منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-07-2010, 01:09 AM

راحو ريما وطلال وركبو تاكسي

ريما> طلال بعيد المطعم من هنا جيعانه
طلال>> لا حبيبي مو مرة بعيد
ريما>> طلال كم مرة جيبت باريس
طلال>> جبيتها زمان مع الشباب قبل 3 سنين امكن
ريما>> حركات انبسط
طلال>> لا
ريما>> ليش
قرب طلال خشمو من خشم ريما >> عشان انتي ماكنتي معايا
ريما>> اموت فيك
طلال>> وانا احبك.... شوفي حبيبي النافورة

لفت ريما وجهها >> الله تجنن
طلال>> كمان من قريب مرررررررررة حلوة .. ان شاء الله بكرة اجيبك هنا الصباح
ريما>> ان شاء الله
حضنت ريما طلال وسارو يهرجو لين وصلو المطعم... نزلو ريما وطلال المطعم

طلال>> يلا حبيبي
دخلو المطعم وجلسو على الطاولة وطلبوا لعشا

اتعشو لينا ومحمد ونامو عشان بكرة جمعة ويوم السبت يبدأ دوم محمد
وصلو البنات مروج بيتها وراحو بيتهم .. دخلو الغرفة وفسخو عبيهم
رنيم>> يالله من جد ريما وحشتني
شهد>> حتى انا
هتون>> خاله تقول انو طلال كلم امو وقال لها انو الدراسة بدأت وراح عليه المقعد وراح ينزلو السعودية
رنيم انبسطت>> اماااااااااااااااااااااااااااااااااااااانه
هتون>> والله
شهد>> وليش ماقلتو لنا
هتون>> انا مدري اليوم قالت لي احسب عندكم خبر
رنيم>> الله وناسة اختي بترجع ااااااااااااااااااااااه
نوارا>> حركات يعني بتتحضر في شبكتكم ونااااااااااااااااسه بيسير فرح في عيلتنا
هتون>> ليش الحمد لله افراحنا حلوة
نوارا>> مو كدا بس ريما فرحها بسرعه بسرعه وريما ماكانت تبغى طلال.. وشبكت شهد وخلود كانت راح تكون غبية من غير ريما بس دحين ام الفلة
خلود>> هاي في فيلم يجنن اليوم بيجي في mbc max شغلي التلفزيون
شغلت رنيم التلفزيون وجلسو البنات بتفرجو

لاخذلك الوقت ياقلبي ابتسم
الزمان طبعه كدا فرحه وهم
المتصل فهد
قامت هتون وردة على فهد>> هلا فهد
فهد>> لاتكلميني انا زعلان منك
هتون>> افا ليش
فهد>> يعني انا لو مسأل عليك ماتسألين عني
هتون>> والله مو كدا يافهد بس شبكة اخواتي بعد اسبوع وكم يوم ومشغولين شويا
فهد>> ماشاء الله .. الله يوفقهم يارب
هتون>> امين .. كيفك
فهد>> بخير الحمد لله كيفك انتي
هتون> ماشي الحمد لله
وجلست هتون تهرج مع فهد والبنات يتفرجو تلفزيون

ريما>> الحمد لله
طلال وهوا ياكل> ريما ريما ايش دا
ريما>> ايش في
طلال>> مااكلتي كويس
ريما>> طلال الحمد لله وربي بطني اتنفخت من الأكل
طلال>> عشاني كملي صحنك
ريما>> والله ياطلال شبعانه
طلال>> عشاني ريمو
ريما>> طيب
كملت ريما اكل مع طلال .. وطلال مبسوط انو ريما تسمع كلامو
رجع راكان الفندق ودخل الغرفة
غير ملابسو ولبس البيجامه وحط راسو ونام عشان بكرة المعرض ويبغى يقوم بدري يخلص كل شي ويتجهز للمعرض

