منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-07-2010, 01:25 AM

بعد مرور 7 سنين

الساعه 11 الظهر تاني يوم من ايام عيد الفطر

ريما نايمة في حضن طلال فوق السرير ولابسة شورت ساتان وبدي موف وطلال لابس بوكسر ومتغطين بالبطانية

فجأة السرير سار يتحرك

>> يماما يادبة دومي

ريما وطلال سارو يتحركو

>> يلا ياماما دومي نبعى نلوح

ريما تكلم طلال بشويش عشان أنس لاينتبه لهم>> طلال امسكو بشويش طيب

>> دوم يابابا بسلعه

أنوس ينط نط فوق السرير قام طلال بسرعه وشالو وسار يدغدغو

طلال وهوا يدغدغ انوس>> ماما دبة ها

أنس ميت ضحك >> هههههههههههههههههههه حلاس حلاس

قامت ريما وجلست على السرير وابتسمت >> طلال سيبو شوف كيف ميت ضحك

أنس>> هههههههههههههههههههه حلاص سيبو تدول لك

طلال شال أنس وباسو>> اخر مرة تصحينا كدا

قام أنس وراح جري ورمى نفسو في حضن ريما ورفعو راسو وسار يطالع فيها>> ماما متى نلوح بيت حالة تتون

طلال>> تتون مرة وحده

ريما وهيا حاضنه انس وتبوسو>> دحين فين غرام

أنس>> علام تفلز على التفزيون

طلال>> يلا ريمو مو اليوم الغدا عند هتون

ريما>> ايوا بس البسهم ونروح

طلال>> يلا

دخل طلال الحمام .. صلحت ريما شعرها ولموتو

أنس وهوا يطالع في ريما>> ماما

ريما وهيا تلم شعرها>> نعم

أنس>> اتي حوة(انتي حلوة)

مسكت ريما خشم انس وسارت تطالع في عيونو>> وانت تجنن

شالتو ريما وخرجت من الغرفة وانس حضن ريما بقووووووة وباسها في خدها>> احبت

ريما>> وانا اموت فيك

خرجت ريما من غرفتها وراحت للصالة وهيا شايلة أنس>> غرام غرام

غرام جالسة تتفرج على التلفزيون>> انا هنا ياماما

دخلت ريما الصالة وجات غرام جري وباست خد ريما>> صباح الخير

ريما>> صباح النور.. فطرتي يااماما

غرام>> ايوا صحيت الصباح ونانا سوت لي كورنفليكس

أنس>> انا تمان اتلت تونفليتس

ريما>> بالعافية.. يلا ماما روحي خذي شور انتي وانوس عشان نروح بيت خاله هتون

غرام >> حاضر .. يلا انوس

أنس مسك في ريما بقوة وعقد حواجبة >> لا ماابعى .ماما اتي لوسيني

ريما شالت انس وباستو بقوة >> طيب يلا تعالو الحمام

راحت ريما مع عيال الحمام عشان تروشهم

ريما كملت حياتها مع طلال وجابت أنس وغرام .. غرام عمرها 5 سنين وأنس عمرو 3 سنين ونص غرام هادئة لأبعد درجة تاخذ من طلال ملامح كثيرة بس في الطباعه كأنها ريما هادئة ورمنسية وحساسة اما أنس شقي وحرك ومرجوج زي طلال بالتمام

رنيم وهيا ماسكة بلوزة >>>ياعبد العزيز الهم

عبد العزيز وهوا ورى السرير>> قلت لك ماني لابس جينز وتي شيرت

رنيم>> وليش ان شاء الله

عبد العزيز>> ابغى البس ثوب ماني لابس جينز وتي شيرت لو ايش يسير

رنيم>> والله لأقول لابوك يجي يوريك كيف شغلك

راكان كان نايم وقام على صراخ رنيم وعبد العزيز وراح الغرفة>> استغفر الله ايش في انتي ويا تصيحو

رنيم>> ياراكان شوف مو راضي يلبس

راكان>> عزوز ليش ماتلبس يابابا

عبد العزيز>> بابا انا ماني بزر الشغاله تلبسني

رنيم>> طيب اهوا انا بلبسك

راكان>> طيب امك بتلبسك

عبد العزيز>> ماابغى جينز ابغى توووووووووووب

راكان وهوا يتثاوب>> يارنيم لبسي الي يبغى خلاص

رنيم حطت البلوزة على راسها وسارت تصرخ >> لاااااااااااااااااااا توب لا كم مرة يلبس توب حيبلبس الملابس دي خلاص امس لبس ثوب اليوم جيييييييييييينز

