بسام:يلا بسيطة بكرة تطيبين وتخيسين نوم على راحتك

وقامت عهود ورجعت للغرفة ودقت على اخوها

عهود: هلا عبدالله

عبدالله : اهلين

عهود: ها قلت لابوي

عبدالله بصوت حزين: أي ومثل ماتوقعنا مارضى يبيني اخذ من القرود

بنات عمامك
عهود: والنهاية معاهم ذولي ماراح نرتاح طيب شقال لك

عبدالله: قال لي مالي الا بنت عمي خالد

عهود: وعععع فطيم

عبدالله : في غيرها العلة

عهود: وشقلت

عبدالله: قلت له مو لازم اتزوج نجود اخذ أي واحدة غيرها بس فطيم لا

عهود: وبعدين

عبدالله: عصب وسوى سالفة وقلت له يقفل الموضوع واني هونت ماابي اتزوج

عهود: وماقال شئ

عبدالله: لا بس خلاص انا شلت من بالي الزواج لحد ماتتزوج هالعلة واذا مارحت نجود

بنصيبها لذاك الوقت بخطبها ولا الله يعوضني غيرها

عهود: الله يكتب الي فيه الخير والصالح

عبدالله: امين وانت عهود اذا شفتيها لمحي لها اني مو حاطها ببالي واني ماابي من العيلة

ابد
عهود: اوكي يالله انتبه على نفسك ولا تحر عمرك وان شاءالله الله يفرجها

عبدالله: ان شاءالله وانت انتبهي على نفسك ولا تهملين الحرق عشان مايترك اثر

عهود: ان شاءالله يالله مع السلامه

عبدالله: مع السلامة

وسكرت من اخواها وهي تدعي على اهب ابوها ويفكهم من شرهم ويرتاحون

ورجعت للبنات وجلست معاهم

خالتها العنود: عهود متى بتمشين

عهود: ليه زهقتي مني

العنود: واحد يقدر يزهق منك ياحلو

عهود: على بالي ..بس مادري متى بمشي انا جهزت اغراضي ولما يدق

تركي بنحرك

العنود: طيب قومي معاي ابيك بسالفة

عهود: خالتي اذا محاضرة خليها بعدين

العنود: قومي بس

وراحت معها للغرفة المخصصة لهم وجلسوا بعد ماقفلت العنود الباب عشان ماحد
يزعجهم

العنود: عهود بسالك سؤال وابيك تجاوبيني بصراحة

عهود ارتبكت لانها ماتقدر تخبي عن خالتها شئ وهي الي كاشفتها: افكر

العنود: مازلت على رايك بالزواج

عهود: اكيد ومستحيل شئ يغير رايي

العنود وتأكدت ظنونها : تركي مادخل عليك صح

عهود بحرج: الصراحة لا

العنود: شتقووووووووولين

عهود: خالتي مالاداعي التعصيب

العنود: انت سامعة نفسك شتقولين

عهود: مافيها شئ طيب

العنود:صار لك شهر من تزوجتي ولحد الحين زوجك مادخل عليك وتقولين مافيهاشئ

عهود: أي مافيها شئ

العنود: عهود بعدين الرجال يشك فيك

عهود: وليه
العنود: هو مايعرف تفكيرك مثلنا وبيظن فيك بعدين انك مو بنت من كثر ماتصدينه

عهود: وانا بقوله اني بنت

العنود: ماراح يصدق بسبب صدك لها وبيحاول انه يتأكد واخاف انه يجيك بالغصب

عهود: خليه يجرب بس والله لاسوي له فضيحة

العنود: ماتقدرين ياحظي لانه من حقه وماحد بيلومه

عهود: ياسلام يغتصبني وماحد بيلومه

العنود: ماراح ينظرون له على انه اغتصاب بينظرون له انه حقه

عهود:.........................................

