منتديات بنوته - عرض مشاركة واحدة - مستحيل أحبك..مستحيل أعيش بدونك>>>رواية جنآآآن

06-13-2010, 10:04 PM

(( الجزء الثاني عشر))

عهود وهي تنوقز من الالم : اييييييييييييييي يمه يمه ظهري

رغد ميته خوف ومو عارفة تتصرف: خليني اشوف

عهود تصيح وقربت منها رغد ولما حاولت ترفع التيشرت حقها ضربت عهود

صوتها من الالم: اييييييييييييييي وخري وخري يألم

تركي الي كان بالغرفة انفجع من الصوت وطلع بسرعة يشوف شصاير

وشاف عهود تصيح وتتألم وراح لحد عندها وسأل رغد بخوف: شفيييييها

رغد بارتباك : انكب الماي عليها وهو حار

تركي يصرخ: وش جاب الماي لعندها

رغد صوتها بدى يروح من الخوف: الخدامة وهي ماتدري كبته

تركي راح لعهود وحاول يهدي فيها : والبقرة ماتشوف

وجاو خواته وامه ام عبدالرحمن : خير يمه شصاير

تركي: الخدامة الدبشة كبت مويه حارة على عهود

ام عادل : طيب حطيتو ماي بارد عليها

تركي : لا

ام عبدالرحمن : خذه الغرفة وارفع عنها قميصها وحط لها ثلج وبعدها ودها

المستشفى

تركي اخذ عهود للغرفة ولما قرب منها يرفع التيشرت

عهود وهي تصيح: وخر لا تشوف

تركي : عهود لازم ابعده عن الحرق

عهود: ماابي

تركي بقلة صبر : عهود خليني اشوف الحرق يلا

عهود زاد صيحها: ماابي تشوفني
تركي هدى شوي وجلس يكلمها وكأنها بزر: طيب انا بلف عنك وانت شيلي التيشرت

وخذي الشرشف وحطيه عليك

سوت عهود الي قال له تركي وبعدها سدحها على الفراش ورفع الشرشف عن ظهرها

وشافه احمر مرة وعلامة الحرق بانت وبعدها جابو الثلج وحطو لها وهي ميته صياح

تركي: رغد ..رغد

رغد:نعم

تركي : روحي بسرعة جيبي عباة عهود

رغد:طيب وبسرعة راحت جابت العباة ولبسوها عهود وراح بها المستشفى

ولما وصلو دخلو على الدكتوره وكشفت على الجرح وقال للممرضة تعطى عهود

ابرة مسكنة للالم وطبعا عهود سوت مناحة ومارضت وتركي يحاول معاها

بس مافي فايدة وهي تون من الالم تركي وهو يكلم بزر: حبيبتي خذي الابرة

عشان يخف الالم

عهود: ماابي ماابي

تركي: شوفي اذا خليتيهم يعطونك الابرة اسوي لك كل شئ تبينه

عهود بعد تفكير : ممم

تركي : قولي

عهود: نظل على اتفقنا

تركي: أي اتفاق

عهود: ثلاث شهور

تركي فهم عليها : خالص الي تبينه يصير بس يلا خليها تعطيك الابر

عهود: احلف ماتتراجع

تركي : والله يلا عاد

وجات الممرضة ومعها الابرة ومسك تركي ايد عهود وعطتها الابرة وبعدها هدت عهود

وعطته الدكتورة ادويه مع كريمات حروق ولفوا لها ظهرها وطلبت منه كل يومين

يغيرون لها اللفة عشان مايلتهب الحرق وطلع تركي مع عهود ومر الصيدلية

ياخذ العلاج الي كتبته الدكتورة لها وبعدها ارجعوا المزرعة وقام الكل وتحمد

لها بالسلامة وخذت الخدامة تهزيئة من تركي ماعن مالها ذنب وجلست عهود

على الكنبة بحيث تكون مخدة وراها عند رقبتها لنص ظهرها لان ظهرها من

تحت جاه الحرق وماتقدر تسند عليه بس من النص الي فوق وجا تركي وجلس
عندها
ام عبدالرحمن: ماتشوفين شر يابنتي

