منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:57 PM

خلود>> كييييييييفي

هتون>> بس ياام الشر انتي حرة

ام هتون>> شهد خالتك كلمتني

شهد استحت

هتون>> ايش قالت لك

ام هتون>> تقول حدد يوم عشان نملك

نوارا>> بدي السرعه

ام هتون>> ايوا خلاص الولد وعارفين وشافها وشافتو ايش نستنى

خلود >> من جد

هتون>> طيب ايش قلتي لها

ام هتون>> قلتلها اشوف ابوكي وبعيد اردلها

نوارا>> خليها هيا خلود في ليلة وحده

ام هتون>> انا كدا جالسة افكر

خلود>> يع انا وانتي في ليلة وحده

هتون>> لا ياامي يقول الأخوات لما يملكو في ليلة وحده ..وحده منهم تسعد والتانية تتعس

ام هتون>> قل لن يصيبنا إلا ماكتب الله لنا وبعيدن مافي شي من القران والسنة يقول كدا

البنات فتحو فمهم امهم من يوم ماجو من برى وهيا متغيرة العادة تقول نسوي لهم حجاب ولانلبسهم خرزة زرق

هتون>> سبحان الله

خلود>> من جد سبحان الله

ريما حطت يدها على فمها ونقزت>> الله ياحيونه يعني شوفت يوم الربوع

مروج وهيا تصلح البلوزة >>احم احم يس

رنيم>> افا انتي تتزوجي وانا ريما نعنس اهب

مروج>> وجع قولي ماشاء الله

رنيم>> ماني قايله اهب اهب اهب

ريما>>ههههههههههههه طيب ايش بتلبسي

رنيم>> اكيد تتسلتح وتاخذ ملابسنا

مروج>> لا ياعمري بابا اداني فلوس وبننزل انا وانت اليوم السوق نشتري

رنيم>> طيب حلو متى ننزل

مروج>> يعني بعد المغرب

ريما>> انتي دارية انو شوفت خلود يوم بكرة

مروج>> امانه

ريما>> والله امس قالت لنا واتخيل انو امس احمد خطب شهد

مروج>>> يلعن ام الفلة يعني امس شوفت شهد و بكرة شوفت خلود والربوع شوفتي

رنيم>>> ومايدريكي متى شوفتي انا وريمو امكن اليوم ههههههههههههههههه

ريما>> بس ياامك

رنيم>> ماتدري سبحان الله

ريما>> اقول يلا بس من هنا .. مروج قومي نطلع فوق اديكي هديتك واوريكي الصور

رنيم>> قصدك هداياااااااااااااااااااااااااتك مو هديتك

مروج حضنت ريما >> حبيبتي وجابت لي هدية ليش حاقده

رنيم>> مو حاقده بس ابويا بيفلس بسببك

ريما>> ههههههههههههههه يلا يلا نطلع

مروج>> ريمو صورتي مشعل الي تقولي علية

ريما>>لا طبعا خير اصورو

مروج>> قهر نفسي اشوف

رنيم>> صورنا ممدوح نوريكي هوا هههههههههههههههههههههههههههههه

مروج>> يلا امشو

طلعو البنات على الغرفة حقتهم وطلعو الكاميرا وجلست مروج تتفرج على الصور

رنيم>> شايفة كيف اشكالنا يوم الكرنفال

مروج وهيا تتفرج على الصور>> مين دي البنت

ريما>> وحده من الإيطالين بالله مروج ماتجنن

مروج>> تجنن ماشاء الله

ريما وهيا تأشر على الكام >> شوفي هذا بابا

مروج>> ياربي يسعد قلبو يجنن

رنيم مسكة مروج من شعرها >> هاي لاتحطي عينك على ابويا

مروج>> اح الله ياخدك شوفتي يوم الأربعاء ايش ابغى في ابوكي

رنيم >> هههههههههههه الأربعاء

ريما>> خير رنيم

رنيم>> اسمو الربوع مو الأربعاء

مروج>> ه ه ه يادمك يارنيم

رنيم>> المهم دحين شوفي الأشياء الي ريما جابتلك هيا والبسي شي منها للشوفة

ريما >> ايوا صح خليني اقوم اجيب لك الهدية حقتك

قامت ريما وفتحت الدولاب وطلعت منو كيس كبير

مروج>> ياحياتي ياريما

فتحت ريما الكيس وطلعت منو عطر فرزاتشي جديد وعطر اسكادا الجديد

ريما >> هذي العطور

مروج باست ريما في خدها >> ياحياتي ياريمو

رنيم >> اصبري لاتبوسي في اشياء كثيرة وفري البوسات

مروج>> ياقلبي ياريمو

ريما طلعت من الكيس بلوزة من lv لونها ابيض وعليها حروف ملونه
وشنطة من قوتشي تجنن

ريما >> وهذي البلوزة والشنطة

مروج>> ياريمو والله كلفتي على نفسك

رنيم>> مرة مرة كلفتي على اختي

ريما>> رنوم

رنيم وهيا تاكل لبان >> ها

ريما>> كلي هوا

مروج>> ياقلبو ياريما

ريما>> مروج البس البلوزة دي لما يجي ايمن والبسي عليها تنورة سوده والله شكلك يجنن

مروج>> والله جالسة افكر بكدا

رنيم>> ايوا والبسي الفلات حقي الي من lv نفس البلوزة يطلع شكلك كششششششششخة وسوي شعرك استشوار وارفعي باف من قدام وحطي روح احمر

ريما>> ايوا صح والله يطلع شكلك يجنن

مروج>> طيب يلا نروح نشتري نتورة سودا

رنيم>> وليش الخساير يادب

مروج>> رنوم معايا فلوس

رنيم>> انا عندي نتورة من عند ارماني تجنن خدي البسيها بعدين وديها المغسلة ورجعها ومعاها 30 ريال اجار

ريما>> الله يخسك يابخيلة

رنيم>> ايوا لازم اتاجر اجل اخليها تكشخ على قفانا قدام عريس الغفلة

مروج تطالع في ريما>> مروج انا ليش ساكتة لها

مروج >> مدري
قامو مروج وريما وسار يضربو رنيم بالمخده

العصر الساعه 5

خلص محمد من شغلو وطلع ع المستشفى عند لينا على طول واول مادخل المستشفى لقى حسام و رفع يدو يسلم

محمد>> السلام عليكم

حسام>> هلا والله وعليكم السلام

محمد>> كيفك

حسام >> الحمد لله كيفك انت

محمد>> بخير لله يسلم