العنود: حبيبتي سمعيني حاولي تتأقلمين مع حياتك تركي زوجك ومافي شئ يغير هالشئ

واذا سكت عنك هالمدة ماراح يسكت بعدين ويجيك بالقوة خليه بالطيب ورضى منك

احسن مايكون غصب عنك وعرفي انه مادامه صابر عليك طول هالمدة معناته انه

والنعم منه ولا تضيعينه من ايدك مع افكرك السودة وعرفي ياقلبي ان هذي سنة

الحياو وبعدين لما يصير لك منه عيال بتتقبلينه وبتحبينه

عهود: مستحيل احبه انت عارفة اني مااعترف بشئ اسمه حب بين الرجال والمرة

قولي حب سلطة وتملك لكن حب لا انت ماشفتي شلون ابوي كان يعامل امي

كرهته بسبب معاملته لي ولاخواني وكرهت امي احيانا بسبب ضعفها انها ولا مرة

حاولت توقفه عند حده وانا مستحيل اخلي أي رجال يعاملني مثل ماعامل ابوي امي

او حتى يحاول واذا خايفة انه يجيني بالقوة لا تخافين احنا متفقين انه بعد ثلاث شهور

بيحصل الي يبيه مني وعرفي بعد عشان ماتنصدمين بعدين احنا مخلين هالسنة

تجربة لنا بنشوف اذا تقبلنا بعض راح نكمل ولا كل واحد بطريق وغير كذا ماراح

عيال عشان مايتعذبون بيننا ومن الحين اقولك لاتتعبين نفسك وتعطيني محاظرة

لان مافي شئ بغير الي ببالي وكون اني عطيته فرصة سنه عشان احد من كلام

الناس


العنود من غير حيلة : الله يهديك

عهود: في شئ ثاني
العنود: لا

عهود وهي تحب راس خالتها : يلا نروح للبنات

وراحو لعندهم وجلسوا وكان مزاج عهود معفوس ومالها خلق لاحد

نجود: شصار

عهود: بعدين اقولك الحين مالي خلق

نجود سكتت لانها عارفة ان عهود مستحيل تتكلم بمزاجها هذا

على الساعة 12 باليل دق تركي على عهود وقال لها تجهز عشان بيمشون راحت ولبست

لها بيجامة عشان اذا وصلوا تنام على طول ومر تركي عليه وحول سلم على ام عهود

وجدتها وخوالها وسلمت عهود على اهلها وطلعت وكانت ساكته وماترد على تركي

الا بنعم او لا وعرف تركي ان مزاجها معفوس وسكت عنها الساعة 2وصلو الشقة

حول تركي الشنط وبعدها صعدو للشقة وعلى طول توجهت عهود لغرفة النوم ونامت

اليوم الثاني صحى تركي وراح الدوام وصحت عهود الساعة2 الظهر ودق تركي عليها

يسألها وشو تبي على الغدا وقالت لها الي يبي لانها مو مشتهية الساعة 4 العصر وصل تركي