عهود: الشر مايجيك

سعاد: وانت الله يهداك ماتنتبهين للي وراك مرة شكبرك وتخافين من قطوة

تركي : مرت اخوي

سعاد: هلا

تركي : اكرمينا بسكوتك

سعاد انحرجت وسكتت

تركي: مها ولا عليك امر جيبي ماي لعهود

مها :طيب

عهود: بس انا ماابي

تركي : علشان العلاج

وجابت مها الماي وعطاه عهود مع العلاج وبعدها جلسوا يسولفون معها ينسونها

الحرق وبعهدها استئذن تركي وقال لها اذا بغت شئ تدق عليه

رغد: عهود اعترفي شسويت لخالي

عهود: ليه

رغد: اتوقع هالتصرفات من الكل الا خالي تركي

عهود: وانت شفيكم كلا ماصدق انه تركي ومااصدق

مها: لان ياطويلة العمر باختصار خالي تركي نذل ومو راعي هالحركات

رغد تكمل :ومتحكم يعني اذا شافنا لابسين ملابس قصيرة ولا مخصرة

عطنا محاضرة ولما كان يشوف خوالي يدلعون حريمهم او جالسين عندهم كان يقول

لاتعطونهم وجه وعن الدلع الزايد ولنا مرتي ماراح اعطيها وحه مثلكم ووو الى اخره

من هالكلام والحين اشوي وبيحطك بمخباه

عهود" هذولا الرجال يتمسكنون لحد مايتمكنون صبرو بس يأخذ الي يبيه وبعدين

يطلع على حقيقته " واكتفت بانها تبتسم لهم

ودق جوال عهود: هلا والله

عبدالله : اهلين وينك في

عهود: بالمزرعة

عبدالله : مزرعة مين

عهود: اهل تركي

عبدالله:اه...طيب بتتأخرين

عهود: والله مااعرف ليه

عبدالله: بغيتك بموضوع بتجين البيت

عهود: اكيد بس وشو الموضوع

عبدالله: اذا جيتي قلت لك

عهود: عبدالله خوفتيني في شئ

عبدالله: انت ووجهك اذا بغيتك بموضوع يعني في شئ

عهود: طيب عطني تلميح الموضوع خير ولا

عبدالله: اذا تم خير واذا لا مو خير

عهود: عبيد قول

عبدالله: اصغر عيالك عبيد

عهود: طيب قول بخصوص وشو

عبدالله: يمه منك مافيك صبر

عهود: لا قول الحين

عبدالله بتردد: ممم.. الصراحة نويت اكمل نص ديني

عهود: صج

عبدالله: والله

عهود: ومن سعيدة الحظ

عبدالله: اظنط تعرفينها

عهود: نجود صح

عبدالله : صح بس بغيتك تشوفين رايها قبل لاتقدم رسمي

عهود: لا ابشرك تقدم وانت مطمن واخيرا تحركت ياشيخ

عبدالله: وش عرفك

عهود: انت ناسي اني بير اسرارها وهي بير اسراري

عبدالله: اوه نسينا بس انت متأكده

عهود : متأكده بس

عبدالله : بس ايش

عهود: ابوي وجدتي

عبدالله : وهذا الي مخوفني خايف يلصقون فيني وحدة من قرودهم

عهود: وانا اظن كذا بعد

عبدالله: اجلس عزوبي ولا اخذ وحدة منهم

عهود: الله يكتب الي فيه الخير وانا ماابي اامل البنت وبعدين ابوي يرفض

انت قول لابوي قبل واذا وافق انا اقول لنجود

عبدالله: رايك كذا

عهود: أي

عبدالله: توكلنا على الله يلا مع السلامة

عهود: مع السلامة

وسكرت عهود منه ورجعت للبنات وبعدها حطوا العشا وتعشوا وكملوا

سهرتهم

رغد: عهود

عهود: نعم

رغد: الا خالي منزل افلام جديدة

عهود: أي افلام

رغد: لا تقولين انك ماتحبين الافلام الاجنبية

عهود: اموت فيهم وخصوصا الرعب

رغد: والله

عهود: والله

رغد: لقيتي طلبك وخالي موته الرعب وعنده كل جديد

عهود: حلو اجل اذا رحنا الشقة بخليه يعطيني اياها

رغد: ماتوقع لان احنا اكثر من مرة نطلب منه ومايرضى

عهود: اجل شلون تشوفونها

رغد: اقولك بس ماتقولين له

عهود: اوكي

رغد: ناخذهم من غير مايدري

عهود: ههههههههههههههههههههههه

رغد: ليه تضحكين قايلة نكتة انت ووجهك

عهود: لان هذي حالتنا مع خالي بسام واخوي عبدالله

رغد: والله

عهود: والله

رغد: اجل الحين المهمة عليك لان الافلام كلها بالشقة عندك

عهود: لا انا بقول له يعطيني اياها

رغد: ياسلام واذا سألك شدراك

عهود: ماراح اقوله بطريقة مباشرة راح المح له

رغد: شلون

عهود: انت ماعليك غير تشوفين الافلام وبس

رغد: وانا موافقه

وعلى الساعة 2 حركوا وكل واحد راح لبيته وتركي وصل عهود بعد ماوصها على نفسها

وانها تأخذ العلاج بوقته وطلب منها انها تروح معاه لبيت اهله بس هي ارفضت وودها