عبد العزيز>> قلت لك ماني لابس

راكان>> خلاص ياعبد العزيزالبس

عبد العزيز>> يابابا ماابغى

راكان فرص عيونو في عبد العزيز>> قلتلك البس

عبد العزيزيخاف مرة من ابو>>طيب

لف راكان وجهو ورنيم ضحكت >> احسن غصبن عنك أصلا انت ماتمشي إلا كدا

مد عبد العزيز لسانو لرنيم واخد الملابس من رنيم وجلس يبلس

خرجت رنيم وهيا منتصره على عبد العزيز دايما تقوم بينها وبينو حرب على الملابس وطبعا المنتصر دايما رنيم

راكان>> رنيم

رنيم>> هلا

راكان>> خبلة انتي يارنيم

رنيم>>> ليش

راكان>> ترى سمعتك لما قولتي لو احسن

رنيم>> هههههههههه قهرني

راكان>> خبلة ماعمرك حتكبري

رنيم>> كيفي

راكان>>خلاص لبستي يعرب

رنيم>> ايوا لبستو ونام

رنيم جابت ولدين عبد العزيز ويعرب وطبعا زي مانتو شايفين طول النهار رنيم وعبد العزيز في مضاربات كلو عشان الملابس رنيم تبغى تلبسو على كيفها وهوا يبغى بلبس على كيفو .. عبدالعزيز عمرو 6 سنين اكبر من غرام بنت ريما ويعرب عمرو 9 شهور .. عبد العزيز نسخه من ابو ريما في الشكل لاكن في الطباع زي راكان عندي وراسو ناشفة لأبعد درجة

شهد>> طارق

طارق>> نعم ياماما

شهد>> خلاص لبست يابابا

طارق>> ايوا يااماما خلاص

شهد>> تعال وريني شكلك

جا طارق وهوا لابس ثوب ووقف قدام امو

شهد باسو وصلحتلو الشماغ>> وه ياناس فديت جمالو انا

طارق ابتسم>> يعني اخقق غرام اليوم

شهد>> تجنن غرام مو بس تخققها

طارق>> فين بابا

شهد>>ابوك نزل يلا انزلو وقولو ماما دحين نازله

طارق>> ماما

شهد>> نعم

طارق>> خاله رنيم جاية

شهد>> ايوا كلهم جاين

طارق>> طيب انا نازل

لبس طارق جزمتو ونزل السيارة

شهد ماجابت غير طارق عمرو 6 سنين كلو احمد في الشكل والطباع مو اخذ من شهد ولاشي

حسام وهوا ماسك خلود وهيا حامل >> شوي شوي حبيبتي

طلع حسام خلود السيارة وقفل الباب وراح من الجهة التانية وركب

خلود>> حسام

حسام>> ياعيون حسام

خلود>> مدري احس في بألم في بطني

حسام>> يعني في ولادة

خلود>> والله ماادري

حسام>> نروح المستشفى

خلود>> لالا مالو داعي الم بسيط

حرك حسام وراح على بيت هتون وهوا يمشي بشووووووووووووويش خلود جلست 7 سنين ماحملت كل ماتحمل يطيح البيبي حملها مرررررررة عزيز وهذا اول حمل يمسك معاها للشهر التاسع طاح لها قبل كدا 3

هتون>> ياعبد الرحمن يانجود

نجود>> لبية يمى

هتون>> وين ابوك

عبد الرحمن>> نزل السوبر ماركت يجيب العصير

هتون>> خلاص لبستو

عبد الرحمن>> ايه خلاص

نجود>> وين خالاتي للحين ماجو

هتون>> دحين يجو..... عبد الرحمن

عبد الرحمن>> لبية

هتون>> الله يرضى عليك روح جيب من هناك العوده عشان ابخر البيت

عبد الرحمن>> حاضر

هتون جابت عبد الرحمن ونجود الفرق بينهم سنة عبد الرحمن 5 سنين ونجود 6 سنين عبد الرحمن في جمال النجدين وهيبة شبابها صح صغير بس ماشاء الله في هيبة سبحان مين حطها في.. والي يسمع لهجتهم يقول هذول ساكنين في الرياض مو في جده لهجتهم نجدية بحتة من فهد حتى هتون سارت تتكلم نجدي

