منتديات بنوته - عرض مشاركة واحدة - مستحيل أحبك..مستحيل أعيش بدونك>>>رواية جنآآآن

06-13-2010, 10:30 PM

الجزء الرابع والعشرون ...........

رجع الشقه الساعة ثنتين بالليل دخل غرفته هو مع عهود ويحاول يتناسى البنت الي بالغرفة الثانية

هي زوجتي ولها حقوقها ومالها ذنب بالي صار انتبه للباب يندق قام وفتحه

فجر: اسفه ازعجتك

تركي بعيون تعبانه: لا زين جيتي انا كنت ناوي اجي اكلمك

توها بتدخل بس مسكها : لا مو هنا هذي غرفة عهود ومافي مرة تدخلها غيرها

فجر : معك حق

راحوا الصالة وجلس على الكنبة وهي جلست بعيد عنه

تركي بتردد: سمعيني انتي الحين زوجتي وراح اعطيك كامل حقوقك واراعيك بس اتمنى انك تعطيني

مهلة كم يوم عشان اتقبل الوضع هذا وعشان اتطمن على عهود وابلغها الخبر

فجر: خذ راحتك

تركي: الحين الغرفة الي انتي فيها غرفتك وبكرة راح اثثها لك بأثاث يمشي الحال لحد مااخذ لك شقة

فجر : ان شاءالله

تركي : طيب انا بروح انام الحين لاني بروح لعهود الصباح

فجر: طمني عليها

تركي : ان شاءالله خير

الصباح وتركي بالمستشفى على الشاعة عشر استقرت حالتي والجنين بخير قدروا يثبتونه بالمثباتات

انتبهت الظهر :ماي ابي ماي

تركي : الحمدالله على السلامة

عهود بتعب:انا..وين

تركي: انتي بالمستشفى تعبتي وجبتك هنا

عهود: ابي ماي

تركي : لحظة اسال الدكتورة

طلع تركي ونادى الدكتورة وجات وكشفت عليها : الحمدالله انتي دلوقتي بخير

تركي : دكتورة تبي ماي اعطيها

الدكتورة : تقدر

اخذ تركي كاس الماي وساعدني على الجلوس وشربني

جابت الدكتورة جهاز ورفعت الغطا عني وحطت الجل : شو سوين

الدكتورة : استني شوية وهتعرفي

دقايق والا اسمع صوت غريب وانا ارتجف : ايش الصوت ذا

الدكتورة تلف الشاشة على : دي دقات قلب الجنين هو بخير بصي

اول مرة اشوفه لان بمراجعتي كنت ارفض اشوفه احساس غريب تملكني وانا اسمع دقات قلبه معقولة

انا شايلة ببطني طفل دمعت عيني انا بصير ام فجأة حسيت بكل مشاعر الامومة تتملكني أي هذا ولدي اوبنتي

شلون فكرت اني انزله يالله متى اشوفه : تركي تسمعه

تركي بفرحه : أي اسمع

مسكت ايده: هذا ولدي تسمعه "حطيت ايدي على بطني وحضنت نفسي : ماراح اخسرك راح احافظ عليك

انت لي

تركي: دكتورة ماعلى الجنين أي خطر

سمعت كلمة خطر جنيت : دكتورة شفيه الجنين فيه شئ

الدكتورة : هدي الجنين بخير

عهود :متاكدة

الدكتور: ايوة

تركي : متى اقدر اطلعها

الدكتورة : بعد اربع ايام نطمن عليها وعلى الجنين وبعدها خذها

وطلعت الدكتورة من عندنا وانا طايرة من الفرح انا حسيت يعني قلبي يحس مو من حجر اه يامحلى احساس

