جيتك , وأنا في داخلي زحمة كلام
ألف أبو مليون .. قصه , وسالفه !


شي حزن, وشي بوح, وشي ملام
وأكثره (( آهات روح ٍ )) .. تالفه


قلت أسولف لك عساي أقدر أنام
وأستريح .. من العنا .. وموالفه !


طارت أسراب الحكي بإسم السلام
تحلم بـ (غصن السماع) .. تحالفه


ماتحقق حلمها ,,, ومات الـحمام
والبقيه ,, بـ رأس (باقي السالفه)!

أخاف ان قلت لك:
والله، ورب الكون
أنا أحبّك

تشحّ بـ جيّتك يمّي
و "تتبغدد" /
وتجفاني !!

يا اللي تقول ان الهوى
لا عبن بك
لا الصوت يا صلني،
ولا أقدر أحاكيك!


للحين أحبك ..
والأماكن تحبك
والذاكرة ..
ما زالت تجيب طاريك

خيل القصيد
اللي رسنها بـ ( يمناي )!،
[ عيّت ] .. تجسّد ..
بـ القصايد طعوني ..!!


لين [ انتخى ] همّي،
وجيته من اقصاي ..
حتى الهموم افزع لها
[ لانتخوني ] .. !!

لي شعورٍ ليت قلبك / يوصله
مايكفّي عنه أعبّر بالكلااااااام!

حتى جرحك في حشاي ّ/ مدلّله
حط راسه فوق قلبي، لييين نام!

آحس صدريْ (صبح)،
والقلب عصفور !
و آحس ضلعيْ نآي ,
و الحلم رآعيْ !


رتبت لك أمآلي البيض
بـ الدور
قوم أقطفها ..
لآ يهمك ضيآعيْ !

مسا الخيرات ياصوت :
طرق سمعي ..
وانا ساهي ..
تقل : صاحي !
تقل : نايم !
مابين , وبين / واوحيته ..


مسا الخيرات ..
ياثلج :
تلحف حمرة الشاهي
حكيه
بكل لغات الآرض
يفهم / من شفافيته ..

وش تبي ..
كلمة أحبك ؟؟
ما أحبك !
بس أموت
بكل صوت تغرده
صبح وعشية !