ريما>> خلاص ياطلال
طلال>> بالعافية ياروح طلال.. تبغي شي تاني
ريما>> لا ياقلبي الحمد لله
حاسب طلال ومسك يد ريما وطلعو من المطعم .. وقفو سيارة تكسي وراحو الفندق
احمد>> هلا حبيبي
ابو لينا>> مراقبهم كويس
احمد>> اية اني معاهم من بدري بس ماحسو فيني
ابو لينا>> ومتى حتخلصو
احمد>> باكر ان شاء الله بجيب الشباب ونروح
ابولينا>> ماابغاكم تتركو اثر وراكم اوكي
احمد>> لاتوصي حريص
ابولينا>> يلا ابغى اسمع اخبار حلو
احمد>> اعيون ياغالي
ابولينا>> باي
احمد>> باي
الله يستر ايش راح يسير لريما وطلال... وصلو ريما وطلال الفندق حاسب طلال التاكسي وطلعوا للسويت حقهم... غير طلال ملابسو ولبس بجامعه بنطلون اسود وبلوزة كت حمرا ولبست ريما شورت يجنن كلو فيسات تويتي جمب بعض والبلوزة عريانه بيضة وعليها فيس تويتي كبيييييييييييييييييييييييييييير خلت شعرها مفرود وحطت عطر ولفت وجهها على طلال
طلال وهوا نايم فوق السرير وحاط يدينو تحت راسو
ريما ميلت راسها بدلع>> حلوه البجامه صح
طلال>> لا ماهي حلوة
مدت ريما بوزها>> مااحبك
طلال>> اشوف لفي كدا
لفت ريما حولين نفسها
طلال>> ايوا دحين سارت حلوة
ريما >> لا ياشيخ خلاص زعلت
طلال>> عارفة ليش دحين سارت حلوة...عشان انتي لبستيها
راحت ريما جري ورمت نفسها فوق طلال>> رقع لنفسك يادبه
طلال>> والله اتلكم من جد
باست ريما طلال عند اذنو وقالو بصوت وااااااااااااطي>> احبك
طلال>> واناااموت فيكي
حضن طلال ريما ونامو عشان بكرة يتسعدو ليوم جديد

مر الوقت وسارت الساعه 2
ورجعت ريم من الفرح وعلى طول على الجوال واتصلت على انس
انس جالس فوق السرير على النت يستنى ريم ترجع واول مااتصلت على طول رد
انس>> هلا ريمو
ريم>>سوري ياقلبي اتاخرت عليك
انس>> لا ياعيني عادي.. اتونستي
ريم>> والله فلينها مرة وناسة كان الفرح
انس>> وايش لبستي
ريم>> اممم لبست فستان اصفر
انس من غير مايحس قال لريم>> اتوقع حلو عليكي اللون الأصفر لانو كان ياخذ العقل على ريما
سكتت ريم شويا
انس ارتبك>> اسف ريم والله اسف ماادري كيف طلعت مني سامحيني
ريم>> لا عادي مو مشكلة انا عارفة انو ريما لسى في قلبك
انس>> والله اسف
ريم بترطب الجو>> خلاص يادبه قلنالك ماسار شي
انس>>> غدير راحت معاكي
ريم>> ضروري تبغى غدير تضيع عليها فرح
انس>>> هههههههههههههههههههه البنت دي دااااااااااااجه هههههه
ريم>> بقوة
وجلست ريم تتكلم مع انس وتحكي ايش سار في الفرح وانا متحمس لهرجتها نفس اسلوب ريما في الكلام بس الفرق بالوصف ريما كل افرحهم فخمه وكبيرة اما ريم افراح الناس العادية في المدينة

