركي بفرح : وبنتي بعد

عهود وماشلت عيوني عنها : ياربي قد ايش صغيرة شوف

تركي :الصراحة توقعتها تكون اصغر من كذا

عهود: ليه

تركي : الي يشوف بطنك الصغير يتوقعها اصغر من كذا

عهود: حرام عليك تبيها اصغر بتختفي

تركي :هههه

دخلوا علينا خوالي وخالاتي وباركوا لي ولتركي وانجنو على نتوفتي وخالي بسام واخوي عبدالله

بدوا تعليقاتهم الي يقول "بتلع قزومة على "والي يقول "صياحة "لان من خذوها وهي تبكي

وجلسوا يجننونها عشان تفتح عيونها وعلقوا علي بانهم مو مصدقين اني صرت ام

الساعة 11 بالليل مشوا وماظل الا تركي وخالتي العنود لانها المرافق لي

العنود: تركي تعال خذ بنتك

تركي : لا لا

العنود: ليه ماتبي تشيلها

تركي : والله ابي بس اخاف عليها تطيح من ايدي او افعصها

العنود: لا لاتخاف تعال اجلس عند عهود

جلس تركي جنبي وجات خالتي وحطتها بحضنه وعلمته كيف يمسكها :بسم الله

العنود: الله يخليها لكم

عهود وتركي : امين

تركي بفرح : تصدقين ياعهود ان الصغنونة ذي بنتنا

عهود :ماني مصدقة للحين

تركي :شرايك نسميها على امي

عهود: لا ابي اسميها على امي

تركي يتفهم : ليش لا "يكلم الصغنونة"ها الهنوف شرايك باسمك

عهود:قلبي نوفه بسك نوم فتحي عيونك

تركي : بنتك عنيدة على امها

عهود: اذا ماطلعت على من تطلع عليه "عطيته نظرة "لايكون مو عجبتك امها

تركي :من قال عجبتني ونص ياعمري

العنود: احم احم نحن هنا

عهود وتركي :هههههههههه

اليوم الثاني جاوني اهل تركي وباركو لي وافرحت ام عبدالرحمن بهنوفة وعجبها الاسم

خذتها واذنت باذنها وعلقت عليها بروش ذهب على شكل بيضاوي ومكتوب فيها

ماشاءالله

عهود:تركي

تركي :هلا

عهود:متى اطلع من هنا مليت

تركي :اليوم اكلم الدكتورة واسألها

عهود:امم

تركي حس بترددي:في شئ تبين تقولينه

عهود:ماودك تروح

تركي بحزن: مليتي مني

عهود نظرة الحزن في وجهه خلتني اندم :لا مو كذا بس بيصير تعب عليك اذا جيت تروح الدمام