الامومة كنت غبية يوم فكرت اطيحك ..متى احضنك بين يديني متى

تركي : شلونك الحين

عهود: الحمدالله يوم تطمنت على الي ببطني انا بخير

تركي باستغراب : يعني الحين تبينه

عهود: عارفة انك مستغرب ومعاك حق بس من سمعت قلبه وعلى طول حبيته وتعلقت فيه

تركي : لو انك سامعه كلامي من البدايه وحليتينا نشوفه ونسمعه كان ماصار الي صار واهملتي نفسك

عهود وانا ندمانة : كنت غبية شسوي

تركي : حصل خير والحمدالله انتوا بخير الحين وهذا الاهم

مرت ثلاث ايام على وتركي عندي من يداية الزيارة لنهايتها بس مازال اسلوبي معه نفسه مو قادرة اتقبله

وهو كان منتنرفز من اسلوبي بس ساكت عشان صحتي بس حسيت انه في كلام يبي يقوله ومو قادر

اليوم اطلع من المستشفى :تركي خلصت الاجراءت

تركي : ايه خلصتها بس نيتنى الدكتورة تكشف عليك ونطلع

عهود:تركي

تركي سرحان :..............

عهود: تركي

تركي : ها ..هلا في شئ

عهود: انت فيك شئ تبي تقول شئ

تركي بخوف : عهود ابيك تسمعيني عدل

عهود خفت ان امي صار فيها شئ : تكلم امي فيها شئ

تركي : لا امك بخير والكل بخير بعد بس انا ..انا

عهود توترت من توتره : انت ايش تكلم لا تخوفني

تركي : انا تزوجت

عهود تفجأت:........................

تركي : عهود تكلمي قولي شئ

عهود ليه تضايقت مو هذا الي ابيه : مبروك واخيرا

تركي رفع حاجبه : مو متضايقة ولا زعلانة

عهود وانا هادية ولا كانه صار شئ : لا انا هذا الي ابيه انك تتزوج وتريحني

تركي بقهر : انتي قلبك من ايش مصنوع لهدرجة تكرهيني اتزوج عليك وانت عادي عندك

عهود: انا من البداية قلت لك

تركي يقاطعني : حرام عليك ليه تكرهيني

عهود: انا مااكرهك بس مااحبك واحسك مثل اخوي

تركي يصارخ : اخوك شلون اخوك والي صار بينا يصير بين اخوان الي صار بينا ونتيجته الطفل الي

ببطنك يصير بين اخوان

عهود:..........................

تركي : تكلمي ..تكلمي

عهود: شقول وانت مو عاجبك كلامي ..بس على العموم انت الحين بترتاح وبتلقى الي ماحصلته عندي

وبتنسيك همي

تركي : انتي ماتفهمين ماحد يقدر يريحني غيرك

عهود: وانا اقولك مستحيل شوف انا بعيش معك اذا كنت مو مطلقني وبعطيك كامل حقوقك بس ابيك

تعرف ان قلبي ماراح يكون لك او لحد غيرك بتقبل الوضع هذا كملنا حياتنا ومرتك الصانية بتعوضك

ان شاءالله واذا مو قابل نفترق من الحين

تركي بستهزاء: ماتبين تعرفين مين زوجتي

عهود: ليه اعرفها

تركي يبي يقهرني : عز المعرفة

عهود: مين

تركي : فجر صاحيتك

عهود انصدمت مالقى غير صاحبتي وهي الخاينة مالقت غير تركي انا مايهمني مين يزوج بس

صاحبتي ليه يعني يبي يقهرني لا مستحيل اخليه يقهرني وهي باعتني يعني ماتستاهل تكون

صاحبتي : زين مااخترت باين عليها انها حبتك تصدق لما كنت لتكلم عنك واقول لها اني مااطيق

كانت ماترضى عليك

تركي بقهر : يعني عادي عندك

عهود: لا مو عادي انت ماالومك بس هي أي مو هي صاحبتي ليه تقبل تتزوجك ليه مااخذت غيرها

صدقني لو انك ماخذ أي واحدة غيرها ما همني الي قهرني نها يقال عنها صديقة على العموم الله