هتون>> اووووووووووف فهد الساعه 2
فهد>> يالله الوقت اخذنا من غير مانحس
هتون>> يلا روح نام لاتتأخر بكرة عنك الدوام
فهد>> هتون بكرة جمعه أي دوام الي تقولين عنه ههههههههه.
هتون>> ايوا صح نسيت على بالي بكرة خميس
فهد>> لا بكرة جمعه وعندي اجازة .. اه هتون يسير اطلب منك طلب
هتون>> عيون لك
فهد>> الله يسلمك.. هتون يسير بكرة نفطر سوا .. احس الفطور معاكي له طعم تاني
هتون>> اممم طيب فين بتفطرني
فهد>> وين ماتبين
هتون>> ابغى افطر كبده ههههههههههههه
فهد> والله
هتون>> ايوا
فهد>> خلاص سار احلى كبده لأحلى هتون
هتون>> بس في بكرة احد يسوي كبده الصباح بكرة جمعه
فهد>> إية قدام البحر يسون الي عند ملاهي عطا الله
هتون>> ههههههههههههههه خلاص اوكي انا بكرة على 9 اكون عند استار بكس اخلي السواق يحطني ويروح
فهد>> اوكي انا انتظرك
هتون>> يلا فهودي في امان الله
فهد>> مع السلامة
قفت هتون ولفت وجهها لقت البنات كلهم نايمين .... قفلت هتون التلفيزون ونامت معاهم
مر اليوم وكان يوم حلو لريما ولريم لانو انس بدأ يتقرب منها وريما بدأت تحب طلال وبدأ قلبها بتعلق في طلال مرة يجنن معاها ومرة طيوب
هتون وفهد علاقتهم مرة حلوة وبكرة عازمها على الفطور ولينا ومحمد مبسوطين في بيتهم الي في الشرقية الحمد لله يعين اليوم كان في احداث حلوة لبنات العز

صحي راكان بدري واتروش ولبس ونزل يفطر خلصو مشعل ونواف لبس وخرجو واتقابلو مع راكان
مشعل>> الله بالخير راكان
راكان>> هلا والله صباح الخير
نواف>> صباح النور
راكان>> نازلين تفطرو
مشعل>> ايه
راكان>> يلا
طلبو المصعد ونزلو يفطر
صحيت ريما ودخلت الحمام غسلت وجهها واتوضت وصلت .. طلعت فوق السرير ونامت جمب طلال وحطت يدها على شعر طلال وسارت تلعب في>> حبيبي طلول
طلال وهوا نايم>> امم
ريما>> يلا حبيبي قوم الساعه 8
فتحت طلال عيونو بكسل لوما شاف ريما ابتسم >> صباح الخير
ريما>> صباح الورد يلا قوم
حط طلال يدو على راس ريما وقربها منو وباس جبينها وجلس على السرير شويا ودخل الحمام
لبست ريما بنظلون سكني رصاصي وبلوزة سوده هاينك ولبست حزام ابيض وشوز بيض وشنطة بيضة طويلة وسوت شعرها بق من قدام ومسكتو ذيل حضان حطت مسكرة وبلاش وكحل ماكثتر مكايج وطلعت لطلال بنطلون جيزن وبلوزة موف من لاكوست وطلعت لو شوز موف وبوكسر ابيض ههههههههههههههههه
طل طلال من الحمام ولقى ريما لابسة>> ماشاء الله لبستي بسرعه
ريما>> لا مو لبست بسرعه بس انت تجلس ساعه في الحمام
غير طلال ملابسو واتعطر وجلجل شعرو ونزلو يفطرو

نزلو ريما وطلال معطم الفندق

طلال>> تعالي انتي اجلسي وانا اجيب لك فطور
ريما>> ليييييييييش
طلال>> لانك ماراح تجيبي شي زي امس جيب لي حبة توست ومربى وقلي فطر
ريما خبطت راسها >> يالله

طلال>> ايش في
ريما>> نسيت الدوا
فك طلال الشنطة الي على وسطو فيها الفلوس والجوال والبطايق وطلع منها الإبراة والأنسولين >> كنت عارف انك راح تنسيها
ريما >> طلال انت كيف عرفت اني مااخذت الدوا
طلال>> فتحت الثلاجه عشان اشيك اخذتي الدوا ولا لاء ولقيت الإنسولين زي ماهو عرفت انك مااخذتي
اخذت ريما من طلال الدوا وباستو في خدو>> الله لايحرمني منك
طلال> ولا منك .. يلا انا اروح اجيب الفطور
جلست ريما على الكرسي ورفعت البلوزة شويا مرة منها ودقت الإبرة في بطنها
وجلست تسنى طلال يجب لها الفطرو