وجهزت عهود الطاولة وحطت له غداه ولا جلست معاه بعد الغدا راح تركي لعندها وشاف ان

مزاجها مازال معفوس قال انه بيروح يريح واذا جلس بيشوف شفيها اماعهود جلست تتفرج

على التلفزيون وكانت كل دقيقة يوصل لها مسج من نفس الرقم الي قبل وحولتهم للملاحظات

وطنشته

على المغرب صحى تركي واخذ له دش سريع وطلع للصالة وشاف عهود جالسة وجلس

جنبها: السلام

عهود: وعليكم السلام

تركي : ماودك تطلعين اليوم

عهود ومزاجها روق: ممممممم ...اي

تركي : وين تبين تروحين

عهود: ابي محل فيديو

تركي: فديو ليه

عهود: ودي اشتري لي افلام

تركي: ليه

عهود: اتسلى بهم وانا متعودة اشتري

تركي: واي نوع من الافلام تحبين

عهود بحماس : افلام اجنبية واحيانا هندية

تركي مكشر بوجهه: ياناس ابي على الاقل بنت واحدة تقول انها ماتحب الافلام الهندية

عهود: وليه بالعكس حلوة الهندية

تركي : والله ان لكم خلق تبعونهم ولا نص الفلم اغاني

عهود: المهم لا تضيع الموضوع بتوديني

تركي :طيب ماقلتي لي أي نوع من الافلام الاجنبية تفضلين

عهود: رعب

تركي : الصراحة ماتوقعت انك تحبين الرعب

عهود: ليه

تركي : لانك خوافة

عهود: صحيح اني خوافة بس اعرف ان الافلام خيال مو صدق

تركي: اها

عهود: بتوديني ولا لا

تركي : لا

عهود يازعم حزنت : ليه طيب بقول لبنت خالي تجيب لي

تركي : لا

عهود: ليه

تركي : مايحتاج تجيب انا عندي كل افلام الرعب الجديدة والقديمة

عهود: والله

تركي: والله

عهود: وينها خلنا نتفرج عليهم الحين

تركي : قومي معاي المكتب واختاري الي تبين عشان احولهم على dvd

عهود: يلا

وراحو المكتب وشغل تركي الاب توب وجلس يفرج عهود على الافلام واختارت لها كم

فيلم وحوله وراحت تحهز الجلسة الشيبسات والفشار والبيبسي وقالت لتركي يجي

الصالة وطفوا الانوار عشان يعشون الجو وقبل لايبدى الفيلم

تركي : عهود

عهو: نعم

تركي : ودك تروحين سينما تحضرين فلم مرعب

عهود: أي ودي

تركي : شرايك بدال ماننزل الاسبوع هذا نروح البحرين

عهود: لا طبعا نروح أي يوم الا وقت نزلتنا

تركي : ليه طيب هي فرصة ننام هناك

عهود: اخذ يوم الثلاثاء اجازة اذا تقدر ونروح هناك ويوم الاربعاء ننزل مرة واحدة

تركي : لا مااقدر

عهود: اجل بلاها وخلنا نتفرج على الفلم

وجلسو يتفرجون على الفلم ولما خلص شغلت لها الفيلم الثاني والساعة عشر

طلب تركي لهم عشا من المطعم وجلسوا يتفرجون على الافلام بس عهود انزعجت لان في

الافلام مقاطع ماصخة ولانها كانت قريبة من تركي ماعجبها الموضوع ولفت عليه

ههود: وانت عاجبتك هالمصاخة قدم

تركي بضحكة: عادي عشان تتعلمين

عهود قلب وجهها الوان من الحرج: بتقدم ولا اقوم

تركي : خلاص خلاص

وقدم المقاطع الماصخة وكان كل مايجي مقطع كان يضحك بصوت مسموع عشان

بنرفزها ويرفع ظغطها على الساعة واحدة خلصوا الافلام المحولة وقامت عهود

ورتبت المكان وغسلت الصحون بعدها نامو ا وجلس تركي وراح عالدوام والساعة 2

الظهر كالعادة صحت عهود وكلمها تركي يسألها شتبي على الغدا على الساعة 4

رجع تركي وتغدو بهدوء ولما خلصوا ساعدها برفع السفرة وغسلت عهود الصحون

وراحت جلست بالصالة وتركي راح يريح بس رجع مرة ثانية الصالة

تركي: عهود

عهود: نعم

تركي : تعالي شوي

عهود: ليه

تركي : تعالي انت وبعدين تعرفين

قامت عهود تشوف شيبي لما دخلت الغرفة وقف وراها ورفع بيجامتها وعهود

بعدت يده بعنف: شتبي

تركي : شفيك كسرتي يدي

عهود: تستهل ماحد قالك تقل ادبك

تركي: هذا جزي جاي اغير لك اللفة وتقولين قلة ادب صج لا قالوا خير تفعل شر
تلقى

عهود : وانا شيدريني كان قلت اول

تركي : طيب يله لفي

عهود: لا مايحتاج انا بغير لنفسي

تركي : والله وشلون بتحطين مرهم الحروق على ظهرك

عهود: ادبر نفسي ماعليك

تركي حب يجننها : ليه تستحين كلها شهر ونص واشوفك عدل

عهود حمرت : لذاك الوقت يصير خير

تركي : كيفيك بس اذا تشوه مكان الحرق مالي خص

عهود بخوف: ليه يتشوه

تركي : لان اذا ماحطيتي المرهم عدل على الحرق ماراح يطيب وبيترك اثر

خافت عهود ولفت وعطته ظهرها : تحطه بسرعة ولا تطول وعيونك على الحرق
سامع

تركي بضحكة: ان شاءالله عمتي اومر ثانية

رفع تركي البيجامة وقال لعهود تمسكها وخذ المرهم وبدى يحطه على ظهر عهود

عهود حست باحساس غريب من لمسة تركي لها بس بسرعة طردت هالاحساس

اما تركي كان يحط المرهم بعناية شديدة والي يشوفه يقول قاعد يسوي عمليه

بعدها اخذ لفة جديدة ولف لها ظهرها ونزل بلوزتها

تركي: خلصنا

عهود بحرج : شكرا

تركي: العفو بس هذا واجبنا ولو

عهود طلعت بسرعة من الغرفة من الاحراج وراح تركي ينام وصار هذا روتين

عندهم كل يومين يغير لها اللفة واحيانا يطلعون واحيانا يجلسون يتفرجون على الافلام

وانقضت الثلاث الشهور وباقي يومين ويكملون وكان اليوم الاربعاء وقت نزلتهم

جهروا اغرضهم واركبوا بالسيارة

تركي وهو مبسوط: اقول عهود

عهود: نعم

تركي: مافي اشارات حمرا بالطريق

عهود مافهمت : وشو

تركي: يعني الي تجي كل شهر

عهود انحرجت منه واسكتت:...........

تركي : اذا في خليني اجيب موانعها من الصيدلية ومن الحين اقولك لاتحولين

تلعبين على مثل هذيك المرة

عهود: وليه من قال العب عليك

تركي: ماني بغبي يعني واحدة ماتعرف متى موعدها وغير كذا ماجات الا في

ذاك اليوم

عهود حست ان تركي عرف عن مقلبها :..........

تركي: ماقلتي لي في شئ بالطريق

عهود متنرفزة: طمن بالك مافي شئ

تركي وهو يضحك: طمنتيني

وبعدها سكتوا وكملوا طريقهم بهدوء ووصلها بيت اهلها وراح لعند اهله