تركي : لا مو رايح اخذت اجازة لحد ماتطلعين من المستشفى بالسلامة

عهود:وفجر

تركي كشر بوجهه:وشفيها

عهود وانا اراقب ردت فعله:يعني ماراح تزعل انك مهملها

تركي :لا هي مقدرة الظروف

بالدمام بشقة اهلها :والله طفشت من هالانسان

زياد: انتي ماعرفتي له

فجر:وش تبيني اسوي اكثر من كذا

زياد :والحين هو وينه

فجر بغيض:عند حبيبة قلبه اكيد

زياد:والله لو انك ذكية كان قدرتي عليه

فجر :اذا ماقدرت انسيك اياها بقدر انسيه هو

زياد بقهر :يعني تبين تفهميني انك مو قادرة تجيبين راسه

فجر : شوف انا بحاول قد مااقدر بس الحين صعب لاني مااشوفه ونادر اسمع صوته

زياد:اوكي باي

طلعت اليوم من المستشفى مع بنتي وانا طايرة من الفرحة ومو مصدقة اني ام للصغنونة

وصلت لبيت جدتي وكانت خالتي العنود مجهزة لي غرفتين الاولى لاستقبال الحريم ومجهزة

بكوشة هادية مخصصة للمناسبة ذي كان السرير مفروش بمفرش وردي طقم مع الكوشة

ومخصصين صندوق كبير فيه اهداءت توزع على الحريم بس الي تعجبت منه انه كان هدية

من تركي ومهديني اياه بابيات شعرية لي ولهنوفة عجبني كثير

العنود:الحمدالله على السلامة ياقلبي

عهود:الله يسلمك ..الا وين جدتي

العنود:جاية طيران الحين

الا تدخل الجدة وتسلم علي وتحضني :الف الحمدالله على السلامة يا بعد هلي انتي

عهود:الله يسلمك

الجدة :تو مانور البيت

عهود:بوجودك

الجدة :الا وين المزيونة

عهود:ايه قولي من اول انك تبينها

الجدة:اكيد ابيها وابي املي عيني منها

عهود خذت بنتي من سريرها وعطيتها جدتي :تفضلي

الجدة وهي تأخذها :بسم الله الرحمن الرحيم

العنود:يانبي على الضغيرات

الجدة : هلا وغلا هلا بروح جدتك

عهود:اقول جدتي ترا اغار

الجدة : في حد يغار من بنته

عهود مثلت الحزن :أي انا

الجدة مصدقة : يمه عهود من صدقك انتي

عهود: ايه لاحد يدلعها بس انا

العنود:ههههههه البنت جنت

هنوفة صاحت بيد جدتي :يمه عهود انتي رضعتيها

عهود: تقصدين طبيعي

الجدة : ايه

عهود: لا والله

الجدة : لا يمه مو زين لازم ترضعينها عشان يقوى عظمها

عهود :ان شاءالله

المغرب تجمعوا خالاتي وخوالي وعيالهم بيت جدتي وكانوا فرحانين بنوفة وكلن يبي يشيلها

مر اليوم بخير وكنت مرة مبسوطة عدا عن الالم الي فيني من بعد الولادة

تركي:فجر.....فجر

فجر:هلا تركي بغيت شئ

تركي :وين الغدا ماخلص

فجر "وهذا الي مناديني له:دقايق ويجهز

تركي: يلا بسرعة ميت جوع

طلع تركي جواله ودق بعد الرنه الخامسة رديت

عهود بصوت كله نوم:الو

تركي :اوف نايمة للحين

عهود:هلا تركي

تركي : هلا فيك ورافعة من غير ماتشوفين مين الي داق

عهود "لا حول الله الواحد فيه النوم وذا فاضي ":بغيت شئ

تركي حس انه زودها :بغيت سلامتك شخبارك واخبار الهنوف

عهود وانا متضايقة من اسلوبه:تو الناس كان كملت

تركي :ياقلبي لاتلوميني بعدك مسوي فيني الهوايل

عهود:المهم انا بخير وبنتي بعد بخير وانت

تركي :وبنتي انا بعد وانا بخير

عهود:بتجلس تدقق على بالكلام منت بخالص

تركي :ليه نايمة للحين تعبانة

عهود: شوي بس مانمت مع نوفة صايرة مزعجة وصياحة ومانمت منها الا عند الظهر

عطيتها خالتي ونمت

تركي بخوف: لايكون فيها شئ

عهود:لا تخاف انا بالبداية سويت مناحة لهم ولمل ودينها الدكتور قال مافيها شئ

تركي :من وداك

عهود:خالي بسام

تركي :اهم

عهود حسيت اني ولهت عليه صار لي اربع ايام ماشفته :بتنزل الاسبوع

تركي:يمكن

عهود :ليه

تركي حب ينرفزني :والله فجري مشتاقة لي وتبيني اجلس معها

عهود "فجرك بعينك ":بس ريحتني من شوفتك الاسبوع

تركي انقهر :نعم

عهود حبيت ارفع ظغطه :أي قبل لا اولد كل يوم مرتز بوجهي والله طفشت منك

تركي :عهود رجعت الحالة قلنا تعدلتي

عهود:والله الي مايبينا مانبيه

تركي :ومن قال ماابيك

عهود:مو تقول مشتاقة لها خلاص خلك عندها

تركي بصوت مروق :تغارين

عهود"انا اغار معقولة لالالا مستحيل ..طيب ليه تضايقت لما جاب سيرتها":................

تركي :عهود معي

عهود:أي هنا

تركي :ليه ماجوبتي تغارين
عهود:طبعا لا

تركي بخيبة :طيب جاملي

عهود:مااحب انافق

تركي :امم

عهود:طيب بتجي

تركي بقهر:لا

عهود:ليه ماتبي تشوف نوفة

تركي :الا بس زعلان منك

عهود:ليه

تركي:منك ابغى مرة تحسسيني انك تبيني ابيك تحسسيني اني شئ مهم بالنسبة لك

حرام عليك ياعهود حسي فيني لهدرجة كرهتني

عهود :لا والله مااكرهك

تركي :بس ماتحبيني

عهود:.............

تركي :شفتي

عهود :اعرف ياتركي ان صار لك مكانة بقلبي واعزك كثير

تركي :بس انا ابيك تحبيني

عهود بتنهيده :عندك فجر تحبك

تركي :ليه تجيبيني طاريها الحين

عهود:تركي بسالك سؤال

تركي :تفضلي

عهود:مادامك ماتحب طاريها ليه تزوجتها

تركي :مو هذ طلبك

عهود: أي طلبي بس انت مو تقول تحبني بس الي يحب مايخون