يهنيك معها ..والحين متى نتطلع

طلعنا من المستشفى وركبنا السيارة

عهود: هي وينها

تركي : مين

عهود: زوجتك

تركي : بالشقة

عهود : ايييييييييش ان شاءالله بشقتنا

تركي : ايه ليه يهمك

عهود: مايهمني طبعا بس مابي امون معها بمكان واحد

تركي : عارف انك ماتبين بس استني كم يوم لحد مااكلم الوالد يدبر لي شقة

عهود: مستحيل اجلس مها بمكان واحد ودني عند اهلي لحد ماتدبر لها مكان

تركي : وين تروحين انتي مايصلح لك طريق

عهود: شوف تركي لو واحدة ثانية كان قبلت اجلس معها بس هي لا ارجوك لا تظغط علي وتخليني اطلب

الطلاق ودني بيت اهلي لحد ماتحطها بمكان ثاني ولا تظن انها غيرة انت ولا شئ بالنسبة لي بس بكون معك

عشان ولدي فاهم

تركي : اوديك الشقة خذي اغراضك بعدين اوديك لاهلك

عهود: ودني على طول عندي ملابس واغراض هناك

تركي : قلت لك بعدين وهي فرصة ارتاح

عهود مستحيل اروح الشقة وهي هناك: انت غبي ماتفهم قلت لك ماابي اروح الشقة ودني بيت اهلي

وقف السيارة فجأة وهو بقمة عصبيته : شقلتي

عهود خفت منه اول مرة اشوفه معصب كذا : ابي..اروح..ب..يت هلي

تركي : شوفي سكت لك كم مرة ودست على كرامتي قلت يمكن تعقلين لكن ماوراك

عهود ابي اهديه : سفه تركي انت عارف انه مو مني من هرمونات الحمل وانت عارف ان وحامي فيك

يعني اقل كلمة منك تعصبني وتنرفزني

تركي :....................ز

عهود: خذني على قد عقلي وتحملني لحد ماعدي فترة الوحام

تركي:................

سكت لما شفته مارد وانا سكت بعد ماصدقت انه هدى والله شكله خوفني اول مرة اشوف وجهه كذا

هو كم مرة عصب وخوفني بس مو زي هالمرة غير انتبهت له لما وقف السيارة عند العمارة

تكلمت : ماراح انزل

تركي : اجل عفني بمكانك لاني نزلة مو نازال الاسبوع ذا

عهود بقهر: ماابي اجلس بمكان معها

تركي : ليه تغارين

عهود :لا تحلم كل مافي الموضوع مااحب اقبل الخاينه الي فوق

تركي : مو لازم تقابلينها انا بقول لها تجلس بالغرفة طول الوقت

عهود: اخاف تزعل

تركي : تزعل الشقة شقتك بالاصل وانتي الي لك الحق تجلسين فيها

ونزل قبل لااتكلم ونزلت وراه مع اني ماودي انزل صعدنا بالاصنصير وتركي يساعدني على المشي

لاني مازلت تعبانة دخلت الشقة وشفتها بوجهي وجات تسلم علي لفيت بوجهي عنها : ترركي

تركي : فجر لو سمحت دخلي غرفتك الحين

فجر بدلع : ليه انا شسويت وبعدين هذا جزاي جاية اسلم عليها واتحمد لها بالسلامة

عهود قهرتني بمياعتها : ترركي قول لها تذلف عن وجهي

تركي بين نارين : فجر الله يرضى عليك اسمعي الكلام وروحي غرفتك

فجر : ان شاءالله انت تأمر ياعمري

وراحت غرفتها مالت عليها

تركي : يلا عشان ترتاحين بغرفتك

عهود : لا ماابي زهقت من سدحة السرير خلني اجلس بالصالة اغير جو شوي

تركي : طيب

وساعدني لحد ماجلست وبعدها جلس جنبي : تبين تأكلين شئ