بيت اهلها ولماجلسوا عرفت امها بالموضوع وهدتها عهود انها بسيطة وبعدها راحت

بيت جدتها وتشافوا لها وتحمدولها السلامة وبعدها راحت لمقرهم الي يجلسون فيه

نجود: شلون صار بظهرك كذا

عهود: كل من القطوة الله يأخذها

نجود: شلون

عهود قالت لهم السالفة كلها

فروحة: الحمدالله ماصار لك ازيد من كذا

عهود: الحمدالله

دانة: عهود لحد الحين ماقرب منك

عهود: ولا بيقرب

دانة : عهود من جدك انت

عهود: والله تصدقين كان هالاسبوع ناوي بس خربت عليه

دانه : شلون

نجود: ههههههههههههه

دانة: ليش تضحكين انتي

نجود: لاني مساعدتها بالجريمة

دانة : لا مادام السالفة فيها جريمة قولي تكلمي بسرعة وبالتفصيل

عهود: ابد طولت لساني عليه وقال انه يبي حقوقه اذا رجع البيت لانه كان معزوم

عاد انا دقيت على طويلة العمر الي جنبك وقلت لها تجيب لي حبوب تنزل الشيخة

بدري وجابتهم لي وعلى طول خذتهم ولما رجع البيت عطيته القنبلة وقلت له

اني محرمة عليه لما بدى يقرب وغير كذا

دانة: والله انك منتي سهلة ياعهيد بس اذا خلصت شبتسوين بتنزلينها مرة ثانية

عهود: لا تطمني رجعنا لاتفقنا

دانة: شلون

عهود: لما احترقت وجوا يعطوني ابرة مارضيت لحد ماوعدني انا نظل على

اتفقنا انه مايلمسني الا بعد ثلاث شهور

دانة: والله انه كاسر خاطري تركي

عهود: وليه ان شاءالله

دانة: ابد كل الي تسوين فيه وعادي عندك

عهود: ماحد ضربه على ايده وقال له تعال تزوجني

دانة : مقرود واكيد امه داعيه عليه

عهود: ها ها ها

وقطع عليهم نغمة الرسايل من جوال عهود لما افتحتها

"" يسالوني ليه احبك حب ماحبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
علميهم يالحبيبه .آه يا اغلى حبيبه
يسالوني ليتهم مثلي يعيشون الهوى
الاصابع في اليدين الواحده ماهي سوى
عندهم حبك طبيبعي وعندي فوق المستوى
فهميهم يالحبيبه .آه يا اغلى حبيبه
يسالوني وانتي اكبر من سوالفهم جميع
وانتي اجمل ما خلق ربي بهالكون الوسيع
ودي اتلاشى بدون عيونك الخجلى اضيع
اعذريهم يالحبيبه ..آه يا اغلى حبيبه
علميني ليه احبك حب ما حبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
اعذريني يالحبيبه ..آه والله حبيبه "

دانة: ايوه على الغراميات من تركي

عهود: لا هذا رقم غريب

دانة : تركيه اكيد ذا من اللاعبين

عهود: قولتك ...طيب مش طالبين

نجود: أي والله اني جيعانة ومشتهية شورما خاطري فيها من زمان

عهود: اوكي بس يكون فيها ثوم لاني الصراحة ماحبها من غيره

دانة: شلون تأكلينه ماتستحين تحشرين زوجك

عهود: لا احرم نفسي بعد على حسابه روحي زين
فروحة: يلا لاتسوون لنا سالفة وطلبوا

وطلبوا لهم وجلسوا ياكلون وهم سوالف وضحك وقطع عليهم صوت مسج مرة ثانية

"*اتركـ جمالكـ ياحبيبي على جنب
غير الحلا تعجبني بزود طيبكـ
كلكـ على بعضكـ تجنن وتنحب
حظي كبير اللي جعلني رفيقكـ
إن كان حبي بنظر بعضهم ذنب
يامرحبا والله بذنب يجيبكـ
ماقول غير الله يخليكـ يارب
ويعمي عيون من حسدها تصيبكـ*

نجود: من نفس الرقم

عهود: أي شيبي ذا

فروحة: ناس فاضية

عهود: خليني امسحهم

نجود: لا ياذكية خليهم يمكن تحتاجين للرسايل حلوة بعدين

عهود: واذا شافهم تركي تبينه يسوي لي سالفة وانا مالي خلق له وهذرته

نجود: طيب حفظيهم بالملاحظات وبكذا يكونون من دون رقم

عهود: فكرة حلوة

وحفظتهم بالملاحظات وبعدها انزلوا عند الخالات وشافت خالها بسام وراحت
وجلست جنبه

بسام: هلا بالطش والرش والبيض المفقش

عهود: وعععععع مالقيت تهلي بي غير بالبيض

بسام: حمدي ربك جالس اهلي بك ولا انت كفو

عهود: قد هالكلام

بسام : وانا اقدر بس طمنيني شلونك مع تركي مرتاحة

عهود: الحمدالله

بسام: وظهرك شلونه الحين

عهود: احسن اليوم بس مش مخليني اعرف انام

بسام: اوف عاد كيسة النوم انت

عهود: هذا من عيونكم مش عارفة اخذ راحتي بالنوم كل ساعة منتبها من ظهري