خلصت مروج ولبست عيالها وركبو السيارة

مروج>> كيان

كيان>> نعم

مروج>> لااشوفك تتضاربي مع عبد العزيز

كيان>> هوا الي يدربني مو انا

مروج>> لو كلمك روحي قولي لاخاله رنيم

كيان>> انا اثاثا ماالعب إلا مع غلام ومع طالق

مروج وهيا تهز احمد على روجولها احمد يبكي>> خلاص يااحمد لاتبكي

ايمن>> يامروج يمكن موسخ الحفاظة

مروج>> لا غيرت لو قبل لااطلع

ايمن>>طيب يمكن جيعان

مروج>> كيان اديني الشنطة من جمبك

اعطت كيان لأمها الشنطة وطلعت مروج من الشنطة الرضاعه واعطها احمد

مروج اتزوجت ايمن وجابت منو بنت تجنن كيان عمرها 5 سنين وعندها حمود احمد حماده هههههههههههه عمرو سنة ونص يجننو عيالها ياخذو العقل

لينا>>> محمد

محمد وهوا يلبس ماجد الشماغ>> ايوا كدا حلو.. ايوا يابيبي

لينا>> حمود الله يسعدك جيب لي العباية من المغسلة بسرعه

محمد> طيب البسي أي عبايه من الي عندك

لينا>> لا حمود الله يسعدك

محمد>> ها ماجد نروح نجيب لأمك العابة ولانخصرها

ماجد>> ههههههههههههههه لا حرام

محمد>> يلا قوم نروح نجيب العباية

خرج محمد مع ماجد يجبو عباية لينا

لينا ماجابت غير ماجد عمرو 7 سنين يجنن ياخذ العقل ملامحو مررررة حاده وعيونو تجنن من جد ماشاء الله حلو

نوف>> خالد يلا لانتأخر

خالد حضن نوف>> خلاص حبيبي خلصنا

نوف>> يلا

خالد>> نوف شوي شوي حبيبي عشان بطنك

نوف>> لاتخاف ماراح اجري ههههههههههههه

خالد>> هاتي يدك

مسك خالد يد نوف ونزلو من الدرج بشويش اليوم تاني العيد والجمعه على الغدا في بيت ابو خالد.. خالد مااتزوج غير من 3 سنين لانونوف كانت تكمل دراستها ونوف ماحملت غير دحين وخالد مرررررررة مبسوط يحب نوف ويموت عليها ونوف تموت على شي اسمو خالد صح اتزوجو تقليدي بس الحب بينهم كل يوم يكبر ويزيد

ناصر>> يانهى يانهي لكي ساعه وانتي تلبسي

نهى>> ناصر فين ساعه توي خرجت من الحمام

ناصر>> يلا يابيبي اهلي جالسين يستنونا على الغدا

نهى>> خلاص والله خلاص بس 5 دقايق اسوي شعري

ناصر>> يلا انا استناكي برى... اخذ جود

نهى>> لالالا خليها توها نامت انا اشيليها معايا

خلصت نوف لبس وشالت جود نزلو نوف وخالد وركبو السيارة وراحو على بيت ابو ناصر... نهى ماجابت غير جود عمرها 2 ونص .... نهى اتزوجت ناصر .. لاتستغربو ناصر يموت في نهى وفي حاجه مهمه ربي مايخذ حق احد من احد ثاني يعني ذنب بنات الناس الي طلال لعب فيهم ربي ماراح ياخذو من نهى الي مالها ذنب طلال اخذ جزائو واتكسر

ام هتون>> يانوارا ياناصر يلا

ناصر>> امي انا من اول مخلص شوفي نوارا بنتك هيا الي ماخلصت

نوارا>> امي وربي لو ماانكتم ناصر لا يتدعس ماني اصغر عيالو عشان يكلمني كدا

ابو هتون>> ايشبها دلوعة ابوها زعلانه

نوارا>> ناصر مصدق نفسو

ابو هتون>> ناصر لاتزعل اختك الله يرضى عليك

نوارا>> لا تصدق برت قلبي اااااااااااااااااه