نواف>>> مشعل شوفي اميرتك
لف مشعل وجهو على ريما >>> ايه يامعود خلاص تزوجت
راكان ماعرف مين لانو مدي ظهرو لريما>> اف تحب وحده واتزوجت
نواف>> مو حب بس عجبته لما شافها بإيطاليا والبنة ماعطته فيس قالت لها انا احب واحد
لف راكان وجهو لقها ريما انصدم>> ريما
مشعل استغرب>> تعرفها
راكان>> ايوا بس انت ايش عرفك فيها
مشعل>> لما كنا بإيطاليا اول الصيف كانو معانا بنفس الفندق وكانت قاتلتني بس ماعطتني فيس لانها تحب واحد ثاني
نواف>>> تعال انت من وين تعرفها
راكان>> تسير اخت خطيبتي
نواف>> لا من جد
راكان>> والله
مشعل> يالله ياصغر الدنيا
نواف>> والحين هذا الي كانت تحبه
راكان>> لالا
مشعل>> شلون لا
راكان>> كانت تحب واحد... وجلس راكان يحكي مشعل ونواف قصة ومعانات ريما

جاب طلال الفطرو وحطو وحطو على الطاولة

ريما>> طلال ايش دا مرة كثير
طلال>> هذا كلو بتاكلي فاهمة
جلس طلال مع ريما وفطور

مشعل>> مسكينة
نواف> بس احسها مبسوطة ويا ريلها
راكان>> ماادري بس يمكن طلال قدر ياخذ قلبها ماادري
مشعل>> الله يهنيها من جد قطعت قلبي عليها
نواف>> راكان متى بتروح المعرض
راكان>> دحين نفطر وبروح
نواف>> حلو انا كمان بروح من الحين برتب واخلص كل شي

صحيت هتون من النوم الساعه 9إلا ربع دخلت الحمام وصلت ولبست واتصلت على سبايردمان عشان يجيها.. نزلت هتون لقت ام ريما وعمها
هتون>> صباح الخير
ابو ريما>> صباح النور .. على فين
ام ريما>> صباح النور
هتون>> صحبتي هند ولدت
ام ريما>> مشاءا الله تبارك الله
هتون>> وبروح احمد لها بالسلامة البنات كلهم عندها
ام ريما>> طيب قولي لسوبرمان يشغل السيارة
هتون>> لالا انا كلمت سبايدرمان وجاني
ابوريما>> ليش يابنتي السواق برى
هتون>> تسلم ياعمي عشان كمان بمر اخذ لها شي قبل مااروح المستشفى
طلعت ابوريما البوك من جيبو وطلع 200 ريال>> خدي جيبلها شي
هتون>> لاياعمبي تسلم معايا فلوس
ابوريما>> خدي يابنت
هتون>> والله ياعمي معايا
ام ريما>> خدي يابنت من عمك
اخذت هتون الفلوس وهيا منحرجه>> والله ياعمي معايا
ابو ريما>> يلا روحي بسرعه عشان نطلع نتغدى على 2
هتون>> طيب .. يلا باي
ابوريما> باي
خلص فهد لبش اتكشخ واتزبط ولبس ثوب وشماغ احمر ومزبط نفسو ولد الرياض هههههههههههههههههههههههههههههه ركب السيارة وراح على ستار بكس
خلصو نواف ومشعل وراكان فطور وراحو المعرض
خلصت ريما وطلال فطور وطلعو من الفندق ووقفو تاكسي وراحو على على المتحف

ايش راح يسير لريما وطلال ابولينا مو ناوي على خير؟ وفهد وهتون اليوم بيفطرو سوا ايش راح يسير بينهم؟ ايش راح يسير اليوم في المعرض حق راكان؟